صغير قد صبعك ويقلك نحبها ونموت عليها

[يسرى 2008]

السلام عليكم
وش راكم يا اعضاء اللمة غبت عليكم شوي
ايا مالا بابا دار قنبلة ورحنا وقعدنا يامات في البحر والجبل ايا بدلنا جو شوي
بصح هاني رجعتلهم المهم
كالعادة اكم تعرفو يسرى ومواضيعها بصح الحالة هادي الي صادفتني غير يعني والله غير اني حايرة ومصدومة للدرك
البارح وانا خارجة من الدار رايحة نشري نلقا طفل يقرا معانا نعرفو من بكري قالي وشراكي يسرى ووو
قالي والله انا ماني مليح قلتلو خير ان شاء الله وش كاين
قالي تعرفي فلانة قلتلو وي بيانسير قالي ايه وياريتني ما عرفتها قلتلو خير واش كاين
قالي هاديك علقتني بيها في النيت ديت ايميلها ونحكي معاها وبشوي بشوي رحت ديت نيميرو تيعها
وولينا نتلاقاو ونحكيلها على حياتي ومشكلتي
يخي ملقيتش روحي غير حبيتها وراني نموت عليها
ديجا هو قالي كلمة نحبها وراجل معدي قال ربي يهدي انا ديراكت رحت هبطت وجهي في الارض قلت ياه نندب لناس تفهمني بالغالط وراكم تعرفو حكايات الناس قالي اختي يسرى يعيشك روحي احكيلها قداه نحبها روحي قلها اني قابل بيها وحاب نتزوجها كان امكن قالي اني قلت للدارنا مي هوما مقبلوش الفكرة خلاه
قلتلو وين باسكو رانا صغار قالي وين صغار هدا
قلتلو شوف خويا انا رايحة نحكي معاها ونعرف كان تشتيك ولالا ولكل حادث حديث يا جماعة الله فهموني
وشي الحكايات هادي الي تتناقل بين البشر
مبقاش في لسانهم غير كلمة نحبك
اصلا ام ميعرفوش كلمة الحب وش معنتها
لا حولة ولا قوة الا بالله انا ديراكت روحت قلت للماما اسمعي ... قاتلي ياه وتزيدي تحكيهالي عندك وحد الوجه هههه قالتلي الطفل هدا والطفلة متحكيش معاهم ومكانش خرجة مرة الجاية هههه ايا قلت شوفو يا جرة ديتوني في الطريق


لا علينا كترة بزاف مي وشي الحالة الي نعيشو فيها احنا بلاد مسلم ولا نمسة من المسلسلات ولينا نعيشو فيهم فهموووني

 

[sahiko hamza]

امليح ....
قال نحبك برك ماقالش كلمة خلاف ههههه
​

 

[EL General]

ماكانش حتى مشكل
هو يحبها و هي تحبوا

و ليكن في علمك يا يسرى الحب أعمى لا يفرق بين الصغير أو الكبير أو المعوق أو أي شخص كان
شكرا لك
بالتوووفيق
​

 

[** غزال الصحراء **]

واش فيها راهو ناوي يخطبها نورمال

النية ما تكفيش ,, الذراري قاع حابة تتزوج , ما كاين لا دار لا دراهم لا عمر مناسب لا والو //

و كاين اللي يتزوجو صغار و يحصلو حصلة كبيرة .. ربي يلطفنا و خلاص من الجيل تاع ضرك ( جيلنا قصدي :no_1: ) .

 

[chamse121919]

يسرى في مواضيعك ديما تروحي تشري نهار كامل و انت تشري هههههههههههه علاها راكي طيحي غير فالبيزار و خوه ارواحي اديني نحوس معاك

 

[zahira92]

نورمال اذا كان حاب يخطبها ماقالش كلام قبيح ولا.

 

[N@riM@N]

شانقلك ختي يسرى راسي تبلوكا
جامي فاتو عليا حوايج كيما هادو اصلا منخرج نشري انا هههه​

 

[ماكانش]

واش راح ادير
قد ولادي ويحكيو على الحب ولمعيشة ولافونير ووو
راسك يحبس

 

[koupable]

هههههه الصراحة في وقتنا
لا جات هاكاك كون تاع الليسي كامل تزوجو
والله جامعة ههههه

 

[chiva.]

وقتاش العرس ان شاء الله بلغينا عرسو باش نحضرو ونزهاو في عرسو

 

[bilal22]

هيه وعلاه ميحبوش مدام الفضائيات والواقع كلو هكا
ربي يهدي برك

 

[bouaz]

لا علينا كترة بزاف مي وشي الحالة الي نعيشو فيها احنا بلاد مسلم ولا نمسة من المسلسلات ولينا نعيشو فيهم فهموووني
ايه ربي يهدينا برك ايحوس يديرو العقلية تع المسسلات التركية
يخي عباد يخي حشا لميستهلش كي الطفلة كي الطفل
زمان غريب وجيل فايق بزاف ومهبول
شكرا لك اختي يسرا على الموضوع

 

[فراشة الايمان]

اللي يقول هك قوليلو موت شكون حاكمك .ههه

 

[DARINE05]

اييييييييييييييييه مدام الانترنات كاينة يحبو يا اختي يسرى

 

[KAMIKAZ-DZ]

هههههههههه وش داك تقولي لماماك ​

 

[يسرى 2008]

ههههههههههههه
هجبمتو عليا
1- اني نروح نشري مالا تحبوني نتحبس في الدار ههه خليني نحي على بالي شوي وشبيكم
2- قالك الحب معندوش عمر انا نقول الحب عندو عمر الحب تاع الصغار دريا معندهم ميعملو بيه كي يكبرو ينساوه خلاه
3- ههه قلت للماما اني بنت امها معنديش اخت كبيرة تنصحني