وعليكم السلام ورحمة الله تعالى وبركاته
الكمال لله سبحانو وتعالى عندك الحق ختي ملاك وهذي ثاني مافيها شك
بلي مكانش إنسان مافيهش عيوب لكن المشكلة والسؤال ليبقى مطروح
هو وين راهي هذا العيوب بالنظر إلى المواضيع والمشاركات نلقاوها درك
بلي كي الموضوع كي المشاركة هي عيب في نفسها إذا كان هربنا من
الواقع لي رانا نشوفو فيه والهردة لي رانا نهدرو فيها ونشاركو بها ومنها
نقولك بلي بين الواقع وواش رانا نحكو مكانش إرتباط كامل يعني كيلي
رانا نحكو على عالم أخر خالي من العيوب ولي هو عالم إفتراضي كيما راه النت
وباش نعطو مصداقية للمواضيع والكل يستفاد لازم نخرجو من الإفتراضية ونهدرو بالواقعية
ربي ينورك وربي يخليك على المشاركة القيمة دمتي بالأف خير وهناء إن شاء الله
ختي مريومة نقولك واش راكي ونتمنى تكوني بخير
ونقولك كيما خليتك كيما لقيتك يعني ديما مشاركتك واقعية وتخرج من القلب
صريحة ربي يكملك وربي يخليك صح أنت راكي حطيتي نقطة مهمة جدا ولي هي الوالدين
ورانا نشوفو بلي قيمتهم مكانش وين يجي هنا يربي وبأسلوب تاني ماشي تربوي
كيلي الواحد يبين بلي هو كامل والناس معاه مكاين والو وعلى هذي نحسو كامل بلي
مكانش ثقة فالنت من هذا النقطة لي تاع الصح لي تهدر معاه يقولك بلي النت
مافيهش كونفيونس على خاطرش يظهرلك ملاك وفالواقع ربي يستر وعلى هذي نحترم
بزاف لي يظهر بشخصيتو الحقيقية كثر ملي يجي هنا يبينلي بلي راه القرضاوي
ومايوقفش معاه ربي يجيب الخير وخلاص وربي ينورك كيما نورتي الصفحة
دمتي بالف خير وهناء وسعادة
