أحبه

[أمال البرايجية]

اسمحولي .... وسامحو كلماتي ..أنا ماعادش عندي صديق أو حبيب غير احبائي و أصدقائي نتاوع اللمة ...
كان عندي كراس نفرغ فيه قلبي بصح بعد ما عرفتكم حبيت نفرغ عندكم تقبلوني ولا لالا؟
لم أجد من أي باب أبدأ.. تخونني كلماتي بل تعذبني وتعتب علي ... يا ناس أحبه ... أحبه... والله أحبه ...
أين الإشكال ؟؟؟ الم تعرفوه بعد...
أعيد فأقول أحبه....
فليفهمني منكم واحد فقط وليكن منكم في صفي واحد فقط
أحبه
أحبه وهو المتزج وهو الأب
أحبه
زوج امرأة غيرى و أب أولاد غير أولادي
ادعى العزوبية في البدء حتى أوقعني في شراكه ... ولما غرقت هياما به عرفت حقيقته... لكن حينها " واش يدير الميت في يدين غسالو"
مانيش قادرة نزيد نكتب... الحكاية مرة .. برك يا ناس قولولي واش ندير اللااجل ماهوش نتاعي وماهو مواعدني بوالو... مانيش متهنية معاه خلاص... وماهوش فايدني بحتى حاجة في حياتي نضل غير في المشاكل معاه ومع مرتو... في الأول كنا هايلين حتى بعد ما فقت بلي متزوج.. كان معايا حنين مليح.. يخاف عليا ومقيمني يخمم على صلاحي صح صح صح صح وممباعد كل شيء راح بقا يربطني بيه غير التيليفون... ماهوش فايدني يا لوكان بكلمة تطلعلي المورال...
كل شي تبدل ... رغم المساوئ البزااااااااااااااااااااااااااااااااااااااااف اللي فيه نحبو وماهيش هاينة عليا العشرة والأيام اللي فوتناها مع بعض..
قولولي كي ندير نقلبو ليا كيما كان؟
كان مسميني الدنيا والعمر... كان يقولي نفرح بزااااااااااف كي نوض الصباح ونتفكر بلي راكي معايا .. كان يقولي انت أحلى ما في حياتي.. كان يقولي مانقدرش نتصور يديك راجل غيري.. كان يقلي نفنى عليك...
وضرك؟
ضرك مسميني مشكل وضغط... ضرك يقولي نتهنى غير كي نكونو متهاوشين... ضرك يقولي فسدتيلي حياتي ودرتيلي السكر...
قلبي تعمر .. وحكايات بزاف عندي
ما كان لاه تقولولي أخطيه لأني ياما حاولت وما قدرتش
برك قولولي واش اندير و إذا ما لقيتوليش الحل أمانة أدعيولي....​

 

[معاك يا الخضراء]

.............. قلتيها فمك ماهوش تاعك وش راكي ديري ؟؟؟
مريت تقريبا بنفس ظروفك مي الحمد لله قدرت نجبد رووحي خلاااااااص​

يا بنتي راهو عندو امرأة و اولاد ​

راو مسؤول على عايلة
ولادو وش ذنبهم باباهم يخون امهم
تقبلي على روحك نتي واحد يخربلك بيتك ؟؟؟
تقبلي ولادك يعيشو في شتات و مشاكل بين الواالدين
تقبلي انو زوجك تكونلو علاقة ما امرأة اخرى
تقبلي على روحك نتي تكون رقم 2 في حياة راجل ؟؟​

حبيبتي ديري ثقة في روحك و قولي لروحك علاه اني ندير هاك
وش يخصني و وش ناقص فيا باه نشوف لراجل مرتبط
انتي تستحقين الافضل فلا ترضي بما هو اقل ​

ان شالله راح تلقاي الحل بروحك
كي تعرفي قيمة نفسك تقدري تتصرفي
انا ما نقلكش اجبدي روحك عليه
اقعدي معاه ​

بصح وش راح تربحي ؟؟؟
راح يكون عندك مستقبل ؟؟
راح تقدري تمشي معاه فالطريق ونتي حاكمة يدو قدام الناس بكل ...​

بالتوفيق حبيبتي
راح ندعيلك ربي ينور دربك
راني حاااااااسة بيك
.......​

 

[abdosbn]

الي بغا

​

شبح ما يقول اح

 

[sam11]

وش نقولك اختي مكان ححتى حل غير انك تبعدي عليه

لانو مش تاعك هو مزوج وعندو اولاد ما تستني منو والو مهما صرا

انتي مقيدة روحك بيه وتخمي غير فيه سي نورمال ما تقدريش تنسيه

وش من فايدة تبقاي كل يوم في مشاكل معاه ومع مرتو وسرتو درك ماشي حاملك

وين رايحة يرحم والديك خمي شوية بعقلك وينا طريق راح تخرجي عليها غير العذاب

والتخمام والمشاكل خمي يابنتي اعملي عقلك في راسك ماهوش تاعك انسيه وما تقوليش

ما نقدرش لان كل شيء عندو حدود ومانظنش راح تبقي عمرك الكل وانتي تجري من وراه

تبارك الله عمرك 24 تقدري تاخدي قرار صائب لازمك تعملي تحدي بين قلبك وعقلك وتغلبي العقل على القلب

على العموم ليا رجعة في الموضوع

 

[ملكة نفسي]

حنونة ماكاش حل وحدوخر غير تخطيه و انا مندعيلكش باه يولي ليك ندعيلو ليه ربي يهديه وويولي لمرتو يمات بناتو و ندعيلك ليك ربي يهديك و تخطيه تخليه يعيش لمرتو و ووليداتو و يعوض عليك بوليد الحلال الي يعرف قيمتك

 

[Elif DZ]

يا أختي و الله حيرتيني
باين انه رح يرجع لمرته و ولاده و يميل ليه أختي
و أحسن حل أن تبتعدي و تتمسكي بالله فهو سيرزقك من فضله
​

 

[hichem244]

يا أختي و الله حيرتيني

باين انه رح يرجع لمرته و ولاده و يميل ليه أختي
و أحسن حل أن تبتعدي و تتمسكي بالله فهو سيرزقك من فضله​

السلام عليكم انا معاك

 

[**** بنت أبوها ***]

حابة نصيحتي بعدي عليه
راح يكون أحسن لكي

 

[chamse121919]

لعب عليك اللعبة و تعشى بيك دجاجة و كي كمل و مسح فمو طيشك فالزبلة هادا ولد حرام و مازالك تكتبي و تنوحي عليه هادا عقوبتو في لاسلام 100 جلدة و لا الرجم حتى الموت باسكو خان العشرة الزوجية و انتي ربي يهديك مزالك الدنيا قدامك و ربي فرجها عليك و يكتبلك و لد الحلال لي يستاهلك ............................

 

[خولة البرج]

ربي يهديــــــــــــــــــــــــــــــــــــــــــــــــــــك

 

[سارة 196]

ربي الهمنا بافضل نعمة التي يجهلها الكل ولكن هي افضل نعمة وهي النسيان
فالافضل لك ان تنسيه وتعيشي حياتك من دونه
فهدا انسان ملاعب ومخادع مادام انو ما صارحكش من البداية
وربي يوفقك في حياتك يا رب

 

[salma2010]

اختى هو الان متزوج واذا خان هذا الرباط المقدس فكيف تثقين فيه كيفاه تجيك تخربي بيت امراة اخرى؟؟
ابعدى عنو احسن لانه متزوووووووووج

 

[NICHA03]

سلام اختي انتي ترضاي واحد يجي يخربلكم العش تاع دراكم انت ترضاي وحدة تجي تجبد باباك عليكم اختي اخمي على ولادو كيفاش راييحن يعيشو ويتقبلو الوضع تاع باباهم راهو يخون يماهم مع وحدوخرا اختي لي خلق جامي ميضيع خيرها في غيرها انتي اذا تحبيه صح لازم تقبل الوضع هاذ بصح يا اختي راهي المشاكل رايحة تكبر عليك بزااااااااااااااااااااااااااااااااااااااااااااااااااااااااااااااف انتي تقبلي يقولولك مرة باباهم وفالاخير الراي رايكم وانتي لي تقري وانشاء الله لي فيه الخير ربي يجبهولك سلام تقبلي مروري

 

[someone_s]

حنونة و الله غير راني حاسا بيك
مي واش تحبي هادي الدنيا و ماكاين حتى حل غير لازم تنساياه سيي ما تفكريش في لكلام لي كان يقولهولك و ما تسمعيش لغنا سونتيمونتال و الله غالب ديري في بالك بلي خلاص ماراهوش ديالك و يا اختي اخطيه و ما تخربيلوش دارو لي دارها psk مهما الديري ماولاش تاعك الداتو مرا وحدخرا
و الله يعينك ختي و يعوضك بما خير منو ان شاء الله

 

[مايلي الجزائرية]

ان شاء الله ربي يرزقك بواحد احسن منو
لكن ابتعدي عليه
لانو مو فايدك بولا شئ

 

[هدى42]

اصبري ما عندك ما ديري

 

[احلام ضائعة]

يااختي واش نقولك هادي حاجة تضرك رهو بولادجو مهما يدير ماينساهم
لكن مدمتي انك تحبينه فلماذا لا تحبين من يستحق الحب

 

[riadh bba]

ربي يهدي من خلق

 

[abdosbn]

الي خاطيك يعييك

 

[Klach]

والله عظيم ما لقيت وش نقول
ربي يهدي ما خلق
يا اختي ... علابالي الحب صعيب و نسيان تاعو اصعب
مي لازم تنساي ... و حتما حاتلقاي بزاف شباب يتمناوك
و نتمنى تكون افطن المرة الجاية
و ماشي لي يهفك بكلامو تروحي فيها
هدا ما نقدر نقولك لانني مشني خبير بالحوايج اديا
سلام و ربي يكون فالعون​