ادخلي من البالكو ومتطليش مرة جاية فهمتي او عيب

[يسرى 2008]

السلام عليكم
وشراكم يا اعضاء اللمة ايا بيا
معندو مبقا على الماكلة اصبرو برك
انا اليوم جيت رايحة نطل من البالكو
قالك خويا من التحت قالي يا طفلة وش تعملي ادخلي
جيت رايحة نعملو حالا مي قلت جيران تسمع ودخلت مع انو طيحلي قيمتي هكا
ايه ومبعد جيت رايحة نطل في الليل
قالي كيفاه خلقك ربي تطلي في الليل
قلتلو اي وشبيك حبيت نشم هواء
قالي مكانش شمان هوا تقعدي في الدار
قلتلو والله هادي ملاحة مالا انت متخرجش واقعد في الدار خلي نوانسو بعضانا
مي كي سقسيتو وشبيك متخلينيش نطل قالي
انا كي نشوف طفلة تطل في البالكو اونديري تفكر في طفل كي قاعدة تطل والرجالة يشوفو فيها
يقلي انا نلعن البنات الي يطلو منحبش اختي يلعنوها الغاشي
انا الحق كنت عنيدة مي من نهار الي سمعت الهدرة هادي
حبيت نعرف وين الحل
يقطعولنا الخرجة وقلنا اوك
يقطعولنا التحواس اوك
الطلان اوك
النيت والهدرة في الماسنجر اوك
مالا وش نعمل نقعد نعيش في القرن 4
وش رايكم في العقلية هادي

 

[BARCA232]

السلام عليكم ورحمة الله تعالى وبركاته
شوفي يسرى
ماهوش المشكل في الطل وفي المسان والنت
لكن واش هو الهدف من الطل والنت
كان هدف سامي منها ولا غير الشكيل
شكرا لك
راكي مزهية الحالة
​

 

[dana1993]

السلام عليكم
اخوك عندو الحق 100/100
اصلا تطلي تلقاي الف تراس هز عينيه
ياختي واش نقولك الحالة تمشي و تصعاب و لازم نسايروها
واش راح نديرو لوكان علابالهم لي فيها الصلاح ميقلوش لالا
بصح رانا عايشين وشايفين
ربي يلطف بينا ويسترنا اختي
صحا فطورك يا غالية

 

[بنـ MaPa ـت]

مانخدمش التواقي بزاف
غير كي نولي نبكي نوقف شويا
باش يشوفو العالم كي راني نسوفري هههه
مرسي حنونة
صح فطورك
​

 

[hind*alg-]

ايه عندو لحق خوك:surrender:
تخرجي طلي يولو هوما لي يطلو عليك:no_1:
كي يديق خاطرك قوليلو يخرجك تحوسي خير:wink:
تقبلي مروري​

 

[هشام مادي]

اخرجي ومتطليش من البالكو على خاطر الطفلة فالدار تجدب الانظار اكثر من برة.
صح فطورك اختي واسمعي لخوك.

 

[ماكانش]

يعطيك الصحة يسرى
الطفلة خلقها ربي بالفطرة تاع الوقار في البيت
الطفلة مكانها الأصلي البيت وأبدا الطفلة تتقلق من البيت إلا إذا فسدت الفطرة تاعها
ومن الجهة الشعب تاعنا ماشي متربي
كي يشوفو وحدة طل من البالكو ياكلوها بعينيهم ويقابلوها ويبداو الشرات ويخرجو التيليفونات ووو هههههههه​

 

[amina-02]

طولي مالبالكو راهم يسكانوك عينيهم ردار

من رايي غزني مور الباش ولا البرسيان و طلي بنص عين هكا مايشوفوك مايقعدو بقيمو

راكي تعرفي الحالة عندنا كيفاه دايرة​

 

[nassim007]

خووووووووك و اكيد راه في صلاحك
​

 

[imanesali1]

ايه عندو لحق خوك

 

[chaquerre]

خوك إيغير عليك وماذا بيه واحد مايحكيش عليك هدرة ماشي مليحة و راكي عارفة

 

[الحاج الطيف]

متراعهلهمش
​

 

[يسرى 2008]

نشكركم على الرد ورانا قابلين هههه وش نعملو

 

[الخيزران]

احمدي ربي اختي يسرا .
خرين بناو لاخواتاتهم البالكو بالطوب رجعوه طاقة صغيرة
واخرين دايرين الباروداج ومن فوقو باش خشين الهوا ما يفوتش

 

[يسرى 2008]

هههه وي عابالي مي احنا في عنابة البلاصة الي عايشين فيها تاع مسيفيليزين مكانش حرمة خلاه

 

[الخيزران]

ما بقاتش بلاصة في دزاير كاملة من الشق للشق ماهيش مسيفيليزية
كامل فاتت علينا الحضارة لي ما توشاتوش شم ريحتها

 

[يسرى 2008]

شفتي اختي مي الي يقعد كافي خير

 

[حنان1990]

راني معاك في هادي انا خويا ما يقول والو عالطلان
و انا تاني كي كنت في عنابة و جيت نطل جا واحد معدي قاللي وش انتي ما تحشميش طفلة وتطلي حسيت روحي مدايرا جريمة من هاداك النهار حرمت نفوت عالبالكون

 

[يسرى 2008]

شفتي عنابة هي معروفة ربي يهدي

 

[sisou023]

خوك كون مايخافش عليك ميقلش هكا حتى انا كي نروح عند جدة نبغي نطل تشبعني هدرة تقلي مشي مليح