يالي عندهم خبرة في البيام يدخلو بلييز

[يسرى 2008]

المسامح كريم اختي وزيد هاو بفضل التعاريك رايحة نكسب صديقة جديدة ههه
قوليلي قداه جبتي معدل في دوزيام
والسنة التالتة والله مافيها والو بروجرام جديد على الدوزيام مي ساهلة خلاه
انا في الاول مركزتش فيها بزاف مي مبعد شديت الهمة
او كل شي ساهل في السنة 3 لازم المتابعة برك بصح ام يقتلوكم وظائف وخدمة سورتو العلوم هه والرسم

 

[chemssou007]

خويا chemssou007 وصلتني معلومات عليك انك تجيب 19 و 20 كي تقرا نهار قبل الامتحان
باين عليك قراي من عند ربي وعندك هواية الدراسة
نقولك طول سير تقولو اي مهبولة قراية هادي
اليامات الاخرين تاع القراية كانو يعطيولنا فروض ومشاريع ويستحقوهم في نهارهم وكنا شوي مضغوطين بزاف
لهدا كنت انا ساعات نحفظ كل درس بدرسو وساعات ميكفينيش الوقت
في الفروض حفظت كل درس بدرسو في جميع المواد لحد اني نجيب 20 في الحفيظة الكل
والمواد العلمية جبت بيا مي مات 17
حبيت اني نزيد في المات ونسيت الحفيظة وليت ندي 19
بصح اونجينيرال خويا اني نروح نعقب الامتحان ومشني راقدة غير 3 سوايع في النهار
نقعد غير نقرا ومخي تقييييييييييييل في الحفيظة
ونرقد على 1 وننوض على 4 ونص باش نكمل الحفيظة
ونعقب على 8 ونجي لعشية ونرقد وهادي اليامات بصح عندي ضغف في مواد تاع فرنسي وانجلي هوما الي يضعفوني بصح اني عاملة مجهود كبير مش تاع النقطة تيعي خلاه لهدا قلت نبدا في الصيف باش منتعبش في الشتاء ياسر

هههههههههه
الاستخباراتـ راهيـ تخدمـ مليحــ!!!
شوفيـ ختي كلـ واحد بالاك و طريقتو بصحـ ،،
أنا رانيـ قتلك في حيـاتي ما قريتـ في الصيفـ و بالاك صح نقولـ هذي المرة خلاصـ نقرا في الصيفـ،،،
المشكلـ مانقراشـ في الصيف نديه غير لعب و تمسخير،،،
المهمـ كاينـ بعض المقاييسـ في الجامعة jamais نحضرهمـ و نديـ فيهمـ أعلى علامة كيمـا في مقياس مبادئ الستيير،،
عامـ كاملـ ما حضرتشـ حتى لوكانـ درس واحد بصح خدمت فيه مليحـ ،،
المهمـ شوفيـ نحي ضغط العائلة عليكـ،،
و نحيـ كلش من راسكـ كي عود عندي امتحانـ أنا ننسى الدنيا بأسرها تبقى نفكر في الورقة لي راهي قدامي لا غير و نجاوبـ عليها أولا في المسودة و بعد ذلك في الورقة تاع الاجابة،،
نزيد ننصحك أقراي السوجي كاملـ زوج خطراتـ باه تدي نظرة شاملة و ابداي بالسؤالـ الساهلـ و أعرفي كيفاه توزعيـ وقتكــ،،،
لا شفتي بلي راهمـ عقبو 13 دقيقة و ما عرفتيش تحلي التمرين صوطي للوخر،،
المهمـ هاذا رايي و لك الحرية في العمل به أو لا؟؟؟​

 

[chemssou007]

وشـ نحبـ البنـاتـ كيـ يتهاوشو،،،
هههههه
أومبعد تلقايهمـ أعز أصدقاء و يصارحو بعضاهم كي الفيلماتـ هذيك تقولها أسمحيلي و هذيك تقولها لالا أسمحيلي انتـ،،،
حنا الذراري كي نتهاوشو واحد فينا يتبعث للسبيطار و كي يحبو يتسامحو واحد ما يحبـ يعترفـ بالخطـأ،،،
تسمعيها غير من بين شواربهمـ سماح سماحــ،،،،
هههههههه​

 

[يسرى 2008]

هههههههههه
الاستخباراتـ راهيـ تخدمـ مليحــ!!!
شوفيـ ختي كلـ واحد بالاك و طريقتو بصحـ ،،
أنا رانيـ قتلك في حيـاتي ما قريتـ في الصيفـ و بالاك صح نقولـ هذي المرة خلاصـ نقرا في الصيفـ،،،
المشكلـ مانقراشـ في الصيف نديه غير لعب و تمسخير،،،
المهمـ كاينـ بعض المقاييسـ في الجامعة jamais نحضرهمـ و نديـ فيهمـ أعلى علامة كيمـا في مقياس مبادئ الستيير،،
عامـ كاملـ ما حضرتشـ حتى لوكانـ درس واحد بصح خدمت فيه مليحـ ،،
المهمـ شوفيـ نحي ضغط العائلة عليكـ،،
و نحيـ كلش من راسكـ كي عود عندي امتحانـ أنا ننسى الدنيا بأسرها تبقى نفكر في الورقة لي راهي قدامي لا غير و نجاوبـ عليها أولا في المسودة و بعد ذلك في الورقة تاع الاجابة،،
نزيد ننصحك أقراي السوجي كاملـ زوج خطراتـ باه تدي نظرة شاملة و ابداي بالسؤالـ الساهلـ و أعرفي كيفاه توزعيـ وقتكــ،،،
لا شفتي بلي راهمـ عقبو 13 دقيقة و ما عرفتيش تحلي التمرين صوطي للوخر،،
المهمـ هاذا رايي و لك الحرية في العمل به أو لا؟؟؟​

انا نشكرك على رايك ونصيحتك ليا
مي قبل كل شي نقولك اك جيني من عند ربي مش كيفي نحاول نخطفها من بعيد
بصح يا خويا اعطيني طولت البال تيعك اي انا عندي ضغط العائلة في النقاط وعندي الغيرة الي عاملة بيا حالا غيارة موصيبة في الجامع والي نشوفو دا اكثر مني نجيبها في روحي
هههه الله غالب
هادوم الكل مش ملاح للنجاح بصح انا حبيت نطلع على المواضيع الي رايحة تجيني ونسئل عليهم سؤال خفيف باش يولي عندي نظرة من بعد عليهم وننظم اوقات دراستي للعام الجاي وربي يستر

 

[يسرى 2008]

وشـ نحبـ البنـاتـ كيـ يتهاوشو،،،
هههههه
أومبعد تلقايهمـ أعز أصدقاء و يصارحو بعضاهم كي الفيلماتـ هذيك تقولها أسمحيلي و هذيك تقولها لالا أسمحيلي انتـ،،،
حنا الذراري كي نتهاوشو واحد فينا يتبعث للسبيطار و كي يحبو يتسامحو واحد ما يحبـ يعترفـ بالخطـأ،،،
تسمعيها غير من بين شواربهمـ سماح سماحــ،،،،
هههههههه​

ايييي هادوم هوما البنات
ربي يبعد علينا الشر

 

[°/°مبدعة اللمة°/°]

انا عشقي مادة العلوم سيغتو الاستادة الي حكمتنا راهي استادة روعة
اما عمعدلي ف :
الفصل الاول: 15.96
الفصل الثاني : 15.72
الفصل الثالث :15.72
المعدل السنوي : 15.80
اما فالبروميير رراني كنت الاولى تع القسم مي راني في تناقص نشاله العام الجاي نرجع لمستوايا
الفصل الاول: 16.16
الفصل الثاني: 17.69
الفصل الثالث : 17.28
المعدل السنوي:17.03
وشكرا على تسامحك

 

[chemssou007]

شوفو أخواتيــ
راني مازالـ ما رميتش الأوراق تاع الامتحاناتـ تاعيـ تاع البيام و السنوات كل راني مخبيهمــ
و التمارينـ و السوجيـات كلش راني مخبيه،،،
ليـ يحبـ نعاونو شويـــــ،،،
راهو يعرفـ سكايب و msn تاعيـــــ،
عنديـ امتحاناتـ تاعي و تمارين و نقاط تعي من سنة أولى ابتدائي ليومنـا هذا،،،،​

 

[يسرى 2008]

والله يا اختي انا في تزايد الحق من بروميار للدرك
بصح قلتلك عندي ضغط في الجامع اني شوي تيميد على روحي نديها في روحي ونكون قلقانة
بصح حابة العام الجاي 18 ان شاء الله
وانا تاني نموووت على العلوم مي العام الجاي اكي تقراي جيولوجيا مش علوم غير على الزلزال ينقصو نقاطك خلاه احنا جامع كامل نقصو نقاطو فيها

 

[يسرى 2008]

ياه خويا جيتني من السماء
اني نفكرت وديجا رحت فركت على كراسات حتى واحد معطاني
انا حبيت ملخصات تاع الدروس
وحبيت سورتو العربية وياريت تفيدني بيهم

 

[maroia]

حنونت مواد كامل يفيدوك ماشي غير علوم رياضيات و الفيزيا ء

 

[يسرى 2008]

وي صح مي خايفة ادا نظامو قديم
لانو احنا نظام جديد نقراو بيه

 

[maroia]

انا عشقي مادة العلوم سيغتو الاستادة الي حكمتنا راهي استادة روعة
اما عمعدلي ف :
الفصل الاول: 15.96
الفصل الثاني : 15.72
الفصل الثالث :15.72
المعدل السنوي : 15.80
اما فالبروميير رراني كنت الاولى تع القسم مي راني في تناقص نشاله العام الجاي نرجع لمستوايا
الفصل الاول: 16.16
الفصل الثاني: 17.69
الفصل الثالث : 17.28
المعدل السنوي:17.03
وشكرا على تسامحك

ربي يحفظك من الين اختاه يا مرت خويا

 

[يسرى 2008]

ربي يحفظك من الين اختاه يا مرت خويا

ياه لاه هي متزوجة اي صغيرة هههه

 

[chemssou007]

ختيــ عيشك بلا ما تقلقي يا يسرى،،،
علابالي انت من المدافعين على النظامـ الجديد،،
بصحـ قريت شويـ من لافامي تاعنا و قريت ثاني شوي جيرانا يقراو فيمختلف المستوياتــ
زعما نظامـ جديد بصح صدقيني أختي و الله ما فهمت وينـ راهو الاختلافـ
دارولكم كتابات بالألوانـ و الرسومــاتــ
و دارولكمـ وضعية ادماجية لي هي كجرد تطلبق على الواقعــ و زادو شوي دروس و نقصو من يعني لي قريناهم حنا في الثانية انتوما تقراهو في الأولى ،،
لكنـ و الله ما لقيتـ اختلافــ
حتى أنو انا لما عاونت كيما قتلك لافامي و جيرانا هكذا شوي عباد ما لقيتش صعوبة باه نفهمهم الدروســ
لأنني لقيتها كيما دروس لي قريناها حنا في 2002 و 2003
المهمـ لي يسحقـ اي نصائحـ أي حديث حول الدراسة أو أي شيء من هذا القبيل يتصل بيا في msn أو Skype
أو على رقمـ الهاتفـــ """""ههههه (رقمت الهاتفـ ماكاله)
​

 

[°/°مبدعة اللمة°/°]

ربي يحفظك من الين اختاه يا مرت خويا

و سي بسبيسو قداه جاب محبش يقولي تع الفصل الاخر راو هرب

 

[يسرى 2008]

ختيــ عيشك بلا ما تقلقي يا يسرى،،،
علابالي انت من المدافعين على النظامـ الجديد،،
بصحـ قريت شويـ من لافامي تاعنا و قريت ثاني شوي جيرانا يقراو فيمختلف المستوياتــ
زعما نظامـ جديد بصح صدقيني أختي و الله ما فهمت وينـ راهو الاختلافـ
دارولكم كتابات بالألوانـ و الرسومــاتــ
و دارولكمـ وضعية ادماجية لي هي كجرد تطلبق على الواقعــ و زادو شوي دروس و نقصو من يعني لي قريناهم حنا في الثانية انتوما تقراهو في الأولى ،،
لكنـ و الله ما لقيتـ اختلافــ
حتى أنو انا لما عاونت كيما قتلك لافامي و جيرانا هكذا شوي عباد ما لقيتش صعوبة باه نفهمهم الدروســ
لأنني لقيتها كيما دروس لي قريناها حنا في 2002 و 2003
المهمـ لي يسحقـ اي نصائحـ أي حديث حول الدراسة أو أي شيء من هذا القبيل يتصل بيا في msn أو skype
أو على رقمـ الهاتفـــ """""ههههه (رقمت الهاتفـ ماكاله)
​

ههههه ان شاء الله خويا
مي متروحش برك لا منلقاكش في الشتاء
اني نعيييك معايا كل دقيقة نسقسيك حاجا ههه
بروجرامي روحك في العربية والانجلي ههه

 

[°/°مبدعة اللمة°/°]

ياه لاه هي متزوجة اي صغيرة هههه

لا يسرى انا منيش مزوجة مي انا حبيبة خوها فهمتي

 

[يسرى 2008]

لا يسرى انا منيش مزوجة مي انا حبيبة خوها فهمتي

اها ايا بيا
الحق انا معنديش حبيب عاديكا مفهمتهاش على الطاير
مي سيبو اكي انت حبيبتي خرمن كلش ههه

 

[chemssou007]

ههههه ان شاء الله خويا
مي متروحش برك لا منلقاكش في الشتاء
اني نعيييك معايا كل دقيقة نسقسيك حاجا ههه
بروجرامي روحك في العربية والانجلي ههه

طحتيلي في المواد لي نحبهمـ العربية،،،
نحبها بزافـــــ ،،،
و الأنجليزية ثانيـ كيف كيفــ،،
حضارة روعة المهمـ راني في الخدمة ،،،،
​

 

[يسرى 2008]

طحتيلي في المواد لي نحبهمـ العربية،،،
نحبها بزافـــــ ،،،
و الأنجليزية ثانيـ كيف كيفــ،،
حضارة روعة المهمـ راني في الخدمة ،،،،
​

وانا نكرههم كي السم سورتو عربية مزية كي نجيب فيها 16 اني على شعرة نجيبها الحق عندي ضعف فيها سورتو في شرح الكلمات
بصح الصرف والقواعد اني جايبة روحي باسكو نتبع في القسم مي شرح الكلمات منعرفش وهي الي تهبطني مع الفقرة باسكو اني مقريتش عامين عربية ومبعد قريت 3
وانجلي منفهمش شرح الكلمات والفقرة وكلام انجليزي مفهموش هادي مشكلتي