ماشي انا لي خلقت نفسي بل خالق الجميع هو الله

[رضوة الجزائرية]

حبيت اليوم نفرغ لي في قلبي
ماشي انا لي خلقت نفسي بل ربي خلق وفرق
بصح
واش دنبي انا الحمد لله قريت ووصلت وادب واخلاق ودراع وخدما في الدار اي صلاح الدار واش تاني
فقط اني سمراء
كل ما يجيني واحد يشوف اللوني فقط صح الكل يحب اخلاقي والصفاة لي يتمنها كل واحد بصح يحشم قدام الناس انه دا وحدا سمرا
صح
تقولولي كل شي مكتوب وصح اقولولي انه فيه ازواج دايين سمروات وصح تقولولي باش تصبروني
والله العظيم مقتانعة بكلامكم وكلام ربي وراضية
بصح
الكلام الجارح يبقى وياثر على الانسان
وراني نكبر ونتمني وعائلة وولاد
كل شي بالمكتوب معكم
وعلاش لي يجيني يقولي نحشم مين نتمشى معاك ولا كيفاه يجو ولادي معاك قولولي عدا يجرح ولا والو
كل مرة هكدا حتى قعدت نقول لي يجيني ولا يرسلوه لي سمع ادا تحشم من خلق ربي غير رجع ولا تتقرب مني والله العظيم اني على على خلق وجمال بصح المايكا في التلفيزيون ولا الصغارات لي بالشارع ماخلوش سمحولي بصح
انا انسانة وعندي احساس ومشاعر انا ربي خلقني وراني نحمدو ونستغفرو كل حياتي
ربي اني اشكوك همي وما الهم الا من العبد
لك الحمد ان رضيت عني فغفر لي وتب عني
سمحولي فقط عمري راه يمر وحبيت نشوف ولادي كمان الناس ما نطلب منكم والو غير دعولي ربي يفرج عليا
حبيت نفرغ لي في صدري فقط
مشكورين
​

 

[السوفي]

السلام عليكم ورحمة الله وبركاته

اختي الفاضلة اذكرك بالذي خلق كل شيء وهو قال ( هو الذي يصوركم في الأرحام كيف يشاء لا إله إلا هو العزيز الحكيم )
هذه احد مشاكل هذا العصر هو اعتماد الشباب خاصة في الاختيار على جمال يزول ومال يزول وحسب يزول وهم يعلمون ما حث عنه رسول الله واكد فضفر بذات الدين تربت يادك
اختي الفاضله ان اختيار الشاب على مقييس تتغير وهي نسبية تختلف بين الاشخاص خطاء ندم عنه المجتمع كثيرا فالطلاق الذي كان المجتمع لا يعرفه الا في حالات ناذرة وحالات خاصة صار يومنا هذا يحدث في ثاني يوم بعد الدخلة وربما في ليلة الدخلة وهلم جرة وعن اخرى تصطاد الرجال وهكذا خسر المجتمع كثيرا
اختي لا تخجلي من لونك ولا من هيئتك فما قدر الله كان فعليك بالرضى فلك الرضى وان سخطتي فلك السخط وتذكري قول الله (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )
هذا والله اعلم
السلام عليكم

 

[sam11]

شوفي اختي كل شيء بالمكتوب صح وماشي انتي اللي خلقتي روحك

ومن بعد الزين ماشي مقياس للزواج الا اذا مديها يستعرض بيها قدام

الناس وما تقوليش راكي كبرتي هدا مكتوب ربي وين يجي يجي وانتي مزال

ماجاش مكتوب اذن اصبري وادعي ربي وان شاء الله راح يرزقك بولد الحلال

اللي يهنيك ربي يوفقك ويعطيك ما تتمني

 

[**أم البراء**]

السلااام عليكم اختي ...مشكلتك هي تقريبا مشكلتي لكني الحمد لله عندي إيمان قوي بربي..

شيئ افهميه جيدا حبيبتي:الرجل الذي يبحث عنك لأجل جمااالك فقط لا يستحق ان تفكري فيه ولا تتحسري عليه...لأن علاااقة مبنية على المظااااهر-الجمااال-لن تدوم طويـــــــــــــــــــلا وسرعان ما تفشل.
ولم يؤخر الله لك الزواااج إلاّ لحكمة في ذلك فهو أدرى بمصلحتك ربما يهيئ لك زوجا أفضل من الكثيرين الذين تحدثتي عنهم.
خلي إيمانك بالله قوي واجعلي ثقتك يه كبيرة....ولن يضيعك.

أسأل الله لك زوجا صالحا آجلا غير آجل.

السلام عليكم

 

[رضوة الجزائرية]

السلام عليكم ورحمة الله وبركاته

اختي الفاضلة اذكرك بالذي خلق كل شيء وهو قال ( هو الذي يصوركم في الأرحام كيف يشاء لا إله إلا هو العزيز الحكيم )
هذه احد مشاكل هذا العصر هو اعتماد الشباب خاصة في الاختيار على جمال يزول ومال يزول وحسب يزول وهم يعلمون ما حث عنه رسول الله واكد فضفر بذات الدين تربت يادك
اختي الفاضله ان اختيار الشاب على مقييس تتغير وهي نسبية تختلف بين الاشخاص خطاء ندم عنه المجتمع كثيرا فالطلاق الذي كان المجتمع لا يعرفه الا في حالات ناذرة وحالات خاصة صار يومنا هذا يحدث في ثاني يوم بعد الدخلة وربما في ليلة الدخلة وهلم جرة وعن اخرى تصطاد الرجال وهكذا خسر المجتمع كثيرا
اختي لا تخجلي من لونك ولا من هيئتك فما قدر الله كان فعليك بالرضى فلك الرضى وان سخطتي فلك السخط وتذكري قول الله (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )
هذا والله اعلم
السلام عليكم

مشكور على ردك هدا
​

 

[رضوة الجزائرية]

السلااام عليكم اختي ...مشكلتك هي تقريبا مشكلتي لكني الحمد لله عندي إيمان قوي بربي..

شيئ افهميه جيدا حبيبتي:الرجل الذي يبحث عنك لأجل جمااالك فقط لا يستحق ان تفكري فيه ولا تتحسري عليه...لأن علاااقة مبنية على المظااااهر-الجمااال-لن تدوم طويـــــــــــــــــــلا وسرعان ما تفشل.
ولم يؤخر الله لك الزواااج إلاّ لحكمة في ذلك فهو أدرى بمصلحتك ربما يهيئ لك زوجا أفضل من الكثيرين الذين تحدثتي عنهم.
خلي إيمانك بالله قوي واجعلي ثقتك يه كبيرة....ولن يضيعك.

أسأل الله لك زوجا صالحا آجلا غير آجل.

السلام عليكم

مشكورين على الردكم
والله اختى انا ايماني قوي والحمد لله
بصح حبيا نقول ليكم واش راه جاري لي ولكثير من البنات لي مثلي
لا اعتراض على ما اعطاني ربي
وديما اشكره واحمده على كل شي
حبيت نحكي و كثر الكلام عليا لسبب واحد ماشي انا السبب فيه
ربي يعلم بانب ولية وولي هو ربي العاليمن
​

 

[programmeur]

بكل صراحة شعبنا جاهل
يحب غيل الزين برك
زعما تصيبي واحد يحوس على وحدة شابة وهو وجهه داير كي الألف
الله يهدي ماخلق يا اختي واش نقولك غيل كلام ربنا " قل لن يصيبنا الا ما كتب الله لنا هو مولانا وعلى الله فليتوكل المؤمنون "

سمرة .. كحلة .. خضرا .. حمرا ..... في الاخير قاع غادي نرقدو في حفرة

 

[عبد الجبار الجزائري]

الله اكبر خيار الزين السمرة راني نضحك برك

يا اختي الفاضلة هناك الكثير من الزوجات بجمال باهر واخلاق وضيعة لا تحزني ولا تفكري في امرك هدا مطلقا فمكتوبك لم يحن بعد ولما ياتي لن يرى من يتقدم اليك سمرتك مطلقا
اصبري فانت جمالك باخلاقك وعفتك وقد غفل الكثير عن هدا الامر

ربي يطيحك في ولد الحلال اجلا

 

[قَطٌر❀ الٌنَـدَى]

يااختي متهبطيش مستواك ليهم سمرة ومن بعد سمرة تمرة وحلاوة وعسل والله غير انا نعرف بيضات والله غير كاين سمرات خير منهم ببعيد وزيدي حاجة مدامك متخلقة وقارية والله متهمك حاجة للي يدير علي كلام الناس عمرو مايعييش وكل شيء بالمكتووووب والصابر ينال ​

 

[برق الضلام]

اولا بسم الله الرحمن الرحيم
اختي ماهو شرط الالوان ابيض او اسمر اواسود هذي كلها ولا شي اهم شي التوكل على الله في كل شئ والرضا بما قسم الله لكي اختي ممكن نصيبك الى الان ماجاكي ولا ابن ادم مكتوبله كل شي وهو في بطن امه وهذا الشي نعرفه احنا المسلمين وانتي مسلمه صح لازم تتحلي با الصبر والامل بالله احنا في السعوديه في ناس ما يشوف الحرمه الي يتزوجها الا ليله الدخلا ويمكن يكون هو احلا منها وان اقولك ماهو سبب انك سمرا ماجاكي عريس لا اختي خلي املك باالله كبير والله غير يرزقك با احسن الناس ان شاء الله لاكن انتي كمان استغفري الله دائما والله يوفقك لما يحب ويرضا
تقبلي مروري
برق الضلام

 

[ماكانش]

ياختي احمدي ربي الي اللون تاعك أسمر
كاين عباد نعرفهم يموتو ويحوسو على السمراوات
والناس ماديريش عليهم​

 

[asm@a]

الله يعينك اختى ويصبرك

 

[Elif DZ]

اختي و الله ما خليتيلي ما نقلك غير ربي يصبرك و يثبتكـ
​

 

[din@ c00l]

شكون اللي قال بلي السمروات باشعات ؟ العكس يقولو سمرة و حلوة ك العسل

 

[ماكانش]

يقولو السمرة كي التمرة​

 

[فراشة الايمان]

ربي يصبرك أختي و نقلك خلي ايمانك بربي كبير .

 

[LOveLy cOmpLex]

يا اختي
كلش مكاتيب و اللهــ
وش خصهم سمر نا يعجبوني لخر
ربي يعطي للواحد ع قد قلبو
و نشاء الله تتزوجي براجل دين
يفهم انو المراة اخلاق اكثر منها جمال
شكرا
​

 

[فراشة الايمان]

و كيما يقولو
الابيض بصل و الأسمر* عسل* .

 

[HAMOUDI2000]

ربي يعطيك قد نيتك وربي يهدينا فقط وما الجمال جمال الروح

 

[رشيدات]

السلام عليكم
أنا استغربت هذا الموقف منك أختي العزيزة، أنا نعرف كثير من البنات سمروات وراهم يتخطبوا
لازم تكون عندك ثقة في نفسك و تكوني قادرة على شقاك وتثبتي روحك
تعرفي أنا عندي مشكل راني نحاول نعالجوا و اللي هو النحافة حتى صرت نبان صغيرة بزاف على عمري مي مارانيش يائسة، وربي يجيب الخير.