البنات مخلوقات عجيبة

[CapiTaine]

راني في منتدى --> واش راك تهدر<-- و حاب نقلكم حاجة اكتشفتها في المخلوقات العجيبة (قصدي البنات) و هي كيفاش راهم يشوفو فينا

إذا مدحتهــا تقلك راك كـــــذاب

وإذا لم تمدحهـــا تشوفك بلي منعدم الإحساس

إذا وافقتها على كل حاجة باغيتها تشوفك منعدم الشخصية نهائيااااااااا

وإذا لم توافقهـــا أنت راجـــل ميفهمش ------> (دايما مظلومين )

إذا كنت كل يوم تتلاقا بيها تقول عليك راجــل "غثيــث"

و إذا قللت من شوفتها تقول عليك راجل معلبالوش -----> "شوفو يا ناس "

إذا كــنـــت تهتم بروحك و شياكتك و الجال .... الخ تشوفك تبريزونتي في روحك و تقول يلعب بيا

وإذا متلبسش مليح أنـــت راجـــل تحوس تعصبها

إذا كـنــت تغير عليها أنت طبايعك مش ملاح

وإذا كنت متغيرش عليها تقلك راك متحبنيش

إذا طولت عليها دقيقة .تتقلق وتقول : وين راح الـ........! (حاجة من طبايعهم)

إذا خليتها تمشي وراك تقول عليك عديم الأخلاق -----> نفسها اذا مشيت معاها ولا قدامها

و إذا كان يشوف فيها راجل . تفكير المخلوقة يديها طول بلي راه واحد من المعجبين نتاوعها "مغرورة"


كثرت عليكم نختصر لكم الكلام و نقلكم بلي البنات عاديات جداااااااااااا و معقدات اكثر من جدااااا و ضعيفات و متناقضات و متقدرش تعيش معاهم و متقدرش تستغنى عليهم

و هذي طبعا في أغلب البنات ماشي كلهم


قوليلي كلامي صح و لا خطأ

​

 

[حسان]

صح و الله صح و 1000 دليل على انه صح


و اعجبتني هذه الجملة

إذا كـنــت تغير عليها أنت طبايعك مش ملاح

وإذا كنت متغيرش عليها تقلك راك متحبنيش

أقول لك شكر لك فقد كشفتهم و أظهرتهم للعيان

و نقول للبنات بمناسبة فكرو في حل لهذه أقوال بالحكمة و اتركوا رجال يعبرون عن مشاعرهم بكل حرية

ههههههههههههههه

مع إحترامي لكل أخواتي

و صح هناك بنات ليس فيهم هذه الصفات

شكر لك يا CapiTaine موضوعك رائع جد مع كل احترامي لبنات

كما يمكن للبنات أن يعقبوا و يعيدون الكرة للطبائع ذكور و هذا حتى نفهم بعضنا بعض​

 

[CapiTaine]

مشكوووور أخي حسان و الحمد لله انك وافقتني الرأي ​

 

[lg_dz]

مشكوور خويا والله غير عندك الحق حبيت نفهم واش يدورا في الراس انتاع البنت وكيفاه تحوس يكون الراجل بعينيها

وارضاء الناس غاية لاتدرك اما ارضاء البنات فاراه من المستحيلات السبع لكن فالاكيد انا اقول عن الاغلبية ولا اقول عن الكل لانو توجد ماشاء الله على البنات رب يرزقنا من امثاالهم قولو امين

تحياتي

 

[the_life]

علابلك خويا كابتان نتاع اعجوبة نتا فنان
علا بالك البنات صح البنات مخلوقات عجيبة ما يعجبهمش العجب دارو فينا التير الله يسامحهم

 

[sousou22]

:d السلام عليكم
وعلاه اخويا قلبك راه معمر منا انتم الرجال ديما هكدا اتنحو الشي الي فيكم وديره في الناس
ربي يهديكم برك هدا ما نقدر نقول و الحقيقة والله عجبني كلامك

 

[mca406]

شكرا جزيلا اخي كابتان على الموضوع الحساس

لقد كشفتهم امام العيان ههههههههههههه

بصح ياخي ربي قال عليهم في القران "...ان كيدهن لعظيم..."
هههههههههههه

الله غالب واعرين

ربي يحفظك شريكي​

 

[mca406]

اختي حبيبتي العزيزة sousou22 ما تزعفيش كل واحد ياخي عندو الحق يعبر واش يحس
الديموقراطية
ههههههههههههههههههه​

 

[زنوبة dz]

اخي نضن اني موافقتك في بعض الاشياء لان البنات يحبوا يكونوا وكانهم كنز عند الرجل واحنا نعرفوا ان الرجل ميعرفش يعبر عن مشاعره لذلك فتحس المراة انها معندهاش قيمة قدامو ولذلك فالخطا ليس فقط خطا النساء بل انه خطا الرجال والنساء ايضا وانا معك في انو النساء يزودن الموضوع شوي لكن يا اخي النساء حساسات بزاف الحاجة الصغيرة تقيسها بزاف فاتمنا انكم تهتموا بالنساء وليس تعلنوا عليهن حرب من الكلام السيء وانا بدوري جرحي كلامك بزاف لكن نضن انك تفهم موقف المراة قدام الرجل اللي تحبو وتكافح باش يعيشوا في سعادة فهي دائما تكرس حياتها كلها من اجله فيجب عليه ايضا ان يعطيها نفس الشعور
والله اعلم

 

[عاشق اللمة الجزائرية]

صحا كابتن كل اللي حكيته صح ، لكن ما نوافقكش كي سميتهم مخلوقات عجيبه ، لانهم امهاتنا واخواتنا ابار هذي النقطة راني معاك هههههههههههههههههههههههه

 

[CapiTaine]

مشكور خويا lg_dz و الله عجبتي الكلمة هذي

وارضاء الناس غاية لاتدرك اما ارضاء البنات فاراه من المستحيلات السبع تحياتي

 

[CapiTaine]

علابلك خويا كابتان نتاع اعجوبة نتا فنان
علا بالك البنات صح البنات مخلوقات عجيبة ما يعجبهمش العجب دارو فينا التير الله يسامحهم

مرحبا بيك خويا the life نشكرك بزاف على رأيك الصحيح 100% و راني ندعي معاك ربي يسامحهم ​

 

[CapiTaine]

:d السلام عليكم
وعلاه اخويا قلبك راه معمر منا انتم الرجال ديما هكدا اتنحو الشي الي فيكم وديره في الناس
ربي يهديكم برك هدا ما نقدر نقول و الحقيقة والله عجبني كلامك

اسمحيلي ختي سوسو حبيت نقلك قلبي مش معمر قلبي مدمر و يهدينا كلنا انشاء الله
مشكووورة على كلامة اللطيف Merci sousou22​

 

[CapiTaine]

بصح ياخي ربي قال عليهم في القران "...ان كيدهن لعظيم..."
هههههههههههه
SIZE]​

مشكور أخي mca406 على الرد و على البرهان ان كيدهن فعلا عظيم ---> الله يستر ​

 

[CapiTaine]

يا اخي النساء حساسات بزاف الحاجة الصغيرة تقيسها بزاف فاتمنا انكم تهتموا بالنساء وليس تعلنوا عليهن حرب من الكلام السيء وانا بدوري جرحي كلامك بزاف لكن نضن انك تفهم موقف المراة قدام الرجل اللي تحبو وتكافح باش يعيشوا في سعادة فهي دائما تكرس حياتها كلها من اجله فيجب عليه ايضا ان يعطيها نفس الشعور
والله اعلم

صح صيامك ختي زنوبة

قالو من قبلك بلي النساء حساسات كيما راكي تقولي لكن كلنا نعرفو حقيقة المرأة انها تستعمل اسلوب عاطفي و اغرائي بهمسها و البعض تستعملو بجمالها و كأنها من يوم زادت من بطن أمها تدرس علم النفس ، و الكفاح الي راكي تتكلمي عليه هاذاك للراجل ماشي للمرأة حنا زدنا باش تعيشو معانا مش نعيشو معاكم و نحتاجوكم انتم تحسو بينا

تحياتي لكن​

 

[CapiTaine]

صحا كابتن كل اللي حكيته صح ، لكن ما نوافقكش كي سميتهم مخلوقات عجيبه ، لانهم امهاتنا واخواتنا ابار هذي النقطة راني معاك هههههههههههههههههههههههه

مشكور كيراني عجبتك مي راني حددت في الموضوع و قت اغلب البنات يستاهلو هاذا الاسم ماشي كلهم
و ربي يحفظ أمهات كل المسلمين انشاء الله​

 

[زنوبة dz]

اخي انت بكلامك راك تسيء للمراة واسمحلي نقولك راك غالط في كلامك لان وراء كل رجل عظيم امراة فلا تحتكر النساء لان النساء اساس حياتك انت بالذات فامك مراة ولا مو مراة والله ياخي فكر مليح في كلامك واسمحلي لاني تدخلت واضن ان الموضوع هام جدا جدا

 

[CapiTaine]

راك غالط في كلامك لان وراء كل رجل عظيم امراة

ركزيلي على الكلمة هذي ختي زينب ---> رجل عظيم <---

نسمع بزاف هذي المقولة : في رأس المرأة فكرتان انها تريد كل شيء و الا تعمل أي شيء بالنار يختبر الذهب وبالذهب تختبر المرأة وبالمرأة يختبر الرجل.

و هذي نشوف فيها 100 % صح في وقتنا هذا


ملاحظة عن بعض خبايا المخلوقات العجيبة (البنات)

ثلاثة أشياء لا تتفق مع المرأة: الأعزب ــ والسر ــ والصمت
ثلاثة أشياء لا تهدأ أبداً: الماء ـــ والهواء ـ والنساء
ثلاثة تتمتع بها المرأة : الفطنة ــ وسلامة الذوق ــ والغيرة
ثلاثة تجيدها المرأة: البكاء ـ والإغراء ــ والدهاء
ثلاثة أمور تزيد المرأة إجلالاً: الأدب ــ والعلم ــ والخلق الحسن
ثلاثة لا تحبها المرأة: امرأة أجمل منها ـــ ومن يسألها عن عمرها ــ ومن يسألها عن ماضيها·
ثلاثة تهتم بها المرأة: المال ــ والوقت ــ والصحة
ثلاثة متحبهمش : مثقف مغرور ــ وشاب مراهق ــ وامرأة جميلة​

 

[زنوبة dz]

وهادو من ايجابيات المراة وهي قلبي ضعيف
لكن ااكد لك انها حنونة كثير وتحب الصدق وصحيح تحب انها تكون جميلة هاذي صفات المراة او لا
الله جميل يحب الجمال

 

[the_life]

اياياي علا بالك كابيتان وكنك تهدر بلساني وعلاش مارانيش عارف تعرف بلي راك تعبر على المشاعر دياولي بدقة متناهية ؟
شوف خو يا كابتان كلامك مية مية صح ونضن بلي الغاشي كامل ساندك في واش قلت ابار زوزو ديالنا