ماتحشموش، قولولي كيفاش تديرو للي يرقد معاكم من حس الميكرو

الحالة
مغلق ولا يسمح بالمزيد من الردود.
احنا دارنا كبيرة صح مي هاذ المشكل كاين ههه
عندنا 3 ميكرو واحد نتاع الدراري وواحد نتاع بابا
وواحد نتاع لبنات
نتاع لبنات محطوط في لاشومبر نتاعنا
درك واحد ما يقلقو الحس نتاعو
غير انا الله غالب
لازم الدنيا تكون كحلة باش نقدر نرقد
والذبانة لازم نسمعها هههه
المهم باه مينوضش الحس عدنا الميكرو 10 يطفا
اللي حاب يسهر يسهر مع التيلي
​
 
ميكرو بورطابل مايديرش الحس
راني سالكة هههههههههههه
 
السلام عليكم
الصوت بالاساس يرجع الى مروحات الوحدة المركزية و ذلك بسبب ارتفاع درجة الحرارة داخلها
خاصة مروحة المعالج ( البروسيسور) ،، ادا زاد بزااف الصوت سقسي واحد خبير بالهاردوير(hardware) لحتى يحدد الصوت ادا كان من مروحة البروسيسور او من مروحة علبة التغذية ( بوات داليمونتاسيون )،،، + مرة على مرة افتح لينيتي سونترال و نقيها بويسك الغبار يعيق حركة المراوح شوي بالسيشوار مثلا ...
و ربي يفرج عليكم ان شاء الله و تبدل البيسي :wink:
 
آخر تعديل:
الميكرو تاعنا ما يديرش الحس بزاف + حاطينو في الصالة يعني ما يديرونجيش

نخدم بيه بزاف لانو قرايتي إعلام ألي وعلى هادي حطيناه بعيد

 
حيح حيح حيح :like_1::like_1::like_1::like_1:فيك انا الميكرو تاعي بورتابل متربي ميديرش الحس عندي ثلاث سنين ملي شريتو والله رحمة ربي بكري كان عندي هذاك القديم كي نشعلو تقول طاكسي نوع تع mazdaراح ديماري هههههههههههههه
ايييييييييييييه وانا نقول ياو يزوج سفيان واش نديرلو اني لقيت
ميكرو كيما نتاعي هاي ليك التصويرة وردلي لخبر
ACER-7520-01.jpg
 
الحمد لله منزلنا واسع بما فيه الكفاية ولنا الحرية التاااااااااااااامة
​
 
هههههههه .. و الله رانا كل نفس المشكل ..
غير لي يجي و يتأفف .. الميكرو بورتابل ما نسمعوش بيه ..
هههههههههه
أنا بكري كنت نرقد وحدي .. نتهنا من الرقاد و أف أف ..
مي ذرك فالصيف نرقد مع ختي .. ما نكونكتيش فالليل ..
بويسك تحب ترقد ..
وش رح نديرو لازم نحملو و فرات .. حتى يفرج ربي ..
شكرا خويا على الموضوع
​
 
حنا الميكرو حاطينو في الصالة مي مانسهروش فيه ممنوووووع
ربي يكون في عونك خويا
حنا مدايرين بالدالة كون هاكاك تصرى الحرب العالمية في الدار هههههههههه
 
ههههههههههههه و الله يا خويا عقلية وحدة مالقري عندنا لبيوت تاع رقاد بزاف بصح وين الميكرو هذيك لبلاصة عسل الغاشي كل تحلالو الرقدة فيها و زيد من الفوق طفي الضوء و كي يطفا الضو زيدو الميكروهيا رايحة و التئفئيف من لفوق واش راح نديروا بلا هاذاك الحس تاعو تقولي طراكس ماشي و الميكرو بورطابل تاعي ساعة على ساعة حتى هو يجيه هبالو هاذي هيا دزاير ربي يصبرنا و خلاص سلام خويا مكانش
 
آخر تعديل:
مشكل واحد انا لقيتلو حل درتو وين منقلق حتى واحد بعيد حتى انا و ننسى روحي و دارنا ينساو بلي راني فالدار......................................................................................merci..............................................................................
 
لينيتي تاعي تفيقها بيا بلي مازلت شاعلة الميكرو تحساب هوندا راهي مقلعة هههههههه
 

آسفة حقا
آو ماكانش الي يطلب السماح هنا

كامل نعرفو نخسرو
بصح رانا نسقمو
واش بيكم؟؟

​
 
آخر تعديل:
قال assoma:
ملاحظة: أولا:ألي مزوج مايحكيناش ههههه
ثانيا: ممنوع الدردشة الخارجية خارج الموضوع
ثالثا: ممنوع عبث الأطفال الصغار داخل الموضوع ​


اولا: هاذي الغنية حفظتها
هههههههههه
ثانيا: كي تتزوج تبقى في الباطيمات
ماعندك وين تروح..تزيد على روحك
ثالثا: لينيتي تاعنا اكثر من تاعك تدير الحس بزاف
انا وراسي يضرني منها
بصح الميكرو تاعنا خاطي لعباد دايرينو في دار وحدو​
إضغط للتوسيع...

في مواضيع تسبونا من بعد تجيو تشاركو كلي ماكان والو
ياخي وجوه عندكم ياخي​
 
قال assoma:
قالنا ماتحشموش

ومن بعد ماداهاش فينا
ههههههههههه
هاوين راك؟؟
ولا لينيتي صرعاتك

ههههههههه​
إضغط للتوسيع...

راني حكيت ومانعاودش الهدرة​
 
bon حنا كنا حاطين الميكرو ف salon وكيما قلت نتا الله غالب باطيما f3
خويا يرقد ف الصالون وحنا لبنات فالبيت ébain كلما يجي يرقد في الليل يبدا يحاوز فينا ويقولنا نهار كامل ونتوما مريحين معاه حتى نكرهو حياتنا ونودو
ودركا درناه فشومبرا ديالنا كيف كيف بروبلام تاع الضيف enf1الديق فالقلوب مي واش نديرو لازم نصبرو ويجي النهار يفرج ربي
وقول لخوك يصبر شويا هادا ماكان وربي معانا ان شاء الله يرزقنا بكاش فيلا شكون شاف هادي دنيا
ونتا دير ميكرو بورتابل وتتنحى علينا الميزيرية
ان شاء الله
 
حنا حاطين الميكرو بعيد خلاص على بيوت الرقاد وانا ثاني بعدي يار في بت شخونة تقتل وا في شتا برد تلاجة
 
قال ماكانش:
في مواضيع تسبونا من بعد تجيو تشاركو كلي ماكان والو


ياخي وجوه عندكم ياخي​
إضغط للتوسيع...

ماسبيتكش ياخويا
اسمحلي من فضلك
وراني عدلت المشاركة السابقة
وآسفة حقا
وانا ناس باتنة نعزهم وفوق راسي
​



قال ماكانش:
راني حكيت ومانعاودش الهدرة​
إضغط للتوسيع...

ايه عندك الحق
ونعاود نطلب السماح
آسفة آسفة آسفة
​
 
حنا حاطين الميكرو في الصالة يعني بعيد
مايديرونجيش اصحاب الدار
شكرا اخي على الطرح​
 
الحالة
مغلق ولا يسمح بالمزيد من الردود.
العودة
Top