خسارة عليك يا لطفى يا دوبل كانون راك طحتى من عينى

[Jagwar]

aslane lotfi 3andou wahd lronia ana tchokite in galouli hada lotfi ana manasma3ch bezaf mais rabi yahdihe wyahdina ga3 merci messi


hayet​

انتوما عندكم دليلة و حنا لطفى هههه
واش تحبى اختى هذا هو الفن لى فرحانين بيه حنا
ربى يهدينا و يصلح أمور لبلاد
صحيتى حوتة







​

 

[إحســاس بــراءة]

اهلا بيك اسامة خويا لاباس
راني كنت غايبة هاذ ليام و كي جيت لقيت الحالة معمرة مالقيتش بلاصة هههههههههه
يا خويا في هاد الوقت قادر تتوقع اي شئ
الله يهدي برك
مرسي ليك

 

[Jagwar]

سلام
و عليكم السلام


مام انت راكي معاه مدام رحت للحفلة وعارف بلي فيها لفسق والطايح اكثر من الفاطن ههه

و الله ما رانى عارف يا فؤاد باسكو أنا ما نروحش للحفلات على الاقل مين عرفت صلاحى ، أنا رحت و ما علاباليش واش كاين فى البحر ، و اذا كان اللوم عليا انا تانى لى هبطتت ما عليش نقبلها ، بصح لطفى ما كاروش يعمل هكذاك باسكو كاين عايلات محترمة و ما جاوش أصلا للحفلة

ولطفي من زمان عارفينوا تغير وغير في الاغاني
ربي يهدي ويعافي

يا خويا يغنى واش يحب فى الاستوديو هو حر فى نفسو ، بصح قدام الجمهور ما راهش حر فى نفسو ، باسكو كيما قتلك كاينة ناس محترمة
المهم كيما قلت انت ربى يهدينا كل

وكيما قالت وحدة
رانا في وقت خليدة تومي
دارهم البلاد راحت غير في الشطيح والررديح
والناس قاتلها الجوع
وربي وكيلها وكل لمعها
هذه هي الجزائر

ايه هاذى هي لمثل لى يقول
المسلوخة تضحك على المذبوحة
حنا نضحكو على الفن تاع المصـ..
و نسينا لعفن تاعنا

وكيما يقولو ​

ربي يعافينا

آمين خويا ربى يسمع منك​

شكرا اخي
ربي يجازيك

الله يحفضك و ينورك و يعطيك ما تتمنى خويا​

السلام عليكم

و عليكم السلام و رحمة الله​

------------------------













​

 

[Jagwar]

الله يهدينا

الله يهدينا

الله يهدينا


ربي يحفظك اس اس خويا

روحك طيبة ماشاء الله


( شفت اسمك دخلت حسبت موضوع البارح اللي شاركت فيه
وهو موضوع واحد اخر .......ماتخبر حتى واحد لوووووووول)

آمين يا ايمان
ربى يحفضك اختى
و ما تخافيش ما نقول لحتى واحد
على بالى بيك دايخة اليومين هادو ههه





​

 

[Jagwar]

الله يهدينا برك

آمين ربى يسمع منك اختى



​

 

[Jagwar]

سلام خويا ميسي

و عليكم السلام خويا عبيدو
واش الغيبة هاذى يا شريكى ؟
و الله ليك وحشة يا وليد عمى
ان شاء الله راك بخير خويا لعزيز​

خويا ميسي المشكة لكبيرة الناس تخلص باش تسمع

ايه كيما قالها وحد الشيخ كبير تم
قال الناس تشرى فى جهنم بالدراهم
و الله عندو الحق

الجياحة برك العفيون لي راهي خليدة تومي تزطل بيه الشعب

الله لا يردها العرة هاذيك و الله رانا نستعرو بيه كيف توقف قدام الميكرو و لا تقدم نشاطات ، الله لا يوفقها .

وكيما قلت 50ألف رقبة رايحة تشطح كملت الناس صوالحها وراهي عايشة فالرفاهية
خصهم غير يشطحو برك يقولك نروحو نديفولي خليهم يدفولي و وخليهم يسمعو
واش يحبو بصح السؤال لي يطرح نفسو كاش واحد من الغاشي ناض وصفر ولا قالو واش راك
تغني ولا ناضو يصفقو ويشطحو إذا كانو يصفقو ويشطحو سينورمال يزيد كثر من هكذا
بصح إذا كانو يصفرو وخرجو نظن حتى واحد مارايح يعاودها هو ولا غيرو
المشكلة حنا نقبلو كلش ولافوت فينا مالا نستاهلو كثر

و الله يا خويا باش ما نظلموش الناس كل ، رانى قلت بلى جاو عايلات هم اصلا ما يعرفوش لقدر و الحشمة و الحرمة و موالفين بالحفلات الصاخبة ، و فى المقابل كاينين عائلات محترمة هي فى الاصل ما جاتش للحفلة و انما جاو باش يشمو شوية بحرى تاع البحر و يقعدو فى الشط برك ، و بيان سور ما عجبهمش الحال و كاين ناس ياسر روحت و ماشى عاجبهم الحال ، مى الله غالب ما باليد حيلة ما يقدروش يريكلامو .

ربي ينورك على الموضوع صح يتوشي بصح الواقع لي رانا عايشينو

يقول كور وأعطي لعور كلش مقبول

هاذيك هي شريكى
كاين جماعة هنا ما عجبهمش الحال كيف هدرت على لطفى
مى انا حبيت نقوللهم حاجة برك
لطفى هذا ولد بلادى و انا كنت من أشد المعجبين بيه و كنت نسمعلو غير هو باسكو يحكى على المشاكل تاع الناس و الوقائع لى رانا عايشينها
مى نبعدو علينا العاطفة و نهدرو الحقيقة ، أنا قلتلكم لطفى غلط و ما كاروش هذا ما كان
و صحيت خويا عبيدو
راك نورتينا وليد عمى
ربى يحفضك و يعطيك ما تتمنى
و نزيد نشوفك على خير شريكى
سلام​

---------------

















​

 

[Jagwar]

اهلا بيك اسامة خويا لاباس

أهلا بيك اختى بشرى
أنا و الله لاباس و الحمد لله يسال عليك الخير ، ان شاء الله تكونى انتى تانى بخير و خير منى تانى ههههه​

راني كنت غايبة هاذ ليام و كي جيت لقيت الحالة معمرة مالقيتش بلاصة هههههههههه

الله لا يطول علينا غيبتك رانا نتوحشوك يا مخلوقة ما تزيديش تهربى علينا ، و ما تقوليش ما لقيتش بلاصة
تحبى نجيب بودبوز و نحاوزهم كل باش يخلولك لبلاصة ، و ديجا انتى بلاصتك راها محفوظة واحد ما يدور فيها .​

يا خويا في هاد الوقت قادر تتوقع اي شئ
الله يهدي برك
مرسي ليك

آمين اختى ربى يسمع منك و يهديهم و يهدينا و يصلح امور لبلاد هاذى
و مرسى عليك اختى
نورتينا
هاكذاك ساعة ساعة أعملى علينا طلة ما تزيديش تهربى
آيا نشوفك على خير بشرى
سلام​

-------------------












​

 

[إشراقة حب]

لاحول ولاقوة الا بالله
أسأل الله لي ولك الهداية والرشاد
كان احسن لو انك اتجهت الى مجالس الذكر والقران الكريم لتحفك الملائكة بأجنحتها وتدعوا لك
لا ان تذهب الى اماكن الشيطان ,قلتها بنفسك حضر العري والفسق والخمر
انها اماكن التي يسنكها الشيطان وتفر منها الملائكة .
اللهم اني اسألك الهدى والتقى والثبات يارب العالمين
الله يهديك​

 

[kojak]

بلاك خابط لطفي دوبل كانو تالي مايديرش هكدا
هههههههه
​

 

[abidou 20081]

ربي ينورك خويا ميسي والله لا يغيبك ويسال عليك الخير
وتستاهل كل الخير ياوجه الخير
صح خويا على بها قلتلك بلي رانا في وقت كور وأعطيلعور أنت
ماغلطتش خويا دار حاجا ماشي مليحة تبقى ماشي مليحة
المشكلة بالاك أنت عندك ماشي مليحة عتد البعض حاجا فور بزاف
وتعيا نهدر خويات لي مكبد على حاجا ماتنحهالو ماراكش تشوف لي
راه مكبد على زياني وعنتر أوهام في أوهام عايشين بها
بصح خلي منين يرجعو لعقل يحشمو من رواحهم واش كانو يديرو
أنت كيما يقولو ما على الرسول إلا البلاغ ماعجباتكش حاجا قلتها
بصراحة والباطل يبقى باطل مهما زوقوه مارانيش ضد فلان ولا فلان
ولي حب يسمع حتى أكثر من هكذا راه حر بصح يسمع بينو وبين روحو
ماشي يجي يخلط مع الناس ويحسبهم كامل كيف كيف
ربي يعيشك خويا وربي يحفظك ويفتح في وجهك كل بيبان الخير
دمت بألف خير وهناء خويا​

​

 

[سمكة البحر]

بصح فى الحفلة لبارح ماشى لبنات لى كانو تم كل متهورات

علاش كاين بنات الفاميلا
نورمالمون ما غناش واش غنا​

هو ماقللهمش قعدو اللي معجبوش الحال نورمالمو ينوض

 

[Elif DZ]

هاذيك هي أختى
و زيد حنا تانى عميناها نشوفو فى الحاجة ماشى ملاحة و نتلاحو ليها
ربى يهدينا و يصلح أمور و احوال لبلاد



​

سامحني مي نقلك باللي راهو
غن الله لا يغير ما بقوم حتى يغيروا ما بأنفسهم علينا أن نبدأ من الداخل نحو الخارج
آمين

 

[pulse of life]

خويا نقولك حاجة
لطفي دوبل كانو الناس عرفاتو و حباتو علاخاطر كسر لي طابو و هاد الشي تقدر تقول اساس فن الراب
سواء كانت على الدولة و الا امور تخص المجتمع
و اغانيه قاع هاك
و ثاني راك قلتها كان حاضر الشراب يعني كان يغني على حاجة ثم عايشينها في هاديك اللحظة
و يا خويا شكون اللي يدي يماه و الا اختوا لسهر كيما هاك مع احتراماتي

 

[BeSt GlAdiAtOr]

وش راح تدير خويا أسامة صح....شقنا حفلات كيما هدي تخضرها العايلات لكن تتحول لأماكن....
المهم لطفي دوبل كانون مغني محترم يغني على الواقع وكل شي صاير في المجتمع الجزايري
مي شي لي دارو في هد الحفلة خلاه يطيح من عينين الناس









راني شوية ماش قاعد سمحلي على تعليقي الجاف​