:: جا يخطب ... قاتلو روح تقرا قبل !!!

[AHLEM1992]

السلام عليكم
صح فطوركم خاوتي ،، صيامكم في الجنة ان شاء الله
ربي يقبل منكم


هادا اول موضوع ليا هنآآآ ان شاء الله نلقا تجاوب منكم
و ان شاء الله الفكرة ما تكونش مكررة

اليوم حبيت نحكيلكم على قصة حقيقية
واحد حب يخطب طفلة هي ماعندنا واش نقولو فيها زين و قراية و رزانة و اخلاق
و عائلتها الناس كامل تعرفها
و مام هو كل الصفات فيه الله يبارك
شافها عجباتو لما راح يهدر مع خوها عليها رفض قالو روح كمل قرايتك و طلع من مستواك من بعد ارواح تخطب اختي
وين راه الفرق هي عندها ليسونس و هو عندو مستوى 2 جامعي الظروف ما خلاتوش يكمل قرايتو
مالغري الصح ماشي في القراية كاين الي دكتور و تعاملو مع الناس 0 داير في بالو منو مكانش
و كاين ال حبس سنة 9 غير هدرتو بزااف ظرافة و تعامل و احترام
.
.
.
و انتما يا بنات اللمة واش هو رايكم :music_whistling:
و كان يجي يخطبك واحد اقل منك مستوى تقبلي ؟
.
.
.
نستنا آراكم
لكم تحياتي
و السلام خير ختام ..↔
​

 

[** غزال الصحراء **]

ماهيش مليحة العقلية هاذي , صافي اللي قاري كثر هو اللي يديها ؟ ولينا في مزاد هاذا
واش نقولك خليها تتسنى ضرك يخطبها دكتور و لا كاش حاجة , و نشوفو كيفاش رايحة تعيش معاه

النيفو الدراسي صح مليح , مي ماشي بيه اللي نقيسو
سلام .

 

[yacin89]

هدي جياحة ولا خليني
انا نجيب واحدة مبطلة في السابعة باه ماتتقلش عليا وتقولي انا نيفو عليك يا خي عقلية عاية
وكي تبوره على راسه يقول كون عطيتها لراعي وما تبقاش مقابلتني في الدار

 

[دعاء19]

الله يستر رجعوا على شيء تافه اوا خليها تبقا تسنى الدكتور ولا الوزير لي يي يديها حتى تبقا عانسة وتبقا تقلب غير على لي يدها واخا مقاريش

 

[sosok7]

السلام عليكم اختي الفاضلة.
اللهم انا نسالك العفو العافية في الدنيا و الآخرة.
هناك مثل شعبي يقول:
جيبلي فاهم الله لا قرى.
سبحان الله, في موقف مثل هذا لا الوم البنت لكن الوم اخوها( الفاهم), شخص مثل هذا -الأخ- ليس فيه من الاخلاق ولو مثقال ذرة الله يهديه.
قال الرسول صلى الله عليه و سلم فيما معناه اذا جائكم من ترضون دينه وخلقه فزوجوه.
مع اني لاحظة احبابي الذن سبقوني بالرد و كأنهم يرمون اللوم على البنت الم اكن مخطأ.
اللوم هنا يقع على الأخ الذي قد تكون بينه و بين هذا الشخص خصومات.......... الخصومات في جهة و الزواج في جهة.
في الاخير تقبلي مني فائق التقدير و الاحترام اخوكي في الله محمد سفيان.

​

 

[nassim007]

راه غالط خوووها

المهم يكون ظريف ومتواضع


بارك الله فيك وشكراااااا
​

 

[jaklove]

تبالي هذي المخلوقة راح تبور لحساب هدرت خوها
اهم حاجة في الراجل هي الخلق والدين
وربي يلطف
صح فطوركم
​

 

[PH14YAHIA]

السلام عليكم
هاكم خوتي خليونا نحكو في الواقع
انا شخصيا مانجيبش وحدة فايتتني بيوم دراسي بويسك علابالي بلي غير تحكي معاها تلعبهالك طوب وهي في نهاية لمطاف شيرة وانا راجل ومهما يكون الراجل يبقى راجل سي مي وين رانا في المجتمه العاي وناسو العايين والجايحين خلى لمراة دير رجليها والارجل يتروفز
اي انا ولو كنت نيفو نافيام وسي نورمال خوتي ونجيب وحدة ويتيام ولا ماقراتش خلاص ومانجيبش ليسلنسي ولا ماجيستر تتكبر علي بورطو نقريها

مرسي لعزيزة ​

 

[amira-ange]

مافيها والو لوكان يكون مستواها طالع عليه المهم التفاهم
أما بالنسبة ليا ميهمنيش النيفو خلآص المهم يكون دين ويخاف ربي ودا أخلاق
ربي يهديهم أجمعين​

 

[ماكانش]

يعطيك الصحة ختي
أنا كي قلتي عايلتها معروفة ووو ... عرفتهم راح يكونو متكبرين ....​

 

[AHLEM1992]

ماهيش مليحة العقلية هاذي , صافي اللي قاري كثر هو اللي يديها ؟ ولينا في مزاد هاذا
واش نقولك خليها تتسنى ضرك يخطبها دكتور و لا كاش حاجة , و نشوفو كيفاش رايحة تعيش معاه

النيفو الدراسي صح مليح , مي ماشي بيه اللي نقيسو
سلام .

الله يعطيك الصحة ،،
هي المهم يكون قاري و الناس تقول عليها شوفو فلانة واش ادات
و هذاك التفاهم ماراهش قاع عندو قيمة عند البعض
مشكور على مرورك اخي الكريم
لك تحياتي ..
​

 

[AHLEM1992]

هدي جياحة ولا خليني
انا نجيب واحدة مبطلة في السابعة باه ماتتقلش عليا وتقولي انا نيفو عليك يا خي عقلية عاية
وكي تبوره على راسه يقول كون عطيتها لراعي وما تبقاش مقابلتني في الدار

المهم تكون فاهمة و المربية و المستوى ماعليش ما يهمش
+
طبعا الطفلة اخذو برأيها ماشي غير رأي خوها في هادي الحالة
.
.
شكرا على مرورك​

 

[AHLEM1992]

الله يستر رجعوا على شيء تافه اوا خليها تبقا تسنى الدكتور ولا الوزير لي يي يديها حتى تبقا عانسة وتبقا تقلب غير على لي يدها واخا مقاريش

آمين يا رب
راهي تستنا ... مي هو تزوج و راه بالذراري
و كلشي بالمكتوب خيتو
مشكورة على المرور..
​

 

[AHLEM1992]

السلام عليكم اختي الفاضلة.

اللهم انا نسالك العفو العافية في الدنيا و الآخرة.
هناك مثل شعبي يقول:
جيبلي فاهم الله لا قرى.
سبحان الله, في موقف مثل هذا لا الوم البنت لكن الوم اخوها( الفاهم), شخص مثل هذا -الأخ- ليس فيه من الاخلاق ولو مثقال ذرة الله يهديه.
قال الرسول صلى الله عليه و سلم فيما معناه اذا جائكم من ترضون دينه وخلقه فزوجوه.
مع اني لاحظة احبابي الذن سبقوني بالرد و كأنهم يرمون اللوم على البنت الم اكن مخطأ.
اللوم هنا يقع على الأخ الذي قد تكون بينه و بين هذا الشخص خصومات.......... الخصومات في جهة و الزواج في جهة.
في الاخير تقبلي مني فائق التقدير و الاحترام اخوكي في الله محمد سفيان.​

بارك الله فيك اخي
قال الرسول صلى الله عليه و سلم فيما معناه اذا جائكم من ترضون دينه وخلقه فزوجوه.
.. صدق رسول الله..
مي ضرك شكون الي راهي تحوس على دين الا القليل
ضرك يحوسو ادا عندك دار وحدك ، توموبيل ، خدمة مليحة ... الخ
لكن طبعا اللوم ليس على اخوها كله لوكان هي قبلت خوها ماعندو واش يبدل
الله يخليك.. شكرا على المرور
​

 

[AHLEM1992]

راه غالط خوووها ​

المهم يكون ظريف ومتواضع ​

بارك الله فيك وشكراااااا​

يا خويا الشروط ضرك تبدلت :huh:
ولينا نحوسو على الحاجة الفانية للاسف ..!!!
و ولينا نخافو هدرة الناس ( قارية و لمن راحت )
،،
و فيك بارك الرحمان
الله يعطيك الصحة ..
​

 

[47yassin]

ولينا في المزاد العلني شغل ختو مش مخلوقة من طين
ربي يبعد علينا ناس كيما هذو
​

 

[AHLEM1992]

تبالي هذي المخلوقة راح تبور لحساب هدرت خوها

اهم حاجة في الراجل هي الخلق والدين
وربي يلطف
صح فطوركم​

صح اهم حاجة الخلق و الدين
مي الناس تبدلت و تبدل تفكيرها ثاني
بارك الله فيك على المرور​

​

السلام عليكم

هاكم خوتي خليونا نحكو في الواقع
انا شخصيا مانجيبش وحدة فايتتني بيوم دراسي بويسك علابالي بلي غير تحكي معاها تلعبهالك طوب وهي في نهاية لمطاف شيرة وانا راجل ومهما يكون الراجل يبقى راجل سي مي وين رانا في المجتمه العاي وناسو العايين والجايحين خلى لمراة دير رجليها والارجل يتروفز
اي انا ولو كنت نيفو نافيام وسي نورمال خوتي ونجيب وحدة ويتيام ولا ماقراتش خلاص ومانجيبش ليسلنسي ولا ماجيستر تتكبر علي بورطو نقريها ​

مرسي لعزيزة

و عليكم السلام و رحمة الله
يعطيك الصحة خويا على صراحتك
كاين الي ما تحشمش و قادر مرة لوكان يناقشو كاش موضوع و يقول رايو تقلو انا القارية ولا انت
مي كلشي على حساب تفكير الطفلة كيفاش
بارك الله فيك​

مافيها والو لوكان يكون مستواها طالع عليه المهم التفاهم

أما بالنسبة ليا ميهمنيش النيفو خلآص المهم يكون دين ويخاف ربي ودا أخلاق
ربي يهديهم أجمعين​

ربي يحفظك ختي
راكي خيرتي الصح .. ربي يعطيك على حساب قلبك
بارك الله فيك على المرور
​

يعطيك الصحة ختي

أنا كي قلتي عايلتها معروفة ووو ... عرفتهم راح يكونو متكبرين ....​

بارك الله فيك اخي على المرور
ربي يهدينا برك ..
​

 

[AHLEM1992]

ولينا في المزاد العلني شغل ختو مش مخلوقة من طين

ربي يبعد علينا ناس كيما هذو​

كامل رانا كيف كيف مي كاين الي حاكمها شوي غرور و تكبر
بارك الله فيك اخي على مرورك...​

 

[الاميرة ريان]

المهم يكون خدام ومتربي اما 2 جامعي هاذي تفاهة

 

[DARINE05]

هذي ميش عقلية