ما تقولوليش ما تروحش ( راني محروق مانيش حراق )

[** غزال الصحراء **]

والله يا خويا الدولة هي الي راهي حابة هدا الشيء والي تصرا لهدوا الشباب مساكن على رقبتها
​

و الله صح , كل مسؤول يستاهل رصاصة , و حسابو عند ربي على كل رقبة رمات روحها في البحر .

 

[** غزال الصحراء **]

السلام عليكم
موضوع رائع ويحكي الالام يعني منها الكثير من الشباب الجزائري
من الساحل الى الصحراء
واش راح دير خويا الغزال
هذه هي لالجيري تحب ولا تكره
دبر راسك
وكيما قلت تسرق ستيلو تبات في السلون وتسرق مليار رك في لاسويس
من هم للهم
بلاد مش راح تريقل حتى يحلق واحد مانعرف منين جاي بلاك عاش في الخليج او مكان فيه قيمة الناس ويعرف قيمة العباد

اوا حكي كبير في هذا الموضوع

بلاك نزيد نديرو دورة هنا

ايا
مرسي يالغزال
ربي يجازيك ويعطيك ما تتمنى

السلام عليكم​

كلامك جواهر خويا فؤاد .. يدك في يدي قول Vert Rouge Blanc دزاير قبل كلش , كون جا كل مسؤول يخدم على جال لعلام مش على جال جيبو و جيوب حبابو كون ماناش هنا ... بصح خويا مازال كاين ليسبوار ** و مادام كاين الما نقدرو نطفيو النار

شكرا فوفو .

 

[** غزال الصحراء **]

والله كانـ تباتـ هنا تلومـ فيـ لبلاد وفيـ الشعبـ
حاجة ما رايحة تتبدلـ وهنا المشكلـ
شحالـ هدرنا وشحالـ حذرنا منـ الحرقة
ورغمـ معرفتهمـ انو هيـ طريقة للهلاكـ جاميـ فكرو يبطلوها

احنا شعبنا بصفة عامّة مقسمـ لـــ 4 فئاتـ

1 : صحابـ السلطة والليـ ياكلو فيـ دراهمـ الشعبـ
2: الناسـ الليـ مصبرتشـ على حالـ لبلاد وراحو حراقة نصهمـ ماتـ
3 : ناسـ كرهو ميـ شعارهمـ نعيشـ فيـ بلادي فقير ومنعيششـ فيـ بلاد الناسـ مذلولـ
4: هاذ الفئة هيـ الليـ ما برطالها بحتى عربيـ المهمـ تعيشـ هيـ وربيـ يساهلـ على لبلاد

احنا فيـ بلادنا البطالة انتشرتـ بطريقة غريبة
و المشكلـ انو مشغلينـ عندنا ناسـ منـ الخارج
فيـ العالمـ العربيـ الجزائر دولة غنية
و خصوصا فيـ مجالـ المحروقاتـ ميـ الشعبـ ضايعـ
ويسقسيو علاهـ كثرو الحراقة
نجيبو جاهلـ منـهيهـ يفهمهمـ؟

ربيـ يهدينا ويصلحـ حالـ لبلاد
يعطيكـ الصحة هشامـ موضوعـ شبابـ
​

موضوعك أضاف اللمسة التي كانت تنقص الموضوع يا ميمي //
و الله عندك الصح , واش يحيرني كي نلقى الخدمة حتى و لاكان كانت ساهلة يعطوها للبراني

و يقولك ولاد لبلاد ماهمش تاع خدمة ,, كيفاش ما يخمموش في الحرقة ؟ لازم يروح لبلاصة اللي فيها Les droits de l'homme
ماشي دولة تخدم في جنس جاكي شان و مخلية الشباب في الإعتصامات و شدان الحيوط

قلتو علينا ماناش خدامين
باش تبنو حجرة تجيبو ناس من لاشين ** خلصني بالدولار نوليلك ماشين

 

[** غزال الصحراء **]

يا خويا لازم نحمدو ربي لي خلقنا في بلاد المسلمين مشي عند الكفار و بلي عندنا عائلة تحمينا و بلاد تدافع علينا تربينا فيها و انشاء الله نموتو فيها هادا لي يحرق داير في بالو بلي لهيك كاين الجنة راهو غالط لي مايتعبش باش يجيب اللقمة راح يكون مصيلاو مرمي فالشارع و تاني الانتحار مراهوش حل ربي عطالنا روحنا امانة عندنا و لي ينتحر مصيرو جهنم علاهاديك احمدو ربي لي عندكم بلاد كيما هادي والعيب فينا مشي في بلادنا ربي يهدي ماخلق موضوع وجيه اخي شكرا لك

كلامك مليح و صحيح , من وجهة المنطق بصح لاكان جينا نطبقو فيه على الواقع الراي يتلف , ليجان راهم عارفين الهدرة هاذي تاع الروح و الإنتحار حرام , و لهيه ما كاين والو , و مام ولادهم ما صابوش خدمة ... مي تالمون لاجوناس محقورة في بلادي يولو يقولو نديرو محاولة تغيير مادام ليسبوار هنا ماكانش

مرسي عليك القلب النابض , رسالتك سامية و مرورك أسعدني .

 

[Jagwar]

كرطونة فى روما و لا فيلا فى الحوما

حراقة لسردينيا

الله غالب شريكى هاي الظروف الكلبة حاشاك هي لى حتمت علينا نديرو هكذا

العبد كل يوم يشوف شوفات توجع القلب
هذا سرق 50 مليار بصح ما حكموهش
هذا راه طلع 10 عمارات بصح الدراهم ما نعرف مين جات

و هذا كرشو كبيرة و قريب تطيح فى لرض و ما زال يشرق و ياكل فى عرق الناس و ما تحلالوش القعدة غير بالرشوة
و لاخر لاصق فى الكرسى و يقول بالكفارة مانى مخليكم تعيشو


و الله يا خويا الشوفات هاذى كل تخلى الوحد يخمم فى الحرقة و أكثر من حرقة

الله يحرقهم فى نار جهنم الناس لى فسدت لبلاد هاذى .

ربى يصلح أحوال لبلاد خويا

شكغن على الموضوع
( +10 )







​

 

[** غزال الصحراء **]

وعليكم السلام،،

أهلا هشهش،،

مدام رانا عايشين في دزاير،، ومزالت الحالة مكلاطيا،، راح يبقى نفس التخمام نتاع الناس،

شوف مرات تقول نلوم هاذ العباد، علاش ميقعدوش في بلادهم واحد في يد واحد وينوضو بالبلاد بصح hop نتفكر بللي منين يجيهم باش ينوضو بالبلاد ويديرو مشاريع تصلح، آه رانا في دزاير،

يسمى متلوموش خير، المخلوق زايد في الفقر وفي بلاد الفقر غير الريوس الكبيرة للي عايشين في الترف والشعب المسكين الله غالب،
مالا يروح يحرق خير يغسل لماعن ولا يحمل ويعيش محترم خير من يطايش هنا ويولي خريج سجون،،

الشباب في الولايات الساحلية خلصو،، راهم يجو البنات نتاعهم عندنا هنا ويحوسو على العرسان،، وحدة جيجيلية عندها 23 سنة قالت لاشتى نروح ضرة ثالثة :blink::blink:

علاه مساكن:crying:
والشباب نتاع الصحراء،، مش عارفة وضعيتهم المعيشية بصح حنا عندنا الشباب راهو يهرب يخدم في الصحراء؟ نورمالمو كاينين آبار بترول وبشهريات محترمة؟؟؟

والشباب نتاع الولايات الداخلية تاعنا:blink: مطايشين في الحباس،، ملقاو البحر مالقاو الصحراء:blink:

ربي يدي البلاد كامل:blink:
​

و الله صح ولاد الجزائر من الشمال للجنوب قاع كاليهم الهم , و كل واحد يفلgها باللي كاين !! هنا في الصحراء الخدمة ما يدوهاش ولادها ,, خاصة سونطراك مخدومة غير بن عميــس ... اللي حاب يدير التاويل يحل نصبة في السوق :blink:

بلاد تاع بترول ولادها عايشين يتامة , الجيجلية هاذيك قوليلها ديري طلب في اللمة ضرك في يومك تتزوجي , ليجان قاع راهي تتسنى :az_flw:

و الله هم يضحك و هم يبكي , واش يغيضني كي واحد يخلي وراه عايلة ( ولاد و مرة ) و يحرق و خليهم ما يربح هو ما يتصانو هوما ..

ربي يكون الخير

أسعدني ردك كعادتك إسراء :re_gards:

 

[w@hiba2010]

يعطيك الصحة اخي على الموضوع هادا
والله لضاهرة خطيرة وراهي سلكنة كامل عقول الشباب
الهجرة للخارج ولات حلم صعيب المنال
هادا كل اع لاجال حالة بلادنا
واش ادير اتشومير كلاهم واحد يقرا حتى يشيب راسو
ولافان يولي حتى نقطة الصفر يعني للدار مخك يحبس

ربي يسقم حوال بلادنا ويهدي عقول شبابنا

 

[** غزال الصحراء **]

يعطيك الصحة اخي على الموضوع هادا
والله لضاهرة خطيرة وراهي سلكنة كامل عقول الشباب
الهجرة للخارج ولات حلم صعيب المنال
هادا كل اع لاجال حالة بلادنا
واش ادير اتشومير كلاهم واحد يقرا حتى يشيب راسو
ولافان يولي حتى نقطة الصفر يعني للدار مخك يحبس

ربي يسقم حوال بلادنا ويهدي عقول شبابنا

كلام تاع إنسانة فاهمة ,, ربي يخليك لوالديك وهيبة
أسعدني مروركـ ــ ـ

 

[** غزال الصحراء **]

كرطونة فى روما و لا فيلا فى الحوما

حراقة لسردينيا

الله غالب شريكى هاي الظروف الكلبة حاشاك هي لى حتمت علينا نديرو هكذا

العبد كل يوم يشوف شوفات توجع القلب
هذا سرق 50 مليار بصح ما حكموهش
هذا راه طلع 10 عمارات بصح الدراهم ما نعرف مين جات

و هذا كرشو كبيرة و قريب تطيح فى لرض و ما زال يشرق و ياكل فى عرق الناس و ما تحلالوش القعدة غير بالرشوة
و لاخر لاصق فى الكرسى و يقول بالكفارة مانى مخليكم تعيشو


و الله يا خويا الشوفات هاذى كل تخلى الوحد يخمم فى الحرقة و أكثر من حرقة

الله يحرقهم فى نار جهنم الناس لى فسدت لبلاد هاذى .

ربى يصلح أحوال لبلاد خويا

شكغن على الموضوع
( +10 )







​

أنت شريكي , خلي نكمل لقراية و نروحو كيف كيف :re_gards:

 

[رموش الحب]

خويا مهما نحكو مهما نقولو شي ما يتبدل هادي بلادنا هادي ال dz و خلينا نكملو بعقلية الماتش و الكدب 1 2 3 فيفا لالجيري و الشعب 1 coup de pied ​

المهم ادا كملت و لقيتها bad كيما راك تقول و فكرت بلاصة للحرقة ريزارفي معاك بلاصة وحدة ليا ​

متنسانيشخويا mm حتى لاثيوبيا

ربي يصلح الاحوال​

 

[** غزال الصحراء **]

خويا مهما نحكو مهما نقولو شي ما يتبدل هادي بلادنا هادي ال dz و خلينا نكملو بعقلية الماتش و الكدب 1 2 3 فيفا لالجيري و الشعب 1 coup de pied ​

المهم ادا كملت و لقيتها bad كيما راك تقول و فكرت بلاصة للحرقة ريزارفي معاك بلاصة وحدة ليا ​

متنسانيشخويا mm حتى لاثيوبيا

ربي يصلح الاحوال​

اه و الله راكم قاع حرارة في الروح الله يبارك , من اللي كتبت السوجي و الرسائل يجوني قاع يريزارvو ,, هاذاك هو كي نروحو نروحو كيف كيف ,, ياخي تعرفي طيبي ؟ + ما يليقش تكوني من اللي يهدرو بزاف بارسكو جايب معايا جماعة نيرvو في الفلوكة :showoff:

 

[Houda Chaouienne DZ]

السلام عليكم
مهما يكون يا أخي .. الحرقة ماشي حل
و الانتحار ماشي حل
عمبالنا بلي كلش يكريزي فالبلاد .. بصح حتى هي عندها حق علينا
لازم نخدمو بلادنا .. ما عليش إذا قدرنا نروحو نتكونو برا
و نرجعو لبلادنا نخدموه و نفيدوها
و نحاولو مانخليوش العباد يخربوهالنا
إذا تعاونا باش نخدمو بلادنا نوصلو
الصوارد اللي تمدهم باش تحرق .. دير بيهم حاجة في بلادك
آجر و منفعة
و لا لا ؟؟ المهم .. الحرقة ماهيش حل
شكرا أخي على طرح الموضوع
ننتظر جديدك
تقبل مروري
​

 

[رموش الحب]

اه و الله راكم قاع حرارة في الروح الله يبارك , من اللي كتبت السوجي و الرسائل يجوني قاع يريزارvو ,, هاذاك هو كي نروحو نروحو كيف كيف ,, ياخي تعرفي طيبي ؟ + ما يليقش تكوني من اللي يهدرو بزاف بارسكو جايب معايا جماعة نيرvو في الفلوكة :showoff:

:blink::blink::blink:فلوكة:blink::blink::blink:

لالال منحكيش بزاااااااف :tongue_1:
و الطياب نعرف نقلي البطاطا برك

ياك عندكم وين تقلو البطاطا في الفلوكة​

 

[فراشة الايمان]

هيا نقلك على وحد الفكرة اذا باه تحرق عن قريب ابعثلي باه نروح معاك نحرقو من لبلاد هادي راني كارهة
الحمد لله مانيش ذكر ههههههه .

 

[the_end]

الله يهدي الشباب تعنا ويولي لعقلو
والله غير يغيضوني كي نسمع بحكايات هكذا
هدي كامل من لبلاد العوجة لازم يبدلو بزاف عباد فيها
تحياتي​

 

[kojak]

سوجي الحرقة هذا لازمو قرن باه نحلووه
مرسي عليك شريكي
​

 

[** غزال الصحراء **]

سوجي الحرقة هذا لازمو قرن باه نحلووه
مرسي عليك شريكي
​

اه وي , لازمو قعدة مليحة
أسعدني ردك .

 

[** غزال الصحراء **]

السلام عليكم
مهما يكون يا أخي .. الحرقة ماشي حل
و الانتحار ماشي حل
عمبالنا بلي كلش يكريزي فالبلاد .. بصح حتى هي عندها حق علينا
لازم نخدمو بلادنا .. ما عليش إذا قدرنا نروحو نتكونو برا
و نرجعو لبلادنا نخدموه و نفيدوها
و نحاولو مانخليوش العباد يخربوهالنا
إذا تعاونا باش نخدمو بلادنا نوصلو
الصوارد اللي تمدهم باش تحرق .. دير بيهم حاجة في بلادك
آجر و منفعة
و لا لا ؟؟ المهم .. الحرقة ماهيش حل
شكرا أخي على طرح الموضوع
ننتظر جديدك
تقبل مروري
​

هدى راني معاك باللي الحرقة ماهيش حل , مي هي التصرف الناتج من إنعدام الحلول راكي شايفة ؟

إيماجيني كاين اللي يروح مسلف دراهم يسلع على الأقل قيمة 10 ملاين ولا حاجة , يلحق في باراج يسيزيهالو واش يقول ؟ يتسنى ال10 ملاين الجايــن و يمدهم لمول لفلوكة يخرج من بلاد الهم و الميزيرية

و ديري في بالك ماكانش حراق راضي على حالتو ,, اللي خارج خارج بالموس في الرقبة .. أسعدني ردك أختي الكريمة .

 

[** غزال الصحراء **]

:blink::blink::blink:فلوكة:blink::blink::blink:

لالال منحكيش بزاااااااف :tongue_1:
و الطياب نعرف نقلي البطاطا برك

ياك عندكم وين تقلو البطاطا في الفلوكة​

اه لا ! البطاطة و الأوملات مام حنا نعرفو نديروهم ,, حابين نتفكرو ريحة لبلاد بكاش شخشوخة و لا قصعة طعام ,, ماشي تقليلي حبات بطاطة تاع تزوفير //

مي مادام ما تهدريش بزاف معليش ,, ندوك معانا و متزيديش تعاودي :re_gards:

 

[** غزال الصحراء **]

هيا نقلك على وحد الفكرة اذا باه تحرق عن قريب ابعثلي باه نروح معاك نحرقو من لبلاد هادي راني كارهة
الحمد لله مانيش ذكر ههههههه .

أيا راكي الطفلة الثانية لدوموندي باش تروح معانا , نحتاجو العنصر الإناثي في الفلوكة نديرولكم كوزينة سبيسيال حنا نتلتاو بالطريق و نتوم تهلاو في كــروشنا

الحمد لله ماجيتش أنثى :tongue_2: