أهلا حبيبتي فطومة مساء النور ونورتِ موضوعي
المشكلة يا أختي فاطمة راهم يبانو في أخدع حلّة، الرحمة في رجال زمان يروح يحفف ويلبس كوستيم
يبان طوب الله يبارك، تحفيفة ونظافة تبين هيبتو كعريس بصح كي يروح يدير فوندوتان ولا الخزعبلات هادو
يبانو زوج عرايس واقفين ماش عريس وعروسة، وصراحة تلقاي في العرس النساء غيارات ديما يقدحو المرأة مسكينة :/
مهما واش تدير ومهما واش تلبس يقولك هو خير عليها يسما العريس دائما عندو الورقة الرابحة هههه
بصح حسب الخزعبلات لي ولاو يديروها واقيلا العروسة لي ولات عندها الورقة الرابحة
وبالعكس حبيبتي والله درك الكاميرات والفوتوغراف يخرج كي العريس والعروسة طوب الله يبارك ويهتمو بيهم
وصراحة أنا ماش ضد أنو العريس يتحف روحو ولا يعدل ولكن يعدل في الشي تاعو ماش تاع النساء وكاين الف طريقة
للعدلة والجمال خاطر هكا راهي تنقص هيبتو ورجولتو، كيما قالت فيولا عريس ولا راجل ملقط حواجبو؟؟؟
واش من جمال بقى؟ اللطف ياربي، وهكاك نقولو ربي يهديهم ويهدينا ان شاء الله وربي يعافينا
شكرا حبيبتي على كرم مرورك وإبداء رأيك بارك الله فيك
تحياتي
ههه عندك حق انا مع تحسين المظهر لكن ليس الى درجة التخنث
الله المستعان
الله المستعان
