والله ماراني عارفة كيفاش ندير معاه ...

[beautiful -soul]

مساء الخير
صحا رمضانكم وصحا فطوركم...وان شاء الله تكونو بيان
...!
حبيت نحكي على المشكل انتاعي مع بابا ...صايي والله ماراني عارفة كيفاش ندير معاه
علاقتي معاه ماشي مليحة خلاص لدرجة اني عندي 4شهر ماشفتو ماحكيت معاه وآخر يوم لي شفتو فيه ماجازش على خير ...
الخميس لي فات 19-08-2010ريحت مع روحي و قلت يعني رمضان هادا هو الوقت لي الناس فيه تتسامح لازم نعيطلو ونحكي معاه ..نسقسي عليه ..مالgري تو هادا بابا...
المهم حطيت لي بروبلام اpار وعيطتلو.. ماريpونداش عليا زدت زمان وعاودتلو كوpا عليا.. قلت انا في بالي راه خدام مانديرونجيهش خلي نبعتلو ميساج..!!
من بعدها جيست بيpاتلي اختي عيطتلها حكيت معاها ...و سقسيتها على بابا قاتلي راه لهنا في الدار عندو 15 يوم كونجي...!
بعد ماكوpيت من عند اختي بقيت غير نستنا فيه يعيطلي ...بعتلي ميساج قالي رني بيان الحمد لله ماتقلقيش روحك وراني خدام ...!!!!
بقيت حايرة انتاع الصح...تقلقت عاودت عيطتلو ريpوندا عليا قتلو راك خدام؟قالي وي راني خدام كشما سحقيتي ...قتلو علاه راك تكدب عليا علابالي راك كونجي 15 يوم ..علاه عليك يا بابا ..
انا وش عملتلك حتان تعاملني هكدا ..قالي اسمحيلي من بعد ونعاودلك ...(بكل برودة)!!
ماعطالي حتى اهتمام سبحان الله ...تقول مارانيش بنتو...
والله غاضتني بزاف ...
ماطلبت منو حتى حاجة غير يكون الاب لي تتمناه اي وحدة اب يحن عليها ويسقسي عليها هادا ماكان ..........
...درت كلشي غير على خاطرو
قرايتي راحت غير على جالو...
الحاجة العزيزة عندي سمحت فيها ...
...على جالو لي راح نتغرَب
الدار وخرجت منها ...هادا كامل كي قاتلو المادام يا انا يا بنتك...
...!!!
الحمد لله لقيت عمي حلي باب دارو ودايرلي كي بنتو وكتر .....
هادا كامل ومارانيش مليحة ومايسقسيش عليا مش عارفة علاه تبدل هكدا معايا ...صح من قبل كنت بعيدة عليه شوية مي كانت علاقتي معاه علاقة اب وبنتو كان اوموان يحكي معايا ودركا والو رجع بعيد بزاف عليا ...
والله راه محسسني باي مارانيش انسانة مليحة ...
... والصح حبي ليه كأب راه ينقص كل يوم
...!
مارانيش عارفة كيفاش ندير معاه
...​

علابالي بلي راح يجي النهار ويندم ...مي يلقاها طفرت

...!!!​

 

[محـ أمين مد]

و الله لا دا مشكل كبير يا ختي ها نتي تاني لعبيها ماتحوسيش عليه حتى يتكاكا و ينضرب للراس و يقول بنتي مالها ماراهيش تسقسي عليا
ايا حتى تسمعي الاpال وصلاتك
و ربي يوفقك ان شاء الله
​

 

[حنان1990]

وش رايحا تديري أختي هادو راهم والدين يعني لازم عليك تبقاي تسقسي عليه حتى و لوكان ما يعاملكش مليح ياخي راهو هوا باباك انشاء الله ربي يهديه و يردو للصواب

 

[doyong]

سلام عليكم اختي .راني بزاف حاسة بيك .شفتي شحال قساو لقلوب .نقولك حاجة .ديري واجبك واحترميه pask باباك و الباقي خمي غير على مصلحتك .ما راح يندم ما والو نتي غير تبقاي تستناي فيه .و هاكا راحا تنجرحي بزاف surtout ادا طول و ربي يهدي باباك و يزيد معاه بابا

 

[kano88]

مهما دار مهما درر
يبقى باباك ...
لازمك ديما تحترميه ...
أنت و مالك لأبيك ...
أدعي ربي يهديه و متقلقيش روحك يجي النهار اللي يفيق
و يرجع لبنتو ...
آمين
و ربي يجيب الخير ان شاء الله​

 

[mir@cle]

أهلا وسهلا ختي ايمـ!!!!!!!!!!!!ن
أولا اللي تحكي عليه في موضوعك هو بابا ... يعني أكثر واحد فالدنيا يحبك ويحن عليك ويخاف على مصلحتك حتى لو مابينلكش هذا ... أنت لازمك يا ايمان تحاولي وتزيدي تحاولي وتزيدي تحاولي ... ماعليش دلعيه شوية .. ماتقوليلوش مثلا "وعلاه تكذب عليا ..علابالي راك كونجي 15 يوم :busted_red:" قوليلو " هههههههههه آآه منك يابابا آآآه...انت طول هكذا تحب الزعاقة؟؟؟ ههههههههه ، ياك انا علابالي باللي راك كونجي 15 يوم هههههههههه ختي قالتلي وكشفاتك يا بابا هههههه... والله صح قول قول راك كونجي ولا خدام؟؟ :heh: " .. هو يقلك "ههههههههههه أنت وحدك يا ايمو..راني صح كونجي ..وانت كيراكي توحششششتك !!:yahoo:"
تخيلي تقوليلو كلام مثل هذا ..صدقيني الكلام الجميل يكسر الحجر فما بالك بقلب ابوك اللي يحبك
هو ممكن يكون ثاني زعفان منك في حاجة ... أو زعفان لأنك غبتي عليه اربع شهور بلا ماسقسيتي عليه ...أكيد بعد ماتسقسي عليه بعد هذي المدة راح يقابلك ببرودة خطراش أنت ثاني تعاملي معاه ببرودة من الأول وغبتي عليه كل هذي المدة
وبغض النضر على اللي دارو فواجبك يا ختي ايمان ماتعامليهش معاملة سيئة مهما دارلك، احنا نشوفو في امثلة قدامنا تاع آباء في منتهى القسوة ورغم هذا ابناءهم طايعينهم ويعملوهم معاملة حسنة...
وانت يا ختي ايمان مهما طال الزمن يجي وقت اللي رايحة تعيشي بعيدة عليه..ومبعد تفارقيه بعد عمر طويل ان شاء الله فماتخليهش وهو غضبان عليك..... ماعليش أعفسي على قلبك وعلى كرامتك وزيدي اطلبي منو السماح مع ان هذا مش راح ينقص من كرامتك شئ مادام يتعلق الأمر بأبوك
صدقيني أنت لو كان موضوعك يتعلق بخطيبك مثلا نقولك "خليه يا ايمان يخبط راسو على حيط... طريق السد تدي ماترد" بالصح الأمر هنا يختلف...يختلف تماما!!
​

 

[نور الصباح الجزائرية]

لاحول ولا قوة الا بالله
اختى مهما قال و فعل يبقى ابوك ثم ان الواصل لا يصل من وصله بل يصل من قطعه لذالك يااختى سقسي عليه انت تدى الاجر منو و ماتعرفيش بلاك يجي نهار الى يحتاج و مايلقاش الى يوقف معاه من غيرك اختى اصبري الدنيا فانية

 

[super-jasmine]

ماتخافيش ايمان راه قريب الوقت لي راح يندم فيه و كيما قلتي يلقاها طفرت
ربي يهديه

 

[@احساس طفلة@]

معليش راح يجي النهار ويحس بالغلط تاعو
انتي برك أصبري عليه وخليك مليحة معاه
مهما يكون هاد الاب تاعك وبر الوالدين واجب​

 

[FoFo95]

ربي يهديه و يجي نهار ويندم واش راه يدير فيك ويولي حنين معاك انتي ماعليك غير تصبري وتدعي ربي يقربك ليه ان شاء الله
ربي يعاونك

 

[someone_s]

الله يهديه و يجي النهار و يتكاكا وحدو و ماكاش منها بلي ماراهو حاس بوالو سور راهو نادم مهما يكون نتي بنتو و الكبدة ديالو يحس يحس مام نتي ختي مهما يكون باباك و الشيطان راهو يدير بيناتكم هادو الوالدين ربي وصانا عليهم مهما دارو و مهما يديرو ما تعانديهمش نتي ديري الواجب ديالك كابنتة و اجرك على الله ربي راهو يشوف و هو اللي يجازي
الله يهنيك حنونة

 

[aMiNa-K]

السلام عليكم

يا اختي ماقدرتش نحط روحي في بلاصتك
بصح هدا باباك .. مليح و لا ماشي مليح يبقى باباك

ماتعانديهش في الهدرة و سايسيه لو ماكسيموم .. كما كنتي علابالك بلي راهو كونجي و هو قالك راهو خدام .. ديريلو على قوسطوه ماشي تعانديه و تكبري المشكل بيناتكم

ربي يفرج عليك ​

 

[سماح4]

ربي يفرج عليك اختي ،حاولي تكوني مليحة معاه على قدر المستطاع مهما كان فالانسان راه بعقلو ويقدر يفرق بين الخير والشر وكي تديري الخير تأكدي مهما خبى مشاعرو تجاهك يجي نهار ويستعرف بيك.
نتمنالك السعادة وراحة البال ،..........

 

[ISMA.dz]

واش من أب يبقى بعيد على كبدتو !!!!!هاذي هي الدنيا امتحان وهذا هو امتحانك انتي اصبري واليامات تبدل كلشي ديري ربي في قلبك وكل حاجة تنحل انشالله عمرو الدم مايولي ما هاذي فترة وتجوز انشالله واللي يحب يفرق بين اللحم والظفر يقطعو ربي ووكلي عليه مولاك
حبيبتي هاذي هي الدنيا صعيبة تصفعك لكن توريلك وتعلمك أكيد تعلمتي من هذي الفترة لكن ماتخليهاش تقسحلك قلبك على باباك ردي بالك........
ربي معاك استغلي شهر الرحمة في الدعاء ربي يفرج عليك
في أمــــــــــــــــــان الله

 

[sam11]

والله ياختي مشكل كبير وصعيب هو باباك ما تقدري ديري والو

ماعليك غير تصبري وتطلبي ربي يهدي مرتو وترجع لعقلها وهو يحن عليك

وانتي ابقاي سقسي عليه وتفكريه دايما وادعي ليه ربي يحنن قلبو عليك

وبرك هدا باباك مهما عمل لازم تتحملي ربي يكون في عونك

 

[beautiful -soul]

و الله لا دا مشكل كبير يا ختي ها نتي تاني لعبيها ماتحوسيش عليه حتى يتكاكا و ينضرب للراس و يقول بنتي مالها ماراهيش تسقسي عليا

ايا حتى تسمعي الاpال وصلاتك
و ربي يوفقك ان شاء الله​

...
والله يا خويا سييت شحال من مرة اني مانسقسيش عليه
مي قلبي والله مايهنيني ...نبقا مقلقة مش متهنية !!
...
ان شاء الله يا خويا ..
..وربي يخليك على الرد انتاعك
تحياتي ليك..
...سلام!​

 

[beautiful -soul]

وش رايحا تديري أختي هادو راهم والدين يعني لازم عليك تبقاي تسقسي عليه حتى و لوكان ما يعاملكش مليح ياخي راهو هوا باباك انشاء الله ربي يهديه و يردو للصواب

...
علابالي حنونة مانقدر ندير والو ...
...راني صابرة
ان شاء الله ربي يهديه...
يعيشك حنونة..
..تحياتي ليك
سلام!!​

 

[احلام ضائعة]

والله اختي واش نقلك المشكل نتاعك كيف المشكل نتاعي ولا راكي مع باباك برك انا دارنا كامل مانحكيش معاهم ياك حاكم بيتي وقاعدة والله راني عايشة في مرار

 

[beautiful -soul]

سلام عليكم اختي .راني بزاف حاسة بيك .شفتي شحال قساو لقلوب .نقولك حاجة .ديري واجبك واحترميه pask باباك و الباقي خمي غير على مصلحتك .ما راح يندم ما والو نتي غير تبقاي تستناي فيه .و هاكا راحا تنجرحي بزاف surtout ادا طول و ربي يهدي باباك و يزيد معاه بابا

...
والله تعرفي ساعات نقول عندو حجرة ماشي قلب !
...سيرتو كي يتعامل معايا بكل برودة ...
والله تغيضني روحي بزاف
...علابالك هادي هي الحاجة لي راني خايفة منها
هي انو ماراح يندم ماعلابالو بيا ...
...
ان شاء الله يا ربي يسمع منَك
...ربي يهديهم
تعيشي حبيبتي..ربي يحضك
مرورك اسعدني بزاف
...
تحياتي ليك
سلام!!​

 

[beautiful -soul]

مهما دار مهما درر

يبقى باباك ...
لازمك ديما تحترميه ...
أنت و مالك لأبيك ...
أدعي ربي يهديه و متقلقيش روحك يجي النهار اللي يفيق
و يرجع لبنتو ...
آمين

و ربي يجيب الخير ان شاء الله​

...
علابالي يا خويا الاب يبقا اب مهما صرا ومهما عمل...
...والله نقولك الصح خويا الاحترام ماشكيتش بقا بيناتنا
الله غالب...
هادي جات الصح منَي انا ومنَو ...!
صراو بزاف صوالح خلات الاحترام زال تقدر تقول نهائيا
...والله توجور ندعي ربي يهديه قبل ماتطفر
ان شاء الله يا رب...
...
مرسي ليك خويا على الرد انتاعك
تحياتي ليك..
..سلام!!​