آخر صيحة أحلى خبر ممكن سمعته في حياتي؟؟؟؟؟؟؟ رايح تسكر

[somiasahraoia]

الله غالب بلاد اليس في بلاد العجائب

 

[BARCA232]

شفت الموضوع عجبتني الكاريكاتور الي في الصفحة الاولى ههههه شدني الموضوع مي ما قريتوش بسبب انشغالي بالتسياق صباح
المهم يا خويا هدا هو حالنا الشعب يعاني و يموت في البحر و الدولة تدير في الفنادق لـ ...
نهار يكون الشعب عايش عيشة لاباس بيها ما يخصو والو يديرو هدوك الفنادق
ما غلطش الي قالك هم يبكي و هم يضحك ،،

التسياق خير من شوفك لهذاك الموضوع
شكرا لك
بارك الله فيك
​

والله خويا محمدعيش تشوف
ومن نيتك كاين هذا الفندق
وفي الجزائر والله عيب وحرام
أشكرك محمد
​

:cursing::cursing:
لالا خضرو رانين كذب ياجدك أعطيتك الرابط ولا راك اعمى
شكرا لك
​

وعليكم السلام هذي هي بلاد العوج كاين ناس تبات بلا عشا وراقده فوق الكارطون وكاين اللي فالبيوت القصديريه وهوما يتهلاو فالكلاب باه يشوفو كيفاه يلقاو حل لهاذ الناس لاتيين بالكلاب ربي يصلح لحوال برك ... سلالام

لا حول ولاقوة الا بالله
أخي اقرأ على حياتنا السلام وصلي واركع وكبر عليها ألف مرة

ان لله وان اليه راجعون
شكرا ياسمين

​

والله عندك الصح
والله كاريثة
ان لله وان اليه راجعون
​

:showoff::showoff:
​

كيما قالو في رد الجريدة كلاب عايشة و ناس مطايشة ربي يهدي ما خلق

والله احسنو الاختيار
شكرا لك
بارك الله فيك
​

ايه لازم تخدم عندو الحق

لكلاب في لي زوتال والناس راقدة في لرض

هادي بلاد ولا خلي

واه عندهم لكتاف الكلاب
شكرا لك
اختي ربي يجيب الخير
بارك الله فيك
​

 

[اية تسنيم]

لا حول و لا قوة الا بالله
بما انوا الانسان ولى ما يقيموهش علابيها ولى الحيوان و حاشاك الكلب يتقيم و يديرولوا فندق ربي يهدي ما خلق
بارك الله فيك على نقل الخبر
نورمال ما تتخلعش يا اخي راك فالدزاير Et Tout Est possible

 

[BARCA232]

السلام عليكمم خويا محمد
والله مالقيت واش نقولك وزيد كيفك انا اول مرة نسمع بيها
كل تسمع حاجة جديدة
غدوة تسمع حيوانات ولت تدرس في الجامعة ول ياربي الكريم
واش هذا
صحيت ميمو
​

والله مثلي مزيا بلاك قلت راني مجنون غير انا
جديدة تاع الدراسة في الجامعة
شكرا لك
بارك الله فيك
​

 

[JASMIMI]

قالوها ناس زمان*****عيش تشوف*****

الله يهدي ماخلق ناس تموت وناس تفشش فكلابها

شكرااا

 

[BARCA232]

قالوها ناس زمان*****عيش تشوف*****

الله يهدي ماخلق ناس تموت وناس تفشش فكلابها

شكرااا

والله صح قالوها بصح رانا شفنا كثر من العجب
لايوجد واحد يجيبنلنا أحقية الخبر
شكرا بارك الله فيك
​

 

[Jagwar]

لا حول و لا قوة الا بالله
ناس قاعدة تمرض و تموت فى الشتاء القرس و ما تلقاش وين تهرب فى عز الصيف و السخانة لكبير من البيوت القصديرية و البني الفوضاوى و ناس تقدر تبنى ملجأ و أحسن مكان ترفيهى للكلاب
و الله يا جماعة و اسمحولى حاشاكم هاو عندنا مسؤولين كلاب حنا تانى و بلاصتهم مع الكلاب هادوكم
صحيت خويا موح
بارك الله فيك و مزيد من التألق






​

 

[BARCA232]

الكلاب ولات عندها قيمة خير من الناس

واه ياخويا ولى عنده العرف ومكانة في ومن القهر
شكرا لك بارك الله فيك
​

شفتي يا خويا الكلاب ولاو يقدروها على العباد
اي الصوارد الي عاملهم على الكلاب
يروح يخدم التيريسيتي والطرق
ربي يهدي وش نقولو

صح هذا هو الصح شكرا لك
بارك الله فيك
​

 

[programmeur]

فندق تاع كلاب ؟؟؟؟؟؟؟؟

 

[JASMIMI]

والله صح قالوها بصح رانا شفنا كثر من العجب
لايوجد واحد يجيبنلنا أحقية الخبر
شكرا بارك الله فيك
​

و فيك بركه شكرا

 

[BARCA232]

فندق تاع كلاب ؟؟؟؟؟؟؟؟

_o:_o:

نعم اخي راه عندك المصدر وشوف بروحك
شكرا لك
​

 

[AnGeL*dZ]

السلآم عليـــــــــكمــــــ
والله قريت الموضوع نضحك ،،نضحك على لمعيشة اللي عايشينها احنآ لعبآآآآآآآآآآآآآد
واللي عايشينها الكلآآآآآآآآآآب
حبو يوصلونا رسآلة انو هاذو راهمـــــــــــ خير عليكم
استغفر الله
​

 

[amira_algeria]

العباد مالقاو وين يسكنو ولكلاب عايشة في لوثال
عيش تشوف

 

[DARINE05]

ههههههههههه
اني مشوكيه يامحمد خويا

 

[sam11]

عيش تسمع عيش تشوف لا تعليق

 

[BARCA232]

السلآم عليـــــــــكمــــــ
والله قريت الموضوع نضحك ،،نضحك على لمعيشة اللي عايشينها احنآ لعبآآآآآآآآآآآآآد
واللي عايشينها الكلآآآآآآآآآآب
حبو يوصلونا رسآلة انو هاذو راهمـــــــــــ خير عليكم
استغفر الله
​

صح من حقك الضحك انا ندبته على هذه الحالة
شكرا لك
ربي يخليك كوكو
​

العباد مالقاو وين يسكنو ولكلاب عايشة في لوثال
عيش تشوف

ههههههههههه
اني مشوكيه يامحمد خويا

واه اختي دارين هذا هو حال الدنيا عيش تتغاشى
شكرا لك
بارك الله فيك
​

عيش تسمع عيش تشوف لا تعليق

:shiny::shiny::shiny:
صح دون تعليق
شكرا لك
بارك الله فيك
​

 

[BARCA232]

عيش تشوف وعيش تسمع

:crying_1::crying_1:
هذا هو الحال
​

هههه شوف ها خويا محمد والله مانقدر نستغرب من اي حاجة في الوقت الحالي
لانو في الوقت هاذا قادر تتوقع اي شئ اي شئ والله
عجب والله يسترنا ويهدي كل واحد هاذا مانقولو
شكرا ليك

والله عندك الصح بشرى
ماعندنا مانقوةلو غير بي وكيلهم
شكرا لك
​

ههههه هم يضحك و هم يبكّي
كلاب عندهم فندق
وكاينين عباد معندهومش وين يرقدو الليل
ربي يهدينا
​

واه خويا ناس في فندق 05 نجوم وناس عايشة على الكرطون
شكرا لك
بارك الله فيك
​

مكاش فنادق لقطوط
​

كاين لــــــــــــــــ:_o:
​

الناس كلبت...قولوننا الدراهم منين جات اللي بناو بيها هذا المنتجع...خايفا من دراهم الشعب الجائع

والله مابقى غير نلقاو الكلاب قاعدة تتسوق في المرشي
هادا ماعندي مانقول​

كاين الدراهم غير ماتخميش اختي الحالة راهي ولعة
شكرا لك
ربي يبارك فيك
​

 

[قمر الاسلام]

الغاشي ماشي لاقي ياكل وهما يفستيوا
ايه بلاد ميكي
وزيد رانا مسلمين

 

[the_end]

الله يهدي ماخلق
عيش تشوف
تحياتي

 

[BARCA232]

الفنادق ديروهم للعباد وطلعو شويا النيفو المروك وتونس خيرمنا عليهاش داوها علينا سياحة ميم عندنا مناظر احسن بعيد.

صح بصح شكون يسمعلك اختي
شكرا لك
بارك الله فيك
​