~'*¤!||!¤*'~`أرواحو تصيفوا معانا و تنحو على خاطركم`~'*¤!||!¤*'~`

[رقيقة المشاعر]

انا ملي بدا الصيف راني غير مع الدار راكم عارفين تسياق صباح ربي و فطور و عشا ووووو.........إلخ :heh:

و فيها ميكرو و تيلي ووو...إلخ ثاني :yahoo:

ماعدا اني رحت لسعيدة و تيارت و وهران و مازال نزيد هههههههه :music_whistling:

ختي هذو ليامات رابحة الباك :ans_flw:
مبروك عليها :ax_flw:
عقبالي ان شاااااااااء الله :blushing:

و رانا ماشيين :heh:

 

[Rochdi.dz]

انا ملي بدا الصيف راني غير مع الدار راكم عارفين تسياق صباح ربي و فطور و عشا ووووو.........إلخ :heh:

و فيها ميكرو و تيلي ووو...إلخ ثاني :yahoo:

ماعدا اني رحت لسعيدة و تيارت و وهران و مازال نزيد هههههههه :music_whistling:

ختي هذو ليامات رابحة الباك :ans_flw:
مبروك عليها :ax_flw:
عقبالي ان شاااااااااء الله :blushing:

و رانا ماشيين :heh:

هههههههههههههههههه

التسياق و النيطواياج راه على البنات كامل

و نقولو لخيتك مبروك عليها وربي يوفقها في الجامعة

و العقوبة ليك نتي ثاني ربي ينجحك

و نزيد نقلك باللي التحواس أجمل حاجة في الحياة باسكو

كي نبدلو الجو مورالمون نريحو

مرسي على الرد الجميل​

 

[yasmine_1993]

و درك ندخلو في الديطاي​

نبداو باللولة و الي هي ​

​

awaln salamo3alykom
wachrakom ??

a7dathi emmmmmmmm lménage toma lménage toma lménage lol makach 7aja okhra w rani ana w lménage kif had lcat m3a shaybo

​

ونروحو لثانية ​

​

أمبوسيبل واحد ما يخرج من مدينتو في الصيف على الأقل​

يخرج مرة ولا زوج يبدل الجو​

دونك نحبكم تحكيولنا إذا خرجتو وشفتو بلايص شابين بزاف​

كيما هذي​

​

mazal makhrjtch kont m3wla nro7 lbarika 3andkom a khali mais lah ghaleb papa rah w khlani

بلاما نطول عليكم نروحو لثالثة واللي كاثرة بزاف​

​

emmmm l3ras ghir homa had la semaine 3ers ta3 bent khali w semaine li b3dha 3ers bent khalti w b3dha byoum 3ers wa7da jartna w lokhrin ani nji w n7kilkom 3lihom fi w9thom bach nkoun 3dou fa3al lol

​

و خفيف ظريف نديرو طلة للرابعة و اللي هي​

​

yaaaaaaaay lb7ar maray7ach nsme3 bih had l3am psq aw rmdham sema dar bark mais lokan nghre9 fe lkouloire ani nji ngolkom

ايا تهالو في رواحكم و تهلاولي في الميضوع​

أيا على خير​

​

aya sa7a merci mwdo3 fort

 

[Rochdi.dz]

aya sa7a merci mwdo3 fort

هههههههههههههههه
حابة تجي لبريكة مرحبا بيك

يا بنتي راكم حطمتو الرقم القياسي في لعراس الله يبارك

ربي يدومها عراسات و فرحات و زهوات

..................
ماعليش العام الجاي إن شاء الله تروحي لبحر

شاف فيها ربي خير بالاك كون رحتي تغرقي في بحر الحب آ ههههههههههه


مرسي على الرد نورتي​

 

[AmOuNa93]

موضوع رائع
يعطيك الصحة​

 

[M!ss D!or]

إول مرة نفهم عليك بلا مترجم هههه
مي تع صح والله موضوع قمة
يعطيك الصحة
و كون يصرالي كاش جديد راني نقلكم
أيه عندي جديد نسيت نقلكم والله ليوم وين خرجت من السبيطار هههه
الحمد الله​

 

[Rochdi.dz]

هههههههههههههههه

ربي يعيشك ختي

على سلامتك آسيدي ماعلاباناش بلي راكي مريضة

رانا نستناو في الجديد إن شاء الله و نتمناو يكون مليح

مرسي​

 

[Mafia.dz]

اقسم بالله غير حبستلي راسي

و الله موضوع من المقطوعين

الله يعطيك ضربة ما تفاهمناش هاك

الليلة تشبع .................

ههههههههههههه
​

 

[Rochdi.dz]

موضوع رائع
يعطيك الصحة​

يسلمك ختي

جيتي توا هدا وين شفتك

مرسي على المرور​

 

[Rochdi.dz]

اقسم بالله غير حبستلي راسي

و الله موضوع من المقطوعين

الله يعطيك ضربة ما تفاهمناش هاك

الليلة تشبع .................

ههههههههههههه
​

ههههههههههههههههههه

ربي يحفظك المافيا بوان ديزاد
ههههههه

نورت آ خويا مرحبا بيك

كوكان تزيد تحكيلنا برك

مرسي​

 

[Mafia.dz]

ههههههههههههههههههه

ربي يحفظك المافيا بوان ديزاد
ههههههه

نورت آ خويا مرحبا بيك

كوكان تزيد تحكيلنا برك

مرسي​

ههههههههه

راني جاي
​

 

[الجريئة]

يعطيك الصحة خويا رشيد راك فورررررررررر
10/10
انا كي نكون في الدار من الكوارث مانخرجش
بصح لازم نخرج من الولاية تاعي
وحاجة مهمة نروح عند خوالي

 

[tetoma]

نتفكر برك و نولي

 

[racha.]

يعطيك الصحة موضووع هايل وانشاء الله تكون دائما متالق كيما نعرفوك

 

[nour mary]

كيما تعرفو رانا في عمي الصيف والدعوة راهي سخونة أقلاص


كي نسمعو كلمة الصيف كي شغل سمعنا كلمة هاج بركان


في الصيف الناس كامل قاعدة سيرتو في خالي أوت


الناس تخرج كونجي كي حالتي وتروح تنحي على روحها في البحر


اللي عندو يروح و اللي ما عندوش يدبرهم بالسيف المهم يتبحر​

​

وبخلاف البحر الصيف معروف بالمناسبات و سيرتو العراسات نتاع الزواج


و في الصيف تاني تخرج النيجة نتاع الباك آسيدي و الأهلية


و السيزيام المهم وش نقلكم مابين فرحة وفرحة كاين فرحة​

الميضوع هذا يحكي على الصيف


واش يصرى في الصيف من أحداث و تحواس و مناسبات


و حوايج بزاف؟؟؟؟؟ مي نتوما اللي رايحين تحكيولنا


الحوايج هدوما؟؟؟؟؟


بإختصار الميضوع فيه خمس حوايج


راهم مختصرين في الفوطو الجاي​

​

و درك ندخلو في الديطاي

نبداو باللولة و الي هي ​

​

يخي علابالكم في الصيف يصرى العجب من الديقوطاج ​

يعني كامل راح تصرالكم عفايس قادرين يكونو ملاح و قادرين يكونو مش ملاح​

​

ايا مالا أنا حاب اللي تصرالو منكم كش عفسة يحكيهالنا ​

​

باش نفروحو و نبكيو معاه​

​

مثال يصرالو كيما المخلوق هذا​

​

​

​

ونروحو لثانية و الي هي كيما ​

راكم تشوفوا​

​

أمبوسيبل واحد ما يخرج من مدينتو في الصيف على الأقل​

يخرج مرة ولا زوج يبدل الجو​

​

دونك نحبكم تحكيولنا إذا خرجتو وشفتو بلايص شابين بزاف​

​

كيما هذي
هاد الساعة رانا قاعدين في الدار ​

​

​

بلاما نطول عليكم نروحو لثالثة واللي كاثرة بزاف​

​

​

​

كيما قلتلكم الفوق الصيف غير فرحات​

​

وهد ليامات رايحة تجي الريزيلطا نتاع الباك​

​

ايا اللي عندهم عرس ولا نجاح في الباك يقوللنا​

​

باش نفرحوا معاه كامل
انا جامي حضرت عرس في الصيف ما علاباليش وعلاش لا فامي نتاعنا يحبو عراسهم وقت لقرايا م نحسوش بيه خلاص​

​

​

​

و خفيف ظريف نديرو طلة للرابعة و اللي هي​

​

​

​

يصراو بزاف في الصيف عفايس يضحكو سيرتو كي يروحو ​

جماعة مع​

​

بعضاهم يتبحرو راح يصراو لقطات يقعدو في الذاكرة​

​

إمالا اللي صارتلو عفسة تضحك يحكيلنا واش صرالو​

​

ويضحكنا كيما المخلوق هدا
لعام لي فات روحنا لتونس مع بنات خالاتي مالقيناش واش نديرو ركبنا في كاليش و بدينا نغنو ماعلابالنا بحتى واحد​

​

​

​

و أون فان لحقنا للنهاية علابالي طولت عليكم​

​

قتلكم الحاجة الخامسة هي​

​

​

​

هدي نتاع الجماعة اللي تبحرت وشافت حوايج صراو في الشط​

لقطات بيزار و لا يضحكو ​

​

ولا صراتولو عفسة كي كان يعوم ​

​

كيما نضر هذا التمسوح
ما تولهتش هههههه​

​

​

​

ايا تهالو في رواحكم و تهلاولي في الميضوع​

أيا على خير​

​

 

[عاشقة رجاص]

السلآمـ عليكم ورحمة الله وبركاته:
والله موضوع هايل بزاف خويا رشدي
وطريقة طرح مميزة بزاااااااااف
والله بالنسبة ليا عندي مانحكي هههه لدرجة أني مالقيت من وين نبدا
نبدا بالحوادث

رانا في فصل الصيف يعني يكثرو لعراس
ومع كثرة لعراس تكثر لعرايس وبنت عمي نينا عروسة تتزوج هاذ الصيف
ومادامها تزوج هاذ الصيف لازمها توجد شورتها قبل العرس
اليوم جات على صباح ربي كركرتني معاها:sneaky2:
ماخلينا حتى حانوت في رجاص ولا في فرجيوة مارحنالوش:glare:
وانا كنت لابسة سندالة بسبيتات وفجأة تقطعو ذوك السبيتات طبعا من كثرة المشي :closedeyes:
وقعدت أومبان في وسط الطريق
مالقيت كيفاش ندير...... نينا بيان سير شبعت عليا ضحك ومبعد قالتلي نتيا دخلي لهاذيك البتزيريا
وانا نروح لأقرب حانوت ونشريلك حاجة تلبسيها :closedeyes:
دخلت لجد هذيك البتزيريا وياريتني مادخلت
كيما قعدت بعد جات ساماتني وحد لعجوزة وبدات تحكي معايا فاللول والله كي لعسل حكيت معاها بيان
ومبعد لقيت لمرا تقلبت قالتلي تعرفي عومار :scared: قلتلها لالا
قالتلي راه زوج في 2003 كيفاش ماتعرفيهش:surrender:
قلتلها يا الحاجة والله مانعرف حتى واحد اسمو عومار
قالتلي المهم هذا عومار وبدات تحكيلي في قصة حياتو
ومبعد زادت قالتلي سير تعرفي خالد .......
ياسبحان الله والله مانعرفو يا الحاجة
أنا قلتلها هكا وهي زعفت وقلبت عليا جد البتزيريا
كيفاش ماتعرفيهش وعلاه ماتعرفيهش على الأقل تسمعي بيه :surrender:
ثما قالتلي وحد لمرا ماتخافيش يابنتي هاد لعجوزة مريضة شوية مام أنا دارتلي مرة هكذا وقالتلي كون ماتقوليش باللي تعرفي سفيان ماتفراش الحل انك تساعفيها برك :tears:
ثما قالي مول البتزيريا والله راني حاير كي راهي تهدر معاك نورمال قبيل ضربت طفلة برا هههههههه بكاتها
ياربي نخرج راني بلحفا :tears: نقعد نخاف من لعجوزة هذيك قعد غير نسايس فيها ونقولها نعرف دزاير كامل أحكي برك 35 مليون جزائري نعرفهم:closedeyes: وهي تحكيلي قصة حياة كل واحد مرة محمد ومرة زوبيدة مرة فلة ومرة سميرة :closedeyes: حتى جات نينا وجابتلي سندالة لبستها وطرت للدار واللي يزيد يخرج معاها راه غالط:glare:
****
شكرا رشدي خويا على موضوعك وآني نرجع مبعد:wink:​

 

[~ مستشـآرهـ طـرزآنـ ~]

حوسولي على عجوز عندها 80 عام و عرسولي الصيف هدا.........راني وحداااااااااني
​

راكـ هنا يا وجه الشر...:u_pc:
ماعليش منبعد نتفاهمـ مع جدك...:sneaky2:
​

 

[Mafia.dz]

مع الصيف لا يحلو الا الخبز و الدلاع


​

 

[Mr mino]

كي نروح لبيطام راني نجي نحكيلك

ها على خيراااااااااااااااا​

 

[هــــيلدا]

حالياً الأعضاء النشيطين الذين يشاهدون هذا الموضوع : 3 (3 عضو و 0 ضيف) ‏هــيلدا, ‏Mafia.dz, ‏Mr mino+

اخاه راني مع زوج يخوفو:schmoll::schmoll:

مدامكم هنا منطولش ونجي نكادني:like_1::like_1:
​