اضحك مع ميسى بومب ( الحلقة الاخيرة )Blague + اهداء بسيط

[Jagwar]

سلام خويا اسامة

والله الحلقة الاخيرة فووووووووووووور بزااااااااااااف
بارك الله فيك ربي يشفيك و ننتظر جديدك بكل شوق

ايا صحا فطورك ​

و عليكم السلام و رحمة الله
أهلا بيك اختى بسمة
يشفيك يعيشك اختى مرسى
و اسمحيلى نسيت نحط اسمك مع الجماعة ، بصح كيما يقولك انتى تانى راكى فى القلب مع خاوتى كل لى نعزهم ، تحياتى و نشوفك على خير اختى
سلام





​

 

[starblue]

شاءت الأقدار أن أكون بعيدة عن ابداعاتك أخي أسامة
وعندنا يوم آخر حلقة لك
ربي يجيبلك الشفاء العاجل وربي يحفظك
ننتظر المزيد منك وانشاء الله يكون في حضوري

سلمت يداك

 

[Jagwar]

صباح الخير خويا لعزيز

ان شاء الله راك بخير وربي يشفيك خويا ان شاء الله
والله كان فيديو راااااااااااايع خويا ومع البلاg والله قتلوني ضحك ومرسي ميسي على الاهداء والله هادا واجبنا انو دخلنا لمواضيعك وقيمناك وشكرناك على التعب الي راك تتعب فيه باش جبتلنا دايما الجديد وشجعناك باش زدت كملت فلا شكر على واجب خويا
ويعطيك الصحة خويا على الحلقات الهاااااااااايلين والله الجديدة تنسي في القديمة وفاجينا بيهم على قلوبنا وضحكنا بيهم في رمضان
ورانا نستناو جديديك بالاك تزيد تجيبنا الأفضل ان شاء الله وكيما قلتها رانا في بيت واحد الي هو اللمة ومازالنا نشووفو حوايج أخري ان شاء الله

بارك الله فيك​

و فيكى تبارك الله أختى الفحلة سارة
هاو زاد تعقد لسناى و ما لقيت واش نقولك و نرد عليك و على كلامك الزين هذا و الحمد لله من بكرى و انا نسمع غير فى الكلام الزين من عندك
نقولك يعطيك الصحة اختى و ربى يحفضك و يقدرنى انا تانى و نردلك جمايلك عليا
تحياتى الحارة ليك
و مرسى عليك بزاف بزاف و نشوفك فى مواضيع أخرى بحول الله
صحا رمضانك و صحا فطورك و كل عام و انتى بخير اختى

سلام






​

 

[انوار الجنة]

خويا نتا كنت فور و مازالك فور والله انت راك قنبلة المنتديات
مرسي على الحلقة تاع ليوم ويؤسفنا انها الحلقة الاخيرة
و نتمنالك الشفاء العاجل ان شاء الله

 

[مدللة الجزائر]

شكرا اخي والله غير فور بصح غادي نتوحشك بزاف ربي يجيبلك الشفاء وراني نستني في الجديد نتاعك

 

[Jagwar]

أولا نتمنالك الشفاء العاجل خويا لعزيز

والله راك فووور خيو شكراا لك على النكت...
مؤسف تكون آخر حلقة كون زدت طولت فالحلقات شويى على الأقل كملت 20 هههه
المهم دام إبداعك وتميزك...حلقات رائعة
تقبل مروري بصفحتك..
سلامي الخالص لك..​

يشفيك يعيشك اختى و جارتى الفحلة
مرسى عليك ربى يخليك و ما يحرمنا منك
و مرورك راكى تعلمى دايما يفاجى عليا و ينحيلى الغمة و يفرحنى
مرسى بوكو بوكو عليك
نشوفك على خير و عافية
تحياتى و السلام عليكم
صحا فطورك






​

 

[Jagwar]

صباح الخير خويا أسامة

أولاً: كي سمعت صوتك عرفتك بلي مريض ربي يجيبلك الشفاء إن شاء الله ...
تانياً : مرسييييييييييي بزااااااف بزاف على الإهداء ربي يحفظك إن شاء الله

و الله جوزنا معاك أيامات فوووور فووور malheureusement كانت هذي الحلقة الأخيرة تمنينا لوكان كملنا معاك رمضان مي معليش راحتك قبل كل شي و زيد هذوما فيهم بركة ،،،العام الجاي إن شاء الله إذا حيانا ربي رانا نتلاقاو كي اليوم إن شاء الله ،،، يعطيك الصحة و مرسي عليك بزاااااااف بزاف...و الله لوكان نبقى نكتب ندي صفحة كاملة و أنا نهرف و مانحكيش واش كاين في قلبي،، تحية ليك و لكل ناس عنابة،،،
سلام وصح فطورك و فطور كل العائلة الكريمة

مرسى عليك سمونة يشفيك يعيشك اختى ربى يحفضك و ما يحرمنا من ابداعك و خيرك علينا انتى تانى
تحياتى ليك و نشوفك فى بروغرام واحد آخر ان شاء الله
صحا رمضانك و صحا فطورك
سلام




​

 

[DARINE05]

ديما فور يا اسامة يعطيك الصحة ههههههههههه

 

[Jagwar]

موضوع رائع وطرح جميل بارك الله فيك

و فيك تبارك الله خويا جمال
ربى يحفضك خويا
خسارة لى جيت شوية متاخر و ما قعدتش معانا الحلقات كل مند البداية
معليش شوف الارشيف تاعنا و اضحك شوية
يعطيك الصحة خويا و صحا فطورك




​

 

[nour mary]

ربي يجيبلك الشفا خويا
الحلقة لخرى فووووووووووووور خويا ولي بلاg هااايلين
خسارة كنا حابين نكملو معاك رمضان
مارسي بوكو على الاهداء
نشالله نشوفوك في مواضيع اخرا اكتر تميزا
صاحا باي

 

[{~B4SM4]

هههههههههههههههههههههه
ميسي خويآ
والله غير graaave تاع الصح
سيرتو لعجوزة لي قاتلو ركبهملي نيبان كامل وهنيني :laugh:
ههههههههههههههه ياخويا قتلكـ موصيبة نتا :thumb_up2:
/

\
باين لاسقة فيا نحسة سيبورسا غي سجلت
خلاصو الحلقات :crying:
مي معليش ضرك نولي للي فاتو إن شاء الله نضرب عليهم طلة من 1 للأخير
ربي يخليك خويا أسامة ع المجهود لي تستاهل عليه الشكر والتقدير
لوكان آنا في بلاصتك يحكمني الرزح مانكذبش عليك
مي أنتا الله يبارك حبيت تنحي على خاطرنا في هاد رمضان وربي يجازيكـ

/

\
نولي نستا دايما الجديد ديالك :sheer:

صح رمضانكـ وكل عام ونتا بخير ​

 

[Jagwar]

السلام عليكم ورحمة الله تعالى وبركاته
و عليكم السلام و رحمة الله تعالى و بركاته ، أهلا بيك :yahoo:

خويا أسامة .. أولا وقبل كل شئ ربي يجيبلك الشفاء يااااارب
يشفيك يعيشك ربى يخليك
سمعتى صوتى فى الفيديو :tears: تقول سكران قاعد يهدر :no_1: انا نهدر و خشمى يفويتى ههههههه
بيسك صحتك أولا وأخيرا وهي أهم حاجة عندنا
ربى يعيشك مرسى بوكو
ثانيا .. معلباليش اليوم اذا نبكي ولا نضحك
أنا صراحة موالف غير على الضحك معاك:yahoo:
نبكي .... على فراق أجمل سكاتشات وأروع منتج هههه والله نحكي صح
هههه يزينا برك من الشيخات هادو
قاتلك أروع منتج
علاش سمعتى بيا نجدة اسماعيل انزور و لا جيمس كمرون :no_1:
نضحك... على حلقة اليوم اللي كانت روووعة
اذا خلينا القرار للقلب .. أكيد رايحة نبكي
أما اذا خلينا التفكير للعقل .. رايح يحسم الأمر وينورنا
مالا فى الحالة هاذى نفضل انك تسمعى لعقلك أحسن
باه نفرح ونهلل ونولول " مانعرفش نولول" هههه
علاش ما تروحيش لعراس ؟ ههههه
بيسك ماربحناش سكاتشات ربحنا عضو لامع ورائع وصديق وأقل مايقال عنه رائع
زيدى 2 كلمات كيما هادو نرتاح من لاGـغيـP تاعى هههه
مرسى ربى يحفضك رانى قريب نتعقد من كلامك الزين هذا
هنا نقولك ... لو تكون تحط كل يوم عشر حلقات باه تفرحنا وتضحكنا ويكون قلبك مايحمل لينا ولا ذرة وفاء ...
رايح يكون الأمر عاد ... لكن أنا متيقنة أنه ألف سكاتش ماهوش رايح يعوض حبك ووفائك لينا
كنت كل يوم نشوف لي سكاتش ونضحك بزاف ونفرح أكثر باسكو نحس باللي تخدم من قلبك
وباه نربحو قلب طيب أبيض كيماهاك يليقلنا واحنا ولله الحمد ربحناه " علبالك جنية ونحس"
تعبت معانا ياسر والآن حان موعد راحتك
نقولك باللي راك درت اللي عليك وكون نبدى في شكرك كلمات القاموس كامل مارايحاش توفيك حقك ....
هنا ماشى نقولك لسانى تعقد
انا نقولك رانى بلعت لسانى
صراحة اول مرة انا تانى تخوننى الكلمات باش نرد عليك
و الله العظيم كيما يقولك ما كانش أسعد لقلبى أنى نخدم معاكم و نتشاور و نتحاور معاكم ن و الحمد لله كيما قلتى انتى أحسن حاجة من هذا كامل خرجنا بمعريفة بعضنة و قعدنا مدة لا بأس بها مع بعضنا و هاذى أهم حاجة عندى انا ، على خاطر عرفت قيمة الاعضاء لى رانى نتعامل معاهم
ربى يحفضكم و يقدرنى و نردلكم جمايلكم
ماعليا غير نهديلك هاذ الكلمات عساها تكون من مقامك
تعلمنا منك الوفاء والاخلاص
تعلمنا منك جمال الحياه
كنت حارسا وفارس و محب للحياه
لا تعرف للغدر طريق او اتجاه
لك ورودى رمزا لوفائى فاقبلها منى وتذكرونا دائما لو فرقتنا الايام
ربي يوفقك في حياتك .. ويهنيك ...
ربى يعيشك اختى و الله كلمات كيما يقولك ليست كأي كلمات
عندها وقع كبير و راح تخلى بون سوفونير من الخدمة لى خدمتها معاكم
هذا كلام ما يطلع غير من قلب صافى حنين طيب و نقي و هاذى حاجة عرفتها فيك من قبل
مرسى بوكو و راكى تسالينى قرعة كوكا كولا هههههه
وهنا مانقولش وداعا ... نقولك الى اللقاء القريب
يعطيك الصحة أختى
هكذا تعجبينى اكثر
نقولك انا تانى ان شاء الله نتلاقاو فى برامج أخرى علاش لالا بالك نعمل ليكم أسمها فتافيت ههههههههه
و نقصرو و نضحكو فيها
ودوركا خلاص ماتخاف من تقرعيجي ماوالو هاهم كملو الحلقات
راني نزعق برك
آووووف رحمة ربى تهنيت منك ههههه
نضحك برك اختى راكى تعرفى و انا موصيك على الردود الطويلة هاذى
كل ما نشوف رد نجيب فيها تارموس تاع قهوة على خاطر القعدة راح تطول معاك ههههه
Mrc Bcp
ســـــــــــــــــــلام

و عليكم السلام و رحمة الله​

-------------------------

 

[Jagwar]

من الصباح وانا معاها حتان حملتها :yahoo::yahoo::yahoo:​

قاوي سمسوم،، وتبقى قاوي،، وواحد ميطيرهالك​

يعطيك الصحة، وتستاهل كلش، واهمو التقدير، الشيء للي هنا كامل قليل عليك​

ضرك نشوفولك وسام يليق بيك :yahoo::yahoo:​

هههه مرسى اسراء يعطيك الصحة
ما زلتى غير انتى مطيرتهالى و ما قدرتش و ما نقدرش نطيرهالك أنتى أقوى منى بزاف ، مرسى عليك اختى الفحلة
و بالنسبة للوسام رانى خديتو كى تعرفت عليكم انتوما خاوتى هذا راه أكبر وسام بالنسبة ليا
مرسى عليك اختى و نشوفك على خير
صحا فطورك
باااااااااي







​

 

[فؤاد الورقلي]

سلام
هههههههههههههههههههه
فور يا ميسي
ديما متالق
ربي يوفقك ويجازيك
​

 

[Jagwar]

سلااااااام
و عليكم السلام و رحمة الله
اهلا بيك اختى الفحلة :yahoo:
خويا نتا كنت فور و مازالك فور و تريح دايما فور
:yahoo: :yahoo: :yahoo:
مرسى عليك اختى ربى يحفضك على كلامك الزين الموزون
مرسي على الحلقة تاع ليوم
العفو اختى هذا واجبى و اقل حاجة نقدمهم لأحلى أعضاء هنا
و نتمنالك الشفاء العاجل
يشفيك يعيشك اختى مرسى
و رانا خايفين مانزيدوش نشوفوك بالاك تكيتينا ههههههه نضحك برك
شكراااااااا ليك
هههه أيا خلاص كى قلتى نضحك برك
سينون نضرب راسى على الحيط تخرج
لاGـريP على وذنى هههه
ان شاء الله رانى معاكم هنا ما عندى وين راح نروح
و بالمناسبة كملى انتى تانى مواضيعك ما تديش على كلام بالأعضاء لى عقلهم صغير و يشوفو غير واش يساعدهم هوما ، النا رانى قريت الموضوع تاعك البارح و عجبنى و عجبتنى الفكرة و النكتة ماشى مضمونها الحقيقى كيما فهموها بعض الاعضاء
راكى فوور انتى تانى و دمك خفيف و عسل ما شاء الله
و قلت بزاف حوايج لي عجبوني بزاف و علمتنا بزاف حوايج
و وريتلنا الناس كي يخبطهوم رمضان كيفاش يكونو ههههههه
و عندك الحق فكولش مي بصح راني خايفة الزواج ف 2015 يكون عندك الحق تاني هههه
هههه وحدة دمها زي الشربات و دمها خفيف كيفكط انتى ما عندك علاه تخافى على روحك ، المليح يدى المليح و الراكاي عندو الراكاي
و ان شاء الله من للوقت هذاك ما يكون غير الخير
شكرا لك يا ميسي بومب الجمهرير هههه
هههه لحقك لخبر هههه
العفو اختى الجمهريرة :yahoo:
قد ما نسمع الحلقات ديالك ما نكرهش و الله
شكرا على الاهداءات
بلا مزية هذا اقل واجب نديره للاعضاء لى وقفو معايا و شجعونى
و انتى سجلتى جديدة و عملتى حالة الله يبارك ، خليك دايما هكا Top
و نشوفوك بخير و على خير نشاله
شكرا لك بزاف بزاف
انما لى نشكرك اختى على كلامك الزين لى قلتيه ليا كامل
مرسى بوكو بوكو عليك
نشوفك فى برامج اخرى ان شاء الله
لكى منى اجمل تحية و احر سلام
صحا فطورك

--------------------------















​

 

[Jagwar]

مشكور على كل المجهودات الي قمت بها وجزاك الله عنا كل خير ضحكتنا ودخلتنا البسمة تعيش خويا ميسي بومب صحيح انو يحزننا انو تكون هاذي الحلقة الاخير بصح الاكيد انك مازلت هنا ومتحرمناش من افكارك الرائعة والشيقة

ربى يحفضك اختى زهيرة
مرسى بوكو على كلامك الزين و المشجع ، يعطيك الصحة انتى تانى لى قعدتى معايا فى الحلقات كل
تحياتى ليك و نتلاقاو ان شاء الله فى برامج اخرى جديدة
صحا فطورك و صحا رمضانك و كل عام و انتى بخير اختى
سلام




​

 

[Jagwar]

ايييييييييييييه وربي ينزل الشفاء ان شاء الله​

يشفيك يعيشك اختى مرسى بوكو ربى يحفضك



​

 

[Jagwar]

شاءت الأقدار أن أكون بعيدة عن ابداعاتك أخي أسامة
وعندنا يوم آخر حلقة لك
ربي يجيبلك الشفاء العاجل وربي يحفظك
ننتظر المزيد منك وانشاء الله يكون في حضوري

سلمت يداك

يشفيك يعيشك اختى الفحلة
معليش المرة هاذى ما كنتيش معانا فى الحلقات هادو ان شاء الله نتلاقاو فى برامج أخرين رانا مازلنا مع بعضنا هنا فى المنتدى

تحياتى ليك و نشوفك على خير
سلام





​

 

[Jagwar]

خويا نتا كنت فور و مازالك فور والله انت راك قنبلة المنتديات
مرسي على الحلقة تاع ليوم ويؤسفنا انها الحلقة الاخيرة
و نتمنالك الشفاء العاجل ان شاء الله

يشفيك يعيشك اختى الغالية
مرسى عليك و على كلامك الزين لى قلتيه
ربى يحفضك و يخليك لوالديك و لينا و للمنتدى
تحياتى ليك و نشوفك على خير اختى
سلام





​

 

[Jagwar]

شكرا اخي والله غير فور بصح غادي نتوحشك بزاف ربي يجيبلك الشفاء وراني نستني في الجديد نتاعك

يشفيك يعيشك اختى
يتوحشك الخير أنا تانى راح نتوحشكم بصح معليش رانا ما زلنا هنا مع بعضنا فى المنتدى ، و ان شاء الله نرتاح شوية و يكون فيها جديد

صحا فطورك و صحا رمضانك
سلام




​