ما نرجعش لدار...الا ادا وفرت لي بيت مستقل...????

  • كاتب الموضوع كاتب الموضوع haben13
  • تاريخ النشر تاريخ النشر
H

haben13

:: عضو منتسِب ::
بسم الله الرحمن الرحيم

الحمد لله و الصلاة و السلام على الحبيب المصطفي

اما بعد
هده اول مشاركة لي في هدا المنتدى الكبير...والكبير باعضائه المتقفين و النزهاء.

انا متزوج حديثا اى مند اربعة اشهر فقط..شائت الاقدار ان اتزوج من فتات ليست من
المنطقة التي اسكن فيها..انا من الجنوب و زوجتي من الشمال
المهم شات الاقدار ان نلتقي و نعجب ببعضنا..
لقد تقدمت لخطبتها من اهلها طبعا بحضور اهلي و كانت الموافقة
بعد ان عرف اهلها وضعيتي من الناحية المادية و السكن الدي هو في بيت اهلي
فكان الرضى المتبادل من الطرفين.
في البداية كانت زوجتي جد سعيدة...وتاقلمت مع الجو العائلي بسرعة
فامضينا اجمل ايام العمر معا من دون مشاكل.
لاكن بعد فترة بدات زوجتي بكترة الشكاوي...بداية من مهام المطبخ الى امور
اخرى لفضية فقط مع والدتي..للعلم ان كل هدا يحدث في غيابي
بعد مرور تقريبا 3 اشهر طلبت مني زوجتي ان اخدها الى بيت اهلها بداعي
الترويح عن نفسها لقد رفضت طلبها في البداية لاننا متزوجين حديثا
لاكنها اصرت على زيارة اهلها لبضعة ايام خصوصا انني كنت في عطلة
وبعد تدخل والداها في اقناعي من اجل زيارتهم وافقت على دالك
واوصلتها الى بيت اهلها
لقد امضيت معها هناك تقريبا 4 ايام رائعة من دون ان الاحض نيتها في البقاء
هناك
و بعد ان حان وقت العودة تعللت بانها ستبقى 10 ايام اخرى كي ترى اختها و اخيها
الموقيمين في بلدة اخرى وهدا كله بمساعدة والديها
وافقت على دالك على ان اعود لاخدها بعد عشرة ايام
لاكنني و بمجرد وصولي الى البيت فاجاتني بمكالمة هاتفية مفادها....
ديرلي داري وحدي ولا مانوليش
في ضل ازمة السكن الخانقة قولولي كيفاش ندير
????????????????
:surrender::busted_red::busted_red::busted_red::busted_red::busted_red::busted_red::busted_red::busted_red::surrender:​
 
ياخويا على حساب هدرتك هي كانت موافقة على السكنة مع اهلك من بعد بدلت رايها هذا باين كلي واحد عمرلها راسها و مكانش بيت مافيهش مشاكل نورمالم كانت تصبر واذا كانت تحبك و بنت اصل راهي ترجع ليك و ربي يكون معاك

وحاول تحكي معاها وتفهمها بلي ماتقدرش توفرهولها و بلي قادر ربي يفرجها كاش نهار وان شاء الله مايكون غير الخير
وابلغنا بالتطورات ​
 
بارك الله فيك....انشاء الله ما يكون غير الخير
 
وادا شريكة حياتك ماصبرتش معك وماتحملتش المشاق معاك​


ومابنيتوش المستقبل مع بعض​


كفاش تسميها شريكة حياة​


لان الحياة الزوجية مبنية على التفاهم ​


والواحد مايطلب غير الهنا​


ولازم تتحمل معاك وهادي في النهاية اللي راهي تشكيلك منها امك ​


لازم تكون بمثابة امها سقسيها ادا امها ماتزعفش عليها وماتتلفظش بعبارت تزعجها

وام الزوج هي وسيلة ومفتاح للحياة الزوجية السعيدة

وهي تعرف انك ماراح تقدر تعمل اي شي ادا شكاتلك

لانها في الاخير امك

وهاديك فالاخير زوجتك

الافضل ليها انو تكسب محبة حماتها باي طريقة​


وادا هي تعرف ظروفك علاش وافقت من نهار لول وهي تعرف بلي ماراحش تخلقلها الدار بين ليلة ونهار​


ربي يهديها وترجع للدار ​


وفي الاخير خدمة الكوزينة خدمتها ​


امك زوجتك باش مرتك تخدمك ماش زوجتك باش تخدم عليك وعليها​



حاول تكلمها وتشرحلها الوضع بالاك يهديها ربي وادا تحبك لازم ترجع للدار وتتهلى فيك خير ماتسمع لكلام ​

الناس اللي يوصلها لمواصل تندم عليهم مبعد​

وادا صبرت معاك اكيد ربي راح يشوف ليكم ويفرج عليكم​
 
آخر تعديل:
السلام عليكم أخي شوف مادام حبت تسكن في الاول مع داركم لازم تكمل

كون بغات دارها وحدها كون شرطتها في الاول ماشي درك انت فهمها
وهدر معاها بلاك تكون امور تاع وحم الي محبتش تولي الحل بيديك

النساء راهم بزااااااااف ربي يسرلك امورك و فرجلك همك

كما قلت الاخت همسة ادا زوجتك متحملت معاك وما وقفتش هدي ما

تسميهاش شريكة حياة

ننصحك باش تصلي صلاة الاستخارة ولي فيه الخيرة ربي يقدمهلك

والسلام عليكم
​
 
شكرا جزيلا لك يا همسة الجزائر
بارك الله فيك على الاهتمام
 
هدي نطلبولها الهدية ونشاء الله تولي
 
شكرا لك على النصيحة و الاهتمام
 
نصحك النبي صلى الله عليه وسلم بكري وقالك:
"فاضفر بذات الدين تربت يداك"
ذات الدين ماديرلكش هكدا يا حبيبي ولحديث قياس
....
رب وفقك ويسهلك​
 
السلام عليكم كاينا غنية تحكي على هاذ الشي
يامرا قول واش صرالك واحكيلي واش لي بيك وعلاش خرجت من دارك .....الخ
و لمرا تاعك هاذي من اللول كان علابالها بلي اسكنة مع داركم وقبلت ماشي من حقها تروح ذركا و بعد الشدة ياتي الفرج
ربي يهديها وتولي و ربي يصلح ان شاء الله
 
سلام عليكم
كيما قالت الاخت باينة كاين شخص عمرلها راسها يااخي قسح شوية من عندك بلاك ربي يهديها ان شاء الله
وربي يسهل لكل مومن​
 
اخي الفاضل حاول انك تفهمنا انه ظروفك ماتسمحلكشي وانها ترجع لدارها وبمرور الوقت راح تجهز نفسك للخروج وربي يهدي وان شاء الله ترجع الى دارها وتجتمعوا من جديد يارب وحاول تتصرف معها بهداوة وتفهمها انه الشخص الى يحب ماعمره مايتخلى حتى لو كانت الظروف قاسية ​
 
والله يا اخي قبل كلش نحب نقولك انو هي صح وافقة في الاول انها تسكن مع اهلك ومبعد مولاتش تحب تسكن معاهم
شوف انا مقدرتها لانو هي غلطة غلطة كبيرة انها وافقة تسكن مع اهلك لانو سامحني في الكلام دائما الكنة ادا دخلت دار الاهل راح يكون مشاكل وخصوصا مع امك وراح يتعاركو على اصغر الحوايج مرتك وافقة في البداية لانها مكانتش تعرف المشاكل بعد الزواج يمكن كانت متسرعة انها تتزوج او اتخدت قرار ولازم تنفدو
انا موافقة انك تعمللها دار وحدها على الاقل بكرا لمدة سنوات قليلة ومبعد يحلها ربي لانو والله ادا مرتك رجعت راح يكترو المشاكل اكثر واكثر ويمكن توليو في حكايات كبيرة خيرلك اعمللها دار
يمكن من اسباب الخلاف مع امك انو مرتك تشوف روحها ربة البيت وامك ربت البيت ودائما يتخانقو على مواضيع الطبخ شكون الي يطيب وشكون الي يوكل هدا امر عادي واحسن شي انكم تنفردو في بيت وحدكم قريب من منزلك باش تزور امك وعائلتك كل فترة وننصحك نصيحة انا ولا كل الاعضاء
 
ممكن زوجتك ماكانش في نيتها البقاء
وعمرولها راسها ثما.... باش يضغطو عليك
​
 
السلام عليكم ورحمة الله وبركاته

اخي الغالي دعني اقول لك شيء حاول ان تفهم المشكله لا يمكن ان تقول كلاما دون ان تكون مشكله هذا حتى لا تظلمها ثم من خلال ما ستفصح عنه تتصرف وعلى العموم لا اعتقد انها كانت راضية على ان تعيش معك في بيت والدك من الاول بل قال اتزوجه ثم اجعله يوفر في بيت لوحدي هكذا كان تفكيرها والا متزوجة من اربعة اشهر ولا اعتقد ان مشكل المطبخ او ما يحدث بين زوجتك وامك سبب مقنع لوضعك في خيار كهذا واخشى انها بوضعك في خيار ان تخسر احد الطرفين اما اهلك او زوجتك وبهذا تكون قد صدق فيها المثل السوفي ما يفرق بين الاصحاب والاحباب غير النساء والدراهم حينها انصحك بما حكم عليه اجدادنا الزرس العليله دوها الكلاب والمراءة النطيله دواها الطلاق مع ذلك اصبر واريث اكثر مما تقول انك فعلته ثم اذهب اليهم وسالهم ثم حاول حل المشكله حتى لو تراضيها المهم حاول الاصلاح مستطعت والا قد عفى عنك الشرع ووضع لك الحل
نصيحة للمتزوجين حديثا او من سيتزوج احسنوا الاختيار ثم احسنوا تربيتها من اول يوم كما قيل اضرب القطوس تخاف العروس ؟؟
لعل في نصيحة شيء من القسوة ولكن من وضعت زوجها في ما لا يطيق ..... تستحق ان يكون عليها قاسي مع ذلك الرحمة احب لله ورسوله وللمجتمع ولها والمسامح كريم تذكر هذا يرحمك الله الصبر على خرجاتهن تستمر الحياة معهن شكرا
السلام عليكم
 
يا اخي العزيز مشكلة صعبة شوية والمشاكل هادي راح تبقى طول ما

انت عايش مع اهلك انت حاول مع المدام احكي معاها زيد فهمها اكثر في الوضعية

وانت من ناحية حاول انك تحسن وضعك وتوفر ليها حتى دار صغيرة مع الوقت

هي لازم تصبر معاك وانت لازم تحاول باه تحسن وضعك هك باه تحل كل مشاكلك

وتستقر وما تخسر لا مرتك ولا داركم وربي يهديها ويرجعلها شاهد لعقل وربي يكون

في عونك يراب وتتحل مشكلتك
 
السلام عليكم
نتمنى لك حل قريب ان شاء الله
والبمفاهمة كل شي يفوت
حاول تبذل كل جهد وقل لها ان الوقت لم يحن وانك تعمل ما في وسعك من اجل توفير السكن
وليس من حقها ان تطالب بذلك مادامكم حديثي الزواج
واش نقولك اخي
ربي يكون في عونك ويصبرك
واذا مقتنعتش ودارت رايها انت ثاني دير رايك
حاول ان لا تكلمها مدة معينة وتشوف اذا مرجعتش وكيما نقولك لا تتخذ مواقف وتندم عليها
كل شي بالسياسة قال الشيوخا الكبار
وربي يفرج اخي

شكرا
وفقك الله
​
 
شكرا للجميع على النصائح القيمة
ادعولي جميعا بالتفيق
 
والله هاذ المشاكل تفسد العلاقات وتخليها جحيم وعلاه كيما هك ..

انا من رايي اخي الكريم المشكل تاعك مايتحل الا بالمفاهمة اذا كنت ماكش قادر توفرلها سكن في الوقت الحالي فهمها اكيد هي عارفة حدود طلباتها يعني مستحيل تديرلها دار بين شهر وشهرين خصوصا مع ازمة السكن واللي معول على الدولة يستنى 4 ولا 5 سنين ومانعرف

اتمنى ان يحل المشكل تاعكم

تقبل مروري
.
.
.
​
 
العودة
Top Bottom