- إنضم
- 19 سبتمبر 2009
- المشاركات
- 51,473
- نقاط التفاعل
- 84,392
- النقاط
- 821
- محل الإقامة
- الشرق-الوسط
- الجنس
- أنثى
قرأت الردود الاولى كان فيها تحامل كبير على الزواج وتشجيع للاكمال الدراسة على حساب الزواج وهنا كون يجيوكم الاخ السوفي يقول عنكن مخالفات لشرع الله خخخخ لكن في اخر ردين شفت فكرتين جدد واحدة لاختي منات وهي قالت انو لقيت زوج متزوجين وحالتهم حالة قريتو الحكاية مفروض وزوج اخرين ماشي حالهم وموفقين يعني التعميم ماشي ممكن كل واحدة وكيفاه حياتها وما نقدروش نحكمو على قصص فردية لان كل حالة لها خصوصياتها
اهلا بيك :-rوفي الرد الاخير تاع الاخت ألين ايضا اشارت لفكرة انو الرجل لما يفكر يتزوج راح يفركت على الي مازالت صغيرة وقليل وين يتزوج بواحدة فاتت ال35 سنة وطبعا في الغالب الي فاتت 35 سنة لتات في القراية والخدمة وتأمين المستقبل وأجلت الزواج حتى قلت فرص زواجها وطلابها
عجبني تحليلك للردود
:pفكرتيني بواش قال الشيخ شمسو في احدى حلقاته على لي وصلت 35 سنةيعني هنا رانا نشوفو انو اقدام الفتياة على الزواج المبكر وتبجيله على القراية ربما خوفا من انها افوتها القطار وما تلقاش شكون يديها وكيما راكم علابالكم المجتمع والناس يقدرو المتزوجه حتى لو كان ما عندها حتى نيفو ويتحصرو ويقولو مسكينة على الطبيبة والمعلمة وال.... لخاطر ما قلاتش راجل وما تزوجتش ويقول فنات عمرها في القراية على الاخر ما ربحت والوا
نظرة المجتمع تاع ميقولوش ماجاهاش مكتوبهاانا ما نقولش انو الزواج قبل القراية والا في فترة القراية ولكن لازم الطفلة ما يكونش هدفها الاول الزواج ولا هدفها الاول القراية يعني الي كاتبو ربي راح يكون وهي عليها في الحالتين تستخير الله ادا كنت تقرا وجاها وليد الحلال الي ترضاه دينا وخلقا تتوكل على ربي ادا كانت قادرة توفق بين القراية والزواج وعاونها الراجل الله ابارك في الغالب هنا لازم يكون للراجل دور على بيها قلت لازم تختار الي ترضى دينه وخلقه والي ادا وعدها تكمل قرايتها يوعدها كلمة رجال تاع الصح
يقولو مسكينة
كي شغل هيا لي بيدها تزوج روحها ماش الخالق عزوجل كاتبلها بمن راح تتزوج
انا عندي صحاباتي بزاف كاين الي تزوجت وما كملتش قرايتها يعني حبست تقريبا من ثانية جامعة بصح مرتاحة وماشي ندمانة لانو بالنهاية في لادنا ماشي مضمون حتى تكملي قرايتك راح اديري مستقبل المهم تكوني مثقفة وتقدري تربي ولادك واتابعي دراستهم
تكوني مثقفة وتقري ولادك مي تخدمي تضمني حياتك الرجال غدارين
نعرف وحدة معلمة تزوجت وبعد 5سنين عن علاقة حب وزواج كلو سعادة وهناء بعد مرور 5 سنوات قال كرهتها ؟ راح يطلقها السبب : مشاكل وحاب يعاود الزواج بزحدة خلاف:-o قبل 5 سنوات كانت تصلح ويشوف فيها غير هي
كون ماش بخدمتها كيفاه تدير لعمرها ؟ النفقة تاعو راح تكفيها موحال
وةعندي صحاباتي الي كملو قرايتهم ومن بعد تزوجو والحمد لله مرتاحين وانا واحدة من كملت قرايتي وقعدت لا خدمة لا والو كانت بالنهاية نتيجة واحدة راني في الدار ويبقى العلم والشهادة سلاح عندي لتربية أولادي وتسيير اموري
راكي قليتها قرايتك راهي سلاح تعلمي ولادك وتربيهم احسن تربية
ولكن بالنتيجة انا وصاحبتي في نفس الحالة هي ما كملتش وراهي في الدار وانا كيف
اما عن معايرة الراجل فالراجل العاطل حتى لو تكوني قاضية راح ينتقضك فهاد ماشي سبب
المهم كيما قلت انا ما نقولكم خلو قرايتكم وتزوجو ما نقلك كملو قرايتكم وخلو الزواج لازم الواحدة منا تكون ذكية في تحديد خيارتها وتستخير الله والي كاتبو الله يكون
بارك الله فيكِ على الرد القيم استفدنا منه الكثير
