أحبه

[assia2007]

.............. قلتيها فمك ماهوش تاعك وش راكي ديري ؟؟؟
مريت تقريبا بنفس ظروفك مي الحمد لله قدرت نجبد رووحي خلاااااااص​

يا بنتي راهو عندو امرأة و اولاد ​

راو مسؤول على عايلة
ولادو وش ذنبهم باباهم يخون امهم
تقبلي على روحك نتي واحد يخربلك بيتك ؟؟؟
تقبلي ولادك يعيشو في شتات و مشاكل بين الواالدين
تقبلي انو زوجك تكونلو علاقة ما امرأة اخرى
تقبلي على روحك نتي تكون رقم 2 في حياة راجل ؟؟​

حبيبتي ديري ثقة في روحك و قولي لروحك علاه اني ندير هاك
وش يخصني و وش ناقص فيا باه نشوف لراجل مرتبط
انتي تستحقين الافضل فلا ترضي بما هو اقل ​

ان شالله راح تلقاي الحل بروحك
كي تعرفي قيمة نفسك تقدري تتصرفي
انا ما نقلكش اجبدي روحك عليه
اقعدي معاه ​

بصح وش راح تربحي ؟؟؟
راح يكون عندك مستقبل ؟؟
راح تقدري تمشي معاه فالطريق ونتي حاكمة يدو قدام الناس بكل ...​

بالتوفيق حبيبتي
راح ندعيلك ربي ينور دربك
راني حاااااااسة بيك
.......​

الاخت قالت كامل واش كنت حابة نقولك الله يهديك برك
راكي جاية لدنيتك واش هو الذنب انك تتزوجي بواحد عنده مرة والاولاد
راكي صغيرة
ربي يرزقك بولد الحلال ان شاء الله
انسيه ما تقوليش ما نقدرش ننساه لازم لك تنسيه وتمحيه من حياتك

 

[karimdor]

تسير الرياح بغير ما تشتهي المراكب ........قصة ازلية تحرق عواطف عشاق الحب الواحد ...قصة تمنحك فرصة ان تلقي اللوم على الحب ...

 

[@marwa@]

واش راكي دايرة في روحك ختي معندي غير ندعيلك ربي يهديك راكي تمرمدي غير في روحك ​

 

[صمت الذكريات]

الله يهديك اختي العزيزة
لو كان رجلا باتم معنى الكلمة لما خدع زوجته و تحدث معك

 

[AWDIESL]

قصتك تشبه للقصة تاع واحدة صاحبتي تحب واحد مزوج مي هو شاريها .............احنا نظلوا ننصحوا فيها و نقولولها خطيك منو ما تربحي والو تخربي برك دار معمرة
و نتي يا ختي حكمي عقلك الواحد اللي تهون عليه العشرة تاع مرتو و ولادو علا جال وحدة نتي تان رايحة تهوني عليه اومبعد كيفاش تقدري ديري فيه الامان ( واحد خلا مرتو علاجالك كيفاش ما يخليكش علا جال واحدوخرا)
اون بلوس نورمالمو نتي تبعدي عليه راهو مزززززززززززززوج
مليح ليك تنسايه و ما تقوليش صعيب خمي بعقلك ماشي بقلبك تسلكي و تربحي علابالي صعيب بصح كاين حوايج يتحتمو علينا
ربي يفرج ان شاء الله
ميرسي

 

[مجنون البرصة]

ما زلتي صغيرة اختي
يعني مازال قدامك الدنيا
يجي النهار وين تيصيبي واحد يديرك فوق الراس تاج
ربي يجيب التوفيق للجميع ان شاء الله​

 

[مجنون البرصة]

اتقي الله يا اختي
بهذا التفكير اولا راكي تهدمي في دار وثانيا راكي تضري في روحك
اتقي الله وعودي الى رشدك​

 

[يسرى 2008]

موضوع خطير اختي
مي نقلك حاجا انت تقبلي واحد يخونك
واولادك يتيتمو ومراءة تديلك راجلك
تقبلي انو تكوني رقم 2 في حياتو مش 1
الدنيا هادي صعيبة وكما تدين تدان
يمكن ياخدك وراح يجيب 3 بعدك
رايحة تقبلي بيانسير لا
وعلاه تبني سعادتك على اساس تعاست غيرك
هادي انانية اسفة
انت غلطتي وحبيتيه والحب غلطة مش غير حالتك الحب الكل غلطة
بصح لازم تفيقي مع روحك اختي
ولازم تنسحبي باسكو علاقة كيما هكا مشها راح تربحك
ورايحة تنكسري دائما
ورايحة تلقاي ما خرمنو وتعيشي حياتك
موفقة اختي

 

[immy]

اخطيه فورا بدون نقاش

اتخيلي جيتي انت في بلاصتها؟؟

و الدنيا دوارة و راها تصرالك كيفها و اللي يخون مرة يخون الف مرة

و اصلا متاكدة بالي حاب يديك صح و لا الصح في الدار و اللعب في الزقاق

اختي اخطيك منو و ربي ينسيك فيه و اندمي باللي عرفتيه

 

[little princess]

ya el 7biba ana wache ra7e en9olake ghire 5afi rabi w ena3li eblise w e5dihe raho 3andou wlade w mara w rabi ela9ike ebweldee ghirou inchalahe w enasike fike

 

[salma2010]

اختى هو الان متزوج واذا خان هذا الرباط المقدس فكيف تثقين فيه كيفاه تجيك تخربي بيت امراة اخرى؟؟
ابعدى عنو احسن لانه متزووووووووووج

 

[dana1993]

سلام اختيي نخليلك زوج كليمات برك الحالة راهي واضحة
قالك ريح ريح ريح ولدي ريح خاطيك ولي خاطيك راه يعييك
ربي يهنيك

 

[@احساس طفلة@]

واش نقلك ربي يهديك برك
صح صعيبة باش تنساي بصح لازمك تحاولي لاخر نفس
انتي صغيرة وحرام تبقاي هكدا على جالو
شوفي حياتك وتوجهي لربي هو الي ينسيك​

 

[N°°°°RA]

Raki 3arfa bli maya9darche yssmah fi marto wa wlado ba3d 3lih khti

 

[أمال البرايجية]

مشكورين على الردود
بصح
أنا قبل العرض قتلكم فليكن منكم واحد فقط في صفي
الشرع حلل 4 و أنا حطيت روحي مكانها بدل المرة 1000000000 والحب ما يستعرف بوالو غير أنو اسمو حب وكفى
ربي يهديني نعم بصح مانيش مهبولة أنا برك نحبو....​

 

[13matmour]

الفرااااق خير الحلول
​

 

[أمال البرايجية]

شكرا على كل الردود
أعدكم أني سأحاول أن أبتعد قدر الإمكان
تحياتي إلىriadh bba ونقولو سامحني عدد اشتراكاتي لا يسمح لي ببعث رسالة​

 

[الفيحاء]

يا اختي ربي يهديك و يهديه هدا الانسان اللي راكي تهدري عليه عندو زوجة و اولاد و راهو مسؤول عليهم تقدري تكوني سبب في خراب بيت و تدمير عائلة استعقلي يا اختي و استهدي بالله و هدا الانسان ماهوش ليك و اللي ماهو ليك غير يعييك رح تتعبي بزاف ادا قعدتي هكدا و النتيجة انك تخرجي فارغة اليدين هو عندو عائلة جامي يفرط فيها الا ادا كان ناويك للحلال و يزيدك انت يامراة ثانية و هدا امر شرعو ربي و النبي كيما نقولو استهدي بالله و ارجعي لعقلك الشيء هدا ما يحبو لا ربي لا العبد جربيها من نفسك لو كنت انت تلك الزوجة المسكينة التي كلها ثقة في زوجها و قاعدة تربي في اولادها و تاسس في عائلة و هناك من يفسد عليها دلك هدا هو كلامي لك اختي نتمنا تفكري مليح مع نفسك و ضعي العاطفة جانبي خممي بعقلك و ربي رح يرزقك من حيس لم تحتسبي

 

[lyna]

حطي روحك في بلاصط مرتو
ولا نقولك حطي روحك في بلاصط ولادو
حرام عليك اخطيه راهو ماهوش تيعك وعلاه تفزديلو في حياتو وحياتو مرتو المسكينة و ولادو و يزيك بلا ماتخربي بيت علاخاطر ربي يخربلك حياتك كاملة ولامن رايح يشفق عليك
حرااااااااااام عليك
لازم تضحي بالحب علاخاطر رايحا تدي عليه ذنوب و قادر مايتزوجك و قادرة تغلطي معاه و اداك الوقت تكوني خسرتي الدنيا و الاخرة في زوز
والله ننصح فيك من قلبي
علاخاطر خالتي راجلها كان مع وحدة كيمك و قريب تلقو و ولادها تشردو بصح راجلها في الاخر رجعلها و طيش صحبتو كي الكلبة

 

[lyna]

مشكورين على الردود
بصح
أنا قبل العرض قتلكم فليكن منكم واحد فقط في صفي
الشرع حلل 4 و أنا حطيت روحي مكانها بدل المرة 1000000000 والحب ما يستعرف بوالو غير أنو اسمو حب وكفى
ربي يهديني نعم بصح مانيش مهبولة أنا برك نحبو....​

اه خلي ان شاء الله يزوج بيك و يجيب عليك 2 دراير اخرين باه تحسي و المهبول ماشي لي يقطع قشو المهبول لي يدير حوايج مايقبلهاش العقل
وكون جيتي تبعي الشرع راكي ماتديريش معاه علاقة محرمة
أنا حطيت روحي مكانها بدل المرة
كدب و انت انانية