هل ستأكل اللحوم المستورد من الهند .... ؟؟؟

[ايمان9]

انا كيشفتهاااااا في نشرة اخبار قلبي هرب منهاااااااااا

 

[تالة]

صاحة رمضانكم
انا نقولكم حاجة مافهمت والو مرة عندنا جنون البشر ولا البقر مانعرف ، ومرة إنفلونزة الطيور و مرة خنازير بيانسور الناس تخاف من المستورد انا ماشكيتش يجي لعندي وما يوصلنيش و الله ينجينا

هههه والله عندك حق ....
​

 

[تالة]

وعليكم السلام ورحمة الله تعالى وبركاته راني خايفة او كان منفرقوش بين الهندي والدزيري في المتاجر بصح ربي يعفينا منو وانشاء الله اتكون قع مكلتنا حلال الاعمال بنيات

اللحوم إلي تجيي من الهند تكون مجمدة ... يعني انت حاولي تشتري اللحوم إلي مش مجمدة هاذيك أكيد تاع بلادنا ... وكما قلتي الأعمال بالنيات.. لكن الواحد منا يجب ان يكون حريص على إلي يشريه شكرا على الرد
​

 

[تالة]

أشكركم جميعا على ردودكم الطيبة ..... ونسأل الله ان يغننا بحلاله عن حرامه ....
​

 

[همسة الجزائر]

هههههههه والله شرينا فيونداشي ومبعد عرفنا بلي راهي تاع جانيتو ههههههه


بصح في قسنطينة واش نقولك الناس زي الدود عليها ماعلابالهم بوالو الا ممكن تضرهم والا لا انا بصراحة من تما عدت نعاف اللحم كامل

​

 

[نتيلة]

لا لا لا ياختي اللي خاف سلم ما كاش الثيقة في هاذ الوقت ​

 

[aymen habchi]

bien sure naklouh

 

[aymen habchi]

ramasse tout

 

[BREAVE-HEART-91]

بصراحة الفقير لازمو ياكل يا اخوة وانا منهم لازم ناكل باش نعيش.

 

[تالة]

بصراحة الفقير لازمو ياكل يا اخوة وانا منهم لازم ناكل باش نعيش.

شكرا أخي على المرور .... تاكل الحرام ؟ ... بالنسبة ليا نموت من الجوع ما نكلش الحرام ...

وبعدين اللحم يمكن الاستغناء عنه في أكلك.... مرة في العام يكفي ...
​

 

[neostar]

تاكل الحرام ؟ ... بالنسبة ليا نموت من الجوع ما نكلش الحرام ...

شكون قالك حرام ؟؟؟ سبحان الله

سبق ان رايت في مقالة لوزير الشؤون الدينية يقول انها دبحت بطريقة اسلامية ومن مسلمين ولا ننسي نسبة المسلمين في هند لا باس بها ..نصدق معالي الوزير العالم بالامور ام العضوة تالة ؟؟؟؟؟؟

هيه اغلبية الاعضاء هنا بشرو لحم بلادهم مليح مالقري راهي قريب توصل لمليون للكيلو .. قولي لي الفقير مايكلش في البلاد هادي ؟؟؟ امالا انا ناكل لحم الهند ونزيد لحم لحصان نتاع اتيوبيا نورمال ...

قال انا ناكل لحم بلادي تجار بلادكم هم الدي فسدو علي الفقير المعيشة الله لا تربحهم
​

 

[تالة]

شكون قالك حرام ؟؟؟ سبحان الله

سبق ان رايت في مقالة لوزير الشؤون الدينية يقول انها دبحت بطريقة اسلامية ومن مسلمين ولا ننسي نسبة المسلمين في هند لا باس بها ..نصدق معالي الوزير العالم بالامور ام العضوة تالة ؟؟؟؟؟؟

هيه اغلبية الاعضاء هنا بشرو لحم بلادهم مليح مالقري راهي قريب توصل لمليون للكيلو .. قولي لي الفقير مايكلش في البلاد هادي ؟؟؟ امالا انا ناكل لحم الهند ونزيد لحم لحصان نتاع اتيوبيا نورمال ...

قال انا ناكل لحم بلادي تجار بلادكم هم الدي فسدو علي الفقير المعيشة الله لا تربحهم
​

قالك وزير الشؤون الدينة ! والله أنا لا أثق في هذا الكلام ...لأن الهند رغم أن فيها مسلمين لكن من يقول لي أن اللحوم التي تصدر لنا ذبحها مسلمون أم أن الرئيس بوتفليقة عين لجنة بهذا الخصوص لمراقبة الذبح !

عموما لو إنت إرتحت لأكل هذه اللحوم فهذا شأنك ... لأن كما يقال إستفتي قلبك ولو أفتوك ..
​

 

[neostar]

اللحوم الهندية ليست مصدرة للجزائر فقط وانما لاغلب الدول العربية ادن فان دبحها عن الطريقة الاسلامية ليست وليدة القترة الحالية

والله لم اكل الحم الهندي انما دفاعا عن الفقراء والغلابي علي امرهم ..

الحمد الله كاين البحر والحوت

والسلام
​

 

[تالة]

والله لم اكل الحم الهندي انما دفاعا عن الفقراء والغلابي علي امرهم ..

الحمد الله كاين البحر والحوت

والسلام
​

والله أخي عنك حق ... الفقير هو إلى رايح بين الرجلين ... نسأل الله ان يغني جميع المسلمين من حلاله عن حرامه .. أشكرك أخي على ردودك ... وتقبل الله صيامك ..
​

 

[madjidz]

معليش نقولو مانكلوش اللحم نتاع الهند .
وعلب مواد غذائية التي نستوردها لا نعرف مافيها .

 

[madjidz]

كاين الي يتعملو شحمة الخنزير

 

[Lonely Girl]

ميرسي تالة عالموضوع
انا عن نفسي مش راح يجي في فمي يعني هوما يضربو اللحم الحلال الصافي الطري ويرميولنا لحم الهندي المقرد حاشة خلق الله
راهم خسرو فالافار علابيها ولاو يورو فالتيليفيزيون كفاه يدبحوه وكفاه.......بويسك الشعب مامنهمش وممشاتلهمش التجعابة هادي ياو مناش حابسين ناكل شريبة فيها زوج فراتت لحم يبنوها ياسر
واللي مكلاش اللحم ممات


نفحالو فالاستيراد برك

بطاطا تاع الحلوف

فاكسان بيريمي وخاطي وخاطي
وزيد تاع 2010 هادي قاتلهم ارقدو
​

 

[تالة]

معليش نقولو مانكلوش اللحم نتاع الهند .
وعلب مواد غذائية التي نستوردها لا نعرف مافيها .

شكرا أخي على الرد ... عادة علب المواد الغذائية يكتب عليها مما صنعت .. وحاجة أخرى مش مثل إنك تاكل لحم إطيب بيه كل يوم تقريبا خاصة في رمضان ..كيما علبة صغيرة تاع شكولة أو غيرها من المواد الغذائية ..

عموما الواحد منا يحاول بقدر المستطاع أن يتجنب الحرام ... والله لا يكلف نفسا إلا وسعها ..
​

 

[الخيزران]

لا يستطيع احد ان يجزم في شيء في مكان تعمه الفوضى
اليوم ما شريتيش هذا اللحوم بارادتك غدوة تتكونجلة وتشريها وتفرميها وتعمليها كفتة وانت ما تعرفيش مصدرها
ثانيا اللي يدو في الما البارد ما شي كيما لي يدو في النار
قرات عن عائلة في احدى بلديات الجزائروليست الوحيدة تقتات من بقايا الميسورين واذا نسوهم باتو جياع
وحنا ما زلنا نقولو لحم الهند حرام يا سيدي نحن طوع ولاة امورنا وهما لي يتحاسبو يوم القيامة واش يوكلو للشعب
وعلى كل لحوم الهند لم تصل الى منطقتي
ادام الله عليكم الحلال والعافية

 

[منايا الجنة]

كيما قلتي انتي اختي
لا ، للحوم الهندية ...نعم، للحوم المحلية ....
مشكورة على الموضوع
وصحا رمضانكم