شكون اللي تفرج الكاميرا كاشي نتاع اليوم ؟

[ياسمين بنت الجزائر]

تهبل قتلتني بالضحك كانت مليحا خاطر عنتوري فيها
مرسي

العفو خيتي حنان يعطيك الصحة على المرور

 

[ياسمين بنت الجزائر]

يــــاها قصدك شكون لي ماتفرجهاش
انا من بدايه رمضان نسنى غير في حلقة عنتر ني قعدان ني عتيقه

ههههه سما من ورايح ماراحش تتفرجيها هكا ؟؟

 

[ياسمين بنت الجزائر]

عجبكم عنتر ولا عجبتكم الكاميرا كاشي ؟


ياخي حالة ياخي​

لالا حنونة عجبتنا الكاميرا بصح علاه الكاميرا تضحًّكنا وحدها؟؟ لوكان ماكانش عنتر فيها

 

[ياسمين بنت الجزائر]

روووووووووووووووووووووووووووووووووووعة والله يقتل بالضحك عنتر صبراتو الكميرا برك ههههه راجل ونص​

و الله عندك الحق غير يقتل بالضحك
صحيتي زهيرة على مرورك

 

[ياسمين بنت الجزائر]

عنتر يحيى من مواليد بلفور الي في الحراش ولا كي قالو راني نشوف بلي زياني يمدلك البالون غير انت ماشي زعما لانو نسيبك؟؟

ولا منين راح ضربها بدوش وقالو راهو كاين الجال تم​

يعطيك الصحة خويا على المرور

 

[ياسمين بنت الجزائر]

يا عمري على عنتر يهبل عجبني مات بالضحك على حكيم هههههههههه هايلة تاع الصح

هههههههههههه

 

[ياسمين بنت الجزائر]

لا لا هادي ماشي كاميرا كاشي خلاص
في الكاميرا كاشي تقلق لي تحوس تديرلو القالب
يعني تخليه يغلي ماشي تضحكو ومبعد تقولو راك في كاميرا كاشي
ماجاياش جايحة شوية ومتضحكش ايماجيني كون قلقو عنتر وناد وصرات ديغا
متضحكش كثر علي هادا ماعجبتنيش هاد السلسلة نع الكاميرا كاشي
واش داني ........ هههههههههههههه مكان مكان وميرسي خويا

ههههههههههه أختك ماشي خوك ،، معليش
يعطيك الصحة خويا نورت الموضوع

 

[Soumia_Sétifienne]

عنتر وحدوووووووووووووووووو ههههههههههههههههههههههههه فووور بزااااف

 

[ياسمين بنت الجزائر]

قبل البداية يقوم حكيم و كريم بوضع الضيف عنتر يحي في الجو العام للحوار، و هذا قصد... إراحته و تحضيره لما هو آت. كريم: ياك معليش نهدرو بالدارجة.. تساعدك الدارجة؟voila Antar, on va faire une interview qui sort un peu de l'ordinaire..عنتر:................................حكيم: رايحين انديروinterviewعادي،كي شغل راك قاعد مع اصحابك،méme les questions نعطوك أسئلة ساهلة. تساعدك أسئلة ساهلة؟عنتر:..............................حكيم: soyez a l'aise ،دير روحك كي شغل ما راكش عند روحك.. aya la technique nebdaw ncamiriw ?الكاميرمان: ça tourne... actionيبدأ التصوير في نظر الضيفكريم:

(للكاميرا) مسلخير اعليكم مشاهدينا الأعزاء. ضيفنا اليوم بطل من أبطال
الجزائر، واحد من طينة الكبار، كبار هذا الوطن. فنان بأتم معنى الكلمة،
كيف لا و هو صخرة دفاع الجزائر .حكيم: نعم، هو الذي تهفو له الأفئدة،
تشرئبٌ له الأعناق و تخفق لتسديداته قلوب في صراع. يشبه في قوٌته و بأسه ،
عنترة ابن شدٌاد العبسي. عنتر يحي. إنٌه لا يقذف كثيرا بل يدافع، يدافع
كجندي في ساحات الوغى، و لكنٌه حين يقذف فهي الصواريخ التي تصيب مكامن
الشيطان. هو الذي قال فيه الشاعريدْعُـونَ عَنْتَرَ والرِّماحُ
كأَنَّهـا... أشْطَـانُ بِئْـرٍ في لَبانِ الأَدْهَـم.مازِلْـتُ
أَرْمِيهُـمْ بِثُغْرَةِ نَحْـرِهِ...ولِبـانِهِ حَتَّـى تَسَـرْبَلَ
بِالـدَّمِ.( لعنتر) كيف يرى يحي هذه المقدٌمة الرائعة ؟عنتر: ....................:حكيم:
للكاميرا ولد عنتر يوم الأحد21 مارس 1982؟ نعم 82 ، على الساعة الحادية
عشرة و تسعة و خمسين دقيقة بالضبط، في السنة التي شاركت فيها الجزائر في
أول مونديال لها، مونديال إسبانيا و ملحمة خيخون. ليست صدفة سيٌداتي سادتي
التاريخ يعيد نفسه مع هذا العنتر الذي أهٌل الجزائر لمونديال جنوب إفريقيا
عبر بوابة اسمها ملحمة أم درمان.كريم: ولد عنتر يحي بحي بلفورحكيم: (مقاطعا للكاميرا) نعم. ولد عنتر و ترعرع في حي بلفور المتواجد في مقاطعة الحراش في ضواحي العاصمة.يتدخٌل الصحفيٌ التي لاحظ حرج عنتر يحي و يكلٌم على حدة.كريم: للكاميراعلى حدة لحكيم واشبيك حكيم؟ شويٌة بعدة؟ الحرٌاش؟ منين جبتها حكيم: وعلاش بلفور جايٌة في باب الواد؟كريم: بلفور تع ميلوز في فرنسا.حكيم: اغلطت. مانيش مكونسونطريbien pardon Antar.عنتر: .........................كريم: و نقٌص شويٌة من ذيك العربيٌة القاسحة ديالك، quand même ما راكش قاعد مع الشنفرة.حكيم: d'accord..؟ خلاص افهمتيتسمى انهبٌط الniveauكريم: pardon Antar.. On continue?عنتر:.....................الكاميرمان: c bonكريم: ولد عنتر يحي بحي بلفور بمدينة ميلوز الفرنسيٌة حكيم: نعم فرنسيٌة و لكن من أبوين جزائريين أبا عن جد. هو ابن سدراتة ، شاوي ملحرار مرحبا بيك معانا عنتر يحيعنتر:.....................حكيم: واش راه عمي بوساحة ؟عنتر: .....................حكيم: و خالتي فاطمة الزهراء ربٌي ايطوٌل في عمرها؟عنتر:...............حكيم: المادام؟عنتر:..................حكيم: الدراري؟عنتر:................كريم: اتوحشناك و اتوحشك الجمهور الجزائري، هادي غيبة.عنتر:.......................كريم: نبداو الحوار منles débutsديالك. في طفولتك عنتر يعني في صغرك، كرة القدم كانت ليك مجرٌد لعبة ولاٌ شي آخر؟عنتر: ......................حكيم: عنتر يحي.. واش رايك كي كنت صغير؟عنتر: ............................حكيم: حبٌيت نقول، كي كنت دراري، عنتر يحي كان عارف روحو رايح يرجع عنتر يحي؟عنتر: ....................................كريم: زميلي حكيم حاب يقول..كنت عارف روحك رايح ترجع نجم كبير؟عنتر:...............................كريم: لو نتكلٌم شويٌة على مسارك الاحترافي. votre parcours professionnel..من
1996 لسنة 2000 كنت في FC Sochaux بفرنسا، بعد هذا مرٌيت لمدٌة قصيرة على
inter milan بإيطاليا. و من 2001 إلى 2005 أرجعت لفرنسا و العبت لكل من SC
Bastia ثم OGC Nice و المعروف أن مدرب OGC Nice، السيٌد "فريديريك
أونتونيتي" دارلك بعض المشاكل لما كان يحرمك من اللعب كأساسي، و هذا هو
السبب اللٌي خلاٌك تغادر فرنسا مرٌة أخرى و الالتحاقبنادي بوخوم الألماني.. ما نسينا والو عنتر؟عنتر:................................... حكيم:
(مقاطعا) قولي عنتر يحي.. المشاكل اللٌي اصراتلك مع النوادي الفرنسيٌة
ماهيش على خاطر أنت جزائري و مسلم؟ قولي الصح؟ و هل النوادي الألمانية و
من بينها بوخوم ما تتعاملش بعنصريٌة؟عنتر:...............................كريم:
نروحوا الأن للفريق الوطني؟ التحقت بالفريق الوطني في15 جانفي 2004، واش
حسٌيت و أنت تحمل ألوان الجزائر لأوٌل مرٌة
؟عنتر:...............................حكيم: على حساب رأيك، و بلى
ما تحسب مقابلات نهائيات كأس العالم 2010، لأنو هذا الحصٌة رايحة تجوز بعد
المونديال. ماهي أجمل المباريات اللٌي أدٌاها عنتر يحي مع المنتخب الوطني؟
ابقاو معانا و الإجابة مع عنتر بعد الفاصل.أثناء الفاصل،تقوم كريم بترجمة سؤال حكيم الأخير.كريم: ça va jusque la antar ?عنتر:................................حكيم: ça va jusque la antar ?عنتر:.........................حكيم: ( للكاميرمان) يا اللٌه جماعة نكاميريو؟:الكاميرمان:actionحكيم: ماهو جوابك عنتر على السؤال اللٌي اطرحناه قبل الفاصل؟عنتر:................................. كريم: كيفاش عشت مباراة القاهرة في تصفيات كأس العالم عنتر؟il y'avait de la pression sur vous ?عنتر:................................ حكيم: الهدف اللٌي سجٌلتو في أم درمان.. سجٌلت و انت مصابVous étiez en blessure على ما أظن.عنتر:...............................حكيم: وmalgré ذلك سجٌلت بقذفة فاقت السرعة انتاعها، 100 كلم a l'heure، بوم عنتر يحي كيما قال حفيظ درٌاجي اللٌه يذكرو على خير. على بالك عنتر ، بلٌي راك قطٌعت "الفيلي" بالقذفة الصاروخيٌة انتاعك؟عنتر:................................حكيم: نعم، عندنا الدليل القاطع الذي لا يحمل الشك بلٌي قطٌعت الفيلي..للكاميرا
مشاهدينا الأشاوس، لكم و حصريا على التلفزيون الجزائري .. يخرج الفيلي و
يريه للجمهور الفيلي اللٌي قطٌعوا عنتر تشوفوه بعد الفاصل الكاميرمان:
coupeفترة يضن فيها عنتر أن الكاميرا لا تشتغل. حكيم: واش رايك خويا عنتر دوٌخناك، الفيلي و جبناه يا امحاينك.عنتر:........................................كريم: c'est vrai Antar, c'est un bout de filet de oum dermanعنتر:.........................حكيم: (مازحا) راني انخمٌم انبيعوا فيles enchères ..عنتر: ...................الكاميرمان: ça tourne djemaa.. Actionكريم: أنا كنت حاضرة فالسودان.. كي صفٌر الحكم نهاية المقابلة صدٌقني حسٌيت بواحد الإحساسjamais حسٌيتو من قبل.C'est comme une sorte de délivrance. ..واش حس عنتر يحي كي اخلاص الماتش؟عنتر:........................حكيم: في أوٌل تصريح ليك للتلفزيون الجزائريa chaud قلت بلادنا بلاد الرجال(صمت) ما خفتش النسا يزعفو؟عنتر: .......................كريم: كيفاش عشت استقبال الجمهور الجزايري ليكم كي ارجعتو مالسودان؟عنتر:.............................حكيم: ننتقل لموضوع واحد آخر.. عنتر يحي مبروك اعليك.عنتر:...........................حكيم: أنا كصحفي محترف لاحظت و الكل لاحظla complicité بينك و بين زيٌاني، ypassilek بزٌاف،و الدليل ، مثلا في أم درمانla passe taa el butجات من عند نسابكعنتر:..................حكيم: السؤال الذي يطرح نفسه هاهنا. هل نقدروا نعتبرو الهدف اللٌي سجٌلتو فالسودان هدف عائليun but familial؟عنتر:.......................كريم: كيفاش اتقيٌم مشاركة الجزائر في نهائيٌات كأس إفريقيا 2010؟عنتر: ........................حكيم: كي تكبر و تطيح بيك.. خمٌممت تدير "كاريار تع أونطرينور"؟عنتر:.........................كريم: اشكون يعجبك فاللاعبين العالميين؟عنتر:........................حكيم: اتحب "تونطريني" فالخارج ولاٌ في مسقط رأسك؟عنتر:.........................كريم: و بالنسبة للمدربين اشكون يعجبك؟ عنتر:.........................حكيم: قول الصح، شكون اتحب ايدربك سعدان ولاٌ كابيلو؟ عنتر:........................كريم: من غير كرة القدم، عنتر يحي يمارس رياضات أخرى؟عنتر: .......................حكيم:
كي يكون عنتر يحي مع الدار قاعد فالدار. يا هل ترى أنت من الناس اللٌي
يعاونو الدار فالمطبخ؟ ولاٌ من النوع اللٌي ما ايدخلش روحو فالدار، و
ايخلٌي الدار هوما ايدبٌرو راسهم فالدار؟عنتر:.........................حكيم: ( للكاميرا) و الأن سيداتي سادتي المشاهدين نصل لأهم ركن(لعنتر)« moi je dit , toi tu dit » أنا نقول و انت واش تقول. نعطيك ثلاثة أسئلة عنتر يحي،و تجاوبني اعليها بكل بصراحة.. avec toute frianchise، توعدني؟عنتر: ............................حكيم: أنا نقول عنتر يحي يتمنٌى يعيش فالدزاير و أنت واش تقول؟عنتر:...........................حكيم: السؤال الثاني الآن... أنا نقولla ligue des championsتع البطولة الوطنيٌة ما راهيش فالمستوى، و أنت واش تقول؟عنتر:.......................حكيم:
(للكاميرا) و السؤال الثالث و هو المهم و بلى ما انديرو فاصل أعزائي
المشاهدين (يستدير لعنتر) أنا نقول زوالي و افحل نموت و ما نقبلش الذل ، و
انت واش تقول؟عنتر:.........................الكاميرمان: coupe, changement de bobineفي الوقت الذي يقوم فيه الكاميرمان بتغيير الشريط.حكيم: أنا كمٌلتles questions دياوليكريم: ( لحكيم) أنا ما زلت.حكيم: ça c'est pas mon problèmeكريم: "سيٌي" تلقىd'autres questionsالكاميرمان: معليش وسيلة، je vais faire un grand plan ،غير اعليك أنت و عنتر.حكيم: مانيش فالchampياك؟الكاميرمان: tu n'est pas dans le champ hakimحكيم: très bienلوسيلة) اختمي الحوار وسيلة، هاي ليكم الكلمة الأخيرة)merci pour l'interview Antarعنتر:..........................الكاميرمان: je suis prés.كريم: أنا ثانالكاميرمان:actionتقوم كريم بالانفراد بعنتر لترك المجال لحكيم ( يجب أن ينساه عنتر) من خلال سلسلة أسئلة تترك عنتر يأخذ أكبر حيٌز من الوقت.كريم: عنتر يحي ماهي أسوأ تجربة عشتها في مسيرتك الاحترافيٌة؟عنتر:..........................كريم: و أجمل تجربة عشتها؟عنتر:..............................فجأة نكتشف حكيم و قد نام أثناء الحوار. و بدأ شخيره يسمع الشيء // الفريق يحاول إيقاظ حكيم..حكيم: ( يستيقظ) أه.. اسمحولي.. اعييت ( لعنتر) كاين وين نغسل وجهي اهنا؟عنتر:............................يقوم حكيم يدخل الحمام الكاميرمان يطلب من كريم.الكاميرمان: on continue karim ?عنتر:..........................الكاميرمان: ça tourne.... Action عنتر:...........................كريم: ( لعنتر) وين اتحب اتجوٌزles vacancesديالك عنتر؟كريم: ما فكٌرتش اتجي اتجوٌزles vacancesفي شواطئ الجزائر؟عنتر:...........................كريم: عنتر يحي يطالع؟ يقرا كتابات؟عنتر:............................كريم: واش اتحب تقرا بالضبط.عنتر:.................................... كريم: نتكلٌمو شويٌة علىla gastronomie..عندك طبق خاص اتحبٌو؟عنتر:....................................كريم: قولي صراحة عنتر، اتحب الطبخ الجزائري ولاٌ الفرنسي؟في
هذه الأثناء نسمع صوت الدوش المنبعث من الحمام. كريم يرى في الكاميرمان،
هذا الأخير يشير له بأنه يمكنه الاستمرار. كريم يستمر في استجواب عنتر. كريم:واشن هو السؤال اللٌي اتحب نطرحوه اعليك و ما اطرحناهش؟عنتر:...............................في هذه اللحظات يخرج حكيم من الحمام، الواضح أنٌه قام بالاستحمام، يخرج بلباس الحمام و هو ينشٌف شعره، يخاطب عنتر.حكيم: السلام عليكم...( لعنتر) كاشdéodorantعنتر؟عنتر:..............................الكاميرمان: coupe كريم: اهبلت حكيم؟On est en plein tournageحكيم: اسمحولي.. كي كنت اندوٌش اتفكٌرت واحدla question ماpozithacheل عنتر.كريم: و تجوزa l'ontaineهكذا؟حكيم: معليش ، انقولهولك ليك و انت سقسيه ( لعنتر) معليش خويا عنتر؟عنتر:......................................حكيم: السؤال المطروح و الذي يطرح نفسه بإلحاح، هل أنا هو حقيقة أنا؟عنتر:.....................
.............حكيم: و لوكان زعمة انا ماشي أنا؟​

​

وااااااااو عجبتني فوووووووووور
هاي ليكم تذكروها مرة اخرى
ههههههههه​

قوليلي برك ما عييتيش و أنتي تكتبي فيها ؟؟؟ و الله غير يعطيك الصحة لوكان أنا كتبتها لوكان راني خبطت الميكرو خبطة يعلم بيها غير ربي سبحانو
اللي ما تفرجش الحقلة نتاع البارح هاهي ليكم مع shy_girl راهي دارتلكم جورنال ههههههه
و الله غير براـــvـــــو عليك ،، صح فطورك أختي

 

[ياسمين بنت الجزائر]

شفتها وعجبتني ميرسي

العفو خويا محمود يعطيك الصحة خويا على المرور

 

[ياسمين بنت الجزائر]

صحااا صحوووركم​

الله يسلمك خويا نسيم مرسي على المرور

 

[لؤلؤة القرآن]

السلام
صباح الخير و شراكم ان شاء الله تكونو صافا
ايه الحلقه البارح شفتها عجبتني بزااااف
سرتو عنتر يحيا يقتل ضحك هههههههههه
ضحكني كيف قالو زيد راه الجال ثم ههههههههههههه
و الله باينه فيه كون يبدا الضحك ميخلصش ههه ربي يدومها عليه هذيك الضحكه
مشكووورة
​

 

[ياسمين بنت الجزائر]

صح فطوركم / سحوركم

ايه الحلقة فووووووووور وعنتر يحي تاني فووور باين علبه قلبو ابيض لوكان جا واحد في بلاصتو كان شاف حكيم سعدو لتم
و الله غير صح
وزيد عجبني السؤال المهم المهم الي الغاشي كامل يستنى فيه عنتر مسكين تحطم كي سمع السؤال ههههه تبالو ما نعرف واش راح يسألو ..... اللون المفضل هههههه
ههههههههههههه
يعيش وياكل وحدة غيرها هو والجماعة الي معاه
بالصح احسن حلقة حلقة عتيقة طوبال ااه ناس ملاح ربي يعطيها ماتتمنى بكاتنا كامل
إن شاء الله يا ربي

مرسي اختي
العفو أختي​

مرسي أماني على المرور

 

[ياسمين بنت الجزائر]

أنا عجبني كي قال لعنتر انت قلت باللي دزاير بلاد الرجال ماخفتش النسا يزعفو؟

ههههههههههه

 

[ياسمين بنت الجزائر]

ياااااااااااااااااااااي يؤبر البييييييييييييييييييييييييي​

عنتووري​

ربي يخلييييييييييه....​

ههههههههه دوختيني أنتي كي شفت الرد باللهجة السورية قلت الله الله عنتر وصل حتى لسورية :heh: بصح كي شفت مكان اللإقامة في الدزاير قلت أيا الحمد لله عنتر راه غير في الدزاير :yahoo: ،، يعطيك الصحة على المرور

 

[ياسمين بنت الجزائر]

كاميرا كاشي والله عجبتني تاعى عنتر والله مات بضحك ...
وتاعى وان تو ثري فيفي لاجيري والله هايل ....
مرسي على موضوع

العفو أختي ،، و مرسي ليك أنتي تاني على المرور

 

[ياسمين بنت الجزائر]

~ .. الســـلام عليـــــــكم ..

و عليكم السلام و رحمة الله و بركاته​

.. مــرحبــا بالغــوالي .. واشراكمـ ؟ ..
.. ان شاء الله بصحــة و bien و antic ..
و الله لاباس الحمد لله السوال عليك​

.. أووو و هــل يخــفى القمــر ؟! .. << مــا شفتهــاش بصح ..
.. علابالـي بالي عنتــر مــا يتقلقش .. علاخــاطر هو شــاوي و الشــاوي قلبــه كبيــر و كريم ^__^ ..
.. ربــي يحفظــه و يحميــه للغاليــن عليــه ..
آآآآآآآآمين يا رب​

.. شكرا يالغاليــة عـ الموضوع البــاهي كيفكـ ..

الله يعزك خويا

.. ربي يحفظكـ و يحميكـ ..

آآآآآمين أجمعين خويا​

~ .. دمتي في أمـــان الله ..

في أمان الله​

مرسي خويا أكرم على المرور العطر،، صح فطورك ،، سلام

 

[ياسمين بنت الجزائر]

صح عندك الحق اختي قلبو كبير بزاف​

من قبل كنت نقول عنتر يحيا سور يدير كاش حرب معاهم لاخاطر يبان يزعف بكري بصح والله غير عجبتني بزاف عقليتو​

لالا ما يزعفش بكري ،، عندو النيف و قلبو حااااار ما يسكتش على حقو ،، بصح في نفس الوقت يخدم بعقلو ويعرف كيفاه يتعامل ما يحبش المشاكل
مرسي عليك على المرور وصحا فطورك

 

[$ NASIM $]

ههههههههههه أختك ماشي خوك ،، معليش
يعطيك الصحة خويا نورت الموضوع

اسمحيلي حنونة ماتبهتش

 

[مروة MARWA]

ايه تاع عنتر عدات فوووور هاديك الوحيدة لي عجبتني
​