اتبع التعليمات في الفيديو أدناه لمعرفة كيفية تثبيت تطبيق المنتدى على هاتفك.
ملاحظة: This feature may not be available in some browsers.
اخي نصيحة من عندي انت روح دوك ديراكتيموا لعند عمك وقولوا راني نبغي بنتك وحاب نخطبها وهكا تكون فريتها
سلام عليكم
ان شاء الله قرب القلوب لبعضها ويجعلها لحب الله تدوم
والله يا خويا لعزيز من اخت لي أخوها
متصرحهاش
ومتقولهاش
هي في عمرها 15سنة ومزالها صغيرة وجاية لدنيا وممكن كون تقولها الطفلة تفلت ما تصيب قرايتها ما تصيب لهو الدنيا وراك عارف مرحلة كيما هذي واعرة بزاف خصوصا انها رايحة تتعدى مرحلة المراهقة فساعفها وحكم في قلبك
وان شاء الله تكون ليك فهذا الشي مكتوب
واذا كانت النية صافية متخافش
تروح تروح وتولي ليك اقسم بالله ان شاء الله يا ربي تكونوا لبعض والله من قلبي وان شاء الله انا تاني يبعتلي واحد كيما انت ههههههههههه
ربي يدوم لمحبة لبعضها
وعليكم السلام خويا عبد الرؤوف راه يبالي صارح الطفله وسقسيها يلا تقبل تزوجك ولا لا وعلى حسب ردها اذا كانت موافقه ابعث يماك تهدر مع ماماها مادام راها قريبتك وتحط عليها الكلمه كيما يقولو مابين ماتكمل قرايتك وتلقى خدمه وهذاك هو تكبر الطفله شوي وتخطبها ان شاء الله اما اذا مهيش موافقه لا ضرك لامبعد حاول تقنعها ولا تنساها وربي يجيبلك اللي فيه الخير ... سلالام
تدخل من الباب و تبعث يماك تخطبها .هذه نفس قصة واحد من عائلتي كان يحب ابنة عمته منذ الصغر حبا لا تتصوره ولا يعلم به احد و عندما كبر لحق23 سنة هي كانت 17سنة صارحها بحبه لها و سالها ان هي موافقة على الزواج منه فوجدها تحبه و هو لا يدري فوافقت و جاب يماه و قعدوا مخطوبين 4 سنوات لظروف و دوكا عندهم شهر من اللي تزوجوا.
فنصيحتي انك تعلمها بحبك و حسن نيتك او تقول لاختك و لا يماك تحكي مع دارهم لانو بالخجل لا تفعل شيء بل ستخسرها و ان شاء الله تكون مكتوبك و ربي يتمم بالخير..........تقبل مروري و ان شاء الله نسمعوا اخبار سارة عن قريب.اختك assia90
و الله واش نقولك يا اخي
انا ننصحك تروح تهدر معاها هي قبل كل شيء باش اذا قبلاتك اللهم بارك و اذا ما قبلاتكش حتى واحد ما يسمع بالحكاية و بما انها صغيرة راح تتفهم الوضع و ان شاء الله ما يكون غير الخير
و سيي تنحي شوية الحشمة يا اخي ما تقدرش تعيش بهاذ الحشمة و الله ما تقدر يا اخي
كيما قلتلك اهدر معاها و فهمها بلي راك ناويها للحلال وشنوا فهمها بلي رايحة تصبر فيها هي تكبر شوية و انت تكمل دراستك و تخدم هذاك هو وشنوا نوصيك بالاك الحرام حتى الهدرة فالتليفون راهي حرام ياك اخي
ربي يهنيكم و يجمعكم في دار وحدة ان شاء الله
ربي يفرجها من عندوا
حقا قبل كل شيء صلي صلاة الاستخارة عليها باش ربي يسهللك الامور
ربي يفرحك اخي و ان شاء الله فيها خير
ما تنساش اذا قبلت خبرنا لانوا فرحك هو فرحنا اخي و حزنك هو حزننا و ان شاء الله دوك تقبلك و تفرح و نفرحوا كامل ان شاء الله يا رب
انا الفال تاعي تجيبلي المقروك نموت عليه
ربي يجمعكم على الحلال و ربي يهنكم ان شاء الله
موفق ان شاء الله
انا نوافقك في هذااخي بما انها قريبتك
احكي ليماك وهي تروح تحكي معاهم بشكل رسمي كيما يقولو هدرة برك
باش اذا جا كاش واحد خطبها يقولولو راهم هادرين عليها
واذا وافقوا تعملو خطوبة برك باش تكون الامور رسمية
وربي يتمملك على خير معاها ويسعدكم ويجمعكم في الحلال
اخي بما انها قريبتك
احكي ليماك وهي تروح تحكي معاهم بشكل رسمي كيما يقولو هدرة برك
باش اذا جا كاش واحد خطبها يقولولو راهم هادرين عليها
واذا وافقوا تعملو خطوبة برك باش تكون الامور رسمية
وربي يتمملك على خير معاها ويسعدكم ويجمعكم في الحلال
نحن نستخدم ملفات تعريف الإرتباط (الكوكيز) الأساسية لتشغيل هذا الموقع، وملفات تعريف الإرتباط الإختيارية لتعزيز تجربتك.