ماعرفتش واش ندير عاونوني تعيشو ؟؟؟

[هديل هدولة]

السلام عليكم اختي
مافهمتش قصتك مليح لاخاطر اولا لاه اتصل باخية وليس ابوك هل ابوك طيب و عاقل بزاف
ثانيا الم يتكلم معك اخوك من ذالك اليوم
اما بالنسبة لامك معروف انه البنت تتكلم مع امها كثيرا الم تحاولي التواصل معها لعل وليت تقنعيها فتساعدك على الرجوع
بالنسبة للمراقب وكلي عليه ربي
وبالحديث عن المراقب مابها التلميذة التي التهمك بمصادقتها لماذا لم يتكلم مع عائلتها هي حتى سبب في هدم مستقبلك خاصتا وانك ممتازة في دراستك
انا ادعي الله ان يهدي اخاك

 

[تونسية ونحبكم برشا]

ربي معاك
والله يهديه خوك ويرشدوا لطريق الصواب
والمراقب الله لا تربحوا لي كان سبب
​

 

[djihane_obey]

اشكي على لمراقب لاكديمي وجيبي هدي طفلة وقوليلها تقول لمك بلي مكانتش نحكي معاها ولا حتى نعرفها... او ربي يكون في عونك ونشالله ترجعي لقرايتك

 

[بنت الـ25]

السلام عليكم
نتأثر كي نسمع حكايات كيما هك
انا صراتلي فالليسي كان خويا ديما مدايرلي مشاكل فالدار خاطر صاحبتي (كيما راه يقول) محروقة
انا ما كنتش نعرف وش راهي دير خارج الليسي معاملاتي معاها كامل فالليسي
مي جامي وصلت لدرجة يحبسني مالقراية موحاااال
خوك هدا يا ختي ما يقرا ما يفهم وراه يحسب في حياتك لعبة شطرنج بين يديه
يقولك حبسي تحبسي ارواحي تروحي خص غير يقولك موتي تموتي
والمراقب هدا (انا شاكة فيه جون صغير تع لانام ) وجابلي رابي شاريهالك
ويعرف عقلية خوك وتعمد يديرلك مشكل معاه (تفووو برك )
الموهيم انتي ما تسكتيش ريكلامي راه مستقبلك ونهار يجي الصح ما راح ينفعك لا خوك لا حتى واحد قرايتك اللي تنفعك
قولهم علاش قالولكم انا محروقة ماخي الطفلة اللي شافني معاها يا سيدي ونفرضوها محروقة وش دخلني فيها انا منزيدش ندور معاها وخلصت الحكاية
اما توصل تحبسوني مالقراية وضيعولي مستقبلي وحياتي لسبب كيما هكا مستحيل
ابكي عيطي المهم ما تسكتيش وخوك هدا مش غول وما شكيتش كون جات بنتو رح يحبسها
انا ماما كي جابت البيام كان مكانش ليسي فالمنطقة اللي تسكن فيها وتحتم عليها تروح للصونطر فيل قسنطينة باش تكمل قرايتها مي خوها اللي هو خالي ما خلاهاش تروح
زادت عام ولا عامين وتزوجت بابا
خالي هدا جامي يجينا للدار ولا يسقسي عليها وعلينا ماخي بكري كان يخاف عليها ودوكا نسى عليها بلي تـgزيستي؟؟
وبناتو كبرو لكبيرة بعتها تقرا الطب نورمال فالجامعة وبنتو لوخرا تاني قرات فالجامعة لغات كل وحدة فيهم بخدمتها وجات غير في ماما مسكينة
قاتلي كون كملت قرايتي راني طبيبة ولا استاذة دوكا ...ايه يا الدنيا
ما تحسبيش لدوكا يا ختي انا نقلك ريكلامي وريكلامي وريكلامي ما تسكتيش راكي مزالتي ما خسرتيش
الدعوة مزالها سخونة و 10 ايام تريكبيريهم مي كون يروح العام خلاص
ما تستسلميش بسبب وحدة ما تسواش ومراقب ما عندوش ضمير وأخ ما عندوش عقل وأهل ما عندهمش قلب

​

 

[Amira28]

ربي يكون معاك اختي ... وماتفكريش في الموت حاولي مع أهلك وادا ماقنعتيهمش حاولي تتعايشي مع حياتك الجديدة وحاولي تكوني سعيدة بما لديك بلاك راه فيها خير عسى ان تكرهوا شيئا وهو خير لكم وعسا ان تحبوا شيئا وهو شر لكم ربي يفرج عليك