والله غير تدخلو على جالي بليزززززززز

[NICHA03]

سلام عليكم لاباس انا والله راني حابة ندي برايكم انا عندي صحبتي جرحتني بزاف و مرانيش نهدر معاها ضركا و حاولت باش تهدر معايا بصح انا محبيتش نهدر معاها و باباها ضركا راهو مريض في حالة عندو الكونسا:tears::tears::tears:ر و راهو قادر يموت انا حبيت نسقسيكم حابة نكون انا خير من صحبتي و نروح عندها و نسامحها على واش دارتلي غاضتني مسكينة و ادعيو لباباها باش يبرا انشاء الله ايا في امان الله اختكم nicha03

 

[Sami_Dz]

نشالله ترجعو لبعضاكم قبل ما يصرالو شي ما قدر الله

 

[13matmour]

بيضي قلبك و الرسول صلى الله عليه و سلم يقول يجب مقابلة السيئة بالحسنة روحيلها يا نيشة

 

[عبد الرؤوف3]

نشالله ترجعو لبعضاكم قبل ما يصرالو شي ما قدر الله

 

[4Akram]

~ .. الســلامـ عليــكمـ ..

.. صبــاحكـ مسكـ و عنبــر أختي الغالية ..
.. و جمعــة مبــاركــة عليكـ ان شاء الله ..

.. التســامح بين النــاس شيئ جميــل جدا ..
.. رب السمــوات السبــع الي خلقنـا و خلق الكــون ..
.. و يســامح و يغفــر .. كيفــاه أحنــا ما نســامحوش ؟! ..
.. أختي العزيزة و الطيبــة .. تذكــري الأشيــاء و الذكريات الجميلة الي عشتوهـا مع بعض ..
.. و دام إنهــا جات و طلبت منكـ السمــاح .. فهـذا يعني إنها ما قصدت تجرحكـ ..
.. و تذكــري إنهــا في ضروف صعبـة جدا .. ساعديهـا في محنتهـا و ربي يكتبهـا لكـ في ميزان حسناتكـ ..

.. شكرا لكـ لأنكـ سمحتي لنـا نشـاركوكـ برأينـا في القصـة ..
.. ربي يجمعكـ إنتي و صديقتكـ في الدنيـا و الأخــرة و ربي يشفي أبوهـا ..
.. و يــرجع أحسـن من الأول .. أمين يا رب رب العالمين ..

~ .. دمتي في حفظ الرحمـن ..
​

 

[sam11]

ربي يشفيه يارب ويقدر الخير انتي اعملي واجبك وروحي شوفي بابها

هي صاحبتك كوني انتي احسن منها ورحي ليها تم درك تعرف غلطتها وتسعرف بيك

ولازم تروحي هادا واجب عليك ربي يكون في العون

 

[مجنون البرصة]

المسامح كريم​

 

[Yaccine]

أهم شيء هو المسامحة
بالتوفيق
​

 

[لميس.]

كون كنت في بلاصتك نروح ونهدر معاها بلاما نخمم في اي شيء

 

[لميس.]

كون كنت في بلاصتك نرجع نهدر معاها بلا ما نخمم في والو

 

[ابتسامة بريئة]

اختي

نحي كلما فقلبك من حقد ليها

و كوني انت السباقة للخير و سامحيها

ربي سبحانه حرم العداوة بين شخصين فوق التلاتة ايام

كوني انت سباقة باه تنالي حسنات اكثر

وروحي سامحيها و تصالحو

و ادي لباباها بالشفاء

ربي يشفيه و يعافيه

و تغلبو على الشيطان راهو هو اللي دار العداوة بينكم
ومكاش شخص فدنيا ميغلطش​

 

[Amir nini]

صفي قلبك وروحي سامحيها وزيارة المريض خيييير وانت أدرى ختي ..ننصحك تزوريهم وان شااء االلله ي ربي يبرى باباها ي ربي

 

[NICHA03]

مرسي كامل على الردود تاعكم و ربي يخليكم على النصائح و الله نحيتوي عليا غم كبير انشاء الله لعشية نروح عندها شكرا شكرا شكرا و الله مننسهالكم دنيا و اخرة

 

[منايا الجنة]

المسامح كريم اختي انساي اللي واصرا بيناتكم و خليها تهدر معاك
ربي ان شاء الله يشافي باباها

 

[zahira92]

العفو عند المقدرة العفو عند المقدرة العفو عند المقدرة. اختي العزيزة ديري واش يطلب منك قلبك حنونتي اذا شفتيه سلبي ديري واش يقلك عقلك.

 

[chamse121919]

المسامح كريم

 

[شيماء2]

ادا حبيتي تربحي الاجر انت اسبقيها للسماح
راهي محتاجاتك اكثر من اي وقت
اذاكانت غالطة اكيد راهي نادمة وتحوس عليك وماقدرتش تواجهك.
قال تعالى بعد بسم الله الرحمان الرحيم

(وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ )22النور​

 

[NICHA03]

يعطيكم الصحة و الله امنتااخوة بمعنى الكلمة ربي يخليكم ليا انشاء الله

 

[assoma]

راني دخلت على جالك يا الزينة
هههههههههه
والله انا تاني مانيش نهدر مع صحبتي وهيا كيما دارتلي انا ماحبيتش نعود نرجع معاها
المهم هيا جرحتني بزاف وهيا على بالها
بصح انا بقيت نهدر معاها ولكن مشي بالطريقة الي كنا قراب من بعضانا
رانا بعاد شوية على بعضانا مشي كيما كنا
المهم انتي ديري الواجب وروحي تزوري والدها او وقفي معاها في محنتها
وربي يسهل ان شاء الله
ونتمنى الشفاء العاجل لابوها​

 

[بيكهام]

لوكان جيت انا
نرووح ندير الواجبة نوقف معاها حتى يبرا باباها
ومنبعد كل واحد في طريق
مارسي عليك​