ادخل اضرب طلة واخرج ...........

[DARINE05]

:yahoo: :yahoo: :yahoo:
احممم
خلااص بطلت ... رايحة نعقاال
هههههههه


​

ههههههههههههههه
شتي الفونتاي لي في التوقيع نجيبهالك في الشورة :like_1::like_1::like_1::like_1:

 

[Mr mino]

ياو خير عليكم
واش راكم تديرو؟؟
ياو مايكل سكوفيلد هذا هو الي راك دايرو في التوقيع هو البطل تاع بريزون بريك
مالك؟؟
ههههههههههه
على لغبينة كبيرة الي راني فيها يا مينو ع لغبينة كبيرة
ياراني ندمانة على الساعة الي جبت فيها الباك انا انا آآآنا
ماعييت نسهر ونقرا يانا بلا فايدة...صار هاك
يا ينعل بوها قرايا تاع هذا الزمان..يا كلشي راح مع الباك ياتاه معاه
خلاولي غي الورق تاع ليgزاما وليسوفونير
خلوني نصبر قلبي...
ايا مارسي غبنتكم معايا سامحوني راني رايحة نسويسيدي​

خييييييييييييير وعافية

هلا نورتو

او والله يا اسومة ماعمبالي بجدهم شكون هوما

الفوتو اللي يعجبني نحطه توقيع وصاي

ايه حقى نعرف دونالد رامسفيلد تع المريكان وزير

الدفاع بكري وقيلا

ها مال جدك ها ماتقوليش ندمانة على الباك احمدي

ربي اللي نجحتيه لكان على ليشواء تاوعك

ياو ماتدري الخير وين خليك متفائلة اسومة مال جدك

ها ارحمي روحك كيما ربي يرحم عذاب الباك راه

يجريلك في الدم

وحدك غايسة تمشي وتمتمي تقولي مكتوبك ولا زهرك محتم


​

 

[جزائرية حتى الموت]

احم احم ساعدني امينوا مش هك

هههههههههه
يتوحشك الخير احبيبي
والله هادا من ضوقك برك امينوا
الموضوع منور بصحابوا ​

شفت وين تشور تنور ههه:music_whistling:​

فكرتوني بايام الحروب ضدكم :closedeyes: :closedeyes:

 

[Mr mino]

القلب لحمة لمى طاب يحمى وانا عندي غي اما و ماخللاونيش لعرب الغنيه ماشي هاك ؟؟؟ مقواني سخانه
صاحبي والله تقولي انت تعاني من اصابة( بالسخانة) وتكتب ميضوع طويل كيما هاك والله لا يعطيك الصحة
شد شد رونديفو عند الراقي ازرب عيني راها اكثر
​

ههههههههههههه

والله يا خويا غير نكتب فيه بالسيف راني قلت بصح واش راح ندير

ولكان على عينك اخويا مانظنش الا راح تصيبني راك باين عليك ناس ملاح

ويلا كاش ماصرالي روح راك مسامح

هههههههههه

بعطيك الصحة ربي يخليك خويا

​

 

[H@teM]

فكرتوني بايام الحروب ضدكم :closedeyes: :closedeyes:

جيبي جماعتك وانا هنا نسناو فيكم
:wink:
​

 

[جزائرية حتى الموت]

جيبي جماعتك وانا هنا نسناو فيكم

:wink:​

يا حسراه على جماعتي

راحوا gـاع

 

[الظل الطويل]

فكرتوني بايام الحروب ضدكم :closedeyes: :closedeyes:

و مزال تولي ليامات هديك متخافيش
انا نقلك ندخل غير مواضيع نتاع الناس لي نحبهم ونعزهم اختيــــ
سقسي مينو يقلكـــ ههه

​

 

[H@teM]

يا حسراه على جماعتي

راحوا gـاع

امممممم بقيتي وحدك
ايا روحي تروحي سمحتك المرة هادي
.........
الدايم وجه ربي
​

 

[Mr mino]

والله هاذا هو الكلام الصحيح اللي ينقال بصح بشرط
كيما قلت تكون عارف ومتأكد بلي أمك ماراحش تجيب هدرة من راسها
على خاطر كاين اللي وين توصل بيها تغير على وليدها من مرتو
وتقدر دير أي حاجة وهاذي ماتصراش ان شاء الله

صح كلامك صحيح

قادرة ام من كثرة مراهي تعز وليدها بزاف تدير كيما راكي تحكي اماني

ان شاء الله نكون وفيت بكلامي برك

هههههههههه


وهاي ليك 1000 فرنك ولا 1000 ماعلاباليش .....


ههههههههههههه

اواه هذي بزاف انا بغيت الف فرانك برك

ههههههههه

ميرسي اماني ربي يخليك

راني عييت في بلاصتك ها مينو
هاذيك الرواحة ماراهي تدير والو
زيد دبرلنا اللي يشدهالنا ويروح علينا على خاطر l'énergie راحت معاها
ولا بدلنا الرواحة


ههههههههه

هذي والله ماخممتلها حسبالي وفي بالي تنجمو تروحوا وحدكم

معليش المرة الجاية نشوفلكم حل


الله يكون في عونك
لمن تطير

وجوابي هذا افتراضي ماهوش حقيقي
وماراحش يكون واقعي
وبتدخل العقل بإذن الله


اوكي معليش نشوفوا رايك


نفرض لوكان تصرا هو يخرج من الدار مشي أنا كيما............
بصح مع الحراسة طبعا.....هههه

ههههههههههه

وراكي طامعة تخرجيه هو هذي بزااااف صعيبة

مانعرف الا تصلحلك ويلا صلحتلك العواقب تاعها ماتكونش سليمة

احرزي انا في بالي اخرجي انت خير

هههههههههه


ماتوصلش للطلاق طبعا
مانقدرش نطلق أب ولادي ماجاياش....هههه
نزعق برك

هههههههههه

لا لا الطلاق مراحش يكون ان شاء الله

مي انت تاني ماتكونيش صعيبة وماتسمحيش

باش يخلاص المشكل وتتهناو

ههههههههه

ربي يبارك فيك

​

الله ينورك اماني

وعلبالي بلي في الحالة كيما هذي راح تخدمي بعقلك وتخميلها مليح

ربي يجازيك

اماني وميرسي ليك بزاف






​

 

[جزائرية حتى الموت]

و مزال تولي ليامات هديك متخافيش
انا نقلك ندخل غير مواضيع نتاع الناس لي نحبهم ونعزهم اختيــــ
سقسي مينو يقلكـــ ههه

امممممم بقيتي وحدك

ايا روحي تروحي سمحتك المرة هادي
.........
الدايم وجه ربي​

شوفوا روحوا عيطوا لبلقاسم اللي كان معاكم هو وميسي بومب :closedeyes:

وانا نعيط لجماعتي

وان شاء الله ندير موضوع :closedeyes:

ونشوفوا شكون اللي يغلب :closedeyes:

هدا ايلا ما غلقوش الموضوع :music_whistling:

 

[Mr mino]

نكرهو نديقوتي منه
و غير تحب نطلع بيه للمحاكم .
و اللي يعمل هكدا مع نسيبتو مايستاهل والو ...

بالعقل بلعقل في غرضك

هاحي ننديب ولينا في المحاكم يابعد

هاضروك نقلهم يغلقوا الموضوع ونتهناو

ههههههههههههههههه

الله لا يوصل الحال بيناتكم للمحاكم وان شاء الله

الدار تاعك انت وهو هيا المحكمة والكوزينة هيا

غرفة الاعدام

هههههههههه

ربي يعيشك خيتي

ميرسي بزاف ليك

سلام


​

 

[عاشقة رجاص]

نهدر ولا ماكالاه؟​

 

[فؤاد الورقلي]

سلام
والله كل هذا الشي راه يصرى
الله يعافينا منو وخلاص
ويرزقنا البنت الزينة الفاهمة العاقلة المتربية ههه
ايه يا مينو
دير رايك هه
مرسي عليك
​

 

[Mr mino]

يا خويا مينو مواضيعك تنحي سخانة ههههههههههه
والله منعرف كيفاه يكون لموقف تاعي
مي ادا صراتلي و(نشاء الله متصراش) غادي نقلب عليه دار نسودله نهاره ونخرج انا وماما ههههههههه
منزيدش نبقى معاه
ومن شروط تاوعي هي ماما ههه
يعطيك الصحة خيو مينو
دايمن فوور
ربي معاك

هههههههههههههههه

ها ساميفا والله مراكي سامحتلو ياجدك

وبغيتي تروحي انت وامك وممبعد هو يجي يحاول غي

ارجعي وغادي نديرلك شا بغيتي

واه واه نيشان التخمام هذا تاعك ها راني فقتلك

هههههههههههههه

ربي يعيشك ساميفا خيتي ويلا مواضيعي ينحو

السخانة ردودكم يبردو خير من لكليماتيزار

ههههههههههه

ربي يجحازيك وميرسي بزاف بزاف كيما عوايدك

تنوري الموضوع

ربي ينورك

​

 

[Mr mino]

يخي مهبوول يخي
عندي سمانة ما شاركتش انا شفت مينو كتب موضوع ونا جيت طيارة
هههههههه

احممم
ذك نبدا ......
يخي تعرفني واعرة ... و يا ويحو يا ويحو ايلا قالي كلمة هك على اما
تشوف نمرمد بيه لرض
كلش كلش الا هي ....


غدوة نرجع انا .... نشالله
نروح نرقد راه راسي مطرطق


​

ايييييييييييييييي وانا نقول الصفحة هذي علاه

راهي تـvــيبري

وهيا راهي سرسورة جات

والله صح عندي مدة ماشتكش هنا تدوري في اللمة انا

قلت راح لاسبانيا تفوت الفاكونس عند دار راجلها

انت نهار تزوجي نحظر باش نقول للراجل اللي يديك

غير مكان لاه تبوجي هكا ولا هاك والله تاكلك

راهي واعرة عجب ماتهدر ني على مها ني على

خاوتها ويلك ويلك تهدر عليها وديرلها واش

تقولك

سينو راني قتلك والله تاكلك

نقلوا هاك والله

ايا روحي ترقدي روحي رراسك راح يتطرطق من الحس تع الفايس بوك

هاصيبي راحتك شويا


اييييييييييييييي جيت نقلك وحد الكلمة ونسيتها

اربييييييييييييي وشي هيا هيه تفكرت

ايا تربحي

ههههههههههههههه

​

 

[Mr mino]

احم احم ساعدني امينوا مش هك
هههههههههه
يتوحشك الخير احبيبي
والله هادا من ضوقك برك امينوا
الموضوع منور بصحابوا
​

ربي يخليك خويا حتومة

وراك خو ومن واجبي نتوحشك حبيبي

ربي يبارك فيك


​

 

[Mr mino]

موضوعك كي الرهج خلينا منو

اسمع لخبر الشباب تاع ختك

علابالك ليوم قلعولي اكتر من 200 مشاركة

و الله يا ربي سيدي ههههههههه

حقرة هادي ولا كي تفسرها ​

هههههههههههههههه

الله يرهجك وسمحتي ينحولك 200 مشاركة نورمال وسكتي ؟؟؟؟

يا عيب شو ماعليك يا نيهادووووو خاب ظني فيك

وانا حاسبك واحد ماينجملك

ايا روحي لمي الرود وهاتي نحرقوهم عند الدخلة

تع الباب تع اللمة ليوم ماتفراش

نيهاد ينحولها 200 مشاركة هذي مكاش منها

جيش شعب معاك يا نهاد

ياو انا اللي راني نحكي منحيلي يجي 500 مشاركة

ههههههههههه

رانا في الهوى سوى



​

 

[Mr mino]

و مزال تولي ليامات هديك متخافيش
انا نقلك ندخل غير مواضيع نتاع الناس لي نحبهم ونعزهم اختيــــ
سقسي مينو يقلكـــ ههه

​

الله يعزك خويا وحيد

بصح انت تاني راك غايب كيما خوك حتومة يادرى

ليزافار اللي راكم تخدمو فيهم وشي هوما

كي تربحوا برك ماتنساوناش

ههههههههههه

ربي يحفظكم

​

 

[Mr mino]

نهدر ولا ماكالاه؟​

وهذي لازمها سؤال هاجر اختي

بالعكس كلامك يهمنا لانو من عوايدك تهدري الكلام

المعقول والكلام اللي المعنى تاعه كبير

تفظلي هاجر اختي انت حرة اهدري كيما تبغي

​

 

[الظل الطويل]

الله يعزك خويا وحيد

بصح انت تاني راك غايب كيما خوك حتومة يادرى

ليزافار اللي راكم تخدمو فيهم وشي هوما

كي تربحوا برك ماتنساوناش

ههههههههههه

ربي يحفظكم

​

خويا مينو خلي البير بغطاه هههههه
ني ليزافير ني والو
بصح التوقيع انتاعك والله غير عجبني ندور ندور ونعاود نقراه
الله يستركــ خويا
​