ممكن تناقشوني

[إشراقة حب]

السلام عليكم

ممكن تناقشوا في الظاهرة اللي غرقت فيها كل المنتديات

هي انه المشاهدات تاع الموضوع توصل حتى المليون مشاهدة لكن

لما تشوف الردود تلقى زوج برك :no_1:

من فضلكم هذا تفنين ؟ زعما يعيا العضو باه يعطي رأي نتاعوا.

ولا هي طبيعة ندخلوا نقراو ونخرجوا

ياسيدي مارانيش طالبين تشكرونا على المواضيع :glare:

بصح لما يكون موضوع تاع نقاش لازم لما نقراو نعطيو راينا

حتى نضيفوا حاجة وولا نقعدوا غير نقراو ونهربوا

مانفيدو غيرنا في والوا لو كان نكملوا هاك

تقبلوا تحياتي وامل انكم تتناقشوا معايا في هذا الموضوع :closedeyes:​

 

[نسيم الربيع]

انا في رايي الشخصي يبالي عندها عدة اسباب منها كثرة الزوار ومنها الردود بالوجوه نقصد شهرة العضو فالمنتدى لانو ساعات تلقاي موضوع هايل ومفيش ردود تتحسب على الاصابع ولما تروحي لصاحبو تلقايه عضو جديد وساعات تلقاي موضوع فارغ معندو حتى اهميه وتلقاي الردود عليه كي قطرات المطر تشوفي لصاحبو تلقايه مشرف ولا عندو شهره فالمنتدى وربما فيها تاني شوي تفنيين انا هكا يظهرلي والله اعلم مارسي ختي ... سلالام

 

[عاشقة رجاص]

السلام عليكم
كاينة مواضيع تستحق أنو الإنسان يرد ويناقشها ويشكر صاحبها
ولكن توجد مواضيع الحل الوحيد لها هو تفاديها وتجنبها
بالصح للأسف نلقاو مواضيع قيمة في طي النسيان فيها رد ولا 2
ومواضيع تافهة مليئة بالردود
على كل حال تبقى المواضيع والردود خير برهان وخير مرآة عاكسة لشخصية الفرد
وصدقيني رد بعد رد وموضوع بعد موضوع تقدري تكوني فكرة على العضو هذاك وتعرفي طريقة التفكير
شكرا اختي الحبيبة على موضوعك
ربي يخليك​

 

[راما21]

السلام عليكم
هذه أولى مشاركاتي،،،وأول ظهور لي في هاذي الساحة،،،
أحببت التعليق على موضوعك،،،وأملي في الانخراط معكم قائم،،،،
حقيقة هذا الداء تشكو منه جل المنتديات إن لم نقل كلها،،،
ولعل في العلة ما يؤخذ على عاتق وجود الكثير ممن لا يملكون حس النقاش،،،
ولا يتفاعلون إلا مع مواضيع الشكر والمجاملة،،،
والبعض يفتقد للوقت اللازم للدخول في النقاش من بابه الواسع،،،
والآخر تلهيه مواضيع التعارف،،،،
وسبب قد يرجع لأقدمية العضو من حداثته،،،،وغيرها،،،
على العموم مشكورة على هذا الموضوع القيم،،،
وإن شاء الله للأمام دائما،،،
تحياتي،،،
​

 

[سهيلة سوسو]

سلام عليكم ورحمة الله
اولا اختي
ممكن تكون المشاهادات من الزوار
تلقي اكتر من 100 مشاهدة
ثانيا
في اعضاء بيقرو ومايردوش
نقولو الله يهديهم
لانك تعبتي في كاتبة الموضوع
ولازم الرد عليه
تشجيعا للعضو لي بيكتب
انتي كتبي موضوعات وانا نرد
​

 

[mir@cle]

هناك أنتقائية في الردود

شوفي مواضيعي كلها تلقاي نسبة الأولاد اللي يردو فيها منعدمة...أنا والله ماعندي فرق
​

 

[حسان2010]

رانا قاع نقاسيووووووو​

 

[sam11]

كاين اللي يعجبهم الموضوع وكاين اللي مايعجبهمش

كيان اللي يتكاسل باه يرد على الموضوع وكاين اللي

يحب يقرا برك كل واحد وكيفاه واخرين يردو من اجل الرد فقط

وكسب عدد اكبر من المشاركات حسب راي المتواضع

 

[الجندية]

هذهوما ليزالجيريان
كاين اللي يرد نورمال
وكاين اللي يقرعج ويطلع

​

 

[زنوبة dz]

oui c vrai ta raison
mais vrément ché pas wa3lah haka
je pense kaynine li yhabou yakraw berk beh yatakfou meme ykounou mahoumch msajline fel mountada c pour ça
merci ma puce
​

 

[حطيست1]

الردود فن قائم بحد ذاته ... يختلف أسلوبآ وفكرآ ولغة وحنكة بين عضو لآخر
لكن ما يحدث معنا مختلف تمامآ ... معظم الردود تكون وبكثرة على مواضيـــــ ع جد تافهمة مع احترامي لجميــع الأعضاء و كاتبي المواضيع
كان من اللائق أن تكون الردود على المواضيع التي يكون الهدف منها نقاشآ جادآ ويعود بالمنفعة على الأعضاء ولكن للأسف ... تكتب موضوعآ نقاشيا يرد عليك عضو بكلمة شكرآ ... وهذا خطأ
تكتب موضوعآ ترفيهيا يتسابقون عليه ويضعون ردودآ وبأعداد كبيرة

لا يفرقون بين المواضيع التي يستحسن الرد عليها ... كما أن معظم ردودهم تأتي بدون مراجعة الموضوع وفهم ما يتضمنه ...
لكن السؤال المطروح حول هذآ ... الى متى يا أعضاء المنتدى ...؟؟؟


شكرآ لك على فتح هذا المجال وبارك الله فيك
​

 

[SSADKE]

صح انا تاني لاحظتها مي ممكن الاغلبية ماشي متسجلين لي يقراو الموضوع
راه مغلق التسجيل وتقبلي مروري

 

[إشراقة حب]

أشكر كل الاعضاء الذين أبدوا رأيهم في الموضوع
وانا ارى ايضا انه المشاركات في المواضيع المتعلقة
بالنكت او اشياء ثانوية تكون كثيرة
في حين يوجد موضوع مهم جداا لكن لامشاركات
وهذا مشكل في حد ذاته ,لغياب نزعة النقاش عند الاعضاء

شكرا لكم مجداا
​

 

[katia1996]

Tu:music_whistling::music_whistling::music_whistling: dis la raison

 

[barcelona]

شوفي أختي
أنا أي موضوع ندخلوا نشارك فيه
حتى كون الموضوع مشو مليح بزاف أنا نشارك
على الأقل تقديرا لمجهود الكاتب

 

[assoma]

*السلام عليكم*

شكرا اختي على الطرح
ياو خرجتي فيهم
هههههههه
انا نشوف بلي المجتمع تاعنا كاين نقص في التحاور
هذا مجرد رأي
شكرا مرة اخرى​

 

[إشراقة حب]

*السلام عليكم*​

شكرا اختي على الطرح
ياو خرجتي فيهم
هههههههه
انا نشوف بلي المجتمع تاعنا كاين نقص في التحاور
هذا مجرد رأي

شكرا مرة اخرى​

وعليكم السلام
شكرا لمرورك اختي الحبيبة
ومازال تزيدي تشوفي كيفاه نخرج فيهم اكثر واكثر ههههه
اكيد مجتعمنا ماعندوش حاجة وسمها النقاش
شوفي برك فالحصص كي يجيبوهم يهدروا على حاجة تلقايهم يعيطوا وياكلوا في بعضهم
ههههههه .
رأيك منطقي وشكرا للمرور مرة اخرى :heh:​

 

[إشراقة حب]

شوفي أختي
أنا أي موضوع ندخلوا نشارك فيه
حتى كون الموضوع مشو مليح بزاف أنا نشارك
على الأقل تقديرا لمجهود الكاتب

احييك على هذا التصرف
عندك الحق لازم على الاقل نشكروا صاحب الموضوع لانه
تعب فيه
ولكن لازم علينا نعطيو رأينا بالموضوع
شكرا لك وبارك الله فيك

 

[yabda me amore]

انا نهدر على روحي

سعات يكون الموضوع عيان

نخرج منو خير ما ندير رد يعي

مرسي عليك

 

[lalochka]

شكراااااااا لك عندك الحق