والله ماراني عارفة كيفاش ندير معاه ...

[فراشة الايمان]

أهلا وسهلا ختي ايمـ!!!!!!!!!!!!ن

أولا اللي تحكي عليه في موضوعك هو بابا ... يعني أكثر واحد فالدنيا يحبك ويحن عليك ويخاف على مصلحتك حتى لو مابينلكش هذا ... أنت لازمك يا ايمان تحاولي وتزيدي تحاولي وتزيدي تحاولي ... ماعليش دلعيه شوية .. ماتقوليلوش مثلا "وعلاه تكذب عليا ..علابالي راك كونجي 15 يوم :busted_red:" قوليلو " هههههههههه آآه منك يابابا آآآه...انت طول هكذا تحب الزعاقة؟؟؟ ههههههههه ، ياك انا علابالي باللي راك كونجي 15 يوم هههههههههه ختي قالتلي وكشفاتك يا بابا هههههه... والله صح قول قول راك كونجي ولا خدام؟؟ :heh: " .. هو يقلك "ههههههههههه أنت وحدك يا ايمو..راني صح كونجي ..وانت كيراكي توحششششتك !!:yahoo:"
تخيلي تقوليلو كلام مثل هذا ..صدقيني الكلام الجميل يكسر الحجر فما بالك بقلب ابوك اللي يحبك
هو ممكن يكون ثاني زعفان منك في حاجة ... أو زعفان لأنك غبتي عليه اربع شهور بلا ماسقسيتي عليه ...أكيد بعد ماتسقسي عليه بعد هذي المدة راح يقابلك ببرودة خطراش أنت ثاني تعاملي معاه ببرودة من الأول وغبتي عليه كل هذي المدة
وبغض النضر على اللي دارو فواجبك يا ختي ايمان ماتعامليهش معاملة سيئة مهما دارلك، احنا نشوفو في امثلة قدامنا تاع آباء في منتهى القسوة ورغم هذا ابناءهم طايعينهم ويعملوهم معاملة حسنة...
وانت يا ختي ايمان مهما طال الزمن يجي وقت اللي رايحة تعيشي بعيدة عليه..ومبعد تفارقيه بعد عمر طويل ان شاء الله فماتخليهش وهو غضبان عليك..... ماعليش أعفسي على قلبك وعلى كرامتك وزيدي اطلبي منو السماح مع ان هذا مش راح ينقص من كرامتك شئ مادام يتعلق الأمر بأبوك
صدقيني أنت لو كان موضوعك يتعلق بخطيبك مثلا نقولك "خليه يا ايمان يخبط راسو على حيط... طريق السد تدي ماترد" بالصح الأمر هنا يختلف...يختلف تماما!!​

و الله كلامكـ في الصوآب :heh:

 

[beautiful -soul]

و الله كلامكـ في الصوآب :heh:

...
...وي عندك الحق ختي
كلامو صحيح..!!
...يعطيك الصحة
تحياتي ليك..
سلام!!​

 

[samiro_02]

ربي يهديه إن شاء الله . و أنتي سقسي عليه و صايي اربحي الحسنات و هو وحدو كاش نهار و يتفكر و يرجع ليك إن شاء الله . اصبري و ادعي ربي . و ما تزعفيش روحك بزاف لأنو هكذاك راكي تقتلي غير في روحك

 

[riadh bba]

معليش ياايمان مالgري تو هدا باباك اصبري عليه ومنظنش الوالدين مايحبوش ولادهم من لحمهم ودمهم بالاك ظروفو ماشي مليحة

 

[beautiful -soul]

ربي يهديه إن شاء الله . و أنتي سقسي عليه و صايي اربحي الحسنات و هو وحدو كاش نهار و يتفكر و يرجع ليك إن شاء الله . اصبري و ادعي ربي . و ما تزعفيش روحك بزاف لأنو هكذاك راكي تقتلي غير في روحك

.........ان شاء الله يا خويا
ربي يهدينا gاع....
يعطيك الصحة
..تحياتي ليك
سلام!!​

معليش ياايمان مالgري تو هدا باباك اصبري عليه ومنظنش الوالدين مايحبوش ولادهم من لحمهم ودمهم بالاك ظروفو ماشي مليحة

راني صابرة على هاد الشي يا خويا
عندي اب واحد ماشي عشرة......
...مرسي على الرد انتاعك
تحياتي ليك..
سلام!!
​

 

[الاحمد1987]

ماديري والو في بالك مهما كان راه باباك

 

[أمولة]

شوفي اختي ماكانش نعمة اعظم من نعمة الوالدين و مهما دار ماتنسايش بلي هدا باباك
حاولي معاه مرات و مرات و متياسيش و متنسايش تدعي ربي يفرج عليك
ديريلو حوايج يحبهم حتى يرضى
و فهمت بلي عندك مرت اب متهدريلوش كامل عليها لاني نظن بلي راهي مسيطرة عليه و معمرتلو راسو
بالخرطي
ختي انت حاولي برك تدي رضاه
لان رضا الوالدين من رضا الله
ربي يريحك و يهنيك حنونة

 

[naGam]

اختي انتي باباك ربي يهديه
وماترفديش منوا مهما كان يبقى باباك
والشيطان برك يخدملوا فيها
والحمد لله ربي عوضك خر
الحمد للله كيما كنتي تقولي عندك عمك ربي يخليهولك مدايرلك احسن من باباك
والعم تاني عوض الاب
والحمد لله عمك ماحسسك بلي بنتوا
وماكالاه ديري في بالك عيشي حياتك
وواصلي دراستك بالمراسلة
وادخلي كاش تكوين
وتعلمي كاش حرفة تفيدك في المستقبل
​