الزين لشباب و البنات مهم ولا لالا // سؤال محير

[Ahmed Algeriano]

ياخو والله المظاهر خداعة و الزين للنسا الصح قع ف العقل
كيما يقولو يا المشيح من برا كيف حالك من داخل
صح الجال من برا عند دور كبير مي جمال العقل هو الصح

شكرا ليك ع الموضوع ف امان الله
​

 

[Houda Chaouienne DZ]

أنا في رأيي المهم يكون المظهر مقبول
ماشي شرط يكون قمة
بصح عادي لأنو المظهر ثاني يلعب دور
بصح بلا ما ننساو المظهر
لأنو إذا كان الإنسان زين و هو مش لبق أو متربي أو أو ....
ما عندنا ما نديرو بيه
نتمنى نكون وصلت فكرتي و شكرا على الموضوع

 

[yacino1993]

راك غالط خويا إدا تخير الطفلة على زينها عمرها العلاقة ما دوم لانك رايح تشوف ازين منها يسمى تبدلها؟؟؟؟؟؟؟؟
صح قع نحبو الزين بصح العقلية والاخلاق رقم واحد

 

[سماح4]

الزين مهم يعني يكون مقبول شكلا ،بصح ماشي كلش يعني إذا ماتوفرتش الاخلاق الطيبة والمعاملة الحسنة والتفاهم واش ندير بالفيقيرا؟؟؟ نشوف مسلسل تركي وخلاص هههههههه ....نضن فهمتني.​

 

[adnandz]

الله يبارك تفاعل كبير مع الموضوع

بصاح خوتي الزين حتا هو يلعب دور نكونوا واقعيين شوية مي من بعد تبا العقلية

يقولك الزين يبغي الزين

انا المهم نقلك حادثة صراتلي في العايلة
عندي وحدة لافامي تخدم طبيبة امهم في السبيطار كانت متكفلة بوااحد المريضهو الصح شباب غير نتاع تشواك الشعر والعقلية جينز وبودي ولحديد ههههههههه

المهم هيا تقدمولها شحال من واحد وما قبلتش قالت باغية نكمل قرايتي ونبني مستقبلي

ايا بغا يخطبها هاد المريض ايا قبلت بيه هو يخدم مهندس ديكور خدمة نتاع الشكيل
بصاح النتيجة الطلاق
والله غير كرهاتو في الدم راجل ما يخدم ما يجري على روحوا المهم غير نتاع روحو
ماداروش حتا 6 اشهر طلقوا
السبب هو راقد وهي تصرف عليه

لذا المغزى هو

العقلية والاخلا والشيم هي الاولى
اما الزين انا ما شكيتش بلي ربي يخلق انسان في منتهى لبشاعة الا اذا كانت مشكلة خلقية

وفي خاطر الزينين وكونطرا على اللي ما يبغوش الاخلاق ههههههه


ادعولي غدوا الريزيلتا نتاع الباك
راني نكتب ونرجف ​

 

[انوشة الجزائر]

نقولك حاجة خويا درك الناس تقول المهم الزين بغات كاينا العقلية ولا مكانش في وقتنا ميهم غير الزين بصح انا عندي العقلية هي لولا ومن بعد يجي الزين
​

 

[~ مستشـآرهـ طـرزآنـ ~]

بالنسبة ليا نقيس الشخص على زينو و عقليتو في زوج
مي نركز بزاف على العقلية و الأخلاق
بويسك الزين مع الوقت راح يروح...وتبقى النية الصافية و الأخلاق
وشكرااا على الطرح​

 

[ثامري سياف]

ههههههههههه سبحان الله ه انا خاطيني هذا الشئ

 

[AHMED-10]

كل واحد حر في اختياروا
ولكن الاختيار الانسب هو جمال العقل والتربية

تقبل مروري وتحياتي ورايي
​

 

[MAN1850]

الله يبارك تفاعل كبير مع الموضوع

بصاح خوتي الزين حتا هو يلعب دور نكونوا واقعيين شوية مي من بعد تبا العقلية

يقولك الزين يبغي الزين

انا المهم نقلك حادثة صراتلي في العايلة
عندي وحدة لافامي تخدم طبيبة امهم في السبيطار كانت متكفلة بوااحد المريضهو الصح شباب غير نتاع تشواك الشعر والعقلية جينز وبودي ولحديد ههههههههه

المهم هيا تقدمولها شحال من واحد وما قبلتش قالت باغية نكمل قرايتي ونبني مستقبلي

ايا بغا يخطبها هاد المريض ايا قبلت بيه هو يخدم مهندس ديكور خدمة نتاع الشكيل
بصاح النتيجة الطلاق
والله غير كرهاتو في الدم راجل ما يخدم ما يجري على روحوا المهم غير نتاع روحو
ماداروش حتا 6 اشهر طلقوا
السبب هو راقد وهي تصرف عليه

لذا المغزى هو

العقلية والاخلا والشيم هي الاولى
اما الزين انا ما شكيتش بلي ربي يخلق انسان في منتهى لبشاعة الا اذا كانت مشكلة خلقية

وفي خاطر الزينين وكونطرا على اللي ما يبغوش الاخلاق ههههههه


ادعولي غدوا الريزيلتا نتاع الباك
راني نكتب ونرجف ​

قصة فاميلتك هذي لازم تكون عبرة للبنات
لكن // لا حياة لمن تنادي ههههه //
شكر اخي اسعدني مرورك
​

 

[miss meryy]

زين مليح mais لازم تكون العقلية مليحة

 

[هــــيلدا]

انا زينة لازملي واحد زين:angel::laugh:

هيا راح نمد رايي بلا تنيفيق،،

اولا الزين يلعب دوور كبير، بالنسبة ليا منديش واحد يكون باشع في الخلقة لدرجة كبيرة،عارفة روحي منقدرش:surrender:

بصح مايش لازم واحد زين كيما توم كروز،،واحد يكون عادي،
لما نشوف فيه منتخلعش وخلاص،
ونا اصلا منقدرش ندي واحد زين، نخاف يشوفو عندو البنات ( غيارة:shay
يعني يكون انسان عادي وخلاص،
هدرتو علا الشكل جاوبت،كي تهدرو علا الصفات الاخرى نجي نرد:sheer:
​

 

[أحبك ياجزائر]

اخي الكريم اولا شكرا على الموضوع القيم و المحير في ان
واحد،
اولا سيدي الكريم انا و اعوذ من كلمة انا ،انسان لطالما يبحث
عن الطيبة في نفوس الاخرين و ستبحث في الناس و ستجدني
الاول الذي يحب مكارم الاخلاق و العقل المتفتح و اعلم ان جمال
الشكل لا يدي و لايجيب و في مقولة "الزين ما يبني البيوت"
و سأزدي لك نصيحة لا تبحث عن الجمال الخارجي و إسعى جاهدا للبحث عن الجمال الداخلي.
وشكرا

​

 

[الصقر الابيض]

واحد لايكره الزين لكن لو حبيت تشوف الي حبيته بعيون خلاف بمعنى تشوفه زين حتى اذا ماهوشي هكا
كشاب نفضل تكون الي نحبها زينة وهي من حقها تختار الزين
بقى كتب ربي وحبيت واحدة ماشي زينة اكيد راح تكون في عيني اجمل النساء

 

[said prince of p]

للاسف نعم ولاو يشوفوا للزين اظن انه كان موضوع كتبته زميلة
*ياليباهي من البرا ومن لداخل كيفاه * على مااظن
ربي يستر وخلاص للاسف ولاو يشوفوا للزين اما الاخلاق فياريت لم تذكريها
كلي ذكرتي عفريت ولا بليس

 

[Klach]

انا واحد من الناس نعشق الزين​

 

[MAN1850]

انا زينة لازملي واحد زين:angel::laugh:

هيا راح نمد رايي بلا تنيفيق،،

اولا الزين يلعب دوور كبير، بالنسبة ليا منديش واحد يكون باشع في الخلقة لدرجة كبيرة،عارفة روحي منقدرش:surrender:

بصح مايش لازم واحد زين كيما توم كروز،،واحد يكون عادي،
لما نشوف فيه منتخلعش وخلاص،
ونا اصلا منقدرش ندي واحد زين، نخاف يشوفو عندو البنات ( غيارة:shay
يعني يكون انسان عادي وخلاص،
هدرتو علا الشكل جاوبت،كي تهدرو علا الصفات الاخرى نجي نرد:sheer:
​

ههههههه عندك وحد الثقة بالنفس // البابيشون للبابيشات //
على العموم اكيد الزين يلعب دور كبير و هذا الي حبيت نستخلصو منك
و الغيرة انواع (^ــ^) شكرا على الرد
​

 

[MAN1850]

اخي الكريم اولا شكرا على الموضوع القيم و المحير في ان
واحد،
اولا سيدي الكريم انا و اعوذ من كلمة انا ،انسان لطالما يبحث
عن الطيبة في نفوس الاخرين و ستبحث في الناس و ستجدني
الاول الذي يحب مكارم الاخلاق و العقل المتفتح و اعلم ان جمال
الشكل لا يدي و لايجيب و في مقولة "الزين ما يبني البيوت"
و سأزدي لك نصيحة لا تبحث عن الجمال الخارجي و إسعى جاهدا للبحث عن الجمال الداخلي.
وشكرا

​

ردك رائع و واقعي ينبعث من تفكير و تجارب شخصية
و هذا النوع من الردود المحبب لكل الناس
// على العموم لا يجب ان نخرج على الموضوع كثيرا ...
لأنني من كلامك استننتجت انك فعلا لا تهتم لجمال الشكل
مع انني اقول لك من حقق ان تختار من الفتيات الحسناوات
و من حق الفتيات اختيار الشباب ذو المضاهر الجذابة ..
​

 

[MAN1850]

بالاخص لبنات يموتو على الزين منيش عارف علاش
مم الذكور تاني يحبو لبنات الزينونات بصح من حقهم لان الطفلة خلقها ربي للزين والمتعة
مي الرجل منعرف علاش يحوه لبنات يكون زين
انا نعرف الرجل كي كون زين في جيبو وفي اخلقو ماشي في وجهو
بنات اخر زمان يا لطيف منهم
بصح اي لي تدي الزين اي تكره في بالها راح تعيش معه حياتها سعيدة معلبلهاش بلي لعسل ويتكره كي الوحد يكثر منو هكك الزين عند الرجل كل يوم تشوف فيه زينون بصح لا خدمة لا عقلية في شهر تكره منو

من كلامك عرفت بلي في ميزك
الزين للبنات مش الولاد و البنات ما عندهم الحق في الزين !! صح ولا لالا
و انا نوافقك في ما قلت لكن ليس اكثر من 40 %

 

[عمر الفلسطيني]

الجمال مطلوب للرجل وللمرأة
والرسول صلى الله عليه وسلم حث على ذلك
وأمر الرجل أن يتزين لزوجته ايضاً كما تتزين له (طبعاً بالضوابط الإسلامية مو يروح يحط روج وأحمر شفاه ومونيكير ويلبس باروكة)
لا يتزين ويحلق شعره ويطيب ويلبس ملابس حلوة ويحط ريحة جذابة