ارواحو نحكيلكم شوي على العادات و التقاليد في عراسنا هه هه اجريو

[dana1993]

السلام عليكم
واش راكم؟ هههه عندي 3 ايام مكنتش معاكم كانت عندي مناسبة عرس
و اليوم جيت نحكيلكم على العوايد لي فيهم هههه
ايا بلامنطول ندخل فالميضوع ديراكت
ايا سيدي نبدا بلا منقولكم النهار الفلاني هه بيسك لعراس هنا يومية في اي نهار عرس
راح نبدا انتابهو هه
اليوم الاول مع الصباح يجيو اهل العريس *الرجال* يجيبو الذبيحة*الكبش* هههه ويديرولو فولارا خضرا على راسو هههههه هوما لي يذبحو وهوما لي يسلخو و يديو الشورة تاع العروسة و يروحو معاهم زوج نسا او 3 ياه يعدلو لحوايج في دار لعروسة
فالليل زعما تحني لعروس حنة باباها كيما يقولو و يديرو تقصيرة باهية

اليوم الثاني العرس عند لعروس مع لعشية يجيو اهل العريس يتقهواو وياكلو القاطو*وكان لي يعشيوهم* حوالي 6 مساءا هكاك و يروحو بلا ميشوفو لعروسة و ممبعد فالليل حوالي 10.30 او 11 يولي الكورتاج تاع اهل العريس يروحو يلبسو للعروس سوندالا تاعهم ويخرجوها ويديوها وين راح يحنيولها يحنيولها بالغنا تاع النسا+البندير و لازم لعروسة تلبس تارزي هه كي يكملو يرميو الحلوة من تم وممبعد يحطولها الشاش فوق راسها ويرفدو القشقشة ويحطولها فوق الشاش حتى يتعمر و ممبعد تهبط راسها و تسيحو ههههه و يلصقولها الدراهم في التارزي جهة الرقبة هه و ينعتو الجهاز و يعلقولها موس في الرقبة*كلي سنسلة* يقولك يحمي لعروس ومالازمش تنحيه هه ترقد بيه و ممبعد هوما يروحو ويخليو القفافات هه زعما يعسو الجهاز و لعروس هاذاك النهار لازم تلبس من الجهاز كلشي القندورة وحتى البشماق ههه و ترقد بالموس لمعلق فالرقبة هههه ههه ا

اليوم الثالث العرس في دار العريس مع العشية حوال 6 يجي الكورتاج يدخلو النسا اولا يغنيو والصلاة على النبي هههه و لازم اهل العريس لي يغنيو وممبعد اهل العروس يغنيو اغنية طفلة صغيرة لبست المقياس طهلاو فيها يا خيار الناس .... وو ممبعد يدخل العريس يتكروشاو و يركبو فالطوموبيل*العروس تكون مهبطا لافوال على وجهها و مدايرا البرنوس و مهبطا لاكاقول*الشاشية* على وجهها تاني يعني مستورة* ايا و يروح الكورتاج يحوس كيما العرس لي فوتو نزلو ويتمشاو فالحشيش و ممبعد رجعو ركبو وزدنا حوسنا مي بلا نزيل ههه اسيدي وصلنا لدار لعريس يغنيو باه يدخلوها يدخلها تاني راجلها و يقعد ربع ساعة ويروح هه و اهل العروس يقعدو وحدهم مع لعروسة ميخلطوهمش مع اهل العريس يقهويوهم و يعشيوهم و ممبعد يروحو تقعد وحدا مع لعروس *العروس الصباح تروح لشهر العسل* و كان لي ميباتوش معاها اذا هي راحت الصباح بكري معندهم ما يديرو في دار الناس و فالليل حوالي 12 هكاك تكون الحنة تاع العريس يديرولو مساحة واسعة هههه عطيل يديرو كراسة وطوابل صحابو و معارفو كامل يدورو بيه تروح يماه تحنيلو و يحنيولو زوج صباع ههه زعما كولت ههههه و يديرو الديسك جوكي يشطح معاهم ويشطحو معاه يقصرو بيا ياكلو الحلوى و القاطو و لاطارت و القازوز و مشتقاتهم ويكملو يشاطحو حتى تبدا السهرة لي هي يجيبو مغني او الرحابة والبارود لي داير حالة

اليوم الرابع اهل العروسة يديو قهوة و قاطو لاهل العريس ويروحو و كان لي يدي الغدا مي هاذ العادة في طريق الزوال لانو كي تروح لعروسة الصباح بكري وكان حتى لي يروحو فالليل لمن يديو لحوايج*هوما زعما يروحو يشوفو بنتهم و كي ما تكونش ماشي لازم يديو*
هههههههه

وااااااااع بسيف لكملت ان شاء الله الفكرة لحقت
طاطا + عمو في الانتضار ان شاء الله تقبلوه ههه​

 

[** غزال الصحراء **]

تمت مراقبة الموضوع و الموافقة عليه // .

 

[ماكانش]

ماتحكيناش على الزواج راني حاب نزوج راح نمووووووووووووووت
ههههه
مالقيتش المرا​

 

[جزائرية للابد18]

شكرا للموضوع شكرا

 

[بنـ MaPa ـت]

يعلقولها موس في الرقبة*كلي سنسلة* يقولك يحمي لعروس ومالازمش تنحيه هه ترقد بيه ​

:scared::scared::scared::scared:
:surrender: ياخاه ترقد بيه...كلش كلش هادي لالا كيفاش باش تصبح ميتة وتعود جنازة.....حنا عراسنا مافيهمش هاد الشي نهائيا فالليل يتلمو لافامي عند العروسة يقصرو يديرو معاها لحنة يرجعو لديورهم ومع الصباح يروحو للحفافات ومنبعد تتصدر ويديرو فيها كورتاج شباب فاليل وكل واحد يروح لدار حتان نهار لي يجو يدوها يرجعو....وبالنسبة لعرس العريس فالليل يديرو معاه الحنة تاني وغدوة منداك يروحو يجيبو لعرسة تتصدر ونهار الصبوحي يجيبو القاطو صحاب العروسة وتشطح معاهم شويا...او الف مبروك راني لخصت بالبزاف....مرسي طاطا..​

 

[dana1993]

تمت مراقبة الموضوع و الموافقة عليه // .

يعطيك الصحة

ماتحكيناش على الزواج راني حاب نزوج راح نمووووووووووووووت
ههههه
هههه ربي يكون فالعون ان شاء الله
مالقيتش المرا​

شكرا للموضوع شكرا

العفو مرسي على المرور

:scared::scared::scared::scared:
:surrender: ياخاه ترقد بيه...كلش كلش هادي لالا كيفاش باش تصبح ميتة وتعود جنازة.....حنا عراسنا مافيهمش هاد الشي نهائيا فالليل يتلمو لافامي عند العروسة يقصرو يديرو معاها لحنة يرجعو لديورهم ومع الصباح يروحو للحفافات ومنبعد تتصدر ويديرو فيها كورتاج شباب فاليل وكل واحد يروح لدار حتان نهار لي يجو يدوها يرجعو....وبالنسبة لعرس العريس فالليل يديرو معاه الحنة تاني وغدوة منداك يروحو يجيبو لعرسة تتصدر ونهار الصبوحي يجيبو القاطو صحاب العروسة وتشطح معاهم شويا...او الف مبروك راني لخصت بالبزاف....مرسي طاطا..[/center]

ههههه لالا ماشي موس الذبيحة موس مغلوق ههه ايه فكرتيني نكمل نحكي على حنة لعريس نسيتها هههه يعطيك الصحة مرسي

 

[iméne09]

ههههههههههههههه عراسكم وحدكم اول مرة نسمع بالموس مي وعلاش يعلقوه هدي واعرة حنا ماعندناش هدي عادة نهار لول تاع القش وتعلاق شورة ونهار دوزيام يجبو الكبس مشبح بالورد والحلوى ويلزم يكون بالقرون ووممباعد يدبحوه ويلزم ياكلو من كبدة قبل مايروحو وفي هداك النهار لعروسة تروح للحمام وفي الليل يديرولها الحنة مع لافامي بالغنا ودربوكة وغد من داك يلزم لعروسة تروح للحفافة ونديرو لعرس في لاصال وتقعد غير تتصدر وتتصور حتى تلحق 8 يدو ييدورو بيها في كورتاج لكاش بلاج يشربو ديجي ويعاودو يوليو ونهار خامس يجيو مالين لعريس ويدو عروستهم في كورتاج وهي تروح لتماك تان تتصدر ويف ليل يجي راجلها يدرها لالييونس في لاصال ويديها يحوسو منع بعض وممباعد سبوحي كما قلتي​

 

[liliha]

وتوحشت لعراس لي كيماهاك حنا في عرس خالتي دارت في لاصال بعد اللغدى شربنا قهوة واتاي وقيل و لاكريم وصدرت رقصنا شوية ومن بعد كل واحد راح لدارهم والخميس درنا الكورتاج تعشينا قعدنا شوية ورجعنا انا تعبت غير من الوقيف وقتلتنا السخانة :surrender:راكي فوتي عرس هايل :yahoo::yahoo::sheer::sheer:

 

[معاك يا الخضراء]

وشي هادا كل :glare::glare:
يجي يديني نروحو و السلام
قالتها خمس يام و الشعب يتبع فينا :glare::glare:
يالله يجي يلبسلي الخاتم و يدير مزية يخطفني ثم ثم :shay: :lol: :huh: ​

 

[dana1993]

ههههههههههههههه عراسكم وحدكم اول مرة نسمع بالموس مي وعلاش يعلقوه هدي واعرة حنا ماعندناش هدي عادة نهار لول تاع القش وتعلاق شورة ونهار دوزيام يجبو الكبس مشبح بالورد والحلوى ويلزم يكون بالقرون ووممباعد يدبحوه ويلزم ياكلو من كبدة قبل مايروحو وفي هداك النهار لعروسة تروح للحمام وفي الليل يديرولها الحنة مع لافامي بالغنا ودربوكة وغد من داك يلزم لعروسة تروح للحفافة ونديرو لعرس في لاصال وتقعد غير تتصدر وتتصور حتى تلحق 8 يدو ييدورو بيها في كورتاج لكاش بلاج يشربو ديجي ويعاودو يوليو ونهار خامس يجيو مالين لعريس ويدو عروستهم في كورتاج وهي تروح لتماك تان تتصدر ويف ليل يجي راجلها يدرها لالييونس في لاصال ويديها يحوسو منع بعض وممباعد سبوحي كما قلتي​

ههه مليح حضرت مرا عرس فالعاصمة مي بزاف عراسهم اليوم لعروس لي تعشي لي بعدو عرست فلاسال على حساب ماليها و بعد يوم باه يجي عشى لعريس ولي بعدو يدوها هه يعطيك الصحة ايمان هه

وتوحشت لعراس لي كيماهاك حنا في عرس خالتي دارت في لاصال بعد اللغدى شربنا قهوة واتاي وقيل و لاكريم وصدرت رقصنا شوية ومن بعد كل واحد راح لدارهم والخميس درنا الكورتاج تعشينا قعدنا شوية ورجعنا انا تعبت غير من الوقيف وقتلتنا السخانة :surrender:راكي فوتي عرس هايل :yahoo::yahoo::sheer::sheer:

ههههه مليح هه يعطيك الصحة ختيتو عرس خالتي درناه فالدار مي جاز هايل هه

وشي هادا كل :glare::glare:
يجي يديني نروحو و السلام
قالتها خمس يام و الشعب يتبع فينا :glare::glare:
يالله يجي يلبسلي الخاتم و يدير مزية يخطفني ثم ثم :shay: :lol: :huh: ​

هههههههههه باين عليك مزروبة بلعقل هههه الشعب يتبع فيك؟ هههههه
مرسي يعطيك الصحة

 

[°ضياء القمر°]

واش هاد العادات كامل

العروس للعريس و الجري للمتاعيس هههههه
زوجوهم و خلوهم علاش هاد الخرطي قاعتيك

 

[روعة الأخلاق]

vive al chawiya
نفس عاداتنا باينة انت تاني شاوية
يا ختي كلشي في الجزائر فووور
ربي يحفظهالنا​

 

[معاك يا الخضراء]

هههههههههه باين عليك مزروبة بلعقل هههه الشعب يتبع فيك؟ هههههه
مرسي يعطيك الصحة

:no_1::no_1::no_1: وشي مزروبة هادي :no_1::no_1::no_1: هههه
لالا مش مزروبة مي عادات تقلق :glare::glare:ههههه
صحيتي حبوبة ​

 

[المتفائلة_91]

ربي يهني كل متزوج ومتزوجة حديثين العهد

انا احسن حاجة نحبها هي الكورتاج خاطر فيه لامبيونس سيرتو اذا كنت ماش مع بابا يعني ندير رايي هئه هئه

ميرسي طرح مميز

 

[معاك يا الخضراء]

vive al chawiya

نفس عاداتنا باينة انت تاني شاوية
يا ختي كلشي في الجزائر فووور

ربي يحفظهالنا​

شاوية :scared::scared:
انا شاوية :yahoo::yahoo:
بصح مانديروش هاكا يا بعد :busted_red:
ديجا حنا الناس نعرضوهم فالفاتحة
نهار يعود حيديها غير المقربين
عندنا نهار الثلاث يجيو 2 عباد يديو الشورة
الاربعاء يجيو يحنيولها:glare:
نهار الخميس يجي يديها :glare:
و الغدوة هاديك تصدر :glare:
ولا عادت رايحة voyage تصدر بالخميس برك:wink:
تاع الموس هادي مااااكنش
و واحد ما يبات مع العروسة :glare:​

 

[dana1993]

واش هاد العادات كامل

العروس للعريس و الجري للمتاعيس هههههه
زوجوهم و خلوهم علاش هاد الخرطي قاعتيك

iهههههههه هاذيك هية ناس تعرس وناس تتهرس ههه

vive al chawiya
نفس عاداتنا باينة انت تاني شاوية
يا ختي كلشي في الجزائر فووور
ربي يحفظهالنا​

ههههههه ايه ختي يعطيك الصحة

:no_1::no_1::no_1: وشي مزروبة هادي :no_1::no_1::no_1: هههه
لالا مش مزروبة مي عادات تقلق :glare::glare:ههههه
صحيتي حبوبة ​

هههههه نضحك برك معاك هههههههه

واين الأهم في تلاقي العروسبن وطريقة الأستقبال
والشموع والزقريشات والأختلاط و...............
أنا نقولك كي ديري موضوع دائما روحي لحاجة مهمة
مهوش الكرة في جهة والحارس في جهة​

ممم البالون فالشبكة ونتا غير ترولي :busted_red:

ربي يهني كل متزوج ومتزوجة حديثين العهد

انا احسن حاجة نحبها هي الكورتاج خاطر فيه لامبيونس سيرتو اذا كنت ماش مع بابا يعني ندير رايي هئه هئه

ميرسي طرح مميز

هههه آمين ياربي ههه الكورتاج هههه ايه الله يحفظك

شاوية :scared::scared:
انا شاوية :yahoo::yahoo:
بصح مانديروش هاكا يا بعد :busted_red:
ديجا حنا الناس نعرضوهم فالفاتحة
نهار يعود حيديها غير المقربين
عندنا نهار الثلاث يجيو 2 عباد يديو الشورة
الاربعاء يجيو يحنيولها:glare:
نهار الخميس يجي يديها :glare:
و الغدوة هاديك تصدر :glare:
ولا عادت رايحة voyage تصدر بالخميس برك:wink:
تاع الموس هادي مااااكنش
و واحد ما يبات مع العروسة :glare:​

؟؟؟ والله ياختي بالاك محطيتيش برك بالك انا تاني غير عرس خالتي لي فات لي تولهت ليها هههه و ضحكنا بزاف على الموس هههه تقولي لي يقدم نقتلو بالاكم هههههه
يعطيك الصحة

 

[DARINE05]

تقريبا نفس العادة تع الذبيحة مي الموس لالا اختي نخافو

 

[DARINE05]

شاوية :scared::scared:
انا شاوية :yahoo::yahoo:
بصح مانديروش هاكا يا بعد :busted_red:
ديجا حنا الناس نعرضوهم فالفاتحة
نهار يعود حيديها غير المقربين
عندنا نهار الثلاث يجيو 2 عباد يديو الشورة
الاربعاء يجيو يحنيولها:glare:
نهار الخميس يجي يديها :glare:
و الغدوة هاديك تصدر :glare:
ولا عادت رايحة voyage تصدر بالخميس برك:wink:
تاع الموس هادي مااااكنش
و واحد ما يبات مع العروسة :glare:​

كيما رمروم حنيا

 

[nina bonoise]

الموس في الرقبة ؟؟؟
معندناش احنا
اواه 5 ايام ياسر
نهار ليه و نهار ليا و يديني برك
وعلاه 5 ايام و الغاشي يتبع​

 

[AnGeL*dZ]

واش هاذي العادة تاع لموس هههههههههههههههه:scared:
ياستي محسوب عاداتكم تشبه في تاعنا ناس الشرق
احنا اول نهار
يروحو اهل لعريس لدار لعروسة يجيبوا الشورة ومبعد وهوما راجعين يجيوا وحد 5 نساء من دار لعروسة باش يقدو معاهم الحوآيج :yahoo:
النهار الثاني اهل لعريس يجيبو الكبش ويدبحوه
لعروسة تروح للحمام مع صحاباتها مع انو هاذي العادة بدات تنقرض :closedeyes:
ايه وتزيد تروح عند الكوافيرا ومبعد ترجع للدار هاكا جوايه 3 او 4 تاع لعشية يجيو دار لعريس يحنيو للعروســـــــــــــة و كل عايلة وكيفاه اللي يحنولها على لمحزمة مشبكة واللي على مقايس المهم حاجة ذهــــــــب ويوريو لجهاز

مع العلم كانو الدفاعة بكري يجيبو على لحداش تاع الليل كلش تبدل :glare:
ويغنيوا لغنايات تاع الحنة وتحني ..... وصحباتها دايرين ههههههههه وزعمة لعروسة تبدا تبكي وخلي وسكـــــــــــت ههههههههههههههههههههه:music_whistling:
ايه في النهار الثاني يحني لعريس اذا كانو رايحين فواياج
في دار لعريس النهار الثاني هو لعرس يديروا لعشا ويسهرو ويحنيو للعريس واكي عارفة الشطيح والرديح والسهرة للفجـــــــــــــــــــر :yahoo:
النهار الثالت لعروسة تروح عند الكوافيرا تدير المشطة وتدير الماكياج وترجع للدار اهلها يديروا للغدا للمعروضيــــــــن وهاكا بعد في دار لعريـــــــــــس يديروا لغدا ويروحو يجيبوا لعروسة يدخل لعريس يقعد يتصور مع لعروســة ويشطح معاها زعمـــــــــة ومبعد يخرجها ابوها
ولا خوها ويكون راجلها قاعد قدام الطومبيل يستلمها من باباها هههههههههههه والجماعة ينوضو يشطحو البارود حاظر فيها والطبول هههههههههههه ومبعد يروحو يحوسو يوصلو لدار لعريس نفس لحكاية يخرجو الرجال يشطحو وقبل ماتدخل لعروسة للدار يمدولها الزبدة تدهنها عند باب دار لعريس
يروحو معاها اهلها ويشربو اللقهوة ومبعد لعروسة تبدل وتروح فواياج
اللي ماتروحش لشهر البصل ههههههههه اهلها الصباح يجيبوا لغدا معاهم
وكاين اللي يديروا السابع
المهم وزواج مبارك ههههههههههههههههههههه
​