السلام عليكم ورحمة الله وبركاته
واش راكم خاوتي لاباس بخير
اليوم جيت نحكي شويا على الشغل تاع الدار وعلى الراجل ألي يعاون مرتو فيه :closedeyes:
كاينين بزااف ناس ورجال تبالهم بلي الراجل ألي يعاون مرتو في شغل الدار ماشي راجل وماعلاباليش واش ...
وهادي كامل فكرة غالطة ماكانش منها
بالعكس الراجل هو ألي يساعد مرتو في شغل الدار ويوقف معاها وكي تكون تعبانة ولا مريضة هو ألي يتولى الخدمة وهكدا، ... وهاد الأمور تخلي لمرا تزيد تحب الراجل كتر ...
هاذا هو الراجل
اما ألي مرتو عيانة وتعبانة ومريضة وهوا مايرفدش كاس ومايغسلش صحن أنا مانسميهش راجل
...
مانروحوش بعيد النبي صلى الله عليه وسلم، ماكانش راجل كيفو، وكان صلى الله عليه وسلم يعاون زوجاتو في شغل البيت ويخدم في البيت، كيما في الحديث كان يطهي الطعام ويخيط ثوبه وووو ...
بصح كل ها\ا راهو بالنسبة للمرا الي تستاهل وماديرش في بالها حوايج زايدين ...
أنا على روحي نعاونها بصح لازم ادير في بالها :
1-لازم تعرف بلي هادي خدمتها ماشي خدمتي ...
2-نعاونها في الأمور الي ماشي خاصين بالنسا، التنشاف والتسياق ... هادو مانعاونش هههههه
3-لازم ماتقليش اليوم دالتي وغدوة دالتك ... ههههه
4-لازم ماديرش في بالها بلي راهي عاقدة عليا وراني رخيس ووووو ....
والمرا تاع الصح ماديرش في بالها هاد لحوايج
أنا هادي هيا لمرا الي نعاونها
المرا اللبيبة العاقلة الفاهمة لقدرها ...
طولت عليكم وراني نسنا في رايكم لعزيز
