هذه قصة حقيقية وقعت لي
قبل عام برك ما كانتش عندي صديقة بمعنى الكلمة ودوكا الحمد لله عندي وحدة تعوضني بكنوز الدنيا تعرفت عليها هذا العام ولات كي اختي واكثر نحكيلها قع واش يصرا معيا ونتقاسموا الحلوى والمرة .وبقينا هكاك ومازلنا حتى وليت نقوللها نتي توأم روحي وهذه مشي كذبة .
حتى جاء ذاك النهار......
كي جاء الصبح وروحت الثانوية قعت نسناها بصح ما جاتش غابت يومين والنهار الثالث جات بسح تقول مشي قع هي كانت زعفانة وحزنانة سقسيتها وشبيها قاتلي راني باغية نقولك حاجة بصح تقعد بينتنا ووعدتها ما نقول لحتى واحد وهنا قاتلي بلي راحت للطبيب وشك بلي عندها الكونسار في الراس منبعد بعثها للعاصمة باش ادير السكانار وكي دارتو بان بلي صح عندها هذاك المرض وانا من ذاك النهار حوالي تقلبت ومازلت هكاك وراني كل يوم نبكي عليها علخاطر راني كل يوم نشوفها تذوب بين عينيا ...................
وشوفوا الصداقة الوحيدة اللي حسيت بيها راهي تضيع مني وماني لاقيا واش ندير وهذا قاع بسبت الكنسار.....
