أعضاء اللمة أرواحو عند barca232 راكم معروضين لعرسي

[BARCA232]

ياااااه ليا من حاج شفت العنوان و نا نقول نروح للعرضة و لا ما نروحش نروح و لا مانروحش

عااد فيها تبهديلة من سي معمر هههههههه

ربي يهدينا أجميعين
​

:yahoo::yahoo:
وأعلا هأنا عرضتك
ان شاء الله كي يجي النهار هذاك راكم كامل معروضين
المهم الرسالة وصلت
بارك الله فيك
​

 

[mina009]

سلام خويا و الله غير عندك الحق فالردود كامل تشوف غير الهدرة المليحة و العقلية الطايرة و المخبي ما تعرفو صح الانسان لازم يكون صريح و هنا رانا كامل خاوة كل واحد يغطي على الاخر و يوريلو هكذا نتعلمو و الصراحة هي الباب الاول باش نتسقمو ... شكرا تقبل مروري

 

[BARCA232]

هذي عقلية تاع الناس أكل يبينلك غير الجانب لمليح ، وتلقاه عاميها فالصح ...الناس اكل عندها أخطاء واجمل شيء الصراحة ومليح لي يقول رأيو بصراحة وما يخافش ...بصح المشكل ثاني عندنا الجماعة ماتعرفش اسلوب الحوار غذا شافو واحد عبر على رأيو الخاص وماعجبهمش ياكلوه ويبهدلوه حتى يوصلو يسبوه ....واش تحب الدنيا بالوجوه والآخرة بالفعايل ...شكرا خويا barca .​

وعليكم السلام اختي سماح
واش ديري هذه هي الدنيا تورينا كل الوجوه
وكيما قلت انت المهم الاعتراف بالحقيقة
مانخبوش الشمس بالغربال
بارك الله فيك
​

 

[BARCA232]

سلام خويا و الله غير عندك الحق فالردود كامل تشوف غير الهدرة المليحة و العقلية الطايرة و المخبي ما تعرفو صح الانسان لازم يكون صريح و هنا رانا كامل خاوة كل واحد يغطي على الاخر و يوريلو هكذا نتعلمو و الصراحة هي الباب الاول باش نتسقمو ... شكرا تقبل مروري

وعليكم السلام اختي مينا
وهذا المغزى من موضوعي
اننا نبحث عن الحلول لأخطائنا
لكن البعض اختي تقولي معصوم نمن الخطأ أعوذ بالله
واش ديري عقلية
كلنا وراء النت ملائكة
شكرا لك
بارك الله فيك
​

 

[sami19280]

اوكي محمد راك فتحتلنا صفحة للنقاش

ومفهمومي لموضوعك هي انو لازم لواحد منا مايكذبش على روحو ويصارح نفسو ويحاول يصلح اخطاؤوا

صح هذي حاجة مفروغ منها. مي مانواافقكش اذا كنت تقصد انو اخطائنا نصارحو بيها للغير لانو الاولى انو اخطائنا حنا اللي نكتاشفوهم ونصلحوهم.

وماشي العيب لواحد فيه نقائص مي العيب انو الواحد يحاول يظهر في ثوب هو خاطيه.

تحياتي محمد

سلام sami19280​

 

[ميسومة الدلوعة]

شكرا اخي على النصيحة صح لازم ماشي في كلشي نلعبوها ملايكة خاطر هادي ما تصراش كامل نغلطو
و لازم تكون الصراحة بينا باه نديرو التقة في بعضانا شكرا

 

[BARCA232]

اوكي محمد راك فتحتلنا صفحة للنقاش
وتعجبني الجلوس حول مائدة النقاش معك
ومفهمومي لموضوعك هي انو لازم لواحد منا مايكذبش على روحو ويصارح نفسو ويحاول يصلح اخطاؤوا
أكيد وهذا شيء مفروغ منه
صح هذي حاجة مفروغ منها. مي مانواافقكش اذا كنت تقصد انو اخطائنا نصارحو بيها للغير لانو الاولى انو اخطائنا حنا اللي نكتاشفوهم ونصلحوهم.
صح معك حق لكن أليس هناك مجال أن نعترف لأصحاب الخبرة لعلنا نجد عندهم الحل
وماشي العيب لواحد فيه نقائص مي العيب انو الواحد يحاول يظهر في ثوب هو خاطيه.
وهذا هو لب موضوعي ومحور كلامي سامي
تحياتي محمد

سلام sami19280​

لاتحرمنا من هذه الردود القيمة
بارك الله فيك
سامي
​

 

[BARCA232]

شكرا اخي على النصيحة صح لازم ماشي في كلشي نلعبوها ملايكة خاطر هادي ما تصراش كامل نغلطو
و لازم تكون الصراحة بينا باه نديرو التقة في بعضانا شكرا

والله هذا ما أصبو اليه نحن هنا فينا ايجابيات وسلبيات
أين المشكل لو تعاملنا مع بعضنا في أطار اخوي لبحث نتائج الهروب من الحقيقة
والاعتراف بالخطأ
شكر ا لك اختيس
بارك الله فيك
​

 

[BARCA232]

انا عارف روحي متشرد و كبول و سايط و مجينينة و نديرها و نبات برّا ... بصح ما نظلمش و إلى عرفت روحي غالط نطلب السماح بكل روح رياضية ... بالصح يا ويح اللي يغلط معايا ..بيناتنا نولي ارخس إنسان فالدنيا معاه

يا خويا نقلك ما تعمرش راسك و سهلها تسهال و الله ما كاينة حاجة تستاهل تزعف .. ياك والديك و خاوتك لاباس و صحتك بخير ...مالا دير روحك ما سمعت ما شفت و اضحك و ازها ..

الله يعاونك يا خو ....

وشبيك تشنف عليا واش ؟ .. تحب نديرو بgار ارواح .راني هنا ... هي هي هي

بالسلامة خو..

:busted_red::yahoo:
واش بيك خويا ألياس راك زادم في خوك محمد
ياك فهمت موضوعي ولا نخلوه العام اللي فات
واش رايك
شكرا لك
لاقلق لاهم يحزنون
المهم الناس تفهم
ومانغطوش الشمس بالغربال
بارك الله فيك
​

 

[BARCA232]

طمعتني يا معمر...انا جيت نجري و رافدة معايا لي كادو..:yahoo:
ماعليه نخلوها مرة اخرى
والله يا موح كلامك في القمة...ياك قاع علابالنا ماكاش منا اللي عندو صفة الكمال
غير ربي سبحانو...والناس قاع تغلط و عندها سلبيات
آلوغ وعلاش تلعبوها ملائكة كيما قال السي معمر..؟؟..^سؤال ليس له جواب^
ربي يهدي و يصلح لحوال
شكرااااااا على الموضوع المميز...بارك الله فيك​

أحممممممممممم
معمر في راسك
شكرا لك
وصلت الرسالة ولالا
بارك الله فيك
​

 

[BARCA232]

ههههههه قلت محمد تزوج
كي اليوم ان شاء الله
يعطيك الصحة
ما عنديش تعليق نزيده عليك
​

أحممممممم تحوسو غير تتهنو مني راني باقي حجرة عليكم
ماعليش ايمان
ربي يخليك
شكرا لك
بارك الله فيك
​

 

[somiasahraoia]

شكراااااااااااااااااااااااااااا

 

[الجزائري05]

مزال ما قفلولكش موضوعك نتا:tears:
​

 

[BARCA232]

شكراااااااااااااااااااااااااااا

مزال ما قفلولكش موضوعك نتا:tears:
​

وين راه ردكم
غير حبيتو تعرسو
ماكان لاعرس لاهم يحزنون
شكرا لكم
بارك الله فيكم
​

 

[HWK4ALGERIA]

بواه نعترفو،،، ؟ كل واحد يستر روحو، ماناش هنا فالكنيسة،،، الدين تاعنا علمنا انو لازم نسترو رواحنا وغيرنا،،، وربي سبحانو سما روحو الستير،،، ولازم انبانو على اكمل وجه سواءا مع مالينا والا مع المجتمع اللي يحيط بينا،،، راني معاك بللي النفاق ماهوش امليح، مي كي انخليلك انطباع امليح على نفسي خير، والا كي نبقى نحكيلك على الجرائم اللي ارتكبتها؟؟؟ هكاك ماراكش رايح تعرضني لعرسك، امالا انا انسان مليح، وانت مليح وكلنا ملاح، واللي غلط مع خوه يطلب السماح، والمسامح كريم،،، والدنيا هاذي هي الناس كل يمشو بأقنعة، كاين اللي يحب يبين بللي راه قاصي وهو حنين، وكاين اللي يحب يبان بللي شجاع وهو خواف، وكاين وكاين،،،
شكرا ليك على الموضوع الهادف، تقبل مروري،،،،Yaris20099

 

[أحبك ياجزائر]

صح لازملنا أن نعترفو بالخطأ حتى نتعلمو
شكرا لك

​

 

[سلافة.]

اواااااااه انا فت باه نباركلك ونقرعج شوية ونعرف شكةون سعيدة الحظ وهي افاار وحدة اخرى اااه لعبتهالي كون دريتها كيما هك مانفوتش ههه نتمسخر برك

نرجعو للموضوع والله عندك حق خويا محمد كي تشوف الردود تحير كنت معولة ندير موضوع نوري فيه التناقض بين الردود بصح قلت خلي برك كل واحد بينو وبين مولاه يعني مرة واحد يكتب يقول والله اني طايح في وحدة واي دارت فيا ودارت فيا وووو والمرة الجاية يدخل لموضوع يقولو فيه الحوايج هاذي ماكانش منها وراهي غير تمسخير هو يروح يرد يقول هاذا هو الصح والناس اللي تدير الحوايج هاذي ماتحشمش وماهيش متربة وووو حقيقة لقيتها قداه من مرة بصح هاذو نسميوهم الجماعة تاع منين يجي الهواء يديهم ماعندهمش راي ..

هاذا رايي وهاته وجهة نظري
مشكور على الموضوع ننتظر جديدك
​

 

[miriama]

يا خويا واش رايحة نقولك
كنت عضوة في احدى المنتديات
كتبت كلمة لشخص نعزو بزاف
فباقي العضوات يا اخي
اخذوا من هذه الكلمة مواضيع
كيف لها ان تعترف وتكتب هكذا وهي تعمل كذا؟؟
كنت مصرحة بوظيفتي في ذاك المنتدى
لدرجة عضوة من العضوات تكتب اني مصدومة من...
بصراحة رديت عليكم بطريقة لبقة ومقنعة
لم استعمل اسلوبهن في الرد
المهم هذه قصة بسيطة صراتلي
على هذا خويا لعزيز كل واحد يبين روحو ملاك
كيما قلت باش واحد ما يقرعج عليه ويديرو موضوع
​

 

[مفآهيمـ الخجل]

الله يهـــــــديــــ

مــــآرسيـــ علــــيــــكـ
​

 

[rofaida_c.k.o.a]

شكرا لك اخي