يا خاوتي مالقيت ما ندير مع هاد العكسات

[جزائرية للأبد2]

السلام عليكم
والله راني مدمرة من الزهر العيان لي عندي كل مانجي نفرح تعكسلي وتصعاب هادي حاجة تصرالي دايما ماشي غير مرة
انا راني مخطوبة بصح مازال مادرتش الحفلة والخاتم غير من العطلات لي راهم يصراولي
والله غير قريب نهبل ...نبدى نسجي ونوجد ومنبعد يحبس كلشي ...
اللي خاطبني عسكري يعني ما يجيش غير خطرة في ربع اشهر ولا اكثر غير 8 ايام برك
كلما يوصلو ال8 ايام هادوك تخرج حاجة...ساعة مايكونوش الدراهم ساعة لادات تطيح مع خطبة بنت عمي...والمرة ماقبل اللخرة ماتت اعز انسانة على قلبي في دارنا والشي لي وجدتو ليا حطيناه في الموتة تاعها الله يرحمها
وهاد المرة مين حسبتها فرات وسجيت كلشي حتى اني فيرسيت على لاروب لي نلبسها ودرت كلش كلش...ماحبوش يطلقوه للكونجي ..وانا راني عارضة الناس لنهار 26
والله ماني عارفة واش ندير
ربي عيشكم اعطوني حل ولا صبروني راني قريب نهبل

 

[ساجيدة]

والله اختي واش نقولك ربي يسهلك وهداك لي فيه الخير
كيما يقولو ناس زمان كل تاخيرة فيها خير
وان شاء الله ربي يسهل ماتتقلقيش
عسى ان تكرهو شيء وهو خير لكم

 

[chamse121919]

ربي يكمل و يفرجها عليكم ماراح ديري والو فهميهم برك و خلي حتان يتأكد من روحو هو و مبعد انت وجدي

 

[amel algerie]

السلام عليكم اختي
يا اختي كل عطلة فيها خير
وماتدريش وقتاش يطلق رب سراحك
لكن نصحك باش تسهلو قد ماتقدرو
ولاشئ يعطل زواجك مهما كان
يعني في نظري خطبة بنت عمك ليس مشكل
من المفروض تخدميها هداك النهار
ربي يسهل برك​

 

[shahrazad]

سلام
متقلقيش يا ختي خاطر ربي راهو كاتبلك كلشي
ساعات هكا كل حاجة نحبو نديروها تتعكسلنا
حتى نحسبو بلي ماعدناش الزهر
مي لوكان نخممولها من ناحية اجابية
رايحيين نقولو كل عطلة وفيها خير ان شاء الله
ادعي ربي يسهلك
وربي يفرحك عن قريب
سلام



​

 

[عاشقة رجاص]

السلآم عليكم ورحمة الله وبركاته:
أولا يا أختي رايحة نقولك الف مبروك مسبقا على الخطبة باش تكون فال خير عليك إن شاء الله :heh:
ثانيا والله ربي مافيه غير الخير وماتدريش الخير منين يجيك وكل عطلة فيها خير كيما نقولو
أنتيا اصبري ودعي ربي وربي يسهل إن شاء الله
وكيما قالت الأخت أمال كاينين أشياء بسيطة ماتساهلش تأجلي على جالهم خطبتك
مثلا الوفاة شيء كبير لازم تتأجل على جالها لكن خطبة بنت عمك أمر عادي خصوصا إذا كان كيما قلتي خطيبك فالعسكر يعني عندو إرتباطات بزاف
ماتقلقيش روحك يا أختي الغالية والمكتوب على الجبين حتى تشوفو العين
كل واحد يدي مكتوبو أصبري برك حنونة:heh:​

 

[ايمان 02]

قالك كل تأخيرة فيها خيرة اصبري حنونة وربي يفرج عليك ويفرحك ان شاء الله
​

 

[sam11]

اختي ما تقلقيش وكل شيء ان شاء الله يكون في وقتو

ويجي وتعملو العرس وتتزوجي و وربي يسهلك ويكملك اختي

وراح ندعيلك من كل قلوبنا ربي يسهلك يارب

 

[choukri25]

ربي يسهلك و راك ان شاء الله تكملي كل شيء و هذه العطلات كلها تولي ذكريات

 

[dahbito]

اختي لازم يحضر هو ادا انت راكي واجدا وراكي عاؤضا الناس صاي درك ديري الحنة بلا بيه وخلي امو هي اللي تلبسلك الخاتم وهي فرات علاه راكي تصعبي فيها ربي يسهلك

 

[Mr.Tahar]

ما نقولك غير اصبري أختي .. الصبر مليح
صبروها يا لبنات بارك الله فيكم​

 

[somiasahraoia]

عسى ان تكرهو شيء وهو خير لكم

 

[kamy]

نتقولك حاجة مبروك عليك مسبقا اصبري وكل تعطيل فيها الخير
اذا معطوهش الكونجي رويحي عندو انتي اوخلاص​

 

[القلب الابيض]

ختي كيما يقولو كل عطلة فيها خير و الصبر مفتاح الفرج اصبري هادا واش نقدر نقولك و اشاء الله ربي يفرجها عليك

 

[مروى0]

ربي يسهلك دي الخطرة ان شاء الله >>>> ولاتقنطو من رحمة الله>>> ربي رحمة واسعة و كيما يقولو كل تاخيرة فيها خيرة