(مباشرة من الغربة)= أعضاء بعيدون باجسادهم قريبون بقلوبهم { من قطر }°الأخت روز22 °

[روز]

سلام
اهلا اختي
امممممممم
مع اقتراب شهر رمضان المبارك
كيف تقضي ايام هذ ا الشهر هناك
وهل هناك اختلاف بيننا وبينهم

ونسأل الله لك التوفيق يا اختي

سلام​

أهلا بناس ورقلة الطييبين
ماتفكرنيش برمضان هنا...القطريين في بعضاهم البعض يفوتوه عادي بحكم انهم معتادين على هكذا لكن احنا جيراننا كلهم من الفليبين والهند..يعني لا دين لا والو وتخيل الاجواء في وسط جيران مايصيموش..إلا بعض الفليبينيين المتدينيين لاباس عليهم شوية ..
كاينة حاجة تاني دايرتها قطر فكرتني بيها وهي بما أنو قطر وجهة لكل الناس من كل أنحاء العالم وفيها ناس ماتصيمش فقطر حاطة قانون صارم وهي ممنوع على لي مايصيموش رمضان من الغرب الأكل في الأماكن العامة إحتراما للمسلمين الصائمين وتبدأ هذه الرسائل توزع قبل رمضان باسبوع ...وحقا مرات نخرجوا في هندي ولا اوروبي ياكل صدقني يتوجه للجهة الأخرى ويحاول يبين انو مش ياكل ..عجبتني هادي
بخصوصي أنا ...رمضان هنا والعيد والمولد النبوي الشريف ..نحس بيهم لما نكون في الجزائر فقط...نعطيك مثال شفت لما تكون صايم الصابرية...هكداك احنا. رمضان عندنا ..صيام وخلاص لا خرجات ولا سهرات ولا حفلات دينية كثيرة...وممكن تكون كاينة ..وماشفتهاش لكنها على العموم أجواء باردة..وروتينية تقتل
​

 

[روز]

اختنا روز كاش بلاصة معاك خلي نهجو
ههههههههههه
راني نتمسخر
سوؤالي لكي
كيف تجدين الغربة؟؟؟؟؟؟؟؟؟؟؟
​

ههه وكي تهج تولي تكحل على البلاد ههههه

الغربة فيها اشياء مليحة واشياء مش مليحة اول حاجة
انها تكسبك الخبرة والنضوج تولي أكثر قوة في مواجهة الناس والظروف ....
تعلمك كفاش تعتمد على نفسك في كل الظروف ..
تعلمك تلقا الحلول لكل مشاكلك بدون مساعدة أحد..
تخليك تعرف قيمة الدراهم ههه

والحوايج لي مش ملاح ممكن
البعد على الاهل
تصرا امور ماتكونش حاضر...
كي تتوحش كاين غير الصبر..
كي تتعب ماتلقاش لمن تشكاولا لمن تهدر
لكنها على العموم تجربة مليحة لاي شخص

مرسي على السؤال
تعييش خيي
​

 

[روز]

أهلا وسهلا بيك أختي روز بين إخوتك وأخواتك في اللمة
نشكر أخي محمد على هذه المبادرة تعرفنا من خلالها على بنات وأولاد بلادنا عايشين في الغربة وكيفاش يعيشوا حياتهم
إن شاء الله إقامة طيبة في دولة قطر الشقيقة

​

أسعدني مروركي أختي العزيزة أشكركي وأشكر محمدلأنه أتاح لي الفرصة للتعرف على جواهر بأمثالكم..فعلا كلمة شكرا قليلة بحقه لأنني الآن فقط أدركت كبر قلب اللمة واصحاب اللمة ورواد اللمة فمن هوالذي يعرفكم ويحاوركم ولا يحبكم....
كل الود عزيزتي
​

 

[chiguevara]

يعطيك الصحة ختي روز على تعريفنا بقطر و على الاجابة بصح متقوليش ششششش هههه
نتمنالك اقامة طيبة في قطر
​

 

[POLIYANA]

السلام عليكم
اولا راني روطاااااااااااااااار بزاف علابالي مع اني من المدعوات والمدكورات الاولات من طرف محمد بالصح الله غالب
المهم :showoff: عدنا والعود احمد
اهلا بيك اختي روز 22 في المنتدى وهو الي يعوضك على البلاد باكملها على الاقل مافيهش الشي الي ماش مليح الي رانا نشوفو فيه برا ههههههه
اني رايحة نسال اول سؤال جاني في بالي معلابايش ادا طرحوه الاعضاء قبلي ولا لالا مناه مازلت ماقريتش كامل الردود

اختي روز كي تتفكري بلادك الجزاير واش هو الشي الاول الي تتفكريه فيها وتتمني تكوني هنا علاجالو :smile:​

 

[Moha le sage]

السلام عليكم
اولا راني روطاااااااااااااااار بزاف علابالي مع اني من المدعوات والمدكورات الاولات من طرف محمد بالصح الله غالب
المهم :showoff: عدنا والعود احمد
اهلا بيك اختي روز 22 في المنتدى وهو الي يعوضك على البلاد باكملها على الاقل مافيهش الشي الي ماش مليح الي رانا نشوفو فيه برا ههههههه
اني رايحة نسال اول سؤال جاني في بالي معلابايش ادا طرحوه الاعضاء قبلي ولا لالا مناه مازلت ماقريتش كامل الردود

اختي روز كي تتفكري بلادك الجزاير واش هو الشي الاول الي تتفكريه فيها وتتمني تكوني هنا علاجالو :smile:​

اهلا بيك انا قلت بحرتي ولا تبحرتي :lol:

و اخيرا ولات العربية للميكرو :showoff: :showoff:

سهرتيني البارح مش باطل ..راسك خفيف :thumb_up2: .. ولا خوك لي زادها ماشي نتي ؟ :angry:

 

[POLIYANA]

اهلا بيك انا قلت بحرتي ولا تبحرتي :lol:

و اخيرا ولات العربية للميكرو :showoff: :showoff:

سهرتيني البارح مش باطل ..راسك خفيف :thumb_up2: .. ولا خوك لي زادها ماشي نتي ؟ :angry:

ياااااااااااااااااااااا بهدلت بيا :tongue_2:
اني زدتها بالصح بالسيف
مانكدبش حصلت في حاجة نعتهالي خويا :tongue_2:
راني هنا مع الاخت روز ساعة على ساعة نضربلها طلة حتى تجي​

 

[روز]

يعطيك الصحة ختي روز على تعريفنا بقطر و على الاجابة بصح متقوليش ششششش هههه
نتمنالك اقامة طيبة في قطر
​

هههههه
لالا نبعث الرابط مع جارتي
:like_1:
عرفت بلي مزيرين شوية

​

 

[روز]

السلام عليكم
اولا راني روطاااااااااااااااار بزاف علابالي مع اني من المدعوات والمدكورات الاولات من طرف محمد بالصح الله غالب
المهم :showoff: عدنا والعود احمد
اهلا بيك اختي روز 22 في المنتدى وهو الي يعوضك على البلاد باكملها على الاقل مافيهش الشي الي ماش مليح الي رانا نشوفو فيه برا ههههههه
اني رايحة نسال اول سؤال جاني في بالي معلابايش ادا طرحوه الاعضاء قبلي ولا لالا مناه مازلت ماقريتش كامل الردود

اختي روز كي تتفكري بلادك الجزاير واش هو الشي الاول الي تتفكريه فيها وتتمني تكوني هنا علاجالو :smile:​

وعليكم السلام ورحمة الله وبركاته


أهلا بوليانا هاذا وين...أنا قلت نتي اللولة :smile:
أهلا بيك واهلا بالعضوة الرائعة خصوصا في موضوع لي يخص الخطبة والمخطوبين i-o: ..راني نديرلك في الإشهار

بخصوص سؤالك
عندي حوايج بزاف مخليتهم في الدزاير وحابة نرجع على جالهم.. وأهم حاجة هي أمي...هي أكثر حاجة ترجعني للبلاد وتخليني نطلع في أول طيارة كن يقيسها الهوا برك...
ربي يخليهالي ويحفظهالي ويجعلني تراب تمشي عليه....وترضى عليابرك

مرسي بوليانا على مرورك وعلى دمك الخفيف
​

 

[روز]

ياااااااااااااااااااااا بهدلت بيا :tongue_2:
اني زدتها بالصح بالسيف
مانكدبش حصلت في حاجة نعتهالي خويا :tongue_2:
راني هنا مع الاخت روز ساعة على ساعة نضربلها طلة حتى تجي​

راني نسنى في خيتي ان شاء الله
​

 

[POLIYANA]

عدنا
ربي يخليلك امك وغاليتك ان شاء الله
مكانش كيما الام اختي روز 22
وشكرا ليك انتي الاروع
راني قلتلك بلي راني روطار هههههههههه
مادخلتش حتى علمني محمد الكتيبة بالعربية​

 

[روز]

عدنا
ربي يخليلك امك وغاليتك ان شاء الله
مكانش كيما الام اختي روز 22
وشكرا ليك انتي الاروع
راني قلتلك بلي راني روطار هههههههههه
مادخلتش حتى علمني محمد الكتيبة بالعربية​

على بالي بهاذاك المشكل يعيي ...المهم رجعت العربية ورجعت معاها بوليانا..:smile:

 

[* أميرة الأحلام *]

لي كل الشرف أن أتعرف عليك عزيزتي وأختي نبع الإحساس أتابعك وأتابع أيضا ردودك وكم تروقني تلك الشخصية القوية والمتفهمة والطيبة في آن واحد
أشكر إطرائك ولي عضيم الشرف أخوتك وصداقتك عزيزتي

بخصوص سؤالك كيف قادتني الأقدار للغربة قدري كقدر أي زوجة تبعت زوجها..زوج قادته الظروف للتوجه لقطر والحمدلله كما نقولو المقامة مليحة بزاف هنا وفور وفضلت البقاء برفقته بدل البقاء في الجزائر وتركه لوحده رغم أن الأجواء هنا روتينية قاتلة
سعيدة لمرورك بركني وسعيدة أكثر بالتعرف عنك عن قرب
​

مشكووورة غاليتي روز كما انا التي سعدت بمعرفة روز أكثر وأكثر ولي الشرف أن أعرف عنك أكثر وأكون أختا لك
وربي يوفقك ياغالية في الغربة وان شاء الله ربي يسعدك ​

 

[POLIYANA]

على بالي بهاذاك المشكل يعيي ...المهم رجعت العربية ورجعت معاها بوليانا..:smile:

شكرا ليك ومتشرفة بمعرفتك ومرحبا بيك في دارك وبلادك كاملة الي هيا اللمة باه ماتحسيش معانا بالغربة
راني قريت كااااااااامل الموضوع وعرفتك مليح
ونتي استناي كاشما موضوع عليا باه تعرفيني مليح بالتفاصيل كاملة هههههههههههه :lolo:​

 

[Moha le sage]

هاذي يا روز بوليانا ساعدي ليمن ( البرا درواة تاعي )

عقلها يوزن بلاد و فحلة و ماتوليش اللور .. و رحتلها لقسنطينة و قامت بيا .. و العرس تاعها راه اذا كتب ربي الصيف الجاي

راهي ختي نمبر وان كي تقولي محمد قولي نجلا

ان شاء الله تتعارفو مع بعضاكم




​

 

[aMiNa-K]

الله يبارك من البارح لليوم لحقتو للصفحة 12 _o:
روز22 العضوة المحبوبة :ax_flw:

راني نحوس عالرد تاعي مالقيتوش تبحرلي :blink:​

 

[Moha le sage]

الله يبارك من البارح لليوم لحقتو للصفحة 12 _o:
روز22 العضوة المحبوبة :ax_flw:

راني نحوس عالرد تاعي مالقيتوش تبحرلي :blink:​

ياو راهي الله يبارك نجمة ونا مش علابالي حتا وليت نغير :tongue_2: بصح والله غير تستاهل كل خير


انا جيت نحوس على وحد الرد تفنينت ههههههههه تالمون بزاف صفحات ...يلزمهم فهرس :lolo:

 

[عفاف الجزائرية]

اختي روز
انا واش نسحق نبعثلك رسالة خاصة
وجاوبيني الصفحات بزاف
وما تجي تلحق دالتي حتان تولي في 24 صفحة
هذا كلو من طيبتك
​

 

[روز]

الله يبارك من البارح لليوم لحقتو للصفحة 12 _o:
روز22 العضوة المحبوبة :ax_flw:

راني نحوس عالرد تاعي مالقيتوش تبحرلي :blink:​

أهلا امينة مرسي على كلامك وربي يخليك

راني رديت عليك في الصفحة رقم 8روحي اضربي طلة
​

 

[روز]

مشكووورة غاليتي روز كما انا التي سعدت بمعرفة روز أكثر وأكثر ولي الشرف أن أعرف عنك أكثر وأكون أختا لك
وربي يوفقك ياغالية في الغربة وان شاء الله ربي يسعدك ​

ان شاءالله معرفة خير ودايماهكذا متحدين ومتحابين..يارب
وربي يوفقك تاني في حياتك مرسي خجلتوني بلباقتكم وحسن كلامكم
​