لمادا الشباب يحب ان يتسلى بمشاعر الفتاة

السلام عليكم ورحمة الله وبركاته يعني الموضوع لا داعي منه في الحقيقة فهناك رد لفت انتباهي وهو لأحد الإخوة قال فيه كما تدين تدان وهذا صح لأنه في نصوص ديننا الحنيف وتعاليمه هناك حل للمشلكة فأنت وضميرك فكما نعلم ان الخبيثين للخبيثات و الطيبين لطيبات هذا يكفي فلو تسلية ولعبت ببنات الناس وكنت انسان خبيث ستتزوج وحدا خبيثة و العكس صحيح .
 
إدا قال عليها ماشي متربية وحاول يدي وحدة زعمة مدارش معاها علاقة واش يضمن لو بلي اللي رايح يدها مادارت علاقة مع حتى واحد من قبلة
مانيش حابة نتهم البنات كامل مي قصدي أنو كيما هو يحب يدي وحدة صافية الناس تاني هكذا
 
أولا صحا فطورك وربي يتقبل منا ومنك صالح الأعمال

السؤال باين وواضح وعلاش الشاب يحب التسلية وحنا مدخلين فيها شعبان في رمضان السؤال واضح والجواب تاني لازم يكون واضح والجواب على خاطرش هذا الشاب رخيس ومايسواش وأغلب هذا النوع لي يتصرفو بهذا الطريقة تلقاي التاريخ تاعهم بعاد على الرجلة يعني فاملات تقدري تقوليها ساهلة ونفس الشيء ينطبق على الفتاة تاني رخيسة وماتسواش لي تلعب وتتسلى بقلوب الناس .
العبد إذا وصل يتسلى بمشاعر الناس هذا خلاص مارجعش عبد حيوان وخير منو مهما كان جنسو يعني طفل ولا طفلة
كاين لي يشوف فيها بحال راه بوقوص ولا ليوناردو عندو بزاف لبنات وكاينة لي تشوف فيها بلي شابة وكيت وينسلي
عندها بزاف لي جان بصح في زوج رخاص ومايسواوش بإختصار شديد
بصح نحوس نصحح واحد النقطة ولي هي الشاب لما يمشي مع وحدة وفي الأخير مايديهاش ويروح يخير أخرى كاين البعض صح يتصرف بهذا الطريقة يحسب لبي لي رايح يديها مامشاتش وخاطيها وهو بالعكس غير يهف في روحو
يقولك ماسمعتش عليها برك مالا لي تعرفو خير ملي ماتعرفوش وهذي هي قناعتي وكل واحد وقناعتو الله يسهل عليه بصح يدير في ابلو لي يمشي بهذا العفسة يعني يمشي مع الطفلة ويتسلى ويتمسخر بيها بإسم الحب والزواج
ويخليها يعني لعب بالمشاعر تاعها يدير في بالو بلي ربي تاني كاين وبعتو لأخرى دارت كثر ملي دارو هو و الفرق بين لي خلاها ولي رايح يدها أنو لي خلاها كانت تحبو وبالاك أمنت فيه ولي رايح يديها ماعلابالهاش بيه وتقدر تبحرو بلا مايفيق
*​
 
كل واحد يعرف صلاحو


​
 
قال نونو الحبيب:
اصبع الايدي مش كيفكيف كذالك الرجال مش كيفكيف
إضغط للتوسيع...


ممكن تكون أصابع اليد متشابهة مثل هاذي الحالة هههههههه



3_10.jpg



الرجال يتشابهو في أنهم يستغلوا أي تسهيلات تقدمها الفتاة :yahoo:
على هاذي لازم تكون العلاقة من الأول جدية من ناحيتها :sneaky2: باش هو مايلعبش بمشاعرها :lol::heh:
​
 
يفعل هذا الا من ليس له ضمير او كيف يسمح لك ضميرك بان تتلاعب بمشاعر فتاة و كم هي حساسة الفتاة عندما تحس بالظلم عيب ما يفعله بعض الشباب بالطبع ليس كلهم شكرا على الموضوع
 
قال mir@cle:
ممكن تكون أصابع اليد متشابهة مثل هاذي الحالة هههههههه​



3_10.jpg
​


الرجال يتشابهو في أنهم يستغلوا أي تسهيلات تقدمها الفتاة :yahoo:
على هاذي لازم تكون العلاقة من الأول جدية من ناحيتها :sneaky2: باش هو مايلعبش بمشاعرها :lol::heh:​
إضغط للتوسيع...
السلام عليكم ما تغلطيش الناس كامل ماشي كيفكيف و ماشي اي واحد يستغل اي تسهيلات من طرف الفتاة يا اختي هاذي ترجع لتربية كل واحد فينا كاين اللي مهما تقدملو الفتاة من تسهيلات ما يستغلهاش لان تربيتو و مبادئه ما تسمحلوش كيف يكون يحبها من المفروض هو اللي يحافظ عليها
 
لازم يفيقو بناتنا بهذه الاشياء .
يلعب بيها يلعب بيها .
ونبعد يبدا يدير في الاسباب
انا ........... و ..........انا .
ونبعد طول ماتخطب لانها كانو يعرفون كانت عنها علاقة مع الشاب .
 
بسم الله الرحمن الرحيم
سلام الله عليكم
وصح رمضانكم
في الحقيقة ما تعيا تحلل في هذي الظاهرة ما تصيبش حل يفيد
الشباب تاعنا ضاع وراهو يخمم تخمام شهواني الله يستر
الهدف الوحيد ديالو يعدما ضربوه الحيطان
يصيد واحدة يكلخلها بالحب يخرجها معاه يمارس معاها افعال مخلة بالحياء يديلها دراهمها
وهي ثاني ترضى بذلك
كي تنصحا تقولك عندي حبيبي يحبني انت واش دخلك
ولا راك غاير
يعني المشكل تصيبهم عارفين مي ما يحبوش يفيقوا من الخطا
والله تبقى بلا راس
الله يهدينا يا رب
صح فطوركم
وكل التوفيق باذن الله​
 
كاين حاجة راني متمنها تصرا كي يكون الموضوع يهدر على هاد الي يسموهم العلاقات
الله يبعدها على كل مؤمن يا رب
وراني متمني كاش مرة يكون التحاور و النقاش بلا تخصار هدرة
بلا تبهديل
زعمة راكم من بلاد وحدة
تخيلو هاد النقاش في منتدى مشاركين فيه ناس من جنسيات مختلفة و الله ما يكون هاد التبهديل كاين
كل واحد يقول رايو وحد ما ينتقد لاخر واحد ما يبهدل لاخر
الصراحة انا والله ما نحب هاد المواضيع و مانيش عارف كيفاش دخلت هنا وراني نكتب في رد
المهم مادابينا يا جماعة الواحد يكبر بالو
تقبلو تحياتي​
 
العودة
Top