وش رايكم في القصة هادي ادخلو يا وليدات للعمتكم يسرى تحكيلكم على حكاية

ي

يسرى 2008

:: عضو متألق ::
أوفياء اللمة
السلام عليكم
وشراكم يا وليداتي سافا ايا اصبرو برك معندو مبقا
انا نشفا كي كنت قدكم كنت نصوم منشرطش هههههه في الخيال بيانسير


انا المهم انا حبيت نسمي روحي الشيخة يسرى ولا عمتكم يسرى
باسكو من كترة ما نحكي هنا ونسركل على اللمة وكاين ناس يقولولي اكي فووور ايا طلعتولي المورال ووليت نشوف في روحي العزوزة تاع المنتدى ههههه
احم احم ايا خليو الشيخة تحكي
مالا عابالكم بلي يسرى اليامات هادم ملي بدات تتفرج عايز اتجوز الناس فهموها بالغالط
وولاو يجيوها باش تتزوج مع انها صغيرة هههه الله غالب جوبونس الحالة كبرت
والناس ولات تشوف فيا كبيرة ماني قلتلكم من حكاياتي تاع الكبار ههه من كترة القعدة مع الكبار
لا علينا قصتي مع الجادارمي معروفة والكل يعرفها
درك ولات القصة التانية وهي خطيرة نوعا ما يا جماعة
انا عندي دار عمي
وش نقلك ناس متربين خلاه وسيرتو بناتهم انا نشوف فيهم متلي الاعلى عندهم طفل كبير عمرو 23 سنة
زعما قاري وعمل الدكتورة
وهوما جيراني في الصح
ايا مبروك مبروك مع اني انا شخصيا نغير منو ودائما ههه تقرعج ونمشر عليه هههه ايا لقطات تاع الصغر
احم المهم
امو تحبني حب كبير منعرف من بكري تقلي اني نشوفك كي بنتي
وكل ما نمرض تجيني تطل عليا
وكي نحصل تقول للبناتها يجيو يقريوني
والمشكلة تقلهم روحولها مش انا الي نجي تسما فوق ماهم عاملين مزية يجيو ههه
وزيد علاقاتنا مليحة حنا
كي نقلق تقلي اطلعي عنا
وكي نروح تحطلي الماكلة وتقلي لازم لازم تفطري معانا
ايا انا قلت بالاك كي شافتني عاقلة ومحترمة ونحب القراية حبتني
اما ظهر كلش لا المراءة حابة تاخدني للولدها
عندها تقريب عام وهي كل ما نشوفها او الله يبارك كبرتي هاديك التربية هاديك الاخلاق ههه وسيرتو جداتي كي تروح عندهم تحكيلهم على حشمة تيعي ساعات ههه ومواقف تاع بغولية مني هههه
لا علينا اليامات هادم نلتقيو بزاف باسكو جداتي راحت للعمرة وخلاتنا وحدنا في الدار
لا علينا وهي تجي
قاتلي يو الله يبارك انا نحبك ونموت عليك ومادابيا توخدي ولدي
وخواتاتو يقولولي سيبو مرت خويا
ومبعد قاتلي انت سير تتخطفي منا تروح لليسي ايا نخطبك انا خير
ومنلقاش خرمنك للولدي
ومبعد تبوسني وتحضني وتقلي يا مرت ولدي
ويا ناس قدام عمي قاتلو اني رايحة نديها للولدي
وهو قالها موافقين
وقدام خالاتي
وقالت للماما ايا بيا احنا نحبو بعضانا ولينا نسايب درك
وتقلها هي مكانش الي كيفكم للبنتي
وقاتلي المراءة او ولدي عندو دكتورة ونعملو دار وسكتة
كملي قرايتك برك وتلقايه قدامك
وقاتلي انا خطبناك درك
انا الحق البارح جاونا وزادو قالولي الموضوع هدا ويدللو فيا ههه قالولي وش رايك
الباب صونا هربت نجري وانا حشمت بزااااف
مي والله الطفل انا منحبوش في الاصل
ومنحملوش ساعات جامي ما خممت فيه
وزيد اني صغيرة الي يعملو فيه حلان العينين
انا مادابيا نقرا ونتخرج ومنو هكا نحب واحد ونتزوجو المهم نختارو انا باش مهما كان اختياري
والزواج تاع لافامي مش مليح
وش رايكم يا جماعة ربي ووش نعمل


 
السلام عليكم ورحمة الله تعالى وبركاته
أول موضوع لي اليوم على بركة الله
من بعد نرجع
​
 
السلام عليكم
ختي حياتك راهي من ثم تبدا و من ثم تكمل على هذا ثبتي روحك مليح
و اصلا مازالك صغيورة او تاع ذراع هاذي و حوايج كيما هاذو متحشميش منهم لتطفر فيك و تريحي مربعا
مبغيتيهش من اللول قوليها باه يقطعو لياس
و ربي يجيب الخير​
 
ييا ختي والله غير راكي مطيرتلهم عينهم
وبغاو يخطبوك ويزوجوك
ولا صايي زوجوك هههههههههههههه
كل شيئ بالمكتوب ختي
 
والله أختي هاذي الحاجة مافيها لا عيب ولا حشمة قولي كل لي في بالك لخاطر ممكن درك راهي تمسخيرة ومن بعد ترجع صح وذيك الساعة ما ينفعك الندم واصلا ماكان عليهم يحلوا هذا الموضوع معاك كيما قلتي يحلوا في العين في الحق يشجعوك على لقراية يحوسوا يزوجوك ويدخلولك خليطت زواج في راسك
ألتاي بقرايتك هي لي تنفعك
وصحة فطورك​
 
علاه حساب الشوفة عجوزتك باينة بلي طيبة بزاااف
بصح أنتي قلتي منحبش وليدها
والمشكل لكبير يا ختي هو أم زواج الأقارب ماشي كليح يعني فيه نسية كبيرة بجو الأطفال كعوقلن لا قدر الله
المهم صلي الإستخارة وزيدي شوفي​
 
نشكركم على ردكم
وكيما قلت اني صغيرة وهادي حلان عينين اصلا معنديش الحق في الزواج ربي يهدي
 
حسيت روحي في زمان بكري لي زوجو بناتهم صغار وذارع
ياو راكي طلعتي قاويه يايسري ياختي
صحا فطورك​
 
اختــــــــــي الزواج مكتـــــــــوب ماتحطـــــــــي حتى حـــــــــااجة في بالــــــــك ولي كـــــــــــــــتبهولك ربــــي راح يوصلك
​
 
شفتي يا اختي ناريمان ههه
قاوية بيانسير اني شخصية قوية انا متقوليش اي مكان مكان ههههه نتمسخر برك
مشكورة على ردك انا تاني نحساب روحي في باب الحارة ويخطبولي في معتز ههههه ربي يهدي
 
:heh::sneaky2: كلش بالمكتوب عزيزتي عقلك في راسك تعرفي خلاصك.
 
هههههههههههه
و انتي وش قلتي اه ول لا
 
ههههه انا مقلت والو غير نتهرب برك
مي مشو عاجبني الحال وحاشمة نحكي خلاه نقولهم يزيو يا جماعة اني صغيرة ربي يهديكم تقلي جداتي ههه يا حيبتي كان يلقاك هكا يحلف على كسلك هههه بصح هو درك شوي فيه مزح
 
نورمال ومبعد اتزوجي بيه
 
ربي يوفقك في هذا رمضان
 
قبل كل شيء

انت التي ترسمي مستقبلك بعد المشاورة و تعقل اكثر فاكثر

متخليش حتى واحد يظفط عليك
 
ههههههههههه
غير تتهربي مليحة هذي
لازم تقولي خليوني نكمل قرايتي و مبعد نحلوا السوجي هذا
 
راه يأذن درك نرجعلك ........................
​
 
كـــــــــــــــل شي بالمكتوب

وربي يسهللك انشالله
 


أكتب ردك هنا...
العودة
Top Bottom