- إنضم
- 19 جويلية 2007
- المشاركات
- 10,901
- نقاط التفاعل
- 166
- النقاط
- 319
- العمر
- 33
- محل الإقامة
- العدم
- الجنس
- ذكر
السلام عليكم , ماهوش سوجي جديد و ماهوش scoop حكــينا عليه بزاف قصرنا عليه حتى كرهنا درنا عليه حصص , حكاو عليه في لاتيلي قاع هاذا الهاراج , مي مازال تخمام ليجان ياكلني الحوت و ما يكلنيش الدود
كل يوم نسمعو بهاذا حرق , هاذا لحق , و هاذا داه البحر و مات فيه عليه رحمة الله
كي تجي تحكي مع كاش جان معول يحرق واش يقولك ؟
يقولك على بالي باللي قلال اللي يوصلو بصح في بلاصة اللي نروح نسويسيدي ديراكت , ندير محاولة حياة , يعني أنا ميت ميت , إما نموت قبل ما نلحق و نتهنى من لالجيري ,, إما نوصل لبلاد النور و نتهنى من لالجيري .. البارح في الشروق ) قريت 10 بطالين بورڤلة ( ولايتي ) حاولو الانتحار جماعيا من على مبنى المديرية الجهوية ,, يعني اللي حذاه لبحر يفكر باش يقطعو , و اللي بعيد عليه يحب يموت بلا ما يخمم ,, الصحراء هازا خير كبير تكفي لكل واحد شهرية بلا ما يخدم بصح وين رايحة ؟ عند خليدة تومي و الثقافة الراقصة بمزمار الشيطان
جيت نشوف , حنا مازلنا صغار و لاباس علينا , يعني والدينا يصرفو علينا مي رانا كارهين , تشوف حوايج قلبك يعيــف , ليديبلومي حاكمين الحيط , اللي يسرق ستيلو يعيش في السيلون , و اللي يسرق ليميليار راهو في لاسويس يدور //
يعني أنا واحد كون نكمل قرايتي و نلقى روحي ضحية عباد Bad في بالي ما يولي كاين حتى وعي و أول شي نخمم فيه هو البوطي
ليزالجيريان يروحو لهيه , لا بغى يغسلو لماعن , المهم يسلكوها في بلاد إحترام حقوق الإنسان .. وين حيوان تلقاه في حضانة , و حنا هنا ما زلنا ناكلو في لحم بعضانا
أنا السوجي هاذا كتبتو برك باش نتفكر ليامات اللي فاتو علينا كل يوم ألف واحد رامي روحو في لبحر , و سيرتو باش نقول :: ربي يصلح حوال لبلاد و ماكانش اللي يحب يخلي بلادو و البلاد خاطيها المشكل في اللي شدوها
**--- الحرقة الحرقة الحرقة ؟ ألف سطر تحت هاذي الكلمة
Peace .
آخر تعديل:
_o:
