- إنضم
- 18 جويلية 2007
- المشاركات
- 4,401
- نقاط التفاعل
- 1,415
- النقاط
- 351
علاه اللامبة مكسرة:scared:
اسمحولي ندخل بشمعة لانو والفتها ديما في يدي .
موضوع بدون كهرباء .
تفضل الدار دارك:wink:بسم الله توكلنا عليك يالله .
تخيلو معايا رانا في غرفة وحدة التريسيتي مكانش كالعادة يعني ماهيش غريبة ممكن واحد من المريكان او فرنسا او بريطانيا يتخلع ويتغاشى كي يسمع تريسيتي مكانش يعني اصلا الدماغ نتاعو ميحملش الخبر هذا وميتصوروش بتاتا .وممكن يحاكموك جنائيا لانك كنت راح تقتلو بالخلعة يعني محاولة قتل .:surrender: ناس تطور وحنا نرجعو اللورة،
اكيد اي واحد تقولو راح الضوء،، تقطع التريسيتي، تحيه عاااااااادي في بلادي، اما هاذوك:scared: قادرين يرفعو عليك دعوة قضائية
اذا خلونا احنا جزايريين موالفين برحمة ربي موالفين بالشمعة والكانكي والنويرة نتاع الحطب .والرقاد مع الناموس في وسط الظلمة وداير بينا الهوايش .
منين يجو الهوايش:scared:تجمعو وليداتي ديرو حلقة دائرية على بالي منعرفوش النظام نقلكم حلقة نلقاكم خط مستقيم نقلكم ديرو خط نلقاكم منحنى طبيعة فينا الله غالب خالف تعرف اذا احنا dzنخالفو النظام لهذا احنا معروفين كونيا ومابين المجرات .حتى سكان زحل على بالهم بينا لهذا ماهمش حابين العلماء نتاع الارض يكتشفوهم خوفا من الشعب نتاعنا .
:surrender:
:laugh:لازم تدير دائرة بالسكر وتلمنا عليها كيما النمل وياربي:surrender:المهم التريسيتي مكانش شمعة وحدة تضوينا .ارواحو الان نحكو على فوائد انقطاع التيار الكهربائي هذا درس جديد ان شاء الله العام الدراسي الجديد تلقاوه مقرر و تفوتو عليه امتحانات الباك .
i-o:شاتية نشوف سكان زحل كيفاش مدايرين،، عندهم الضوء??
نشالله يجيني في مسابقة الماستر:yahoo:نجو لاسباب انقطاع التريسيتي .
من الاسباب الاولى هي الحرب بلاد فيها حرب النار شاعلة القنابل المنشئات التحتية محطمة كل شيء خراب في خراب .
جاوبوني دزاير فيها حرب .الحمد لله دزاير حاليا مفيهاش فيها حرب بالسلاح،، لكنها حرب باردة ، الكل يجري ورا الكرسي وفي بعضاك يا مواطن،،.........................
منشئات تحتية!! وينها المنشئات التحتية، الناس من هنا ونهيك مدايرينها دولة وحدها، وحنا تلقا غير انابيب الماء والغاز مفلقين!!
ايضا من الاسباب فقر الدولة دولة فقيرة معنهاش الطاقة الله غالب المكلة وهاربة عليها كيفاش يخمو في التريسيتي والتلفاز والاضاءة والانترنت ياحسرااااااه دولة فقيرة خلاص .يعني الطاقة والكهرباء اخر اهتمام ولا احد يفكر فيه لانو حلم .مثل خاوتنا في الصومال المساكن .
والان جاوبوني دزاير دولة فقيرة مخصوصة زوالية .معندناش وميخصناش:closedeyes:---------------------
شفت وين خلاونا سيادنا الحكام نقارنو بلدنا بالصومال!!
وينها الثروات البترولية، وينها الثروات الارضية،، وينها ثروات السدود??
هاذو كامل ميكفيوش باش نديرو غير شوية طاقة احتياطية?
اه نسيت منين يجينا الاحتياطي وحنا الحالي منقدروش نكفوه:glare:
كذلك اخوتي اخواتي اللي راكم مستفين كالسردين والتريسيتي مكانش غير شمعتي مضوية وجوهكم .من الاسباب انقطاع الكهرباء .راهي قريب تخلص:sheer:المناخ القاسي والكوارث الطبيعية الكبرى والاعصارات المدمرة التي لا تترك لا كابل ولا عمود كهرباء ولا حتى محطة توليد طاقة .مثل كاليفورنيا ولا البنغلاداش ودول اسيا الجنوبية
الجزائر الامنة على طول العام تصب قطرة ماء تروح التريسيتي تتحرك ورقة نتاع شجرة تنقطع الكهرباء يسعل جدي تروح على دزاير كامل
:laugh::laugh:لمزية للي جدي ماتهل التريسيتي نتاع دزاير حساسة ومرهفة الاحساس على تريستي نتاع كليفورنيا .
كي راهي حساسة علاش تخبط اطفال في سن الزهور حتى يبقى غير العظم لما تخلي الدولة الخيوط مرمية في الشوارع والحارات .
هل دزاير منطقة كوارث من الدرجة العليا .:scared:اخر زلزال بدرجة 5 ريشتر رد الدولة حطام، ولضرك مردوش الناس لديارهم، طلع قداش من عام:glare:-------------------
تخيل يحكمنا بركان واش يصرا:surrender:
مالا الدول منا ومنهيك مدايرة خطوطها بالحديد ونتاعنا مدايرينهم بالذهب:glare:تالمون عندنا بزاف:closedeyes:
عندها ايامات، ضرب جارنا خيط التريسيتي بحجرة تقطع:glare:
جابو 6 ايام باش جاو عدلوه، وزادو غرمونا كامل:glare:
ضرك هاذي دولة يهدرو عليها الناس:closedeyes:
ايضا من اسباب انقطاع الكهرباء صعوبة التضاريس جبال واودية ومساحات كبيرة وسلسلة جبال شاهقة .
هل دزاير فيها طلعة وهبطة اعلى قمم فيها هي الدودان اللي في الطريق في الشوارع ارتفاعات شاهقة .
:thumb_up1:والله اكبر حاجة تلقاها دودانة:glare:مدايرينها يثلاث قناطر رمل وسيما:glare:------------------------
الطبيعة الزاخرة:thumb_down::thumb_down:
اذا سؤال الدرس الليلة المظلمة هذه هو لماذا تنقطع الكهرباء عن مدننا في دزاير البترول والغاز والترف والبحبوحة والامان والاطمئنان والمناخ المعتدل الاستوائي والتضاريس المعتدلة والمناطق الاهلة الامنة والسهلة .
اتمنى الاجابة من طرفكم دون تجريح لاصحاب الفخامة والتخمة .كون منجاوبش،، ندوبلي:tears:الان خلونا نستخرجو الفايدة من الدرس .
:no_1:يروح التريسيتي علا خاطر للي قاعد في لاكابين للي تطلق التريسيتي ظهرتلولي يكوبيه علينا، وكي يكمل ويصيب راحتو يطلقو:huh:
فوائد انقطاع التريستي للفرد الجزائري .
الليلة اللي تتقطع فيها يتلم العيال في غرفة واحدة على شمعة المحبة والوئام في وسط حكايات جدي وجدتي المملة عن ذكريات 1900 واحسب .
اليس انقطاع الكهرباء حاجة في الفايدة
:sheer: صح كاينة منهاكذلك يذوب كل شيء الماء البارد والمؤكولات تفسد والخضروات وهذاي فيها فايدة الماء البارد في السخانة مضر بالصحة ممكن القراجم يمرضو وتعشي في الطبيب والدواء .
الخضرةاللي تفسد ترميها في القمامة القمامة تروح لمناطق جمع القومامة يجي حاشاكم داب او كلب او قط او طائر ياكل منها هكذا تكسب الاجر والثواب عند ربي .
:thumb_up1::thumb_up1::thumb_up1:يطفى الميكرو والانترنت ومتقدرش تدخل للمة وهاذي بحد ذاتها فائدة عظيمة علاش
:scared::scared:لانو راح يتوحشوك الاعضاء وراح ترتاح من الرسائل الخاصة ارسال واستقبال وراح تلقى عضو يشتم فيك لانك مرديتش عليه وتكبرت وانت متصل وبهذا تكون تخلصت من صديق بان على حقيقتو وظهر بلي غير مؤدب وميستاهلش يكون صديقك .
:scared::scared: غير اللمة:tears:ايضا الانقطاعات المتكررة تحرق الاجهزة وتدمرها وبهذا الجماعة نتاع اصلاحخ الاجهزة يلحقو يشرو النعجة باه يتزوجو هذا الصيف وتكون ساهمت في القضاء على العزوبة في شمال افريقيا .
:yahoo::yahoo:هات برك يعرضوناانقطاع الكهرباء في وقت القيلولة وفي الليل لما يكون الحال سخون راح يجعلك تبحث عن مناطق باردة ومريحة في المنزل وبهاذا راح تكتشف مناطق سياحية ومنتجعات صيفية في البيت مثل البالكون والسقف والحوش وحتى في الشارع كسياحة على الهواء الطلق .وهكذا ايضا تخلي مساحة في النزل لاخواتك ويتهناو من شخيرك وانت تتهنى من السباط على وجهك كل ليلة .
:surrender::surrender:
من الفوائد كذلك لما تكون ذاهب للعمل وتعبان وكسلان وخاصة لما تكون شغال بالاعلام الالي والانترنت راح تكون سعيد وتستطيع عمل جولة بالديمينو او الضامة او السيق وهكذا تكون عوضت خسارتك وريحت من ضغوط العمل وتستطيع شرب القهوة في المقهى امام ربي وعبادو دون خوف من اكتشاف امرك خارج اوقات العمل .:scared::scared:السارق وما السارق راح يعمل بهدوء وبراحته وهذا راح يدفعو الى اغتنام الفرصة والتجول في المحلات وهكذا راح ينشط هذه الظاهرة كل ليلة مما يخليك تمنع ابنك من الخروج في اليل مخافة انو الشرطة تقبض عليه بالخطئ ويشكو فيه وهكذا تظمن ابنك في حضنك الدافئ ويحس بطعم المذلة اقصد المحبة .يعني لما تكون تسوق في الطريق ومشغل المسجل وتدخل مدينة من المدن وتلقاها مظلمة راح يتاكدلك انك لم تخرج على حدود الجزائر وتكون متهني ورايح البال من جيهة الجمارك وشرطة الحدود .
:blink::blink::blink:ان انقطاع التيار الكهربائي في مدننا له فائدة عظيمة وجليلة لهذا نحن سعداء بهذا كثيرا ونطلب من السلطات الاكثار منه في الصباح والمساء وفي اليلالي الحالكات .
راح نخليلكم مساحة حتى تذكرو فوائد انقطاع الكهرباء باه تسمعكم الدولة وتلبي مطالبكم وتزود من انقطاعات الكهرباء خاصة في هذا الصيف القارص والكثير البرودة والحمد لله .
من فوائد انقطاع الكهرباء، يطفا موبيلي، ومنلقاش كيفاش نشارجيه، ونتهنى من الناس، ومنخسرش صواردي في الفليكسي:yahoo:
من فوائد انقطاع الكهرباء، تفسد الماكلة، منديروش العشا، ومنغسلش لماعن:yahoo:
من فوائد انقطاع الكهرباء، ميمشيش الموتور للي يجبد الماء، ومنسيقش:yahoo:وتبقا الدنيا زبالة:huh::huh:
ما اجمل ان نعيش في وسط الظلمة وان يسرقوك في الظلمة ويحرموك من الماء البارد والكليماتيزور والجلوس على الانترنت ومتابعة مباريات كاس العالم التي لا تقام الا كل 4 سنوات
وان تشاهد مسلسلك المفضل تشاهد من 100 حلقة 3 حلقات تامة .
موضوع كتب والكهرباء مقطوعة كيف ؟
لا تستغرب فانت في الجزائر وكل شيء ممكن .
والان وليداتي تفرقو وكل واحد يروح يرقد في بلاصتو وبالاك تخبطو في بعضاكم مثل كرات البلياردو .
:scared::scared: وشي هو هذا للي مركبو عند الميكرو حتان شعل:surrender:
بغيت واحد كيفو:surrender:
يعطيك الصحة خيو،
واش راك تهدر تشتاق لمثل هاذ المواضيع:tears:
بغيت واحد كيفو:surrender:
يعطيك الصحة خيو،
واش راك تهدر تشتاق لمثل هاذ المواضيع:tears:
