اسمحلي قبل المغرب ب 5 دقايق انكون نفطر

[HWK4ALGERIA]

السلام عليكم وصحة رمضانكم
وحد اليومين جا لعندي واحد أخينا حوالي السبعة تاع لعشية، وجابلي وحد النوكيا 1100 باه يفلاشيها،،، وقاللي راني مزروب بيها مذا بيا اتكون واجدة الليلة،،، أيا قلتلو معليش وليلي قبل المغرب ب 5 دقايق تلقاها واجدة،،، ايا المهم ماجاش، فالوقت اللي تفاهمنا عليه،،، المهم جاني ف الليل،،، قلتلو راهي واجدة من قبيل وغضبت منو قلتلو انا انتعب في روحي باه انوجدهالك قبل المغرب وانت ماتجيش كون غير قلتلي انخليها ونخدمها بعقلي،،، واش كان الرد تاعو في رايكم؟؟؟
قاللي سامحني انا نفطر قبل ما يذن المغرب ب 10 دقايق :scared:؟؟؟؟؟؟؟؟؟؟؟؟؟
يعني قبل المغرب ب 5 دقايق،،، مستحيل/// وقتها انكون في قمة الافطار تاعي،،، المهم سكتت وما لقيت مانقوللو،،، قلت بالاك راهي كاينة ف الدين وانا ماعلاباليش،،، مي خطر في بالي انصقصيه " مع شحال يتسحــــــــر؟"
ايا صحة سحوركم.

 

[** غزال الصحراء **]

يا لطيف !! و يقول فيها بوجهو صحيح //
هاذا تلقاه يسحر و الشمس طالعة يتقهوى بعقلو

و الله تحير مع عباد كيما هاذو يا لطيف

شكرا محمد علي .

 

[HWK4ALGERIA]

يا لطيف !! و يقول فيها بوجهو صحيح //
هاذا تلقاه يسحر و الشمس طالعة يتقهوى بعقلو

و الله تحير مع عباد كيما هاذو يا لطيف

شكرا محمد علي .

هذا يتسحر بتوقيت تندوف ويفطر بتوقيت الطارف وهو في ورقلة. :no_1:
شكرا ليك.

 

[DARINE05]

:surrender::surrender::surrender::surrender::surrender:
اني موشوكيه

 

[HWK4ALGERIA]

:surrender::surrender::surrender::surrender::surrender:
اني موشوكيه

من حقك،،، وعلاه يقولولنا حلال وحرام؟؟؟ راسي حبس:du_nno:
شكرا على المرور وتحية لل 05

 

[remanous]

هيه صح مام انا ديما نسمع بيها بلي السلافية يفطرو قبل ما يادن المغرب

يا لطيف ماعرف منين يجيبو في التخربيط هدا

المهم ربي يهدي برك​

 

[يسرى 2008]

ربي يهدي وش نقولو والله نسمعو حوايج اووووف

 

[منايا الجنة]

ربي يهدي ما خلق مانعرف منين جابوا هاد العفسة

 

[محاربة صحراء]

منعرف كل اليوم نسمع حكاية جديدة

 

[mimi.dz]

يفطر هاذيـ عاديـ ميـ قبلـ الآذانـ هاذيـ كبيرة عليا
ربيـ يهديـ ما خلقـ
و صحا فطوركـ
​

 

[ISMA.dz]

هههههههههههه والله ياهذا واقيل افتا لروحو ولا كيفاه ؟
ربي يهدي ماخلق!!!!!!!قبل الاذان ب10دقايق!!!!!!!

 

[nerhan]

صح سمعة بيها من قبل
ربي يهدي ما خلق

 

[فراشة الايمان]

كيفاه
مش نورمال
أول مرة نسمع بيها
مانيش مصدقة
لا حول ولا قوة الا بالله
و صح سحورك

 

[nour mary]

زعما اخينا ياخي عباد ويتفلسفو في الدين ربي يهدي

 

[kamel2010]

الله يهديه و يهدينا

 

[Oxygene2]

لالا هذوك اللي يصلو في الجامع يفطرو قبل الآذان مع الامام
امبعد الامام يأذن والله اعلم
ربي يحفظنا
شكرا على الموضوع

 

[mira.21]

والله كل يوم يخرجولنا بخرجة جديدة يخي يخي
ايه ربي يهدي من خلق​

 

[adnandz]

هههههههههه شر البلي ما يضحك

 

[HWK4ALGERIA]

هيه صح مام انا ديما نسمع بيها بلي .......... يفطرو قبل ما يادن المغرب ​

يا لطيف ماعرف منين يجيبو في التخربيط هدا​

المهم ربي يهدي برك​

معليش إذا كان ف الجامع،،، وبدقيقة وأول واحد هو المؤذن،،، مي ب 10 دقايق راه الانسان قادر يسافر من ولاية لولاية.

 

[HWK4ALGERIA]

ربي يهدي وش نقولو والله نسمعو حوايج اووووف

قلتلو ياستار قاللي لا لا ماتقولش هاك قول ياستير،،، استغفر الله العظيم،،، وكأني لما انقول يا ستار ما راحش ربي يقبلها.
ربي يهدينا ان شاء الله.