ليجورنال فلالجيري ...كدب هف ونفاق وتبرويط بالغاشي

[sandybelle]

هدا فاين فقتي .....يا مريومة
اييييه اجرنال نشريوه باش نمسحو لبربريز وفقط :closedeyes:....هي عندو فايدة :shiny:

 

[Lonely Girl]

اه عدك الصح
غير خروطي كما راهم مكاش واحد سالم
ميحلوش حتى خبزتهم يبعد علينا
ميلقاوش باه يعمروا لي باج يبداو يخرطوا
عنها مزلنا كما حنا
مشكورة مريومتي
صح فطورك حنونة
​

لازملهم يخرطو ويخلطو ويدوزنوها بيان باش تجيبلهم المشتريه

وميرسي عليك انتيا حنونة
منورة

​

 

[Lonely Girl]

les journal ديالنا كامل كدب في كدب
خاصة الشروق قرعوها

الشروق وخياتها قاع كيف كيف
ميرسي بزاف على الرد منورة
​

 

[رآج ـية العفو]

وعليكم السلآم ورحمة الله
أولآ صح فطورك وفطوركم كآمل
يآ خويآ رآك مأمن بلي عندنآ صحآفة ,, كلشي كذوووبي
الكذب كثر من الصح هآذي هي بلآدنآ حتى حآجة مآ فلحنآ
فيهآ النآس تتقدم وحنآ نرجعوا للورآء ,,
مرسي خويآ على الموضوع يع ـطيك الصحة
تح ـيآتي ,, ~||​

 

[الملكة المشاغبة]

صح لسانكم..........ومثل ما يقول المثل ................كلام جرايدهههههههههههههههههههه.

شكرا على الموضوع.
و انصح بقراءة الكتب المفيدة ............بلا جرايد بلا خرابيط.

 

[حلمي النسيان]

دركا راهم المهم يبيعوا ليجورنوا و خلاص​

واش من مصداقية ، و en + مين تحلي جورنال تقري خبر ولا زوج ولا بلوبار غير اشهارات​

هذي هي الحال​

مرسي اختي مريومة على الموضوع​

صحا فطورك و سحورك​

 

[Lonely Girl]

صحافة موسميه أو بالأحرى مرض موسمي الله لا يربحها

10 دينار دايره فيهم هكاا لريح لي جا يديها ,,,,,,صحا فـــــطوورك

سي فري ناريمان وش قلتي ..هات يربحو برك هاديك الفايدة تاعهم
وانت زادة حنونة صح فطورك+صح صحورك
​

 

[nour mary]

لي جورنو نتاعنا ماعندهم حتا مصداقية كدب * كدب
تلقاي خبر منا يكدبوه في الجورنال لوخر ماتعرفيش شكون تصدقي
مي راكي غالطا ف حاجة واش دارو مع مصر صوف كو راهم دافعو على دزاير صافي نخلو لوخرين يسبو فينا وحنا نتفرجو
شكرا وصحا صحورك

 

[Lonely Girl]

غير قوليلي الجزرنال اللي يتباع ب الفرنك جورنال
وش رايحة تتسني منو
بيانسير التبلعيط وتعمار الصفاحي

النهار يموت على الدينار
الهداف الهفاف
الشروق ولا كي الخروف

راك جبتها عليهم خويا عدنان ههههههه ميرسي لمرورك منور
​

 

[Lonely Girl]

المشكل ماشي غدوة يهدرو الكونترار مي في نفس العدد ! يعني الصفحة هاذي تلقاهم يقولو ( شواشي يشارك رسميا مع المنتخب ) و في الصفحة الثانية تلقاها , ( شاوشي مصاب و إحتملات مشاركته ضعيفة ) ,,, و الله شفت العفسة هاذي بزاف خاصة في ( النهار ) ,, و المشكل راجع لرئيس جريدة التحرير , لازم ينسق الجورنال تاعو

بارسكو بالاك كل صحفي جاب الهدرة من مصدر مختلف ,, و كي ما توليش مراقبة الدعوة تولي معبية تناقضات

شكرا .

تصرا سير هادي وعلاه جابلك ربي راها صحافة صح غير خرطي برك ني مراقبة ني تنسيق هداك مخصهم :wink:
شكرا ليك غزالو وصح صحورك خويا
​

 

[Lonely Girl]

هدا فاين فقتي .....يا مريومة
اييييه اجرنال نشريوه باش نمسحو لبربريز وفقط :closedeyes:....هي عندو فايدة :shiny:

والله داك فيه ميصلح هههههههههه يعجبني كي يخرجهم يشعلو الله الله:shiny:​

 

[Lonely Girl]

وعليكم السلآم ورحمة الله
أولآ صح فطورك وفطوركم كآمل
يآ خويآ رآك مأمن بلي عندنآ صحآفة ,, كلشي كذوووبي
الكذب كثر من الصح هآذي هي بلآدنآ حتى حآجة مآ فلحنآ
فيهآ النآس تتقدم وحنآ نرجعوا للورآء ,,
مرسي خويآ على الموضوع يع ـطيك الصحة
تح ـيآتي ,, ~||​

وانت زادة اختي
شكون قال مامنة ههه راني هنا نمنشر فيها بمنشار الكترونيك وانت تسقسي فيا اكيد غير الكدوبات مدايرين منها قناطير بصح تفضحو وتبهدلو مبقاش زعمة الواحد يحترمهم سايي
ميرسي على مرورك حبيبتي
​

 

[driso]

كي يخلاص الكذب ايبان الصح و المشكل ماحبش يخلاصلهم الكذب
يعطيك الصحة ختي ما تامنيهمش بزاف مع الف شكر

 

[louna91]

لوكان ما يكدبوش قوليلي باه يعمرو الجرنال تاعهم....تلقاي الجرنال كومبلي غير كدب يعطيك برك يعمروه و يبيعوه للغاشي لي يلقاوهم جايحين و يامنو كلشي..شكرااا على الموضوع و المصداقية مكاش كامل في البلدان العربية.​

 

[nahdiste]

والله غير صح
يهدرو هدرة 60 فل 100 صحيحة والباقي قاع خرطي
الله يصلحهم
يعطيك الصحة على الموضوع يا خو
هايل

 

[Lonely Girl]

يرحملك داك الفم يا لعمر واله ملينا من كدوبات يجيبو وحد هبورات ويالفو فيهم حتى شعب يامن بلخف الله غالب لقاو عليمن يتمسخرو علاش مايتمسخروش وممباعد تلقايهم خرطو قصة جديدة ويتورنيوها وحدهم ماتفهم فيها حبة ديما دايرة في حسابي ليجورنو لابـلوبــار خرطي يهفو في شعب كيشغل ماناش فايقينلهم هوما ليسونسيال يدخلو دراهم مصداقية ماتقــزيزتيش عندهم كل واحد يخدم لمصلاحتو الصح في تعمار ليبـــاج موضوعك وعليه لكلام ينحي على خاطرو يعطيك الصحة بيبي
تستاهلي فليكساج عمري:yahoo:
​

الله يحفظك شيري
شفتي حنونتي الخرطي مبغاش يخلاص يقعدو غير يتورنيو ويقسرو بالناس كشغل قاعدين قعادهم
راحت المصادقية يحسراه:tears: شكون الحابس اللي بقى يامنهم ضرك
ميرسي شعشبونتي عالفليكسي راه لحقني ههههههههه ضك ناكتيفي لقراطوي نحي على خاطري شويه :yahoo:
وصح صحورك عمري​

 

[فراشة الايمان]

شكراااااااااااااااااااا

 

[Lonely Girl]

صح لسانكم..........ومثل ما يقول المثل ................كلام جرايدهههههههههههههههههههه.

شكرا على الموضوع.
و انصح بقراءة الكتب المفيدة ............بلا جرايد بلا خرابيط.

ميرسي حبيبتي عالمرور
وميرسي عالنصيحة

​

 

[Lonely Girl]

دركا راهم المهم يبيعوا ليجورنوا و خلاص​

واش من مصداقية ، و en + مين تحلي جورنال تقري خبر ولا زوج ولا بلوبار غير اشهارات​

هذي هي الحال​

مرسي اختي مريومة على الموضوع​

صحا فطورك و سحورك​

الاشهارات غير متهدريش 2 صفاحي تقرعيج والباقي غير بيبليسيتي يعني راها مبنية غير على التبزنيس ميرسي ماشار وانت زادة
​

 

[Lonely Girl]

لي جورنو نتاعنا ماعندهم حتا مصداقية كدب * كدب
تلقاي خبر منا يكدبوه في الجورنال لوخر ماتعرفيش شكون تصدقي
مي راكي غالطا ف حاجة واش دارو مع مصر صوف كو راهم دافعو على دزاير صافي نخلو لوخرين يسبو فينا وحنا نتفرجو
شكرا وصحا صحورك

حطيتها كمثال برك هوما ديفونداو صح مي راهم استغلو الفرصة غير باش يهولو الحالة وتمشيلهم السلعة راكي شفتي من بعد الاستوار هادي ولينا خاوة ومعلاباليش وغلطنا .....يدزو بينا :wink:
​