قريب القراية علكيف

[DARINE05]

علاه نتي تسكني عند باتنة
قالولي لبلاد نتاع باتنة يعجب طول
كي تبقى سمانى نتاع العيد نجي لعندكم نقضي قش القراية من لارو h
​

اهلا خويا رياض اسمحلي هذا وين شفت ردك
هيه نسكن عند باتنة هههههه
لالا منشريش من لاروي h
نشري من طريق بسكرة ولا الحوانات تع لي زالي سي تو مرسي رياض

 

[DARINE05]

ههههه
مليح دارين .
الفورتا ولات لبلاد والسطو هههههههه

هيه ا سفيان اي باينة هههههههه

 

[amira-ange]

راني غير وقتاش الدخلة أوموا نتهنا شوي من غسيل لماعن وتسياق
أما بالنسبة واش وجدت شريت أونسوبل شباب مزالي الخمار والكارطاب والسباط
السنة لازم يتهلاو فيا زعما راني تارمينال
​

 

[DARINE05]

انا متحمسة بزاف على قرايتي ههه
انا كلنا روتار مش غير انت بسيف لنوض هههه
وموعد مع الرقابة توجور ههه
بصح السنة النشاط رايحة نرقد بكري وونوض بكري ونقرا صح
ربي يوفقني برك وفي اخر العام تزغرطولي هنا هههههه

هيه لازم يسرى اختي ربي يوفقك

 

[كاترين]

راني غير وقتاش الدخلة أوموا نتهنا شوي من غسيل لماعن وتسياق
أما بالنسبة واش وجدت شريت أونسوبل شباب مزالي الخمار والكارطاب والسباط
السنة لازم يتهلاو فيا زعما راني تارمينال

ههههههههههههه هيه رانا كيف كيف
مي انا ماشي تارمينال ^*
على حساب الشوفة قالوا ما نفوتوش السنة

 

[DARINE05]

اجماعة الخير واشي هذ الحرب لي قامت اني نجيفكم اتهلاولي في الموضع
اني بعدالفطور نجي نكما نرد عليكم

 

[AnGeL*dZ]

أنا فرحانة على خاطر بابا رايح يشريلي كارطابل غوز:yahoo:
ومقلمة من هاذوك اللي يبرقو
وطابليآ غوز مليحة بزاف
مكتوبة فيها فلة حلم كل فتاة عربية
ايه واش ثآني وقالي كون تروحي تقراي السنة
كل يوم نمدلك ربعين دورو ونشريلك كوجاكة تاع لفرآز هههههههههههههههه
*******************************
هيه أنا توحشت لقراية بصح ماتوحشتش نوض ع 7 كي زهري لمسود
وجآمي في حياتي درت روطار ولاشتى ندير كاينة المعريفة هههههههههه


​

 

[biya]

اييييييييييييه وااش نقولك هذا العام تاعي ااع الباك

ؤربي يستر

 

[AHLEM1992]

هيآآآ مالا بصحتك ختي دارين
زيري روحك مليح
يامن عآآش لهداك النهار .. كي يوصل و نعاود نضرب طلة على موضوعك نقلك كيفاه ههه​

 

[DARINE05]

مرسي على ردودكم نورتولي الصفحة

 

[فراشة الايمان]

وعلاه تفكري فينآ غبنتيني اممممممممممم

 

[احلام ضائعة]

ايه قربت لقراية وراني فرحانة بزاف لانو الام الاول نتاعي في الجامعة ياربي يوفقني ونلقى روحي في الاختيار نتاعي
ويلزم نروح نشري القش على خاطر مابقا والو على الدخلة
مرسي

 

[Im here for ever]

على بالك راسي وجعني كي هدرتي علقراية والدخلة تاع المسيد عييييييييت فشلت ديقوتيت
و deja راني داخلة نقرا وماعلاباليش وقتاه يدخلو راح زعما نقرا حاجة جديدة science de la mer قالك ecole خير من جامعة والله غير راح ندخل نسيي زهري معاها

 

[meriem150491]

اهلا دارين انا لعام هدا لباك ( واااااع عاودت) ايه مالا انا راح نبروفيتي لعام هدا باش نهبل شوي الاساتذة هههههه ومن بعد ندي لاروترات كي نطلع للجامعة وباين راح نقرا مليح لعام هدا باش ندي لباك

والقش مازال مشريتش ومش راح نشري ندخل بلملاية ولا الحايك تاع نانا الله يرحمها راهم عندي سوفونير


ايه او النوضان بكري باين جامي نضت بكري كيعاد ديما روتار :heh: الله غالب يعجبني الرقاد تاع 7 هع هع


ايه المهم صحا عيدكمممممممممم :angel::angel::angel: وتهلاونا في الاساتذة لعام هدا لازم كامل يدخلو لبسيطار لمهابل

 

[عاشقة وطنها]

صح أخت دارين أنا هذا العام كسيت روحي من باتنة على صباح ربي عارفة الواحد كون مايخطفش رجلو يلقى الغاشي والله يا المعرض هاذوك الطوموبيلات كي مقاريين تقول ماليهم بايتين ثم ومرة في بوعقال ومرة في البلاد وحنا كاسيين ارواحنا معليش بصح على القراية أنا مش متحمسة وماضنيتش أصلا نروح في أول يوم الإثنين يخي يخلونا وحد الساعة تحت الشمس تحرق فينا :busted_red::busted_red::busted_red: ومباعد يوزعونا على الأقسام وقالي قتلك قالي قتلك وللدار
وصح عيدكم وبلا الطوايش السنة اللي عندو الباك ولا البيام يشد سابعو خير اما حنايا :yahoo::yahoo:فمعليش خلونا نديروا براينا :yahoo::yahoo: ​

 

[sisou023]

أنا هذا العام ندخل للجامعة و زيد هي قدام دارنا تهنيت نوض روطار بصح تحيا الليسي والطوايش

 

[DARINE05]

مرسي على المرور نورتو الصفحة

 

[معاك يا الخضراء]

شوية من الدار واش وجدتو رواحكم كاشي قش كاشي قاطو كيما يقولو لي باغي يكسي روحو يجي لباتنة فيها قش مصراش اييي حنا الحوانت عندنا عندهم الذوق يعرفو يخيرو ديما بنات وشبان باتنة فور

​

الي حاب يخلي جيبو يسمعلها :glare::glare:
انا باذن 90/100 مش حنقرا السنة
بقاتلي 10/100 برك نقنع بابا حبيبي و نقعد
مرققققت ولازمني عام ابيض :surrender::surrender:
ربي معاكم​

 

[الجوهرة الجزائرية]

انا فرحانة كي راح ندخلوانقراو بصح خاايفة كي عاد هدا العام باك لربي يستر

 

[ماريا17]

نرقد نشبببببببع نوم يجي خويا ينوضني نروح روطار نص ساعة يخدم وين نقرا يعطيني تيكي ندخل للكلاصة نكمل نومتي تم في اخر طابلة وهاذي هيا وبالنسبة للقش نلبس وش لقيت قدامي كونفرس سروال طايح والكارتابل فارغ ني قلم ني ورقة عندي قلم من العام اللي فات مكسر في حالة
مرسي على الميضوع​