طلع البدر علينا من ثانيات الوداع .......

[**سارة**]

اهلا مينو واش راك خويا ؟؟
ديما مواضيعك فووووووور بصح مادرتناش اليوم الكليماتيزور في موضوعك هههههههههههه
والله عندك حق مينو نورمالمو الناس يقولو الحمد لله لأنو دارلنا ربي شهر رمضان فيه كامل الخيرات والناس تتلم مع بعضاها ويغفرلنا ربي فيه كامل الذنوب وتكتر فيه الحسنات ماشي يقولو واش يخلصو علينا وزيد ربي سبحانو رايح يعطينا الصبر على صيامو
وان شاء الله ربي يقدرنا على صيامو وقيامو
يعطيك الصحة مينو على الموضوع الهااااااااااايل
بارك الله فيك​

 

[Mr mino]

هههههههههههه
صح عندك الحق
هاذ اليام الناس بداو يخممو في رمضان و كيفاه يصوموه
و حنا مازال مالحقناش
انا نقول بلي ربي ان شاء الله يعيننا على صيامو
عام كامل حنا ناكلو و نشربو
ما نقدروش نصبرو شهر
المهم ربي يعاوننا و ربي يغفر لنا و يرحمنا
شكرا بزاف على موضوعك الرائع
​

والله كلامك كبير

هذا هو وكيما قلتي

11 شهر ماكلة وشراب عيينا غي في 30 يوم تع رمضان وبلا 29 يوم

وراه الغاشي اللي يفهم هذي وراه

الله يبارك فيك خيتي كلامك صح ربي يجازيك

ميرسي بزاف بزاف على ردك نورتي الموضوع

اهلا وسهلا

تحياتي ليك


​

 

[Mr mino]

يعطيك الصحة مينو
هاد الديسك راه يدور توجور وعبد ربي ماهو راضي على حتى حاجة ايلا الحمان يتقلق و ايلا البرد كيف كيف
وكيما حكاية الحمان تاع الصيف كاين حكاية المصروف هوما ماعلابلهمش بلي سبحان الله رمضان يجي برزق تاعو
ونتا كاع ايلا مت ونتا صايم كاع نفرضوها ياخويا مكانش كيفك و الصيام جزاؤو يعلمو غير ربي
غير حنا مانحمدوش ربي و نشكروه
كلما تشوف في روحك و في حالك تفكر بلي كاين ناس اكثر منك هم كيما نتا عليك الحمان و كلش راه عندك باش تتبرد شوف لي اكثر منك بلاء و تلقاه حامد ربي وشاكرو
والله ربي يهديننا اجمعين مانكذوش على رواحنا تلقا معظمنا يقول هكا بصح تاكد بلي ربي سبحانه و تعالى ماهوش ظلام للعبيد شبحانه و تعالى و لي صبر ربي يجازيه و لي ماقدرش ماقدرش كاااااااااع لايكلف الله فسا الا وسعنا
حنا غاشي راشي تاع الصح و الله العظيم ,,,,


ملاحظة : المرة الجاية دير في بدية الموضوع تاعك مينو

الله يجازيك منو تضرب فيها دوش وتشرب اومام تون
نقلل عليك المسافة تلقا كيفو عند هذاك السيد عرفتو ؟

ايا تربح و يعطيك الصحة اخينا

ههههههههههههههههههه


شكون لهنا نفيسة هههههههههه

المرة اللي فاتت جيت نرد عليك

لقيت الموضوع مغلق او خارج مجال التغطية

واش راكي واش حوالك راكي مليحة ؟؟؟؟

والله يا نفيسة اختي كلامك وفى وكفى

وماعندي مانزيد فوق كلامك الزين

غاشينا راح جهل ولات الدنيا همو

الوحيد لا يخمم في اللاخرة لا يخمم

في الحساب يحسب روحو خالد

والخلود لله سبحانو وتعالى

هذا غاشي لازمو هداية من عند ربي

احنا نقدروا برك ندعولوا

الله يعطيك الصحة والمرة الجاية

ندير كيما قلتي ونشريه من عند

هذاك تع المسامير

ومنها دوش واومامتو تقلي المسافة

كيما قلتي

نشريلك واحد ليك ؟؟؟

والله مانشريلك ايا نبهي

ههههههههههههه


​

ربي يخليك نفوسة خيتي طلتك فرحتني
​

اهلا وسهلا نورتي




​

 

[H@teM]

والله بنسبة ليا نووورمال
السخانة والفنا عليها والفت علينا
والله حاجة نورمال تجينا في الصبر وخلاص
يعطيك الصحة خويا على الموضوع
والله فور لعلى الناس يهديها ربي
تبطل هاك لبلاg
​

 

[Mr mino]

وعليـكم السلام ورحمة الله تعالى وبركاتـه

ربي يبارك فيك

عندنا هنا في سطيف مرة نتفرجو في فيلم الرسالة
و من بعد سمعنا الحس برا
طلينا لقينا زوج ذراري حاكمين طفل صغير
ويقولو : * قل هبل باه نطلقوك*
هههههههههه

هههههههههههههههه

مربين تع سطيف والله وحدكم


الموضوع طويل ليوم بزاف صمت صمت وفطرت على جرنال

ههههههههه

والله يا ماجدة راكي تعرفي منين نبدا نحكي مانخلصش


نشفى بكري كي كنا صغار كي يجي رمضان نموتو بالفرحة
و نبداو نتنافسو شكون يقدر يصوم اكثر من خوه
كان رمضان بالنسبة لأي واحد متعة قبل ما يعتبرو عبادة
رمضان شهر الغفران والرحمة
يكفي المسلم كي يعرف بللي في هاذ الشهر
ربي يغفرلو ذنوبو ويرفعلو حسناتو
حتى المريض اللي ميصومش يفرح بهاذ الشهر
كي تتلم العائلة على طابلة وحدة والماكلة ..... من درك نشم في ريحتها ههههه
والله رمضان من أفضل الشهور
واللي جاياتو السخانة عادي
يعقب نهارو تحت الكليماتيزور ينسى
اما ناس الصحرا والله قلبي معاهم بلا رمضان والسخانة
امالا والعبد مقطوع عليه الماء......
ربي يقدرنا ويقدرهم
يعطيك الصحة امين ومتزيدش تطوّل الموضوع عييت :music_whistling:


/QUOTE]
​

والله يعطيك الصحة ماجدة خيتي

رمضان كان بقيمتو بكري والناس كي يقرب رمضان

تفرح توجدلو من عبادة لماكلة لسهرات عائلية

لكلش هذو كامل لرمضان

ليوم يا حسراه مابقاش رمضان زمان بقى غير عند

بعض الناس الباقي يجيب ربي

ان شاء الله يقدرنا على صيامو وقيامو وان شاء الله

نكسبوا فيه الثواب العظيم

وربي يهدينا اجمعين

ماجدة خيتي كيما عوايدك تزيني المواضيع تاوعك

بردودك الزينين وكلامك الرزين

الله يكثر من مثالك وربي يحققلك اللي في بالك

نورتي الموضوع اهلا وسهلا

واسمحينا عييناك ههههههه

وتحياتي ليك
​

 

[Mr mino]

سلام يا المهبووووووووول
ما تقول شيروزة ما تتوحشني تامني راني ندخل للمة غير باش شوفك كيفاش راك
سافا شوية كاش بحر انا غير درك جيت منو

اوووووووووووووووووووووووووو

شكون طل علينا ليوم شكون

الله اكبر

شروزة طلت ودارت رد في موضوعي الله يبارك الله

اقسم بالله ليك وحشة كبييييييييييرة والله واش حوالك

كي راكي وين راكي هذي غيبة والله طولتيها والله

والعالم ربي غير راكي في بالي سبحان الله العظيم

والله فرحتيني بهذي الطلة ها عرفنا بلي شروزة راهي

مليحة ربي يحفظك ربي يخليك

والله لبحر معليش بحرنا وتبردنا والحمد لله

وبصحتك التبحيرة

ربي يخليك شروزة


​

 

[programmeur]

نقولك حاجة اخي
انا مارانيش عارف اذا رمضان راه قريب ولا بعيد
راني عايش غيل هكدا وجايب دنيا بلاخبر
نهار الللي نسمع غدوا رمضان راني نصوم ونقعد صايم حتى اللي نسمع غدوا العيد

زعما هدا اذا سمعت وبالاك مانسمعش خلاص ..... قالك هايشة عايشة فوق الارض

 

[Mr mino]

c'est pas vrai......​

hhhhhhhhhhhhhhhhh


oui oui il nous a dit comme Conjugaison avec grammaire







​

 

[assoma]

" طلع البدر علينا من ثانيات الوداع واجب الشكر علينا ماداع لله داع ..... "



هاو بصح موضوعك من كثرت الي طويل قريب وانا نرقد على الكلافي
هههههههههه
كيما فات العام يفوت الشهر تاع رمضان
ربي يكون معانا برك
آه نسيت نقلك تعبير فووووووور



​

 

[iméne09]

مزية لي درت حسابي وجبت معايا فونتاي ديالي مع موضوعك الله يبارك ماشي طويل وتزيد هم سخانة

بون نرجعو لميضوعك صح كلامك من دهب رانا نسمعو بزاف عباد راهي تخمم غي على كرشها وكفاش تقدر تصوم نهار في صيف ما يادنش بكري غيرا شاطو من سخانة مي بكري كفاش كانو جدودنا يصومو والله مكانش عندهم مامبا تريسيتي وحامدين ربي مي حنا من عام لي جاز وهوما يخممو فيه ويطلعو ويحبطو بلا فايدة مي ربي يقدرنا ونصوموه بلا مانحسو للسخانة ويعطينا صبر منو عندو قليل لي راه مقدر هدا شهر لي فيه رحمة والتوبة والمغفرة وهدا نور من عند ربي وانشاء الله يجوز علينا بالصحة ولهنا
يعطيك الصحة امينو ع الموضوع لهايل ربي يجازيك + تستاهل تقييم ​

 

[didin91]

لي يقرى هالموضوع في رمظان سير يفطر
عموما رمظان ديما ببراكتو والله يغلبنا عليه غير ما تخموش​

 

[Mr mino]

vamos mr mino melkbar​

صحيت يا وليد عمى من بكرى و انت فور و مازلت فور و راح تبقى فور ربى يبارك عليك
يا خويا مالـgـرى نتحرك بزاف و نخدم بزاف و نتعب بزاف بصح والله ما نخاف من التعب و العطش و النهار الطويل و السخانة تاع رمضان قد ما نخاف من السخانة و الهرج و الهمج تاع لعرب تاعنا.
رمضان براكة كبيرة و كى يجى رمضان يجيب الخير معاه بصح كيما قلت انت كاينة ناس تقطع رحمة ربى و تدمر من رمضان و تقلك رمضان يغلبنى و رمضان يتعبنى و رمضان ما نقدرلوش ، بصح الظاهرة هاذى عندها تفسير واحد و هو الناس هاذو راهم يصومو غير على كروشهم برك ماشى طاعة لله ، على هاذيك ربى ما يعطيهمش الصبر و القوة
و هذا كامل كيما قلت انت كاين عندهم الامكانيات ما شاء الله .
ربى يهدى لى يقول على رمضان تعب كبير .
صحيت وليد عمى مينو
و نقولك مقدما بالك ما نكونش معاكم فى رمضان صحا رمضانك خويا مينو و رمضان جميع ناس اللمة الطيبين و غير الطيبين و جميع الامة الاسلامية .
(+10)​

اووووووووووووووووو

الشريكة حبيبي واش راه اسامة الغالي واش حوالك

هذي غيبة يا لعزيز مراناش نشوفوك يخي غير

الخير ليك وحشة يا الحبيب

والله كلامك معقول اسامة حبيبي وكلام زين ناس تصوم

غير على كروشهم معلبالهمش اصلا الصوم وشي هو

ويزيدو يكرهو من رمضان رمضان اللي كاين ناس

تستناه وتتمنى وتدعي ربي يبلغهم اياه

مي الغاشي الراشي يجيب ربي

والله يا اسامة خويا عيينا كي نديروا مع هذو الناس

ربي برك اللي يتولاهم احنا نتمناو يهديهم ربي

ها الحب راك نورتلي الموضوع بطلتك وبصح لازم تجي

وتشوفنا في رمضان رمضان بلا بيك مكان والو

لازمنا نسهروا في اللمة وكلش

دير البوسيبل تاعك اسامة حبيبي وخلينا نشوفوك

ويلا مانجمتش الله غالب نقلولك رمضان كيم ان شاء الله

تصومو بالصحة والهنا وربي يغفر لنا ولكم

ربي يخليك اسامة الغالي على هذي الطلة ديما

فووووووور وفوووووووووور وخير من الفووووووور

ربي يبارك فيك يا الشرريكة

تقبل تحياتي وسلامي

ميرسي بزاف

​

 

[المتفائلة_91]

انا رمضان ما نحسش بيه خلاص من كثر الشغل
الواحد ملي ينوض وهو شاد في ايدو النشافة والبيدون ،، ريح شوي ، أب اهو جا الظهر ، صلي ، شد المصحف واقرا كشما كتب ربي ، هاو جا وقت الكوزينة ، نفوتها في الكوزينة حتان للمغرب ،،
هكا يفوتلي النهار قصير مانتعبش ياسر ،، خاطر الدار كامل فيها التهوية ، حتى الكوزينة
وزيد انا نحب رمضان ونموووووووت عليه ، يكسرلي الروتين وديما نتعلم حوايج جدد وملاح في الكوزينة كي يجي رمضان...
وهاذمك اللي مضمرين من رمضان هوما اللي يتعذبو من الجوع والعطش.. خاطر ماداروش ربي في بالهم وخممو غير في كروشهم ..



اسمحولي ردي طويل ،، يخرج على الموضوع


ايا مرسي بوكو ،، مواضيعك راهي فورt

واصل

 

[khalil hip hop]

خويا موضوعك كبير ياسر ولي نقصه منو هكدا

راهوا رمضان جاي كون طول الموضوع لمن يرد عليك في رمضان

منوا هكدا في رمضان لخص مواضيعك في اسطر قليلة

ونرجع الى الموضوع

قآلك قررت هذا رمضآن مانصوموش واطعم 61 جآئـع ولا نصوم نص نهار وغدوا نص نهار

ونلصقهم هاذي راهي حاجة كاينا منها والسلام عليكم
​

 

[Mr mino]

ماكان والو ربي يقدر
انا صمت البارح و اليوم ماحسيتش بصح ماخرجتش مالدار لوكان خرجت هدرة واحدوخرا

نزيدلكم تنبيه: البارح بديت الفطور بالما البارد قريب مالحقتش على رمضان.. امالا ردو بالكم مالماء الباااااااارد

يعطيك الصحة عالموضوع

ساهل ان شاء الله

الله يبارك

ربي يتقبل منك اختي وربي يجازيك على صيامك

وان شاء الله منا لرمضان بلاك يبرد الحال ومانعطشوش

هههههههههه

ربي يخليك خيتووو

ميرسي بزاف على ردك الجميل

تقبلي تحياتي الخالصة

سلام

​

 

[chiguevara]

السلام عليكم
موضوعك فووووووووووووور خويا مينو
و ان شاء الله سيدنا رمضان يجينا و يجيب معاه البركة تاعو
و الله لطيف رحيم يعقب كيما عقبو شهور رمضان الاخرين
يبقى ضيف خفيف ظريف
ايا في الامان و رمضانكم مبارك
فكرة مليحة تاع زوج بادين ماء في السحور هههه
ملاقاة الخير
​

 

[Mr mino]

ههههههههه
والله عندك الصح
رمضان مزال مادخلش حتى و الناس قعدت تتناسف
حنا نقولو ربي يبلغنا ليه برك
خاطرش شحال من ناس صامت معانا العام لي فات و السنا راهي في قبورها
الله خير مستعان
ربي يحفظك امينوووووو صحيت

ايمانووووووووووووووو خيتي كي راكي

هذي غيبة وينك ؟؟؟

ان شاء الله مليحة

هيه كيما قلتي ان شاء الله ربي يبلغنا رمضان

نصوموه ونربحوا فيه المغفرة والرحمة تع ربي العالمين

ان شاء الله يقدرنا على صيامو

وربي يجيب الخير

ميرسي ايمانووووووووووو بالبزاف ربي يحفظك

تهلي في روحك بزاف

سلام

​

 

[khalilou algerino]

جاري قراءة المقالة ..............​

 

[Mr mino]

وعليكم السلام :
وعلاه مطول الموضوع هكا راني تعبت راني رايحة نشرب الماء تعبت وه وه وه وه وه وه
و ربي يقدرنا على صيامو
و تبقى على خير .

هههههههههههههه

انا بعثتو صغير في الادارة كسلوه

وانا علاه

ههههههههه

معليش تجيك في الصبر

وكيما قلتي ربي يقدرنا على صيامووووووو

ايا يعطيك الصحة خيتووووووووووووو

ميرسي بزاف

تحياتي

تربحي


​

 

[Mr mino]

علا بالك قريت موضوعك عطشت هههههههههه طووووييييييييييييييييييل..............
وعجبتني بزااف لحكاية لحكيتها تاع c pas vrai ههههههه فور هادي

هههههههههههه

ياو خفت نكمل نحكي يزعفوا حبابنا المعسكريين

ههههههههه
​

ودرو ك ندخل في اساس لموضوع
يا خويا مينو والله عندك الحق
نخرج برى نسمعهم غي واش يفوت هدا رمضان تاع صيف نحير
وكيما قلت رانا ف 2010 كلشي متوفر الحمد الله
ادا جا فشتا قالو جوع جا فصيف قالو لعطش والله هاد لعباد متفهملهم والو
وانا نقولك راني غي نقارع في رمضان عنده واحد لوشارم معندي منقول فيه
والعايلة كامل تتلم في هاد شهر وبززااااااااف حوايج فيه
وزيد مننساوش لاجر تاعه
ونشاء الله يفوت هدا رمضان ملييييح على كامل لمسلمين
منطولش عليك فرد هههههههه
مرسي عليك بزاف مينو
دايمن تفوج علينا

صح ساميفا خيتي مكاش كيما اللمة تع العايلة في

ايمات رمضان والله بالمال ماتتشراش

وكيما قلتي انت رمضان عندو لوشارم تاعه وحده

هذا بلا مانحكوا على البركة اللي يطرحها ربي فيه

بصح كاينة ناس الله غالب رمضان يجيهم فوق القلب

ربي يهدينا

وربي يبلغنا رمضان نصوموه ان شاء الله بالخير والعافية

سميفا اختي ديما كيما عوايدك تنوري الموضوع

بردك الجميل ربي يبارك فيك ويفرحك

ميرسي ليك بزاف بزاف

ليك مني احلى تحية واحلى سلام

ربي ينورك

​