أرواحو تشوفو العيد مع الجيل هدا ؟ و exactement مع أطفال الدزاير

[همسة الجزائر]

والله عندك الحق عندي اختي صغيرة ماتحبش تخرج خلاص تجي بنت جارتنا قدها 6 سنين تعيطلها تقولي قوليلها راني راقدة هههههههه​

والمشكل نغسل لماعن راهي معاي نوجد القاطو توجد معاي وكون مانخليهاش تقيمها علينا والكارثة بابا مفششها بزاف يعني واش تقول لازم تدير خلي ولات عندنا مرا صغيرة هههههه ولعلمكم تحط الطابلية وهي تخدم هههههههه​

فالعيد تلقاهم زي الدبان في وسط الدار خخخخخخخ ماشي كما احنا خصوصا انا كنت كي يوصل المغرب تحكمني الغمة ونسنا بفارغ الصبر وقتاش يجي اليوم الجديد ونخرج انا اللولى فالناس ههههه

صح عيدكم كامل مسبقا​

 

[المتفائلة_91]

انا العيد من بكري كي كنت صغيرة نخاف منو ،،
خاطر نتلمو الفامي كامل في دار جدي وثما كاين بنت عمتي واعرة ، كل عيد نحصل فيها طريحة ونرجع ،،
والله مرة في العيد الصباح ماما تلبس فيا في قشي الجديد وانا نبكي ، قلتلها تعيشي ماما خلينا هنا مانروحش معاكم ،،
لضرك حنا وكبار ، وين نروحو لعدن عمتي تحب تضربني الطفلة هاذي ن مانعرف علاه ، وين تشوفني تقول شافت جن ،،


سلاموووو​

 

[هدوء المطر]

كلما نكبرو يصماط كل شيئ
و الله عندك الحق خويا نسيم كل ما نكبرو يسماط كل شي ،، ما نعرف حنا اللي كي كبرنا ما وليناش نحسو بفرحة الأولاد الصغار ولا الدنيا هي اللي ولات هكذا سامطة​

واليوم لي راح مايرجع وخير من لي يجي
صح​

يعطيك الصحة خويا على المرور

 

[هدوء المطر]

عندك الحق اختي

والله حبو يكبرو بسيف
صح و الله
كي يكبرو ويعرفو يندمو على صغرهم
آه على حساب الحطة ما يندمو ما والو ،، الدنيا منا ورايح تمشي بالعكس ،، كي يكونو صغار يقعدو في الدار ،، و كي يكبرو راهم يوليو يلعبو ويزهاو ،، و أولادهم تاني يولو يريحولهم في الدار يطيبولهم و يقضيو شغل الدار ماكلاه يتحيرو
حنا مام
كنا صغار هاكداك ونزهاو ونلعبو ونفرحو بصح الله غالب والله ما شبعنا عمري راه 15 سنة وما زالني

نحب نزهى ونفرح ونغير من الذراري الصغار
صح عندك الحق العمر واحد برك لازم تزهاي و تفرحي بعمرك ،، و en meme temp ما تنسايش آخرتك

مرسي مايا على المرور

 

[هدوء المطر]

والله عندي درك 10 سنين ماحسيتش بطعم العيد كيفاه​

العيد بلا لحباب ماهو عيد
شفتي كيفاه راه العيد كل عام يزيد يسماط ،، الأحباب ما ولات تعيّد على بعضاها ،، الفاميليات كيف كيف ،، الأصحاب ... ،، الجيران... ،، و الله ربي يهديهم برك

مااااااااااااااااااااااااارسي
العفو أختي​

مرسي بوكو أختي على المرور

 

[هدوء المطر]

والله غير صاح يا ختي كل شي راه يسماط ويزيد
احنا كنا كل مناسبةنفرحولهاونحسو بيها مي هادو تاع دوك كيما قلتي عطيهم غير الدار او البلاي ستايشن او التليفزيو اوالميكرو و خليهم
هداك مكان ،، أعطيلهم كما قلتي البلاي ستايشن و لا الميكرو... و تهناي ما يزيدوش يدورو بيك
ربي يستر مالجيل الجاي
آآآمين

شكراً ختي سلمى على مرورك الطيب

 

[هدوء المطر]

والله عندك الحق عندي اختي صغيرة ماتحبش تخرج خلاص تجي بنت جارتنا قدها 6 سنين تعيطلها تقولي قوليلها راني راقدة هههههههه

ههههههه هذي العفسة راهي pــارتو ​

والمشكل نغسل لماعن راهي معاي نوجد القاطو توجد معاي وكون مانخليهاش تقيمها علينا والكارثة بابا مفششها بزاف يعني واش تقول لازم تدير خلي ولات عندنا مرا صغيرة هههههه ولعلمكم تحط الطابلية وهي تخدم هههههههه
هههههه خليها حبت تولي مرا اسيدي تساليها ؟؟​

فالعيد تلقاهم زي الدبان في وسط الدار خخخخخخخ ماشي كما احنا خصوصا انا كنت كي يوصل المغرب تحكمني الغمة ونسنا بفارغ الصبر وقتاش يجي اليوم الجديد ونخرج انا اللولى فالناس ههههه
ههههه و الله غير صح ،، أنا ما نرقدش اللِّيل كامل نبات نحسب في الدقايق وقتاهــ يفوتو،، باه يطلع نهار العيد و نخرج نلعب مي هما والو​

صح عيدكم كامل مسبقا
الله يسلمك أختي و أنت زادة​

شكراً حنونة على مرورك العطر

 

[هدوء المطر]

انا العيد من بكري كي كنت صغيرة نخاف منو ،،
ههههه علاه ؟؟

خاطر نتلمو الفامي كامل في دار جدي وثما كاين بنت عمتي واعرة ، كل عيد نحصل فيها طريحة ونرجع ،،
والله مرة في العيد الصباح ماما تلبس فيا في قشي الجديد وانا نبكي ، قلتلها تعيشي ماما خلينا هنا مانروحش معاكم ،،
هههه تستاهلي و أنت علاه ما تدافعيش على روحك تخليها تضربك ؟؟ :music_whistling:
لضرك حنا وكبار ، وين نروحو لعدن عمتي تحب تضربني الطفلة هاذي ن مانعرف علاه ، وين تشوفني تقول شافت جن ،،​

سلاموووو

و عليكم السلام و رحمة الله​

مرسييييي على مرورك أختي

 

[لؤلؤة القرآن]

ههههه و الله نقرا في موضوعك و نتفكر في خويا
اولا : و الله العيد هذو العوام سامط قبل كنا نشرو الالعاب و نعملو التصاور مام فرحين ما ذرك و الله مكاش حتى شعور مام لازم تكون اللمة في دار الجد باه نحسو راه عيد
ثانيا : و الله عندي خويا عمرو 13 سنة مهبلني كل يوم في الدار حكملي الميكرو و التلفزيو منلقى وين نتحرك و الله نمرض يخرج غير كيف يكون عندهم ماتش صحابو 10 مرات يجو يعيطولو يطل عليهم يقليهم منخرجش هذا وين نضت ههههههه هو بلعاني باه ميخرجش
و الله ملقيتلو حل ههههه
جيل الوقت يجنن العبد
مشكوووووورة حنونه على الموضوع
​

 

[الشاوية الحرة]

حنــــــــاا عنــــــــــدناا جيــــــــــراناا يلعبــــو مليـــــــــح مازال الجــــــــــو عنــــــــدنا كيمـــــــــاا تـــــااع بكــــــري
​

 

[*Nouha*]

انا نخالفك الراي العيد مازالو عيد عندنا وكامل نفرحو بيه كبار وصغار وصباح العيد كامل نخرجو نديوالgاتو لديور جيرانا ونعيدو عليهم وهما كيف كيف
اذا انا محظوظة وراني نسنا في النهار العيد كي الطفل الصغير

tu as de la chance ma soeur
7na hada kamel ra7 m3a lwa9t w ma b9a walou
ya hsra 3lik ya el denya
​

 

[هدوء المطر]

ههههه و الله نقرا في موضوعك و نتفكر في خويا

اولا : و الله العيد هذو العوام سامط قبل كنا نشرو الالعاب و نعملو التصاور مام فرحين ما ذرك و الله مكاش حتى شعور مام لازم تكون اللمة في دار الجد باه نحسو راه عيد
و الله غير عندك الحق
ثانيا : و الله عندي خويا عمرو 13 سنة مهبلني كل يوم في الدار حكملي الميكرو و التلفزيو منلقى وين نتحرك و الله نمرض يخرج غير كيف يكون عندهم ماتش صحابو 10 مرات يجو يعيطولو يطل عليهم يقليهم منخرجش هذا وين نضت ههههههه هو بلعاني باه ميخرجش
هههههه حفظو هذي العفسة و عادو يخدمو بيها ،، كي يحبو ما يخرجوش يقولو هدا وين نضنا
و الله ملقيتلو حل ههههه
كي يقعدلك في الميكرو أعطيه الطريحات حتى ينوض ههههه
جيل الوقت يجنن العبد
مشكوووووورة حنونه على الموضوع
العفو حبيبتي​

مرسي عليك على المرور

 

[هدوء المطر]

حنــــــــاا عنــــــــــدناا جيــــــــــراناا يلعبــــو مليـــــــــح مازال الجــــــــــو عنــــــــدنا كيمـــــــــاا تـــــااع بكــــــري ​

بصحتكم ،، ربي يدومها إن شاء الله
merci pour le passage

 

[مايلي الجزائرية]

ايه صامط خااطش رانا نكباروا

 

[salimOv]

عـــنــدي 4 ســـنــين مــلي كــرهــت العــيد
ورانــي نــشوف فــي روحــي مــبعــد 4 سنــين
راح نــــكــره كــلش​

 

[هدوء المطر]

merciiiiiii pour le passage

 

[nina bonoise]

انا تاني العيد صماطلي ملي معدتش نخرج يعني السنة ولا صامط صح
باسكو العوام لخرة كنت نسركل في العيد مع البنات هههه
المهم والله كل ما نكبرو تصماط الحالة ومتفكرينيش في ولاد بلادنا ههه
ياو اني ماشية وطفل يعطيني بموكحة قتلني اااااااااا للدرك توجع هاديك تاع البالونات

شبعت ضرب بيها الموكحلة تاع الكرارب في البولفار قتلوني بيها الدري الصغار

 

[بنـ MaPa ـت]

صح هنا تاني ماكانش لي يخرج كي نطل من التاقة نشوف الحالة امطة كل يوم مستيكيين و العيد حتى شعال باش يخرج قُرد هههه
وسوووور هاد العيد رح يجي كر من وليد عمو
عيدكم مبارك وكل عام ونتوما بخير مسبقاً
مرسي
​

 

[zahira92]

انا عندي 6 سنوات مني سماط العيد عندنا مولاش كما بكري راحت بنتو راحت فرحتو مش عارف علاه؟؟؟؟

 

[هدوء المطر]

ألف شكر لكم على مروركم العطر نورتو