شكون الغالط ؟ أنا و لا هو و لي هي و لا أنت !

[أماني2]

السلام عليكم
يعطيك الصحة على الموضوع

أعتقد أنو الغلطة اللولة كامل من عند الشعب وهو اللي خلى الدولة تكون غالطة ومازلت الغلطات تصرى
والجزائر في هذا الوقت كامل ماتعجبش

واحنا أكيد كامل نغلطوا
بصح في قضية كيما هاذي مشي احنا الغالطين
مي لازم نسايروا التطور زعما اللي هو التدهور ونشوفو كيفاش نصيبو الحل باش تفري هاذيك الصالحة
اللي تحوس عليها ولازم نصبروا

ونتمناو ان شاء الله الدزاير تكون في أحسن الأحوال في جميع الميادين

وشكرا ليك
سلام
​

 

[imane 20]

بكل صدق انت الغالط

 

[HWK4ALGERIA]

و غير مديتلو دوموندا عليا الفوطو كوبي تاع لاكارت ااااه ربي ستر ياريس كي رحت ندير عندو في الكونطرا تاع موبيليس عطااني فوطو كوبي زايدة قالي هاك بالاك تسحقها , و الله كانت في جيبي على الزهر , سي نو كنت نولي للدار من جديد و نلوي حاصل

سمعت واحد جبد سيرتي، آه هشام، واش اداك أصلا للبلايص هاذو، هاهم نساوك ف لونـgـواز تاع الباك.
لعوج ف الدولة أولا ،،، وللأسف ف معظم الفئات ثانيا،،، والزهر يلعب دور ثاني، أنت ماكنتش امزهر في حوايج بزاف اليوم،،، مي كي لحق الوقت الحقيقي اللي تحتاج في للزهر، لقيتني قدامك بالفوطوكوبي تاع لاكارط... نحسدك على الزهر تاعك اللي طيحك قدامي.

 

[برق الضلام]

السخانه تخليك تعود تشوف كل الناس غالطين
برق الضلام

 

[meriem7]

واش تحب هادي هي الدزاير

معليش المهم فريتها

 

[إحســاس بــراءة]

ياهاااااااااا وعلى هشام خويا و واش صرا فيه:scared:
الغلطة راهي تاع الجميع:closedeyes:
اولا ملي غلطت نتا في الشاك زوج مرات هنا راك غلطت وراك زدت التعب على روحك:heh:
بصح هنا مانلومكش كامل نغلطو والله وزيد مع السخانة الواحد تتلفلو قاع ههههه:fish:
وثانيا الغلطة تاع لخرين هوما صح والله ديما يpروفيتو و تقول راهم يمدو للناس من جيوبهم :glare:
الدراهم تاع الواحد وهوما بسيف باه يمدوهملو
يا خويا هشام ماكاش النظام و كل واحد تاكل على لاخر
المراقبة ثان مكاش و يقلك على البلاد ماتسقمش
هاذي هي الله يجيب الخير هاذا مانقولو
يعطيك الصحة

 

[programmeur]

واش هشام مازالك بايت خارج الدار ؟؟؟؟؟
الدعوة راهي ماشية bien شايا الأعضاء ماحبوش يردو برك
امالا شكون اللي غالط أنت ولا أنا ولا هوما ؟؟؟؟؟

 

[** غزال الصحراء **]

مرسي عليكم قاع , راني ضربت طلة خفيفة على الردود

مانيش في الدار ضرك , الليلة نولي ونرد على كل واحد فيكم

راكم صحيتو كيما قال موح .

 

[affaf.arc]

اييييه كي نتفكر حكايات la poste يطيحلي المورال تاع الصح
و الغلطة راهي فينا كامل عمبالك حنايا حاكمنا التفنيين واحد فينا ما يحب
يدير خدمت قدقد أنا ختر رحت la poste بقيت فيها حتى لعشية كي قربت 5 ناض واحد يخدم لتما قفل الباب باه واحد ما يزيد يفوت باه يروحو باه تشوف العوج تاع لعرب

 

[ياسمين عنابة]

تحب الصراحة الغلطة منا احناااااااااا
احنا احنااااااا
واكيد فاهمني خوي هشااااااام

 

[رماد الحب]

​

السلام عليكم ورحمة الله تعالى و بركاته ,, اليوم رحت لLa poste زعمة باش نهز دراهم .. السخانة دايرة حالة و الBus بسيف ماجا , كي بان مت بالسعادة تحسب لمطر صبت :surrender:

(( حتى لضرك قولولي شكون الغالط ؟ أنا كي نضت روطار و ما لقيتش الbus و لا الدولة اللي ما وفرتش النقل في كل وقت , و لا مالي الكيران هوما اللي راهم يvيسو ؟؟ ))


المهم نكمل رحت للمكان اللي قتلكم عليه , و نلقى واحد لاشان قد السخط , شويا ونولي للدار كون ماجاتش Obligé ... المهم غير دخلت لقيت روحي مخلطها في النيميرو عمكم ما ولاش يعرف يكتب السحب بالدينار :glare:

لا علينا , ما كنتش هاز معايا شاك واحد أوخر وليت للدار :scared: هزيت و عاودت لحكاية اللولة تاع الBus .. عاودت رجعت لقيت روحي غالط مرة أخرى , غلطة نحشم نقولهالكم لا تقولو جاهل :santa_1:

المهم , طحت قد قد مع الوحدة , يعني العمال يبدلو بلايصهم , يروحو تاع الدوام الأول و يجو تاع الدوام الثاني , و ريحت تسنيت أكثر من نص ساعة مع الشوبن , غير باش يعاودو يريقلو ليماشين

و مبعد غير تريقلت , اللي شاد الgيشي قالي يا خويا مازال ما ديماراش الPc أصبرلي ( شوف لعوج يعني كي يبدلو الخدامة يطفو الميكرو و يعاودوه من لول :closedeyes: )

المهم ريحت لحت صاولحي قدامي و قاعد مشنفلو :sneaky2: و هو و الله ما علابالو هــــــاني البال قاع
حتى أنا كرهت و رحت للgيشي لوخر ..

(( حتى لضرك قولولي شكون الغالط ؟ أنا حق جيت في وقت تغيير العمال , و لا العامل اللي قاعد راخف روحو , و لا ليميكرو مش ملاح ؟ و لا الدولة ماهيش تخلص فيهم على بيهم راهم يvيسو ))

وين كنا ؟ ايه رحت للgيشي لوخر لقيت الحالة عياط شويا و تولي دبزة و دماغ , طفلة دايرتلهم حالة قال كيفاش ما تحترموش طفلة بين الرجال و سابقينها في لاشان ( مع العلم أنو من المفروض صف البنات و حدو و صف الرجال وحدو ) مي شعبنا تعرفوه لز و خلاص //

أيا ناض فيها اللي شاد الgيشي هاذاك , واش حاطة روحك , و لاكان نحب نباريلك على الشاك تاعك و بدا يسمع فيها في وسخ الوذنين ,, و الله قعدت بلا راص , وهي ما سكتتش كلمة بكلمة .. و الله سينيما نساوني في حكاية الحاج لخضر مول العمارة .. المهم السيد لاحلها كوارغطها في وجها و قالها حتى تتريقلي أرواحي , أيا قاتلو راك خدام و مش في ملك بوك ..إلخ

في La fin كملت سالامات ,مي بالتشناف :no_1:


(( حتى لضرك قولولي شكون الغالط ؟ العامل اللي تنرفز و حقر بنت الناس , و لا المسؤولين مش موفرينلو ضروف العمل ؟ و لا الطفلة اللي دايرة روحها طايرة من فوق الأرض , و لا الرجالة اللي مخلطين الصفوف يعين مش محترمين ))

المهم غير كمل لاشان الحمد لله جات دالتي , و غير مديتلو دوموندا عليا الفوطو كوبي تاع لاكارت ااااه ربي ستر ياريس كي رحت ندير عندو في الكونطرا تاع موبيليس عطااني فوطو كوبي زايدة قالي هاك بالاك تسحقها , و الله كانت في جيبي على الزهر , سي نو كنت نولي للدار من جديد و نلوي حاصل



(( حتى لضرك قولولي شكون الغالط ؟ أنا كي كتبت الموضوع , و لا أنتوم كي رايحين تردو و لا العقلية كل رايحة تولي Wiw ))
و الله شليتني كيفاه راك مستحمل كون انا اني درت فيهم جريمة و لا انتحرت و لا بطلت ما نديش صواردي


يعطيك الصحة لي قدرت تستحمل

 

[** غزال الصحراء **]

هههههه الحق عليك


:music_whistling:


الله غالب خويا هشام هاذي هي بلادنا
واحد ماهو قايم بدورو على أكمل وجه
والشعب يعاني
ربي يهدينا

وميرســي ليـــك
​

اه يا ميمي كي طيحتي الحق عليا في وحد les cas ,,, صافي ماناش متفاهمين :glare:

واش نقولك وليت نخرج للشارع كل ما نشوف علفسة , نتخيلها موضوع في اللمة
كاش خطرة نكتب حاجة نباصي على جالها :busted_red:

مرسي عليك ,, منورة الموضوع بمرورك + تقييم .

 

[** غزال الصحراء **]

انا تبنلي انت لي غلط كيفاش اه غزال ا خويا متعرفش تجبد درهم من لبوست
خويا مخبي درهمو في الدار جامي دخلت للابوست منين نحتج نجبد وحدي بصح سعات يروحلي المفاتح نولي نندب في عمري ونقول اه علاش مرحتش حطيتهم في لابوست كما الناس
المهم خويا رنا كمل غلطين ماشي غير انت الدولة تغلط الشعب يغلط
بصح الحمد الله الحياة ماشية
هيا wiwi كما تقول انت ​

أنت راك حكيت على حالة وحدة ورديتني غالط بالسيف يا موح :closedeyes:
و شكون قالك ما نعرفش ؟

اي تلفتلي مع السخانة و لاشان ما يقضاش عبيت نيميرو غالط //

مرسي عليك .

 

[** غزال الصحراء **]

واش راح نقولك يا خويا
دنيتنا هاذي ماشيا بلعوج
كيما قال عاطالله زين الطاللة
والمشكل لا فيك ولا في الدولة
ولا في العباد
المشكل في الدنيا..
ههههههههههههههه
ربي يصبرك انا كي قريت برك تقلقت في بلاصتك خلي
يا انت.

​

و الله لا قلتي الصح المشكل في الدنيا و حنا أبرياء :no_1:
ايه يا عطاء الله و الله توحشتو , فكرتيني فيه //

ضرك نروح نسمعلو شويا كاش ما ينسيني ..
صحيتي .

 

[اسماء18]

اااااااااااااااااه موضع هايل المسؤولين راهم دايرين فينا التير و يزيدو يعيطو ويشنفو اكيد هوما الغالطين ربي يهديهم و يقل لمن امثالهم

 

[** غزال الصحراء **]

السلام عليكم أخي هشام
نقولك حاجة ومن بعد نفصلك
انت غالـــــــــــط
؟؟؟؟؟؟؟؟؟
؟؟؟؟؟؟
​

و عليكم السلام , فصلي فصلي :scared:

 

[اسماء18]

بالمناسبة واش قصة بلال علاه راهم يقولوا بلي نطالبو باسترجاع العضو الذهبي

 

[اسماء18]

انا ما كنتش هنا علاخاطر راحتلي الكوناكسيون رانا في دزاير

 

[** غزال الصحراء **]

(( حتى لضرك قولولي شكون الغالط ؟ أنا كي نضت روطار و ما لقيتش الbus و لا الدولة اللي ما وفرتش النقل في كل وقت , و لا مالي الكيران هوما اللي راهم يvيسو ؟؟ ))

كامل راكم غالطين.انت علاه منظتش بكري و مول البيس يفيس و الدولة راقدة
هههههه
​

(( حتى لضرك قولولي شكون الغالط ؟ أنا حق جيت في وقت تغيير العمال , و لا العامل اللي قاعد راخف روحو , و لا ليميكرو مش ملاح ؟ و لا الدولة ماهيش تخلص فيهم على بيهم راهم يvيسو ))

والله كما قبيل
كامل راكم غالطين:yahoo:
​

(( حتى لضرك قولولي شكون الغالط ؟ العامل اللي تنرفز و حقر بنت الناس , و لا المسؤولين مش موفرينلو ضروف العمل ؟ و لا الطفلة اللي دايرة روحها طايرة من فوق الأرض , و لا الرجالة اللي مخلطين الصفوف يعين مش محترمين ))

تاني هنا كمل غالطين.هي ماديتها فروحها ومتحشمش تهز صوتها وهو طارلو البوشون
وراهي ماشية
​

(( حتى لضرك قولولي شكون الغالط ؟ أنا كي كتبت الموضوع , و لا أنتوم كي رايحين تردو و لا العقلية كل رايحة تولي Wiw ))

ههههههههههههههههههههههههه
:lol::lol:
علابالك ظربتها بظحكة على السطر هادا....الي قاعدين حدايا قالولي وش بيك هههههه
والله يالعقية الي رايحة تولي wiiiiw

بصح مقتليش ...شكون الي غالط ظرك
انت كي درت الموضوع هادا ولا أنا كي رديت عليك ولا العقلية كي رايحة تولي اٌرا برٌع
:music_whistling:
​

صحيت يا موح ردك عجبني , مي كل الشي لي قلتو راك كنت فيه غالط

Wiw :wink:

 

[** غزال الصحراء **]

الغالطة كاملة في مالين الكيران ديما روطار بنص ساعة

ههه , باين مكرهينك