~|...^^ كرسي الاعترآفـ ^ الخآص برمضآن ^ كل يوم نستضيفـ عضوين ^^ ...|~

[مفآهيمـ الخجل]

الله يبآرك راهم تهلاو فيكم

ماعليه عل بالي عياوكم... بالصح عندي شوية اسئلة تفوتو بيهم الوقت :music_whistling:
​

- لو كان عندك كتاب الله واحببت ان تهديه الى من؟

- أي كتاب ديني غير القرآن قرأته وتأثرت به؟

- متى آخرمره مسحت على رأس يتيم؟

- اي من الادعية قريب من نفسك ودائما تقرأه.. ولماذا؟ وفي أي وقت؟

- حديث للرسول الكريم (ص) متاثر به وتريد ان يعم على الناس؟​

 

[**سارة**]

الله يبآرك راهم تهلاو فيكم
راهم متهليين فينا ماتخافيش ههههههههههه

ماعليه عل بالي عياوكم... بالصح عندي شوية اسئلة تفوتو بيهم الوقت
تعبك راحة ماكانش مشكل

- لو كان عندك كتاب الله واحببت ان تهديه الى من؟
الى صديقتي المقربة
- أي كتاب ديني غير القرآن قرأته وتأثرت به؟
والله مانتذكر
- اي من الادعية قريب من نفسك ودائما تقرأه.. ولماذا؟ وفي أي وقت؟
دعاء السجود لأنو دعاء مستجاب ودائما ندعي في كل صلاة
- حديث للرسول الكريم (ص) متاثر به وتريد ان يعم على الناس؟
الحديث الذي يقول كلنا راع وكلنا مسؤول عن رعيته

 

[sami19280]

‏sami19280لويقلولك لازم تبرع من اعضاءك اللولديك تقبل ولا واسمحلي على سؤال

والله هذي بدون تفكيرررررر ولانقاااااش.

طبعا اقبل.
​

 

[sami19280]

الله يبآرك راهم تهلاو فيكم

ماعليه عل بالي عياوكم... بالصح عندي شوية اسئلة تفوتو بيهم الوقت :music_whistling:
​

لالا بالعكس .مي نتي اسئلتكـــ وحدهم
- لو كان عندك كتاب الله واحببت ان تهديه الى من؟
اختي نعزها بزاف
- أي كتاب ديني غير القرآن قرأته وتأثرت به؟
قرأت شوية من الرحيق المختوم وقصص الانبياء .
- متى آخرمره مسحت على رأس يتيم؟
علمها عند ربي

- حديث للرسول الكريم (ص) متاثر به وتريد ان يعم على الناس؟
لايؤمن احدكم حتى يحب لاخيه مايحب لنفسه.
​

-----مشكورة----
​

 

[**سارة**]

سامي رانا مرتاحين اليوم ماكانش أسئلة بزاف هههههههه
بالاك لعشية يهجمو علينا بالأسئلة ​

 

[مفآهيمـ الخجل]

سامي رانا مرتاحين اليوم ماكانش أسئلة بزاف هههههههه
بالاك لعشية يهجمو علينا بالأسئلة
​

​

هههه اكيـــد العشية يكون مصحصحين مليييح :music_whistling:
​

 

[bilale-007]

رووووووووووووووووووووووووووعة

 

[مفآهيمـ الخجل]

-----مشكورة----
​

You Welcome :ax_flw:
​

 

[**سارة**]

​

هههه اكيـــد العشية يكون مصحصحين مليييح :music_whistling:
​

ههههههههههه حتى انا راني مسجية روحي للعشية
هههههههه​

 

[مفآهيمـ الخجل]

رووووووووووووووووووووووووووعة

ماارسي مرورك هو لي روووووووووووووووعة
​

 

[hichem21]

اهلا سارة
سؤالي هو
كيفاش اتجوز سارة نهارها في رمضان
و صحا رمضانكم​

 

[**سارة**]

اهلا سارة
سؤالي هو
كيفاش اتجوز سارة نهارها في رمضان
و صحا رمضانكم​

اهلا بيك هشام خويا
في رمضان نوض على 10 ولا 11 ننضف الدار ونلمها هاداك هو يوصل وقت الصلاة نصلي ونقرا القرآن وراء كل صلاة نقرا على الأقل حزب ومن بعد نقعد في النت مع اللمة توصل لعشية ندخل للكوزينة نعاون ماما ونسجي لفطور معاها كيما نخلص نزيد نقعد في اللمة حتى يأدن المغرب نفطر ونصلي ونقرا القرآن ونتفجر سكاتش تاع الجزاير واش داني ونزيد باب الحارة ومن بعد نجي للمة نسهر معاكم
هادا هو نهاري
مرسي هشامو ربي يخليك
وصحا فطورك
​

 

[hichem21]

اهلا بيك هشام خويا

في رمضان نوض على 10 ولا 11 ننضف الدار ونلمها هاداك هو يوصل وقت الصلاة نصلي ونقرا القرآن وراء كل صلاة نقرا على الأقل حزب ومن بعد نقعد في النت مع اللمة توصل لعشية ندخل للكوزينة نعاون ماما ونسجي لفطور معاها كيما نخلص نزيد نقعد في اللمة حتى يأدن المغرب نفطر ونصلي ونقرا القرآن ونتفجر سكاتش تاع الجزاير واش داني ونزيد باب الحارة ومن بعد نجي للمة نسهر معاكم
هادا هو نهاري
مرسي هشامو ربي يخليك
وصحا فطورك ​

شكرا سارة على الجواب​

 

[mimi.dz]

مساء الخيـر وانشاء الله تكونو بخير ....
أسئلتيـ خفيفة عقبو بيها لوقتـ مزالـ لفطور بعيد :music_whistling:

:: اسئلة للأخـ ساميـ ::

1 : شكونـ هو ساميـ فيـ أرضـ الواقعـ ؟؟
2 : هلـ فيـ تناقضـ ما بينـ ساميـ فيـ الحياة اليومية و ساميـ فيـ اللمة ؟؟
3 : ساميـ الليـ نعرفوهـ عندو أسلوبـ مميّز
شكونـ هو الانسانـ الليـ أثر فيهـ ولعبـ دور كبير فيـ حياتو ؟؟
4 : قدوتكـ فيـ الحياة بعد حبيبنا محمد صلى الله عليهـ و سلمـ ؟؟
5 : تصلّيـ التراويحـ ؟ و شحالـ منـ حزبـ حافظ ؟؟ و وينـ وصلتـ فيـ قراءة القرآنـ السنة ؟؟
6 : واشـ حابـ تاكلـ دركـ ؟؟ جيعانـ ولاّ عطشانـ ؟؟ :surrender:
7 : كيفاهـ يعقبـ ساميـ نهارو ؟؟ ووينـ يسهر بعد لفطور ؟؟
8 : أقربـ انسانـ ليكـ فيـ اللمة ؟؟
9 : اوصفلنا نوعـ لبسكـ ؟؟ و يا ترى هلـ صراتـ و تكيّفتـ ؟؟

و صحا فطوركــ ,,,,,

:: أسئلة لسرسورة ::

1 : ليومـ واشـ درتيـ كيـ فطنتيـ منـ النومـ ؟؟
2 : هلـ سارة شاطرة فيـ الكوزينة ؟؟ وواشـ تحبـ تطيّبـ ؟؟
3 : شحالـ منـ اختـ عندكـ ؟؟
4 : غلطتيـ و فطرتيـ فيـ رمضانـ ؟؟
5 : واشـ تحبيـ تتفرجيـ ؟؟

فيها بركة ,,,,, صحا فطوركـ
​

 

[sami19280]

سامي رانا مرتاحين اليوم ماكانش أسئلة بزاف هههههههه
بالاك لعشية يهجمو علينا بالأسئلة ​

ايه ياسارة رانا في الخدمة قبل مايخلاص البرميسيون تاعناههههههه.
​

 

[**سارة**]

مساء الخيـر وانشاء الله تكونو بخير ....
أسئلتيـ خفيفة عقبو بيها لوقتـ مزالـ لفطور بعيد
-مساء الأنوار ميمي واللله الحمد لله
مكانش مشكل ختي لعزيزة
:: أسئلة لسرسورة ::

1 : ليومـ واشـ درتيـ كيـ فطنتيـ منـ النومـ ؟؟
لميت الدار مع ختي ومن بعد دخلت للمة
2 : هلـ سارة شاطرة فيـ الكوزينة ؟؟ وواشـ تحبـ تطيّبـ ؟؟
وي نطيب معلياش ونحب ندير طاجين الحلو لأني نحبو
3 : شحالـ منـ اختـ عندكـ ؟؟
-واحدة
4 : غلطتيـ و فطرتيـ فيـ رمضانـ ؟؟
-السنة لالا بصح العام الي فات غلطت جيت نصب لخويا الصغير الحليب دقت معاه ههههههههه
5 : واشـ تحبيـ تتفرجيـ ؟؟
-مسلسل باب الحارة وذاكرة الجسد
فيها بركة ,,,,, صحا فطوركـ
-مرسي حبيبتي على الأسئلة الحلوين
يعيطك الصحة وربي يبارك فيك ماجدة
الله يسلمك وصحا فطورك
​

 

[manita_a]

ههههههههه لعقوبة لينا هاني نزيد نضرب طلة بعد الفطور
بويسك ضك ماعنديش ريزو هههههههه​

 

[manita_a]

هاو جاني سؤال لسرسورة :sheer:
ممممم سار ةواش رايك في البوراك هههههههه:tongue_1:
ممممم متى اخر مرة بكيت فيها و لماذا ؟؟ i-o:هههههه لازم تجاوبيني​

:showoff:

 

[sami19280]

مساء الخيـر وانشاء الله تكونو بخير ....
أسئلتيـ خفيفة عقبو بيها لوقتـ مزالـ لفطور بعيد :music_whistling:

:: اسئلة للأخـ ساميـ ::

1 : شكونـ هو ساميـ فيـ أرضـ الواقعـ ؟؟

سامي في ارض الواقع الشاب البسيطــ المحب للحياة والطموح المحب ايضا للنجاح
2 : هلـ فيـ تناقضـ ما بينـ ساميـ فيـ الحياة اليومية و ساميـ فيـ اللمة ؟؟

والله صراحة شخصيتي تاع اللمة الواقع هي حوالي 97 % تاع ارض الواقع باش تكون المصداقية.
3 : ساميـ الليـ نعرفوهـ عندو أسلوبـ مميّز
شكونـ هو الانسانـ الليـ أثر فيهـ ولعبـ دور كبير فيـ حياتو ؟؟

بطبيعة الحال والديا ديما بنصائحهم واللي فخور بيه انهم مالقري ماشي قاريين مي الحمد لله ينصحوني ويوجهوني في كل الميادين.
4 : قدوتكـ فيـ الحياة بعد حبيبنا محمد صلى الله عليهـ و سلمـ ؟؟

1-الوالدين
2-الهواري بومدين كشخصية جزائرية حققت الجزائر في حكمه الكثير.
5 : تصلّيـ التراويحـ ؟ و شحالـ منـ حزبـ حافظ ؟؟ و وينـ وصلتـ فيـ قراءة القرآنـ السنة ؟؟

نعم نصلي التراويح ..اكيد

ماشي حافظ بزاف وصلت ل3 احزاب مي الفادم افضل ان شاء الله.
6 : واشـ حابـ تاكلـ دركـ ؟؟ جيعانـ ولاّ عطشانـ ؟؟ :surrender:

امممممم ههههههه كاش فطور قادر ولا

والله عطشان وساخف على كاس جو بارد الله الله. كن ديري فيا بليزير هههه
7 : كيفاهـ يعقبـ ساميـ نهارو ؟؟ ووينـ يسهر بعد لفطور ؟؟

اوكي النهار **عندنا جمعية الحمد لله ننشطو فيها+العبادات+قضيان للدار +النت+مطالعة كتاب+......الخ. يعني تقدري تقولي الفراغ مكاش.

السهرة///مكانش بزاف **ساعات مع صحابي اذا والات**
8 : أقربـ انسانـ ليكـ فيـ اللمة ؟؟

والله صراحة كاين بزااااااف ..نخليهم في قلبي خير
9 : اوصفلنا نوعـ لبسكـ ؟؟ و يا ترى هلـ صراتـ و تكيّفتـ ؟؟
لبستي جين+حذاء رياضي هذي غالبااااا

البساطة بركــــ.

يعني تكيفت بمعنى الكلمة جامي ابدا.
و صحا فطوركــ ,,,,,

الله يسلمك ميمي مرسي على اسئلتكــــ نورتي.

​

 

[bouaz]

وش هدا سارة علاه مجوبتيش على اسئلتي وسامي كملهم مانقبلش جاوب نص ونخلي نص اكل جاوبتلهم على اسئلتهم كامل ملا انا تاني كيفهم جاوب درك درك وصح فطوركم