شوفو يا ناس على جالت الباك واش راهو يصرا ادخلو و تسمعو

[iktimel]

السلام عليكم
واش راكم ؟
حبيت برك نقلكم يا ناس لي ماجابش الباك هاد العام موش نهاية العالم معظم الناس باكهم يجيبوه في العام التاني ماعليش صح راحلكم عام بصح ماعليش
شوفو درك نقلكم على واحد صحب خويا على جالت الباك تاع الهم واش دار
قلك اسيدي البارح الصباح على 8.00 قال لباباه راني رايح عند ......... (خويا) و قالو من تم نروح لقسنطينة ماعمباليش بيه واشراح يدير المهم جا عند خويا قعد معاه شوي و من بعد قالو راني رايح لقسنطينة مالا تم سمع بلي راهم خرجو النتائج تاع الباك راح شاف في موبيليس لقا راحو ماجابوش بمعدل 9.98 تخيلوها نتوما 9.98 على هاد النقطة يعاود عام كامل و الشكل راهو قراي يعرف يقرا يجيب معدلو 13 - 12 هك في هاد الجوايه و هو لي صحابو كامل لي يقراو معاه هو لي ديما يروحولو لدار يقريهم مالا هوما كامل جابوه ماعدا هو :tears: مع هاديك اللحظة راح بالدوموبيل وصل في جوايه ام البواقي قاعد يمشي فيتاس مالا فرينا مع هاداك الفيتاس حكم فرينا مالا تقلبت بيه الطوبوبيل
اهيه و العشية على 6.00 خرج خويا مالا لقا بابا الطفل هادة سقساه قالو ماشفتش ......... راهو خرج الصباح و قالي راح نجي عندك قالو خويا لالا راهو ماجانيش و مبعد تفكر قالو راهو قال نروح لقسنطينة مالا راحو زعما لقسنطينة في طريقهم شافو الدوبوبيل تاعو مقلبة و هو ماكانش مالا باباه مسكين في هاديك اللحظة خلع قال بلاك راهو مات خويا يقولو هيا نروحو لسبيطار و هو ماحبش قاالو اصبر نشوف الدم ادا كاين صاي راهو مات مالا شافو كاين الدم الراجل مسكين مات بالخلعة ماقدرش حتى يسوق ولا ساق خويا الدوموبيل و راهو للسبيطار لقاوه تم لقاو رجلو و يدو مكسرين و و جهو مخيط و هو في حالة لايرثى لها مالا جابوه المهم و درك راهو في السبيطار
شوفو هاداك لهبال تاع لاولاد على جال الباك راح يقتل روحو و يقتل باباه هو راهو غاداتو روحو كيفاه هو يقرا خير من صحابو و هوما كامل نجحو ماعدا هو و واحد برك في كلاسة كامل
ولله غير حرام على 0.02 عاود العام كامل
قال خويا في السبيطار بالعرام هادو لي ماجابوش الباك لي شوكا شوكا و لي في حالة مريض المهم عجائب و غرائب لي يسمع هك يقول تفو على القراية هادي منين جات الناس راهي تموت على جال الباك
ولله خويا البارح في الليل جا للدار و جهو اصفر تقول حبة تاع قارس انا تاني غادني بزااااااااف
و نتوما ياجماعة راهو عادي لي ماكتبلوش ربي هاد العام العام الجاي انشاء الله يعاود و يجيبو العام راهو يفوت ريح كي رمشت عين
ايا طزلت عليكم باي

 

[اردن حب جزائر]

الف سلامه عليه
و بيعوض السنه اللي جايه
ما وقفت الدنيا​

 

[naGam]

شكرا ليك اختي اكتمال هذا صاحب خوك صاريلوا كيما انا الزهر ماكانش هذا مانقول ليل مع النهار لقرايا ونجيب الاولى على مستوى ثانويتي وماديتش لباك وكاينين بنات نعرفهم في القسم ديما بلكيتمان وداوها والله العظيم زهر لباك وربي يصبروا ويصبرني انا تاني هذا مانقول
​

 

[MAN1850]

الحمد لله جات سلامات .. على جال عام راح يقتل روحو مسكين
الله يصبرو و يصبر والديه
حنا عندنا جارتنا مريضة بالقلب مسكينة كانت تقرا تجيب غير 13 و 14 حتى 15
و كي وصلت للباك منعوها الأطبااء من الباك
قاللولها لو كان تنجحي قلبك مش راح يقاوم الفرحة و ممكن تجيك سكتة قلبية
و اذا عاودتي ثاني مش راح تقاومي // مسكينة
خلاوها تروح تقرا و بصح كي جا وقت الباك ما راحتش تعقب
راهي قريب تهبل كي نجحو صحاباتها !!!!!
​

 

[sara 92]

ان شاء الله العام الجاي
و ربي ما يضيعش تعب حتى واحد

 

[sam11]

الف سلامة عليه وربي يشفيه

وان شاء الله العام الجاي

مزالو صغير بعاود وبري يديه

 

[fahima m]

باك نتاع السنة مهزلة راني نقوللكم بشهادة عدة تلاميذ قالك الاساتذة الي حرسونا خلاونا نقلنا
كيفاش كاينين تلاميذ عام كامل يلعبو ويجيبوه والي يبات يقرى ما ينجحش
ولانو اختار انو ما ينقلش ما نجحش
والي نقلو نجحو من حقوا دا انتحار من دي البلاد نتاع الهم ونتاع الكوبياج
هادو وين يروحو للجامعة دوب ويقرو دوب​

 

[naGam]

باك نتاع السنة مهزلة راني نقوللكم بشهادة عدة تلاميذ قالك الاساتذة الي حرسونا خلاونا نقلنا
كيفاش كاينين تلاميذ عام كامل يلعبو ويجيبوه والي يبات يقرى ما ينجحش
ولانو اختار انو ما ينقلش ما نجحش
والي نقلو نجحو من حقوا دا انتحار من دي البلاد نتاع الهم ونتاع الكوبياج
هادو وين يروحو للجامعة دوب ويقرو دوب​

صحيح اختي عندك حق وانا هذا وش غايضني بنات نعرفهم h24بلكتمان في لقسم ووحدامنين تدخل للقسم وهيا راقدة حتان يدق الجرس وداوها في زوج وانا ليل مع نهار نكسر في راسي حتى نوم الليل وليت مانرقدوهش ومن بعد ماكانش واله حاجة تغيض صح ومايحس الجمرة غير اللي عافسها
​

 

[noussy]

سلامتــــــــــــو

انا تاني صار لي نفس المشكل كانو صحاباتي كامل يجو يقراو عندي

كنت ىنجيب كما هو وفي الاخير هما كامل ربحوا الباكـ بمعدلات وانا جبت 9.80 والله ماغاضني الحال بالعكس

فرحت لهمــ

شكرا على الموضوع

 

[ايمان 02]

هذي لي تغيض بزاااااااااااااااااااااف

 

[iktimel]

شكرا ليك اختي اكتمال هذا صاحب خوك صاريلوا كيما انا الزهر ماكانش هذا مانقول ليل مع النهار لقرايا ونجيب الاولى على مستوى ثانويتي وماديتش لباك وكاينين بنات نعرفهم في القسم ديما بلكيتمان وداوها والله العظيم زهر لباك وربي يصبروا ويصبرني انا تاني هذا مانقول ​

ربي يصبرك ختي بصح ماديريهاش في بالك العام الجاي انشاء الله تعاودي و تجيبيه بمعدل مليييييييييح
ربي يوفقك و شكرا على المرور

 

[amine@barca]

صح هاذي ليست نهاية العالم و كل عطلة فيها خير
انا عندي صاحبي العام ليفات ما اداهش جاب 7 و العام هاذا جابو بــ 13.​

 

[iktimel]

صح هاذي ليست نهاية العالم و كل عطلة فيها خير


انا عندي صاحبي العام ليفات ما اداهش جاب 7 و العام هاذا جابو بــ 13.​

ايا سيدي مبروك عليه هاو عاود وو جابو ب 13 واش مات ياخي فات عام نورمال
ربي يكمل :yahoo: