عقلية dzعاوجة

[الظل الطويل]

ـالســـــــلام عليكم

باش نسقسيكم وش راكم بيان سير راكم ملاح يسما ماكلاه نسقسي هههه

ـالحقيقة لاحظت حاجة او بالاحرى كلام راهو يدور هنا في المنتدى و حتى برا و الغاشي توجور يعاود فيها

بيان سير بلادنا هديـــ لالجيري فيها ناس ملاح وناس شويا
يعني مهما دور مش راح تلقى بلاد فيها غير الملاح

صح ولالا؟؟
بصح احنا كي نلقو حاجة عاوجة ولا حاجة مشي نورمال نقولو الله غالب عقلية dz هادو هوما الجزايريين

علاه الجزائريين على حسب هادي الهدرة عووووج
يعني واحد مشي جزائري يسمع هدرة هدي من عدنا يقولك هوما عارفين رواحهم بلي عوج يعني الجزائر كامل عوجاء
انا نعرف بلي الجزائريي يغير على بلاد وميحبش لي يتوشيها
مي حنا راني نقيسو في ارواحانا

بالاك نهدرو هدي الكلمة على حسن نية ومن دون النظر لمخلفات هديـ الكلمة؟؟؟؟
و الله تغيضني بزاف كي نسمع واحد يقولها خطاش الجزائر بلاتد الرجلة مشي عقلية dz عاوجة

نتمنىـــ تكون نظرتيــ صحيحة:re_gards:
​

 

[JASMIMI]

اولا السلام عليكم

انا عضوة جديدة هنا ان شاء الله تقبلوني بيناتكم

وبالنسبه للموضوع صح عندك الحق بصح حنا كي نقولو الله غالب هادو هوما الدزيريين عقليه ديزاد نقولها بافتخار صراحة بصح لوكان نسمعها من وحدوخر براني علينا لالا نزعف ومانحبش لانه اكيد مايقصدش بيها خير

واكيد حنا بلاد الرجال اللي حب و اللي كره هادي هيا و في وقت الشدة الصح يبان

شكرا عالموضوع و تقبل مروري

 

[سمكة البحر]

والله حنا عندنا عقلية فور
شوالا ديفوا نهبلو شوية

 

[touffik]

ياخويا لى رهم فوق رهم بغين هك
كلش عوج كيفهم

شكون ياخويا عنده عقلية كم تع جزائرين

 

[kojak]

لعوج اعوج ولمسقم مسقم من عند ربي
​

 

[BASALA]

لمسقم مسقم وذيل الكلب عمره مايتسقم

مشكور خويا على الموضوع

​

 

[سمكة البحر]

لعوج اعوج ولمسقم مسقم من عند ربي​

ههههههههههههههه
عندك الصح ماما مين نهبلها تقولهالي

 

[chamse121919]

ماناش حنا لي عوج لي حاكمين لفوق هما لعوج

 

[N@riM@N]

يخـــــي حنا شعب النورمال ولعــــادي

لي ديرها يقلك نوووووورمال هام زادو لحقو هاد تاع عقلية dz

كملت؟!​

 

[hind*alg-]

سلام
اممممممم
عقلية dzماكاش كيما هي وماكاش خير منها
ولي ما عجباتوش نكسرلو وجهو
لالالالالالالا مانكسرهولوش يزيد يقول هدو صح عوجين
نعطيلو برك زوج كلمات يولي هو معوج
​

 

[sahiko hamza]

عقلـــDZـــية والحمد لله
ياك أحنا في أحنا .... عادي خلاص
شوفو منهيكا لي راك تحكي عليهم
تونسى مغاربة مصاورة ليبيين سوريين ....
عندهم لي بروبلام أكتر منا أحنا ... غي أك تعرف يا قصرنا عليهــا
مي تاع DZ لازمني نكون كونطر حبيبو :lol:

صحيت موسع بالك معاهم
​

 

[جوانا]

كل واحد و عقيتو
و كل عقلية تتناسب مع عقلية
و كون جات الناس قاع كيف كيف هاحي شا يخصنا في بلادنا

 

[sirine-w]

hna fouuuuuuuuuuuuuuuuuuuuuuuuuuur

 

[zahira92]

الصراحة مقدرتش نقراه مليح لنو الخط مش واضح ولكن راني فهمت من الردود .عقلية dz سبيسيال.

 

[يسرى 2008]

انا بكري كنت نقولها
مي كي جرات قصة مصر ودزاير عرفت عقلية بلادي خير منها
تلقا عندنا رجالة ووو
المهم بلا ما نحكي مع احتراماتي بيانسير
مي انا درك نشوف بلادي خرمن البلدان الكل مهما يقولو عليها

 

[406_nassim]

انا بكري كنت نقولها
مي كي جرات قصة مصر ودزاير عرفت عقلية بلادي خير منها
تلقا عندنا رجالة ووو
المهم بلا ما نحكي مع احتراماتي بيانسير
مي انا درك نشوف بلادي خرمن البلدان الكل مهما يقولو عليها

والله يا انتي يا يسرا وعقليتك خلتنا تولا​

 

[406_nassim]

الصراحة مقدرتش نقراه مليح لنو الخط مش واضح ولكن راني فهمت من الردود .عقلية dz سبيسيال.

ههههههههههههههض حكانتي بزاف​

 

[406_nassim]

كل واحد و عقيتو
و كل عقلية تتناسب مع عقلية
و كون جات الناس قاع كيف كيف هاحي شا يخصنا في بلادنا

جونا الاختي انتع الصح عقلينتا مشي كفك مي شويا لزم نبدلو شويا من عقليتنا رنا نبهدلو بكل صراحة​

 

[العاطفي]

كل واحد عنده عقليته
​

 

[iT@liAnO]

واش راح الدير خويااا وحيد
راهم يغيرواا منها بزاااف
ههههههههه