اسمحلي قبل المغرب ب 5 دقايق انكون نفطر

[HWK4ALGERIA]

هههههههههه
بالاك كان يتمسخر

لا لا هذا راه يقول فيها وهو تقريبا يقوللي اندبرها عليك دبارة،،، وقالها بكل ثيقة وحماس ومستعد للنقاش لأخر قطرة دم،،، يا لطيف،،، والجهل يتقاطر من اللحية تاعو،،، ربي يهدي ما خلق ،،، والشي اللي يغيظني أكثر هو انهم أمثالو يشوفولنا بنظرة تاع الكفار والفاسقين،،، ،،، ،،،
شكرا،،، ( انا مانيش قاصد حتى فئة ،،، بويسك كاين اللي ما شاء الله سواءا في علمه او تواضعه او طريقة المعاملة تاعو،،، اللي أصلا يستر الشيء اللي واضح انو في التباس كيما حكاية الافطار قبل الوقت ب 10 دقايق والله يعلم يمكن اتكون المدة هاذي اكثر مي ما قدرش يقوللي)

 

[abidou 20081]

سلام وعليكم خويا وربي يتقبل الصيام والقيام

قبل مانرد نقولك خويا ماراني فقيه ماراني سلفي نعرف ربي سبحانو وسيدنا محمد عليه
أفضل الصلاة والسلام و،امن بيهم كيما نامن بجميع الأنبياء والمرسلين وثاني نعرف بلي ربي
أحد صمد لكن خويا حبيت نقولك حاجا برك بلي الإفطار والإمساك ماشي مربوطين بالأذان
خويا مربوطين بالوقت يعني بدخول وخروج الوقت ومنها بالاك هذو النوع من الناس جابو الحديث
تاع الرسول عليه أفضل الصلاة والسلام لا يزال الناس بخير ما عجّلوا الفطور ومنه يحبون ربح الخيرية
في التعجيل ومخالفة اليهود ربما هذا من وجهة نظري والله أعلم أنا مارانيش ندافع على هذا الشخص
ولا على غيرو إنما الأعمال بالنيات وإنما لكل امرئ ما نوى قلت ربما هكذا وكيما على بالنا كامل
كاين البعض يزيدو فالأمور شوية على شاكلة خالف تعرف لكن ليس في امور الدين والشريعة السمحاء​

 

[HWK4ALGERIA]

سلام وعليكم خويا وربي يتقبل الصيام والقيام​

قبل مانرد نقولك خويا ماراني فقيه ماراني سلفي نعرف ربي سبحانو وسيدنا محمد عليه
أفضل الصلاة والسلام و،امن بيهم كيما نامن بجميع الأنبياء والمرسلين وثاني نعرف بلي ربي
أحد صمد لكن خويا حبيت نقولك حاجا برك بلي الإفطار والإمساك ماشي مربوطين بالأذان
خويا مربوطين بالوقت يعني بدخول وخروج الوقت ومنها بالاك هذو النوع من الناس جابو الحديث
تاع الرسول عليه أفضل الصلاة والسلام لا يزال الناس بخير ما عجّلوا الفطور ومنه يحبون ربح الخيرية
في التعجيل ومخالفة اليهود ربما هذا من وجهة نظري والله أعلم أنا مارانيش ندافع على هذا الشخص
ولا على غيرو إنما الأعمال بالنيات وإنما لكل امرئ ما نوى قلت ربما هكذا وكيما على بالنا كامل

كاين البعض يزيدو فالأمور شوية على شاكلة خالف تعرف لكن ليس في امور الدين والشريعة السمحاء ​

جزيل الشكر أخي،،، خلاصتو خالف تعرف،،، الجماعات هاذو ظهرو ف العقد الاخير من القرن،،، او بالاحرى طغى وجودهم،،، وهاذ الشخص بالذات دخل مرة الجامع بسباطو (خالف تعرف) وصلى بيه،،، وكي حكموه الجماعة في هذيك الصيفة جا واحد صاحبو وبدا يدافع اعليه بشكل متعصب،،، وكي قاللو واحد " القضية ساهلة وواضحة_ سباطو فيه النجاسة وماتزوجش بيه الصلاة_ واش رد اعليه " قالو " كرشك ثاني فيها النجاسة وراك اتصلي بيها نورمال"....، اما دخول الوقت فالمغرب وقتو ضيق جدا،،، شكيت أقل من 10 دقايق بلا ماننساو الدقيقة والا زوج اللي مديكاليا ف الساعة تاعو( مع العلم هو أصلا ماعندوش ساعة الساعة تاعو ف البورتابل والبورتابل تاعو انا اللي ريgلتلو الساع تاعو،،، والساعة تاعو ريgلتها على الساعة تاع الفاكس تاعي والفاكس تاعي ريقلتو على بورتابلي وبورتابلي ريقلتو على الميكرو والميكرو تاعي ريgلتو على الساعة تاع الديمو والديمو ستار سات معروف بللي ثقيل شوي ف الاستقطاب ومائة بالمائة مديكالي على الاقل بدقيقتين،،،)،،، القضية ساهلة يذن كول بصحتك،،، واذا كليت قبل الوقت استر نفسك والله أعلم بالنوايا تاع العباد.
حنا الدين ورثناه قبل ما نقراوه،،، والجماعات هذو عندهم شك ف الشيء اللي اتوارث ابا عن جد حتى نوصلو للخلافة والنبي صلى الله عليه وسلم،،، انا نشفى على حكايات كان يحكيها جدي رحمه الله،،، ماتلقاها في حتى كتاب وهي متوارثة ولم يتسنى للسلف تدوينها،،، وأصول لم يتسنى لليهود العبث فيها،،، والله أعلم.
شكرا.

 

[الشاهين الجزائري]

​

اخويا مافهمتش القاشي هدا كل مرة يخرجوا خرجة

المخلوق طول النهار صايم ويفطر قدام الاذان يدقايق، كانو مصامش

(في آخر السبولة قطع يدو)

​

 

[chiva.]

او كيفاش يفطر قبل ناس بدون اذان ؟؟؟؟؟؟

كيفاش هذا دينو وحدو

الله يهدي ماخلق كون تربح الاجر انصحو

 

[la neige]

سبحان الله والله الدنيا اشكال والواااان وانوااااااااااع

 

[ريفال]

هدا سير تلقاه يكوناكتى مع المؤدن باه يادن ليه قبل الناس بصح السحور اكيد تلقاه يتسحر مع 7 تاع الصباح ههههههههه والله صعيبة باه تدخل للراس

 

[إحسَانْ]

ههههههههههههههههههه باينة يتسحر معا توقيت قسنطينة

 

[معاك يا الخضراء]

هههههههه ما لقيت ما نقول ياريس خويا
بالاك un peu toc toc السيد هادا ؟؟؟؟؟؟؟؟؟؟؟؟؟؟​

 

[sirine-w]

ya latif kolyoum mesem3o 3afsa jdida rabi yesterna

 

[ألاء]

نسمع بها نتاوع السلفية هما اللي يديروا هكذا ومنعرف منين جابوها ويقولولك حنا الصحاح واش ديرلهم
​

 

[HWK4ALGERIA]

اخويا مافهمتش القاشي هدا كل مرة يخرجوا خرجة ​

المخلوق طول النهار صايم ويفطر قدام الاذان يدقايق، كانو مصامش​

(في آخر السبولة قطع يدو)​

هذا في أخر السبولة قطع راسو.... وفضح روحو.
شكرا.

 

[HWK4ALGERIA]

او كيفاش يفطر قبل ناس بدون اذان ؟؟؟؟؟؟

كيفاش هذا دينو وحدو

الله يهدي ماخلق كون تربح الاجر انصحو

لا لا مادخلني فيه لانو مايتقبلش النصيحة.

 

[HWK4ALGERIA]

سبحان الله والله الدنيا اشكال والواااان وانوااااااااااع

مي النوع هذا راه كاثر ف المدة الاخيرة وولى مقياس،،، انا اليوم سقسيت واحد وقلتلو تقدر تفطر قبل المغرب ب 10 دقايق،،، قاللي هو لا لا ماتقدرش،،، نطق واحد كان معانا وقال " لا لا تقدر بويس فلان يفطر قبل الوقت ب 10 دقايق " :scared: يعني ولى مقياس للجهلة اللي كيفو.
شكرا.

 

[HWK4ALGERIA]

هدا سير تلقاه يكوناكتى مع المؤدن باه يادن ليه قبل الناس بصح السحور اكيد تلقاه يتسحر مع 7 تاع الصباح ههههههههه والله صعيبة باه تدخل للراس

لا لا هذا يكونيكتي مع المؤذن باه يذن للناس روطار ب 10 دقايق،،، وهو راه مريقل يفطر ف الوقت.
وحنا اللي رانا نفطرو روطار بزاف.
شكرا.

 

[HWK4ALGERIA]

ههههههههههههههههههه باينة يتسحر معا توقيت قسنطينة

هذا يتسحر مع توقيت هونولولو،،، ويفطر مع توقيتو لخاص " توقيت كوكب نبتون.

 

[HWK4ALGERIA]

هههههههه ما لقيت ما نقول ياريس خويا


بالاك un peu toc toc السيد هادا ؟؟؟؟؟؟؟؟؟؟؟؟؟؟​

لا لا هذا بدل نوع العرض من tic tac الى عرض الشهر وادى تخفيض من عند الشيخ ابو زعبل.
صحة فطوركم.

 

[etoo14]

ربي يهدي ما خلق خويا وربي يعينك معا هادو العيباد
صحا فطورك​

 

[HWK4ALGERIA]

يا لطيف !! و يقول فيها بوجهو صحيح //
هاذا تلقاه يسحر و الشمس طالعة يتقهوى بعقلو

و الله تحير مع عباد كيما هاذو يا لطيف

يبانلي راني شايفها المشاركة هذي من قبل... ورديت اعليها.
شكرا على المرور،،، رغم انه بأقلام الغير

 

[HWK4ALGERIA]

ya latif kolyoum mesem3o 3afsa jdida rabi yesterna

Amiiiiine.
merci.