خسارة عليك يا لطفى يا دوبل كانون راك طحتى من عينى

[Jagwar]

سلامو لولاد و البنات
صحيتو تولموند

البارح رحت لحفلة فى البحر ( شاطىء ريزى عمر ) لى يسموه شاpـى راكم تعرفوه مليح

المهم جابولنا فى الحفلة الشاب خلاص و ملك الراب الجزائرى لطفى دوبل كانون

ايه السهرة بدات مليحة مع الشاب خلاص اللى زهى الالغاشى لى جا يفرفش و ينحى على بالو ( حوالى 50 ألف رقبة ) حضرت الحفل

المهم بعد ما غنى الشاب خلاص ، دخل لطفى دوبل كانون لى كان علابالو و قاعد يشوف بلى عايلات بزاف حظرو للحفلة

و لكن حدث ما لم يكن فى حسبان تلك العائلات

دخل عليها لطفى بالغناء تاع البونديا و تاع قلة الحياء على البانيت و الشراب و الزطلة و و و الخ الخ الخ

علاش هكذا يا لطفى علاش
و الله كان يعجبنى بزاف و لا يختلف اثنان بلى لطفى عندو غناء فور و يحكى بزاف على المشاكل و الوقائع لى رانا نعيشو فيها

بصح كيفاش لطفى ما عملش حساب بلى كاين ناس متخالطو و فاميلات
واحد جايب ولادو ، واحد جايب يماه و خاوتو و اذاعة عنابة حاضرة

علاش يا لطفى علاش هكذا
و الله غير عيب كبير
و ما ننساش تانى الفسق و العرى و الشراب لى كانو حاضرين بقوة تم من طرف الجمهور لى كان حاظر

المهم واش راح نقولكم ، أنا من عندى لوكان غير يحبسوهم الحفلات هاذو ، لمصلحة الشعب بالدرجة الاولى .

ربى يهدينا و يرجعنا للطريق الصحيح








​

 

[هــــيلدا]

:surrender::surrender: لطفي نشتيه:tears: علاه دار هكذا:glare:

منعرف راه تبدل العنابي نتاعكم، شم شوية ريحة كراسي مولاش كيما بكري:surrender:

اسامة مقلتناش حتا بللي رايح لحفلة:busted_red:
تجي ريمة تجيفك:like_1::like_1:

:glare: حفلات نتاع الليل مايش نتاع عوايل تاني:thumb_down::schmoll:
​

 

[touffik]

أنا من عندى لوكان غير يحبسوهم الحفلات هاذو ، لمصلحة الشعب بالدرجة الاولى .

ربى يهدينا و يرجعنا للطريق الصحيح


فى هدى عندك صح عائلة محترمة متروح للحفلت تع اختلط فى ليل يااخى
ورك قلت بلسنك كاين

و ما ننساش تانى الفسق و العرى و الشراب لى كانو حاضرين بقوة تم من طرف الجمهور لى كان حاظر

الله يحفظ الجزائر اخى شكرا

 

[naGam]

خويا ربي يهدي ماخلق وماكانش واحد يدخل للفن ولشهرة تلقاه مليح مستحيل لأنوا كاين صوالح............منها اللي ذكرتها ربي يبعدها علينا وكون الدولة دير فينا بليزير وتحبسهم لحفلات الكل
​

 

[Elif DZ]

كل واحد رح يتحط في قبر وحده لذا ربي يهديه
​

 

[b.bouchra]

انا بالنسبة ليا الغنا كامل تلقى فيه كلام خارج عالطريق
ماشي غير لطفي غنى غنا كيمنهك
معضم الغنيين ولا كامل
راهم في نفس الطريق او هادا
ماشي دفاع عليه
مي حقيقة​

 

[sahiko hamza]

هيه صح
ديجا العايلات هذوك فيهم لي حاطين أشراب معاهم مانقول بكل مي أكثريتهم ...
صح ولا أني غالط
ديجا تم التخلاط عادي
التطياح عادي
كيفاه تحوس من لطفي يعقل ؟؟
هو يشرلهم وانت تقلو عيب ؟


راجع روحك خويا ميسي
​

 

[samifa31]

لطفي !!!!!!!!!!!!!!
والله حتى انا راني دايراته يغني غي على المشاكل والواقع ليرانا عايشينه
واش دير خويا اسامة في هاد لوقت كلشي تبدل
وانا تبانلي حفلات ليل ماشي تاع لعايلات باسكو ليل يصرو فيه صوالح ماشي ملاح
المهم منطولش ربي يهدينا وخلاص
مرسي اسامة

 

[mimi.dz]

لطــفي صح نحبوه مي كيفو كيف غيــرو
يتلاءم مع الجو
الشعب رايح فيها لازم هو ثان يكون ...........
اصلا حنا ما استفدنا والو من هاذ الحفلات
اللي رجعو عادة في لبلاد
وخليدة تومي تضيع في دراهم الشعب باطل
ربي يهدينا
​

 

[الجريئة]

ربي يهدينا خويا السهرات الليلية ماهيش مليحة للعائلات
فيها الشراب ...........الخ
المهم ربي يهدينا و يرجعنا للطريق الصحيح

 

[didin91]

هيه صح

ديجا العايلات هذوك فيهم لي حاطين أشراب معاهم مانقول بكل مي أكثريتهم ...
صح ولا أني غالط
ديجا تم التخلاط عادي
التطياح عادي
كيفاه تحوس من لطفي يعقل ؟؟
هو يشرلهم وانت تقلو عيب ؟ ​

راجع روحك خويا ميسي ​

انت جبتها-هاي الناس لي تفهم- ​

 

[•мϊѕŝ Šрέсǐάł•]

اه تسمى الغنا تاع الشاب خلاص عاجي مافيه والو
وتاع لطفي فيه؟؟؟

 

[DARINE05]

لطفي انا نشتي غناه يا اسامة خويا احنا في باتنة لول بارح بدا تيمقاد والله روحتلي كي كان في عمري ربع سنين من ثمة مزدناش روحنا اكره حاجة عندي حفلة كي عاد العرب تاعنا ميعرفوش يعيشو طول كي الهمج

 

[nina bonoise]

انا تلاقيتوا في عشية
كان يهدر مع اذاعة عنابة
هو يهدر و الشعب يعيط
فرحانين بيه

 

[سمية92]

ايه حفلة تاع الليل واش تستنى يصرا فيها؟؟؟
سي نورمال كيما حكيت !!
ربي يهدي الجميع

 

[Jagwar]

:surrender::surrender: لطفي نشتيه:tears: علاه دار هكذا:glare:

و الله انا تانى حيرنى تاع الصح
نشفى على وحد المرة دار حفلة فى التياتر و طلب من الجمهور باش يغنيلهم بلاد ميكى و هو ما حبش قال احترام للعايلات لى حاظرة و الاداعة
بصح المرة هاذى ما نعرف واش بيه​

منعرف راه تبدل العنابي نتاعكم، شم شوية ريحة كراسي مولاش كيما بكري:surrender:

راه عايش فى مرسيليا وين لاليبرتى تم
​

اسامة مقلتناش حتا بللي رايح لحفلة:busted_red:
تجي ريمة تجيفك:like_1::like_1:

المرة الجاية نعيطلك انتى و ريمة كيف يجيبولنا كمال القالمى ههههه ما تقوليش لريمة
​

:glare: حفلات نتاع الليل مايش نتاع عوايل تاني:thumb_down::schmoll:

ايه نستعرف بيك ما عندك علاه رايحة ليهم​

مرسى عليك اسراء
نشوفك على خير





​

 

[Jagwar]

أنا من عندى لوكان غير يحبسوهم الحفلات هاذو ، لمصلحة الشعب بالدرجة الاولى .

ربى يهدينا و يرجعنا للطريق الصحيح


فى هدى عندك صح عائلة محترمة متروح للحفلت تع اختلط فى ليل يااخى
ورك قلت بلسنك كاين

و ما ننساش تانى الفسق و العرى و الشراب لى كانو حاضرين بقوة تم من طرف الجمهور لى كان حاظر

الله يحفظ الجزائر اخى شكرا

هذا يرجع للدولة و لوالى ولاية عنابة لى كانت الحفلة تحت فخامتو
ربى يجيب الخير خويا توفيق
صحيت شريكى






​

 

[صبرا يانفس]

الله يهدي هذا مارانا ناقسين غير الشطيح والرديح
انا نسكن في باتنة وحفل تيمقاد جارنا وجامي رحت
بصح لطفي يعجبني مام كلامو كامل واقعي ويعايش حياة الشعب الجزائري
بصح واش راح نحكي راك قلت في الليل
ربي يهدينا​

 

[Jagwar]

خويا ربي يهدي ماخلق وماكانش واحد يدخل للفن ولشهرة تلقاه مليح مستحيل لأنوا كاين صوالح............منها اللي ذكرتها ربي يبعدها علينا وكون الدولة دير فينا بليزير وتحبسهم لحفلات الكل​

صح اختى عندك الحق
راهم يقولو بلى هادو هوما لى يشرفو الفن تاعنا حتى خلاص دخل خابط حديدة
ربى يهدينا و يرجعنا للطريق الصحيح
مرسى عليك اختى





​

 

[dana1993]

السلام عليكم
لطفي من افضل مغنيي الراب في الجزائر محقوش الصح سورتو كي كان لي فامي لتم نعرف بلي عندو بزاف اغاني بباهيين على المجتمع بلا وبلا كيما لالبوم تاع كوشمار ليسونسيل ربي يهدي الشعب
و الحفلات الدرجة الاولى ماشي ملاح راه حنا هنا كاين حفلا ت تيمقاد خليها على ربي كي تنوي تروح تندم ايا خطرا رحنا في الافتتاحية الحالة باهية وكلشي كلما تقرب كلما تلقى واحد خابط زيد اونفامي ؟مزادش بابا قالنا تيمقاد من تم معتبناهاش
ربي يستر مع الدزاير والحفلات تاعها
و كانو يكملوهالكم بعباس خير ههه
صحا خويا لكبير يعطيك الصحة​