وش رايكم

[شجـ الروح ـون]

السلام عليكم ورحمة الله تعالى وبركاته
نتمنى تكونو كامل لباس
اليوم حبيت نهدر معاكم عى حاجة مهمة
وهي الاخلاق الحميدة
وشنو هي الحاجة اللي تخلي الناس يحترموانسان
ولا يقادروه حتى بعد مماتو
من غير اخلاقوالحميدة وطيبتو وتواضعو مع الناس
المستوى العلمي معندو حتي فائدة كي يكون مجرد من الاخلاق الحميدة على هديك خاوتي لازم نرجعو الادب و الذوق لكلماتنا
لازم نحسنو طريقة تعاملاتنا مع الناس
منيش نقصد النفاق حاشا لله
وانما كل واحد يحسن من طريقة كلامو
وينتقي كلماتو
ياناس الاخلاق الحميدة هي اكثر شيء
يفتح ابواب الجنة بعد تقوى الله عزوجل.
فاقصى درجات العلم تتلشى مع غياب الاخلاق
مثلا وش رح تكون ردة فعلكم لما تدخلوا للحرم الجامعي
وتشوفوا مناظر مرعبة ........
متروحوش بعيد ابسط شيء تناثر القمامة وبقايا الطعام فالفناء
وش حتكون ردة فعلكم
مثال ثاني
من المعروف انو اي فتاة جميلة تثير اعجاب الناس اللي حولها
بصح مجرد كلمة بذيئة منها راح تخليهم يحتقروهاوراح يدو انطباع سيء على شخصيتها
في حين هي تكون لاهية باش تنمق وتحسن صورتها
بمختلف ادوات التجميل
تستعمل خافي عيوب البشرة مثلا
نظن اللي احسن شيء نحوسو على مستحضر كيما هدا
يخفي العيوب الداخلية
لكن للاسف عيوبنا الداخلية لا تهمنا بقدر جمال مظهرنا
1_ حنا ناس نهتمو بالجمال الخارجي
ونتناساو انو الجمال الباطني هو الاهم
لانو الخلق السيء يمحي اروع علامات الجمال الخارجي
2_وصلنا لوقت اهتمينا فيه بالجمال الخارجي
وتغافلنا على تعاليم ديننا الحنيف
وطرق التعاملات بيننا
3_ لابد من ربط المستوى العلمي بالاخلاق فغياب الاخلاق لا يعوضه علوم الدنيا
واهم شيء من الكلام اللي فات كلو انو
معاملات الانسان مع الناس اللي حولو
هي اللي تبين معدنو وتبين خلقو و تربيتو
على هديك لازم الواحد يتعامل مع الناس الكل كيف كيف
وميطبقش التمييز العنصري....
ونعاود ابتسامة الانسان اتي لا تفارقه
واخلاقه الحميدة رح تخلي الناس تحترمو و تقادرو حتى بعد مماتو مش العكس
سمحولي على الاطالة
سلام
​

 

[** غزال الصحراء **]

تمت مراقبة الموضوع , و الموافقة عليه //

شكرا .

 

[شجـ الروح ـون]

تمت مراقبة الموضوع , و الموافقة عليه //

شكرا .

شكرا لك اخي على الاعتماد

 

[bilale-007]

موضوع رائع شكرا

 

[Houda Chaouienne DZ]

شكرا جزيلا على الموضوع
حقا الأخلاق تجعل الناس يحترمون صاحبها
​

 

[السلطانة]

وعليكم السلام شكرا على الموضوع الرائع
يقول امير الشعراء:
وإِنَّمَـا الأُمَـمُ الأَخْـلاقُ مَا بَقِيَـتْ
فَـإِنْ هُمُ ذَهَبَـتْ أَخْـلاقُهُمْ ذَهَبُـوا

اتدكر قول احد الاعراب اقوله لكم يقول:
تنكشف الأخلاق في ساعة الشده

تقبلي مروري تحياتي

 

[nour mary]

موضوع في القمة
صح عندك الحق في هاد الوقت لي ما يحترمش روحو واحد ما يحترموا

 

[sahiko hamza]

يقلك كي يعود القلب ميت مافيهش حياء منين راح تجي الأخلاق ؟
الموصيبة تلقي يستعمل في المكياج باه يحسن لفضو كيما بعد الأطراف وراكم تعرفوها
مي أفون من الداخل يعلم ربي ...



ربي يهدينــا
​

 

[جوانا]

موضوع رائع
تحياتي

 

[شجـ الروح ـون]

موضوع رائع شكرا

العفو اخي مرورك الاروع

شكرا جزيلا على الموضوع
حقا الأخلاق تجعل الناس يحترمون صاحبها
​

العفو غاليتي
اللي يحترم الناس يحترموه

موضوع في القمة
صح عندك الحق في هاد الوقت لي ما يحترمش روحو واحد ما يحترموا

مرورك الي في القمة غاليتي
في هاد الوقت وفي كل وقت
لازم الانسان يتحلى بالاخلاق الحميدة:wink:

 

[شجـ الروح ـون]

وعليكم السلام شكرا على الموضوع الرائع
يقول امير الشعراء:
وإِنَّمَـا الأُمَـمُ الأَخْـلاقُ مَا بَقِيَـتْ
فَـإِنْ هُمُ ذَهَبَـتْ أَخْـلاقُهُمْ ذَهَبُـوا

اتدكر قول احد الاعراب اقوله لكم يقول:
تنكشف الأخلاق في ساعة الشده

تقبلي مروري تحياتي

شكرا على الاضافة القيمة شوشو
نورتي موضوعي:wink:

 

[شجـ الروح ـون]

يقلك كي يعود القلب ميت مافيهش حياء منين راح تجي الأخلاق ؟
الموصيبة تلقي يستعمل في المكياج باه يحسن لفضو كيما بعد الأطراف وراكم تعرفوها
مي أفون من الداخل يعلم ربي ...



ربي يهدينــا
​

عندك الحق حمزة
لكن الحياء يجي من الاخلاق
اللي ميحشمش مهوش........
وكيما قلنا
رانا كونتر التنوفيق وكونتر الشيتة:glare:
كل واحد يمشي بوجهو الحقاني
نورت الموضوع

موضوع رائع
تحياتي

مرورك الاروع غاليتي
تحياتي لك:wink:

 

[Sârsoùra L'mkàlChà]

يــآا سمسوومة يـآ سمسووومة
والله غير عندك الحق في كلشي قلتيه
صح الطفة اذا راحتلها اخلاقها ... ما بقالها واالو


​

 

[azoula]

موضوع جميل شكرا تقبلي مروري

 

[choukri25]

عاش من عرف قدرو

 

[حلمي النسيان]

عمره ماكان المستوى التعليمي هو اللي يحدد شخصية الانسان

لانو مهما كان مقامه و درجته اذا كان ماعندهش اخلاق حميدة

محال يقدر يكتسب احترام الناس

و كيما قلتي اختي في هذا الوقت الفاظ الشخص هي الحكم الوحيد على شخصيته

مهما كان مظهره ولا تصرفاته

و ماعندي مانزيد اختي سامية لانك كفيتي و وفيتي كل النقاط في موضوعك

دمتي بحفظ الرحمان


​

 

[إحســاس بــراءة]

اهلا بيك سامية اختي يعطيك الصحة على الموضوع الهايل
صح الاخلاق الحميدة هي اساس كل شئ و اساس المعاملات بين الناس
الواحد اذا كان مربي ومتخلق و يتعامل مع الناس غير بالحسنى اكيد الناس كامل رايحة تحبو وتحترمو لشخصو
كيما قلتي اختي حتى حاجة مارايحة تعبر على الانسان الا اخلاقو فقط
اما اذا كان العكس و كان يعامل الناس على اساس المصلحة فقط فهنا اكيد رايحة تكون نظرة الناس ليه مختلفة تماما على الانسان المتواضع و صاحب الاخلاق الحميدة
الاخلاق هي كلشئ يا اختي

ربي يحفظك
يعطيك الصحة
بارك الله فيك

 

[ريما الشاوية]

موضوع في القمة بارك الله فيك

 

[DARINE05]

نعم اختي لديك الحق كلها
الاخلاق هي كل شىء

 

[العاطفي]

موضوع مميز
وهذا من حسن خلقك
حفظك الله ورعاك
حقا الأخلاق الحميدة أساس المحبة
" وما أرسلناك إلا لتتم مكارم الأخلاق "
​